மாங்குளம் – பனிச்சங்குளம் பிரதேசத்தில் இடம்பெற்ற வாகன விபத்தில் இளைஞர் ஒருவர் உயிரிழந்துள்ளார்.
வவுனியாவில் இருந்து யாழ்ப்பாணம் நோக்கி பயணித்த மோட்டார் சைக்கிள் ஒன்று, அதிக வேகத்தின் காரணமாக பாதையைவிட்டு விலகி விபத்துக்குள்ளாகியுள்ளது.
விபத்தில் காயமடைந்த 33 வயதான முத்து ரெஜிதரன் என்ற இளைஞர் வவுனியா வைத்தியசாலையில் அனுமதிக்கப்பட்ட போது உயிரிழந்துள்ளார்.
பிரேதப் பரிசோதனைகள் நேற்று இடம்பெற்றதுடன் சடலம் உறவினர்களிடம் ஒப்படைக்கப்பட்டுள்ளது.
அநுராதபுரம் – விகாரகல்மில்குளம் பகுதி வீடொன்றில் இருந்து ஐவர் சடலமாக மீட்கப்பட்டுள்ளனர். இச்சடலங்கள் இன்று காலை மீட்கப்பட்டதாக அநுராதபுரம் பொலிஸார் தெரிவித்தனர்.
3 பெண்கள் மற்றும் 2 ஆண்களே இவ்வாறு சடலமாக மீட்கப்பட்டுள்ளனர். மரணங்கள் குறித்து அநுராதபுரம் பொலிஸார் விசாரணை ஆரம்பித்துள்ளனர்.
இலங்கையில் இடம்பெறவுள்ள பொதுநலவாய மாநாட்டில் இந்திய பிரதமர் மன்மோகன் சிங் பங்கேற்பதற்கு எதிர்ப்பு மேலும் வலுத்துள்ளது.
காங்கிரசைச் சேர்ந்த மேலும் இரண்டு மத்திய அமைச்சர்கள் பிரதமருக்கு எதிர்ப்பு தெரிவித்துள்ளதால் காங்கிரஸ் வட்டாரத்தில் பரபரப்பு ஏற்பட்டுள்ளது.
கொழும்பில் இம்மாதம் 15ம் திகதியிலிருந்து 17ம் திகதி வரை பொதுநலவாய நாடுகளின் மாநாடு நடக்கிறது. இலங்கையில் நடந்த இறுதிக் கட்டப் போரின்போது ஏராளமான தமிழர்கள் ராணுவத்தால் கொல்லப்பட்டனர்.
எனவே மனித உரிமை மீறல்கள் நடந்த இலங்கையில் பொதுநலவாய நாடுகளின் மாநாடுகள் நடத்தக் கூடாது. அப்படியே நடந்தாலும் அதில் இந்தியா பங்கேற்க கூடாது என தமிழகத்தில் உள்ள அரசியல் கட்சிகள் வலியுறுத்தி வருகின்றன.
இது தொடர்பாக தமிழக சட்டசபையில் ஒருமனதாக தீர்மானமும் நிறைவேற்றப்பட்டது. மத்திய கப்பல் துறை அமைச்சரும் தமிழகத்தை சேர்ந்தவருமான ஜி.கே.வாசன் சமீபத்தில் பிரதமர் மன்மோகன் சிங்கை சந்தித்து பொதுநலவாய மாநாட்டில் பிரதமர் பங்கேற்க கூடாது என வலியுறுத்தினார்.
இதற்கிடையே விடுதலைப் புலிகளின் ஊடகப் பிரிவில் செய்தி வாசிப்பாளராக பணியாற்றிய இசைப்பிரியா, இலங்கை ராணுவத்தால் உயிருடன் பிடிக்கப்படுவது மற்றும் பாலியல் பலாத்காரம் செய்யப்பட்டு கொடுரமாக கொல்லப்படுவது தொடர்பான வீடியோ காட்சிகளை பிரிட்டனின் சனல்-4 நிறுவனம் சமீபத்தில் வெளியிட்டது.
இதனால் பொதுநலவாய மாநாட்டில் பிரதமர் பங்கேற்க கூடாது என்ற எதிர்ப்பு குரல் காங்கிரசுக்குள்ளேயே மேலும் வலுப்பட்டுள்ளது. ராணுவ அமைச்சர் அந்தோணி இந்த விஷயத்தில் தமிழர்களின் உணர்வுகளுக்கு மதிப்பளித்து முடிவெடுக்க வேண்டும் என்றார்.
இந்நிலையில் இலங்கையில் நடக்கும் பொதுநலவாய நாடுகளின் மாநாட்டில் பிரதமர் பங்கேற்க கூடாது என்பது தான் என் நிலை என பிரதமர் அலுவலக விவகாரத் துறை அமைச்சரும் புதுச்சேரி எம்.பி. நாராயணசாமி நேற்று அளித்த பேட்டியில் தெரிவித்துள்ளார்.
இதை பிரதமரிடம் வலியுறுத்தியுள்ளேன். மேலும் சில மத்திய அமைச்சர்களும் இதே கருத்தை பிரதமரிடம் வலியுறுத்தியுள்ளனர். பிரதமர் இலங்கை செல்லக் கூடாது என்பது தான் பெரும்பான்மையினரின் விருப்பம். இவ்வாறு நாராயணசாமி கூறினார்.
இலங்கை ராணுவத்தால் இசைப்பிரியா கொடூரமாக கொலை செய்யப்பட்டதை கண்டிக்கிறேன். அந்த வீடியோவை முழுமையாக பார்க்க முடியாமல் பாதியிலேயே நிறுத்தி விட்டேன். இலங்கையில் நடக்கும் பொதுநலவாய மாநாட்டில் பிரதமர் மன்மோகன் சிங் பங்கேற்க கூடாது என சென்னை விமான நிலையத்தில் மத்திய சுற்றுச் சூழல் துறை அமைச்சரும் தமிழகத்தை சேர்ந்தவருமான ஜெயந்தி நடராஜன் தெரிவித்துள்ளார்.
மனித உரிமை மீறல் நடந்துள்ள இலங்கையில் நடக்கும் மாநாட்டில், யாரும் பங்கேற்க கூடாது. இதுகுறித்து பிரதமருக்கு விரைவில் கடிதம் எழுத உள்ளேன் எனவும் அவர் கூறினார்.
ஆனால் மத்திய வர்த்தக துறை இணை அமைச்சர், தமிழகத்தை சேர்ந்தவருமான சுதர்சன நாச்சியப்பன், இலங்கையில் வசிக்கும் தமிழர்களின் நலனை கருத்தில் கொண்டு பிரதமர் மன்மோகன் சிங், பொதுநலவாய நாடுகளின் மாநாட்டில் பங்கேற்பதற்காக இலங்கை செல்ல வேண்டும் என்றார்.
பொதுநலவாய நாடுகளின் மாநாட்டில் பங்கேற்க பிரதமருக்கு காங். கட்சிக்குள்ளேயே எதிர்ப்பு வலுத்துள்ளதால் காங்கிரஸ் வட்டாரத்தில் பரபரப்பு ஏற்பட்டுள்ளது.
காங்கிரஸ் செய்தி தொடர்பாளர் மீம் அப்சல் கூறியதாவது.. இது மிகவும் உணர்ச்சிப்பூர்வமான விஷயம். இதுபோன்ற விஷயங்களில் அரசுடன் ஆலோசித்து அதற்கு பின் தான் காங்கிரஸ் கட்சி முடிவு செய்யும். இது தொடர்பாக அரசு தரப்பில் என்ன முடிவு எடுக்கப்படுகிறதோ அதுவே காங்கிரசின் முடிவு.
பொதுநலவாய நாடுகளின் மாநாட்டில் பங்கேற்பது குறித்த விஷயத்தில் விரிவான ஆலோசனைக்கு பின் பிரதமர் மன்மோகன் சிங் முடிவெடுப்பார். இதில் எங்களின் கருத்தை தெரிவிக்க முடியாது. அது சரியான செயல் அல்ல.இவ்வாறு அவர் கூறினார்.
பிரபுதேவாவுடனான காதல் முறிவுக்கு பிறகு வெற்றிகரமாக இரண்டாவது இன்னிங்சை தொடங்கியுள்ளார் நயன்தாரா. ராஜாராணி, ஆரம்பம் என வரிசையாக படங்களில் நடித்து முடித்துவிட்டார். தற்போது உதயநிதியுடன் இது கதிர்வேலன் காதல் என்ற படத்தில் நடித்து வருகிறார். இதுதவிர தெலுங்கிலும் நடித்து வருகிறார்.
விதவிதமான கதாபாத்திரங்களில் நடிக்க வாய்ப்புகள் குவிந்தாலும் தனக்கேற்றவாறு கதாபாத்திரங்களை தேர்வு செய்து நடித்து வருகிறார். இந்நிலையில் நயன்தாரா பற்றிய புதிய தகவல் ஒன்று வெளியாகியுள்ளது.
அதாவது சமீபகாலமாக நயன்தரா தோல் சம்பந்தமான பிரச்சினையால் பெரும் அவதிப்பட்டு வருகிறாராம். இதற்கு அதிகமாக மேக்கப் போடுவதுதான் காரணம் என்கிறார்கள். அசைவ உணவு சாப்பிட்டாலே இவரது தோல் அலர்ஜி பிரச்சினை அதிகமாகிவிடுகிறதாம். இதற்காக கேரளாவில் ஆயுர்வேத சிகிச்சை பெற்று வருகிறாராம்.
இதேபோல்தான் நடிகை சமந்தாவும் தோல் அலர்ஜி பிரச்சினையால் முன்னணி இயக்குனர்களின் படங்களில் நடிக்க வந்த வாய்ப்பை எல்லாம் இழந்து 3 மாதங்கள் சினிமாவிலிருந்து ஒதுங்கி இருந்தார் என்பது குறிப்பிடத்தக்கது.
இந்திய அணியின் நட்சத்திர வீரர் சச்சின் டெண்டுல்கரின் இடத்தை விராத் கோலி நிச்சயம் நிரப்புவார் என இயன் சப்பல் நம்பிக்கை தெரிவித்துள்ளார்.
இந்திய அணியின் இளம் வீரர்களில் ஒருவரான விராத் கோலி, சிறப்பான ஆட்டத்தின் மூலம் மிரட்டுகிறார். சமீபத்தில் நடந்த அவுஸ்திரேலியாவுக்கு எதிரான ஒருநாள் தொடரில் 2 சதம் எடுத்தார்.
இந்நிலையில் இவரால் சச்சினின் இடத்தை நிரப்ப முடியும் என அவுஸ்திரேலிய அணியின் முன்னாள் அணித்தலைவரும், தொலைக்காட்சி வர்ணனையாளருமான இயன் சப்பல் நம்பிக்கை தெரிவித்துள்ளார்.
இதுகுறித்து அவர் கூறுகையில், இந்திய கிரிக்கெட்டின் சகாப்தமான டெண்டுல்கர் ஒய்வு பெறுவதாக எண்ணி அவுஸ்திரேலிய பந்துவீச்சாளர்கள் நிம்மதி அடைந்து உள்ளனர் என்றாலும் இளம் வீரராக திகழும் இந்திய அணியின் இளவரசரான விராத் கோலி அந்த இடத்தை நிரப்புவதற்கான சாத்தியக்கூறுகள் இருக்கின்றன.
அவுஸ்திரேலியாவுக்கு எதிராக கோலி அடித்த 2 சதங்களும், 1998ல் அவுஸ்திரேலியாவுக்கு எதிராக ஷார்ஜாவில் சச்சின் அடித்த 2 சதங்களை நினைவுப்படுத்துகின்றன.
சேசிங் செய்யும்போது அணியின் வெற்றியில் கோலிக்கு பெரும் பங்கு உள்ளது என்று தெரிவித்துள்ளார்.
இதேபோன்று சச்சினின் 49 சதங்கள் என்ற சாதனையை கோலி முறியடிப்பார் என சுனில் கவாஸ்கர் கூறியிருந்தது குறிப்பிடத்தக்கது.
அமெரிக்க இராணுவத்தின் கட்டளைகளை ஏற்று பணியாற்றுகின்ற மருத்துவ நிபுணர்கள், பயங்கரவாத சந்தேகநபர்களை கொடூரமாகவும் இழிவாகவும் நடத்தியுள்ளதாக புதிய அறிக்கை ஒன்று கூறுகிறது.
தேசிய பாதுகாப்பின் பேரில் மருத்துவ ஒழுக்கநெறிகளை மீறிச் செயற்படுமாறு அமெரிக்க இராணுவத்தினரும் புலனாய்வு நிறுவனங்களும் மருத்துவர்களுக்கும் உளவியல் நிபுணர்களுக்கும் அறிவுறுத்தல் வழங்கியுள்ளதாக அந்த அறிக்கை சுட்டிக்காட்டுகிறது.
நீருக்குள் மூழ்கும் உணர்வை ஏற்படுத்தி மூச்சித்திணறச் செய்து சந்தேகநபர்களை சித்திரவதை செய்யும் வாட்டர்போடிங் போன்ற விசாரணை முறைகள் சட்டரீதியாக தடைசெய்யப்பட்டுள்ள நிலையில் மருத்துவப் பணியாளர்கள் இன்னும் அவ்வாறான மோசமான கொடூரங்களை புரியுமாறு பணிக்கப்படுவதாக தெரியவந்துள்ளது.
தடுப்புக்காவல் கைதிகளை கட்டாயப்படுத்தி அவர்களின் விருப்பத்துக்கு மாறாக உணவை திணிக்கும் துன்புறுத்தல்கள் குவாந்தனாமோ பே போன்ற பல சிறைக்கூடங்களில் இன்னும் தொடர்வதாக அந்த அறிக்கை சுட்டிக்காட்டுகிறது.
இராணுவ, சுகாதார, ஒழுக்க விழுமியங்கள் மற்றும் சட்டத்துறை சார்ந்த நிபுணர்களை உள்ளடக்கிய சுயாதீன குழுவொன்றினாலேயே இந்த அறிக்கை தயாரிக்கப்பட்டுள்ளது.
அரச நிறுவனங்களிலுள்ள ஆவணங்களை இரண்டு ஆண்டுகளாக ஆய்வுசெய்து வந்ததன் முடிவில் அந்தக் குழு இந்த அறிக்கையை தயாரித்துள்ளது.
இந்தக் குற்றச்சாட்டுக்கள் முழுவதுமாக அபத்தமானவை என்று அமெரிக்க பாதுகாப்புத்துறை பேச்சாளர் ஒருவர் கூறினார்.
இந்தியாவின் மும்பையில் 16 வயது சிறுமி ஒருவரை 4 பேர் கொண்ட கும்பல் கட்டாயாப்படுத்தி மது குடிக்க வைத்து, பாலியல் பலாத்காரம் செய்த சம்பவம் அதிர்ச்சியை ஏற்படுத்தி உள்ளது.
இதில் இரண்டு பேர் அந்த பெண்ணின் நண்பர்கள் ஆவர். மும்பை கோரேகாவ் கிழக்கு பகுதியை சேர்ந்த சிறுமி ஒருவரே இந்த கொடூரத்திற்கு முகம்கொடுத்துள்ளார்.
குறித்த சிறுமியின் தந்தை கடந்த 2 ஆண்டுகளுக்கு முன்னரே இறந்துவிட்டார். சில மாதங்களுக்கு முன்னர் தாயும் இவர்களை விட்டுவிட்டு போய்விடவே சிறுமி தனது சகோதரனுடன் வசித்து வந்தார்.
இதனிடையே சிறுமிக்கு கடந்த 2 ஆண்டுகளுக்கு முன்னர் 20 வயதுக்கு உட்பட்ட 2 பேர் நண்பர்களாக அறிமுகமாகி இருந்தார்கள். இந்நிலையில் அவர்கள் இருவரும் கடந்த வெள்ளிக்கிழமையன்று இரவு சிறுமியை தொடர்புகொண்டு, தீபாவளி பூஜைக்கு வருமாறு அழைத்துள்ளனர்.
அங்குள்ள மாடா பாலம் அருகே வருமாறு அவர்கள் கூறியதை கேட்டு, அங்கு சென்றார் சிறுமி. அங்கு அவருக்கு ஏற்கனவே அறிமுகமான 2 பேருடன் மேலும் இரண்டு பேர் சேர்ந்துகொண்டு கட்டாயமாக மது குடிக்க வைத்துள்ளனர்.
பின்னர் அவர்கள் சிறுமியை கூட்டாக பாலியல் பலாத்காரம் செய்துள்ளனர்.
இந்த சம்பவம் இரவு 9 மணியிலிருந்து 11 மணிக்குள் நடைபெற்றுள்ளது. பலாத்கார சம்பவத்திற்கு பின்னர் அந்த 4 பேரும் உணவு விடுதி ஒன்றில் சாப்பிட்டுக்கொண்டிருந்தபோது, அங்கிருந்து தப்பித்து சிறுமி வீட்டிற்கு வந்துவிட்டார்.
உடனடியாக இந்த சம்பவம் குறித்து வீட்டில் தெரிவிக்காத சிறுமி, நேற்றுதான் தனது குடும்பத்தினரிடம் கூறியுள்ளார்.
இதனையடுத்து சிறுமியின் சகோதரர் அருகிலுள்ள பொலிஸ் நிலையத்திற்கு அவரை அழைத்துச் சென்று புகார் கொடுக்க வைத்தார். பொலிசார் வழக்குப்பதிவு செய்து குற்றவாளிகளை தேடி வருகின்றனர். குற்றவாளிகளில் 2 பேர் மீது ஏற்கனவே பொலிஸ் நிலையத்தில் சில வழக்குகள் உள்ளதாக பொலிஸ் அதிகாரி ஒருவர் தெரிவித்தார்.
வவனியா நகர சபையின் கீழுள்ள பொது நூலகம் அகில இலங்கை ரீதியில் இரண்டாமிடத்தை பெற்றுள்ளது. தேசிய நூலக ஆவணமாக்கல் சபையினால் நடாத்தப்பட்ட போட்டியிலேயே தேசிய ரீதியில் இரண்டாமிடத்தினை பெற்றுள்ளது.
கடந்த வாரம் இலங்கை மன்ற கல்லூரியில் இடம்பெற்ற விருது வழங்கல் நிகழ்வின்போது இந்த விருது வழங்கப்பட்டது. வவுனியா பொது நூலகத்திலேயே இலங்கையில் முதன் முறையாக கண்பார்வையற்றோருக்கான நூலகம் அமைந்துள்ளமை இங்கு குறிப்படத்தக்கது.
கடந்த 2000ம் ஆண்டில் உலக அழகி பட்டம் வென்றவர் பிரியங்கா சோப்ரா. இதையடுத்து இந்தி படங்களில் கதாநாயகியாக இன்று வரை நடித்து வருகிறார். தமிழிலும் தமிழன் படத்தில் விஜய்க்கு ஜோடியாக நடித்துள்ளார்.
31 வயதாகும் பிரியங்கா சோப்ராவுக்கு தற்போது திருமண ஆசை துளிர்விட்டிருக்கிறது. இவருடைய தம்பி சித்தார்த் சோப்ராவுக்கு சமீபத்தில் திருமண நிச்சயதார்த்தம் நடைபெற்றது. அடுத்த ஆண்டு திருமணம் நடைபெறவிருக்கிறது.
தம்பிக்கு திருமணம் நெருங்கும் வேளையில் தன்னுடைய திருமணத்தைப் பற்றியும் வாய் திறந்துள்ளார் பிரியங்கா சோப்ரா. இதுகுறித்து அவர் கூறும்போது,
நான் திருமணம் செய்வதற்கு எந்த நெருக்கடியும் இல்லை. பெற்றோரும், குடும்பத்தினரும் எனக்கு எந்த நிர்பந்தமும் விதிக்கவில்லை. என்றாலும் எனக்கு தகுதியான மணமகனை தேடிக்கொண்டிருக்கிறேன். என்னை புரிந்து கொள்பவராகவும், பெண்களை மதிக்கத் தெரிந்தவராகவும் இருக்கவேண்டும் என்பதே என்னுடைய முதல் கண்டிஷன்.
அப்படி எனக்கு தகுதியான மணமகன் கிடைத்தால் கட்டாயம் திருமணம் செய்துகொள்வேன். ஆனால் தகுதியான மணமகன் கிடைக்காவிட்டால் திருமணம் செய்யாமலேயே கடைசிவரை இருந்துவிடுவேன். தகுதியற்றவருடன் என்னால் செயற்கையாக வாழ்க்கையை கழிக்க முடியாது என்று அவர் கூறியுள்ளார்.
கிளிநொச்சி இரணைமடுக்குளத்தில் தற்போது அதிகளவில் இறால் பிடிக்கப்படுவதாக கிளிநொச்சி மாவட்ட நன்னீர் மீன்பிடி விரிவாக்க அலுவலர் எஸ்.திலீபன் தெரிவித்தார். கிளிநொச்சி அரச செயலகத்தில் இடம்பெற்ற விவசாயக் கூட்டத்திலேயே மேற்கண்டவாறு அவர் தெரிவித்துள்ளார்.
குளங்களில் மீன்குஞ்சுகளை விட்டு அவை வளர்ச்சியடைந்ததும் பிடிக்கப்பட்டு விற்பதால் அதிக இலாபத்தைப் பெறக் கூடியதாக உள்ளது.நாம் அடையாளப்படுத்தியுள்ள குளங்களில் கமக்கார அமைப்புக்களுடன் கிராம மக்களையும் இணைத்து மீன் குஞ்சுகளை வளர்ப்பதற்கான நடவடிக்கைகளை மேற்கொண்டு வருகின்றோம்.
பெரிய குளங்களில் நடப்பாண்டில் சுமார் 8இலட்சம் மீன் குஞ்சுகள் விடப்பட்டுள்ளன. இரணைமடுக் குளத்தில் 80 ஆயிரம் இறால் குஞ்சுகளும் விடப்பட்டன. தற்போது பிடிபடும் மூன்று இறால்கள் ஒரு கிலோ நிறை உள்ள நிலையில் இறால் ஒன்று 80ரூபா வீதம் விற்பனை செய்யப்படுவதாகவும் அவர் தெரிவித்தார்.
பொலிவுட் திரையுலகின் பிரபலமான நடிகையான ஐஸ்வர்யா ராய் கடந்த 1ம் திகதி தனது 40வது பிறந்த நாளைக் கொண்டாடினார். அப்போது நடந்த பத்திரிகையாளர் சந்திப்பில் கணவர் அபிஷேக் பச்சன் அவரது பிறந்த நாளுக்கு அளித்த சிறப்பு பரிசு குறித்து நிருபர்கள் கேட்டனர்.
கணவர் தனக்கு பரிசளித்தார் என்று கூறிய ஐஸ்வர்யா அந்தப் பரிசு என்னவென்பதை அவரிடமே கேட்டுத்தெரிந்து கொள்ளுமாறும் கூறினார்.
மேலும், கணவர் தனக்கு அளித்த விலையில்லாப் பரிசு என்று அவர் தனது மகள் ஆராத்யாவைக் குறிப்பிட்டார். தனது பிறந்த நாளன்று இரவு 12 மணிக்கு தனது பெண் பிறந்தநாள் வாழ்த்து பாடலை பாடியதாக அவர் பெருமையுடன் குறிப்பிட்டார்.
ஆராத்யா தினமும் நேரம் கழித்தே உறங்கும் பழக்கம் கொண்டிருக்கின்றாள். எனவே அன்று நள்ளிரவில் அவள் எனக்குப் பிறந்த நாள் வாழ்த்து பாடலை பாடினாள். அது எனக்கு மிகவும் சிறப்பான தருணமாகும் என்ற ஐஸ்வர்யா முதலில் தனக்குத்தானே பாடிக்கொண்டு பின்னர் தனக்கும் வாழ்த்து பாடியதாக கூறினார்.
சென்ற மாதம் அமிதாப்பச்சன் தனது பிறந்தநாளை கொண்டாடியபோதும் அவருக்கும் ஆராத்யா பிறந்தநாள் வாழ்த்து கூறியதாக ஐஸ்வர்யா மகிழ்ச்சியுடன் தெரிவித்தார்.
இந்தக் குழந்தைகளின் சண்டை, அழுகை, சிரிப்பு எல்லாமே அழகுதான்.. இதையும் கொஞ்சம் பார்த்து சிரியுங்கள்..
சிறுமி ஒருவரை பாலியல் வல்லுறுவுக்கு உட்படுத்திய நிக்கவெரட்டிய சேனாநாயக்கபுர விகராதிபதி பொலிஸாரினால் கைது செய்யப்பட்டுள்ளார்.
11 வயதுடைய சிறுமி ஒருவரை வல்லுறவுக்கு உட்படுத்திய குறித்த விஹாராதிபதி கடந்த சனிக்கிழமை கைது செய்யப்பட்டுள்ளார்.
பாலியல் வல்லுறுவு உட்படுத்தப்பட்ட சிறுமி ஹலம்ப பிரதேசத்தை வதிவிடமாகக் கொண்டவர் எனவும் இதற்கு முன்னரும் இந்த சம்பவம் தொடர்பாக பொலிஸாருக்கு தகவல்கள் கிடைக்கப் பெற்றுள்ளதாகவும் தெரிவிக்கப்படுகிறது.
பாதிக்கப்பட்ட சிறுமி தற்போது வைத்திய சிகிச்சைக்காக நிக்கவெரட்டிய வைத்தியசாலையில் அனுமதிக்கப்பட்டுள்ளார்.
சந்தேகநபர் நீதிமன்றத்தில் ஆஜர் செய்யப்படவுள்ளதாகவும் இது தொடர்பான மேலதிக விசாரணைகளை சேனாநாயக்கபுர பொலிஸார் மேற்கொண்டு வருவதாகவும் மேலும் தெரிவிக்கப்படுகிறது.
இலங்கை கிரிக்கெட் அணியின் முன்னாள் தலைவர் குமார் சங்கக்கார நேற்று ஞாயிற்றுக்கிழமை வவுனியாவிற்கு விஜயம் மேற்கொண்டுள்ளார்.
அகில இலங்கை ரீதியில் நல்லிணக்கத்திற்கான முரளி வெற்றிக் கிண்ண இருபது – 20 போட்டிகள் நேற்று சனிக்கிழமை முதல் வட மாகாணத்தின் ஐந்து இடங்களில் இடம்பெறுகின்றது.
இந்த போட்டியில் பங்குபற்றும் வீரர்களுக்கு ஆலோசனைகளை வழங்கி உற்சாகப்படுத்துவதற்காகவே குமார் சங்கக்கார வட மாகணத்திற்கு விஜயம் மேற்கொண்டுள்ளார்.
வவுனியா, முல்லைத்தீவு மற்றும் கிளிநொச்சி மாவட்டங்களில் நடைபெற்ற கிரிக்கெட் போட்டிகளினை காலை பார்வையிட்ட பின்னர் பிற்பகல் 2 மணிக்கு யாழ்ப்பாணம் சென். பற்றிக்ஸ் கல்லூரிக்கு வருகை தந்துள்ளார்.
உல்லாசத்துக்கு இடையூறாக இருப்பதாக நினைத்து 4 வயது சிறுமியின் கழுத்தை நெரித்து கொன்ற சம்பவம் பரபரப்பை ஏற்படுத்தியுள்ளது.
கேரள மாநிலம் கொச்சி அருகேயுள்ள திருவாளியூரை சேர்ந்தவர் ராணி (24), கூலி வேலை செய்து வந்தார். இவரது கணவருடன் ஏற்பட்ட கருத்து மோதலால், மகள் ஆப்ஸ்(4)உடன் தனியாக வசித்து வந்தார்.
இந்நிலையில் ராணிக்கும், அதே பகுதியை சேர்ந்த ரஞ்சித்(29) என்பவருக்கும் கள்ளத்தொடர்பு ஏற்பட்டது. சந்தர்ப்பம் கிடைக்கும் போதெல்லாம் இருவரும் உல்லாசமாக இருந்து வந்துள்ளனர்.
ரஞ்சித்தின் நண்பர் கேசின்(19) என்வரும் ராணியை விரும்பியுள்ளார். இதற்கு ராணி சம்மதம் தெரிவிக்கவே மூன்று பேரும் ஜொலியாக வாழ்ந்து வந்துள்ளனர்.
இதற்கிடையே கள்ளக்காதலர்களின் உல்லாசத்துக்கு 4 வயது சிறுமி ஆப்ஸ் இடையூராக இருப்பதாக ரஞ்சித் மற்றும் கேசின் நினைத்தனர். இதனால் அந்த சிறுமியை தீர்த்து கட்ட முடிவு செய்தனர்.
சம்பவத்தன்று ராணி வேலைக்கு சென்ற நேரத்தில் சிறுமியை கழுத்தை நெரித்து கொலை செய்ததுடன் குழி தோண்டி புதைத்து விட்டனர். வீடு வந்த பார்த்த போது அதிர்ச்சி அடைந்த ராணி, பொலிசாரிடம் புகார் கொடுத்துள்ளார்.
இதனை தொடர்ந்து பொலிசார் நடத்திய விசாரணையில் ராணியின் சம்மதப்படியே சிறுமியை கொலை செய்தது தெரியவந்தது. இதனையடுத்து ராணி, ரஞ்சித், கேசின் ஆகிய 3 பேரையும் பொலிசார் கைது செய்தனர்.
உலக ஆணழகன் போட்டி, உலக அழகி போட்டி போன்றே சில ஆண்டுகளாக திருநங்கையர்களுக்கான உலக அழகு ராணி போட்டியும் நடைபெற்று வருகிறது.
அவ்வகையில், தாய்லாந்து தலைநகர் பாங்கொக்கில் 9வது உலக திருநங்கையர் அழகு ராணி போட்டி கடந்த வெள்ளிக்கிழமை நடத்தப்பட்டது. அமெரிக்கா, பிரேசில், ஜப்பான், தென் கொரியா ஆகிய 16 நாடுகளை சேர்ந்த திருநங்கைகள் இந்த போட்டியில் பங்கேற்றனர்.
அவர்களது உடல் மற்றும் முக வசீகரம், அறிவுக் கூர்மை ஆகியவற்றின் அடிப்படையில் பட்டத்துக்குரியவர் தேர்வு செய்யப்பட்டார். இதில் பிரேசில் நாட்டை சேர்ந்த மார்கெலோ ஓஹியா(18) அழகு ராணியாக முடிசூட்டப்பட்டார்.
10 ஆயிரம் டொலர் பரிசு மற்றும் தாய்லாந்தின் உல்லாச நகரமான பட்டயாவில் உள்ள விடுதியில் ஓராண்டு வரை இலவசமாக தங்கும் அனுமதி போன்றவையும் அவருக்கு வழங்கப்பட்டுள்ளது.
