அரசு விழாவின் போது தன்னை பாலியல் ரீதியாக தொந்தரவு செய்ததாக அரசியல் பிரமுகர் மீது நடிகை ஸ்வேதா மேனன் புகார் கொடுத்துள்ளார்.

1991ம் ஆண்டு வெளியான அனஸ்வரம் என்ற மலையாள படத்தின் மூலம் திரையுலகில் கால் பதித்தவர் ஸ்வேதா மேனன். மலையாளம் தவிர இந்தி, கன்னடம், தெலுங்கு, தமிழ் என சுமார் 80 படங்களில் நடித்துள்ளார்.

களிமண்ணு என்ற மலையாள படத்தில் இவரது பிரசவ காட்சி இடம்பெற்று பெரும் பரபரப்பை ஏற்படுத்தியது நினைவிருக்கலாம்.
ஜனாதிபதி சுழற்கோப்பைக்கான படகு போட்டி நேற்று கேரள அரசின் சார்பில் கொல்லம் கடற்பகுதியில் நடைபெற்றது.

இந்த விழாவில் நடிகை ஸ்வேதா மேனன் சிறப்பு விருந்தினராக பங்கேற்றார். விழா மேடையில் தன்னிடம் ஒரு முக்கிய பிரமுகர் பாலியல் குறும்பு செய்து கேவலப்படுத்தியதாக அவர் செய்தியாளர்களிடம் தெரிவித்தார்.

அவர் கூறுகையில் நடந்த சம்பவத்தை நினைத்தால் எனக்கு அவமானமாக உள்ளது. என்னிடம் குறும்பு செய்த நபர் யார் என்பதை மாவட்ட கலெக்டரிடம் புகாராக தெரிவித்துள்ளேன் என்று கூறினார்.
ஆனால் அதுபோன்ற புகார் எதுவும் தனக்கு வரவில்லை என்று கலெக்டர் மோகனன் தெரிவித்துள்ளார்.

இதற்கிடையே கேரள அரசியலில் செல்வாக்கு படைத்த ஒரு ஆளுங்கட்சி பிரமுகரின் பெயரை குறிப்பிடும் மகளிர் அமைப்புகள் அவர் மீது உடனடியாக உரிய நடவடிக்கை எடுக்க வேண்டும் என்று வலியுறுத்தி வருகின்றனர்.

முன்னணி ஹீரோக்களுடன் ஜோடி சேர வேண்டும் என்பதற்காக மனீஷாவின் நலம்விரும்பிகள் வதந்திகளை கிளப்பு வருகின்றனராம்.

வழக்கு எண், ஆதலால் காதல் செய்வீர் படங்களை அடுத்து ஜன்னல் ஓரம், பட்டையகிளப்பு பாண்டியா படங்களில் நடித்து வருகிறார் மனீஷா.

இதற்கிடையே தனுஷ் நடிக்கும் புதிய படத்தில் மனீஷா கதாநாயகியாக நடிக்க ஒப்பந்தமாகி உள்ளார் என்று தகவல்கள் வெளியானது. ஆனால் அந்த செய்தியை அவசர அவசரமாக மறுத்தார் அப்படத்தின் இயக்குனர் வெற்றிமாறன்.

தற்போது தனுஷ் அநேகன், வேலையில்லா பட்டதாரி படங்களில் நடித்துக்கொண்டிருக்கிறார்.

அதனால் நான் ஸ்கிரிப்ட் வேலைகளில் இருக்கிறேன், இந்த வேலைகள் முடிந்த பிறகுதான் யாரை கதாநாயகியாக புக் பண்ணலாம் என்பது பற்றி முடிவெடுப்பேன் என்று தெரிவித்து விட்டார்.

நிலைமை இப்படியிருக்க எதற்காக மனீஷா பற்றி இப்படி செய்தி வெளியாக வேண்டும் என்று விசாரித்தபோது மனீஷாவின் நலம் விரும்பிகள்தான் அவரது வளர்ச்சியை துரிதப்படுத்த வேண்டும் என்பதற்காக இப்படி வதந்தி பரப்பி விட்டதாக தெரியவந்துள்ளது.

அதுமட்டுமல்லாமல் மேல்தட்டு ஹீரோக்களுடன் இணைத்து செய்தி பரவினால் சீக்கிரம் நடைமுறைக்கு வந்துவிடும் என்பது அவர்களின் எண்ணமாம்.

பெண்களை இழிவுபடுத்துவது போல் அமைந்த சந்தானத்தின் வசனத்தை என்றென்றும் புன்னகை படத்திலிருந்து நீக்கியுள்ளனர்.

நகைச்சுவை நடிகர்களுக்கு மத்தியில் தனக்கென்று ஓர் இடத்தைப் பிடித்து தனி ஹீரோயின், பாடல் என கலக்கிக் கொண்டிருந்தார் சந்தானம். ஆனால் சமீபகாலமாகவே தொடர்ந்து சர்ச்சைகளில் சிக்கி வருகிறார்.

அந்த வகையில் ஆல் இன் ஆல் அழகுராஜா படத்தில் புகையிலை எதிர்ப்பு விளம்பரத்தை கலாய்க்கிறார் என எதிர்ப்புக் கிளம்பியது.
பலத்த எதிர்ப்புகளுக்குப் பின்னர் உடனடியாக அந்தக் காட்சியை படத்திலிருந்து நீக்கினார் அப்படத்தின் இயக்குநர் ராஜேஷ்.

இந்நிலையில் என்றென்றும் புன்னகை டிரெய்லர் சமீபத்தில் வெளியிடப்பட்டது. அதில் ஒரு காட்சியில் சந்தானம் ஒரு துணை நடிகையுடன் பேசும் போது ஐந்து பத்துக்கு போறேன்ணு சொல்லிறியே அழகா தானே இருக்க ஆயிரம் ஐநூறுக்கு போனால் என்ன என்று பேசிய வசனம் சர்ச்சையை கிளப்பியது.

இந்த வசனத்திற்கு பெண்கள் அமைப்புகளும் சமூக அமைப்புகளும் கடும் எதிர்ப்பு தெரிவித்தன. இதையடுத்து சந்தானம் பேசிய சர்ச்சைக்குரிய வசனம் என்றென்றும் புன்னகை டிரெய்லரில் இருந்தும் படத்தில் இருந்தும் நீக்கப்பட்டுள்ளது.

மலையாள நடிகை காவ்யா மாதவன் பற்றி தேவையில்லாமல் வதந்தி பரப்புவதாக அவரது தந்தை மாதவன் கூறியுள்ளார். காசி, என் மன வானில், சாது மிரண்டால் படங்களில் நடித்திருப்பவர் மலையாள நடிகை காவ்யா மாதவன்.

இவருக்கும் நிஸ்சல் சந்திரா என்பவருக்கும் கடந்த 2009ம் ஆண்டு திருமணம் நடந்தது. கணவருடன் குவைத்தில் குடியேறினார், ஆனால் அதே ஆண்டில் இருவருக்கும் மனஸ்தாபம் ஏற்பட்டு பிரிந்தனர். இதனையடுத்து கடந்த 2011ம் ஆண்டு முறைப்படி விவாகரத்து பெற்றவர் படங்களில் நடிக்க தொடங்கி விட்டார்.

இந்நிலையில் கமெராமேன் சஞ்சய் மேனனை காவ்யா 2வது திருமணம் செய்ய உள்ளதாக கிசுகிசு பரவியது. மேலும் இருவரையும் இணைத்து இணையத்தளங்களில் புகைப்பட்டங்களும் வெளியானது

இதை காவ்யா மறுத்து வந்ததுடன் சஞ்சய் மேனன் யார் என்பதே எனக்கு தெரியாது என்று தெரிவித்திருந்தார்.

இதுபற்றி காவ்யாவின் தந்தை மாதவன் கூறுகையில் சஞ்சய் மேனன் என்பவர் தமிழ் படம் ஒன்றில் வில்லன் வேடத்தில் நடித்திருப்பதாக கேள்விபட்டிருக்கிறேன். காவ்யாவை பற்றிய வதந்தியை அந்த நடிகரே பரவவிட்டிருப்பாரோ என்ற சந்தேகம் உள்ளது.

அடிப்படையில்லாமல் வெளிவரும் இதுபோன்ற வதந்தியால் காவ்யா மனம் உடைந்திருக்கிறார் என்றும் அவருடைய தனிப்பட்ட வாழ்க்கை இதனால் பாதிக்கப்படுகிறது என்றும் தெரிவித்துள்ளார்.
இதே தகவலை காவ்யாவும் தன்னுடைய இணையத்தள பக்கத்தில் தெரிவித்துள்ளார்.

அடுத்த விஜயசாந்தி நான் தான் என கம்பீரமாக கூறி வருகிறார் கவர்ச்சி புயல் நமீதா. பொலிஸ் வேடத்தில் நடிக்க வேண்டும் என்றாலே உடற்கட்டு மிகவும் முக்கியம்.

இதுவரை நடித்த நடிகைகளிலேயே விஜயசாந்தி இதற்கு மேட்சாக இருந்தார். சண்டை காட்சிகளில் அவர் செய்த சாகங்களை செய்ய வேறு யாருக்கும் துணிவில்லை என்று தான் சொல்ல வேண்டும்.

இந்த நிலையில் அய்யர் ஐபிஎஸ் படத்தை இயக்கிய அரிராஜன் இயக்கி வரும் படம் இளமை ஊஞ்சல். இந்த படத்தில் பொலிஸ் வேடத்தில் நடிக்கிறார் நமீதா.

இதில் தீவிரவாதிகளால் கடத்தப்படும் 5 நடிகைகளை காப்பாற்றும் அதிரடி பொலிஸ் அதிகாரியாக நடிக்கும் நமீதா இதற்காகவே மாதக்கணக்கில் டயட், உடற்பயிற்சியில் ஈடுபட்டு தனது உடம்பை ஸ்லிம் பண்ணி நடித்திருக்கிறார்.

அத்துடன் விஜயசாந்தியின் பாணியை பின்பற்றும் நமீதா இந்த படத்திற்கு பிறகு வாய்ப்புகள் வந்து குவியும் என நம்பிக்கையுடன் கூறி வருகிறார்.