மதராசப்பட்டணம் படம் மூலம் தமிழ் சினிமாவுக்கு அறிமுகமானவர் நடிகை ஏமி ஜக்சன். இங்கிலாந்தைச் சேர்ந்த நடிகையான ஏமி ஜக்சன் விக்ரமுடன் இணைந்து தாண்டவம் என்ற படத்திலும் நடித்தார். தற்போது விக்ரமுடன் மீண்டும் இணைந்து ஐ என்ற படத்தில் நடித்து வருகிறார். இப்படத்தை இயக்குனர் ஷங்கர் இயக்குகிறார்.

கடந்த 18மாதங்களாக இப்படத்தின் படப்பிடிப்புக்காக வெளிநாடுகளில் சுற்றித்திரிந்த இந்த வெளிநாட்டுப் பறவை தற்போது தீபாவளிக்காக சென்னையில் வந்து செட்டிலாகியுள்ளது. ஐ படத்தை பற்றி சில சுவாரஸ்யமான விஷயங்களை பகிர்ந்துகொண்டார். அவர் கூறும்போது

இயக்குனர் ஷங்கர் பற்றி…?

ஷங்கர் சார் படத்துல நடிக்கிறது பெரிய விஷயம். அதுவும் என்னோட 3வது படத்திலேயே அந்த வாய்ப்பு எனக்கு கிடைச்சது ரொம்ப பெருமையா இருக்கு. இதுல நடிச்ச அனுபவம் நல்லா இருந்தது. நிறைய விஷயம் கத்துக்கிட்டேன். ஷங்கர் சாருக்கு என்ன வேணுங்கிறது அவருக்கு நன்றாகவே தெரியும். இந்த கதையாகட்டும், கதாபாத்திரமாகட்டும் எனக்கு ரொம்பவே பிடிச்சிருந்தது. இதில் நடிக்க எனக்கு சந்தோஷமாக இருந்தது.

நடிகர் விக்ரம் பற்றி….?

விக்ரம்கூட நடிக்கிறது அருமையான விஷயம். அவர் எதார்த்தமானவர். ஏற்கெனவே அவர்கூட தாண்டவம் படத்தில் நடிச்சிருக்கேன். இயக்குனர் விஜய்தான் விக்ரமை என்னிடம் அறிமுகப்படுத்தினார். அவரிடம் முதலில் பேச ரொம்பவும் பயந்தேன். அவர் ரொம்ப இயல்பாக என்னிடம் பேசினார். அவருடன் நடிப்பது எனக்கு ரொம்ப சௌகரியமாக இருக்கிறது. அவரிடமிருந்து நிறைய கற்றுக்கொண்டேன். விக்ரம் சார் ஒவ்வொரு படமும் வித்தியாசமா பண்ணுகிறார். நெகட்டிவ் கதாபாத்திரமானாலும், ஹீரோ கதாபாத்திரமானாலும் ரொம்பவும் சிரமம் எடுத்து பண்ணுகிறார். அவரைப் பார்த்தாலே நாமும் அவரைப்போல் நடிக்கணும்னு தோணும்.

ஐ படத்தைப் பற்றி..?

படத்தை பற்றி ரொம்பவும் சொல்ல விரும்பலை. ஆனா, நீங்க விரும்புகிற விஷயம் இந்த படத்தில் கண்டிப்பாக இருக்கும்.

ஐ படத்துல உங்களோட ஆடை அலங்காரம் பற்றி..?

ஷங்கர் சார் படம்னாலே ஆடை அலங்காரம் எல்லாம் பிரம்மாண்டமாக இருக்கும். இந்த படத்தில் 6 பாடல்கள் இருக்கு. எல்லா பாடலும் வித்தியாசமாக வந்திருக்கிறது. பி.சி.ஸ்ரீராம் அதை நன்றாக படமாக்கியிருக்கிறார். பாஸ்கோ நடனம் அமைத்துள்ளார். நிறைய காட்சிகள் பார்ப்பதற்கு ரொம்பவே பிடிக்கும்.

இந்த படத்தில் உங்களுடைய கதாபாத்திரம்..?

இந்த படத்தில் எனக்கு வித்தியாசமான கதாபாத்திரம். ஷங்கர் சார் கதை சொல்லும்போதே என் கதாபாத்திரம் தியா என்று சொன்னார். அந்தக் கதையை கேட்டவுடனே நடிக்க ஒப்புக் கொண்டேன். இதுவரை பார்த்ததைவிட இந்த படத்தில் கொஞ்சம் வித்தியாசமாக என்னைப் பார்க்கலாம்.

தீபாவளியை எப்படிக் கொண்டாடப் போறீங்க…?

கடந்த 3 வருடமாக இந்தியாவில் இருக்கிறேன். ஆனால், இப்போதுதான் சென்னையில் தீபாவளிக்கு இருக்கிறேன். விடுமுறைக்காக அப்பாவும், அம்மாவும் இங்கு வந்திருக்கிறார்கள். அவர்களோடு தீபாவளி கொண்டாடுவதில் எனக்கு ரொம்ப சந்தோஷம். அவர்களுக்காக நானே சமைக்கப் போகிறேன். பெற்றோருடனும், நண்பர்களுடன் இந்த தீபாவளியைக் கொண்டாடப் போகிறேன்.

நடிகை சார்மி கவர்ச்சிக்கு மாறி உள்ளார். தமிழில் காதல் அழிவதில்லை படத்தில் சார்மி அறிமுகமானார். ஆகா எத்தனை அழகு, காதல் கிசு கிசு, லாடம் படங்களில் நடித்தார்.

தெலுங்கிலும் முன்னணி நடிகையாக இருந்தார். தற்போது சர்மிக்கு படங்கள் குறைந்து விட்டன. தெலுங்கில் ஒரு படம் மட்டுமே கைவசம் இருக்கிறது. இதனால் கவர்ச்சி போஸ் படங்களை இணையத்தில் பரவ விட்டுள்ளார்.

சினிமா விழாக்களுக்கும் அரைகுறை உடையில் வருகிறார். ஒரு பாடலுக்கு கவர்ச்சியாக குத்தாட்டமும் ஆடுகிறார். இதன் மூலம் மீண்டும் பட வாய்ப்புகளை பிடிக்க முடியும் என்று நம்புகிறார்.

மலையாள சினிமாவில் பிரபல நடிகையாக திகழ்பவர் ரீமா கல்லிங்கல். 2009ம் ஆண்டு ரிது என்ற படத்தின் மூலம் சினிமா உலகில் அறிமுகமான இவர் கேரளா கபே, நீலதாமர, ஹேப்பி ஹஸ்பன்ட்ஸ், கோ உள்பட பல படங்களில் நடித்து புகழ்பெற்றார்.

கடந்த ஆண்டு இவர் நடித்த 22 பீமேள் கோட்டயம் படத்தை டைரக்டர் ஆஷிக் அபு இயக்கி இருந்தார். படப்பிடிப்பின் போது இருவருக்கு மிடையே காதல் மலர்ந்தது. இருவரும் ஒன்றாக சேர்ந்து சுற்றுவதாக செய்திகள் வெளி வந்தன. இதை இருவருமே மறுக்கவில்லை.

இந்தநிலையில் சமீபத்தில் ரீமா கல்லிங்கல் அளித்த பேட்டியில் நானும், ஆஷிக் அபுவும் கடந்த 2 ஆண்டுகளாக காதலித்து வருகிறோம். இருவரும் விரைவில் திருமணம் செய்து கொள்ள போகிறோம். எங்களது திருமணம் எளிமையாக நடத்த உள்ளோம் என்றார்.

அதன்படி ரீமா கல்லிங்கல் –ஆஷிக்அபு திருமணம் நேற்று கொச்சி அருகே காக்கநாடு பகுதியில் உள்ள பதிவாளர் அலுவலகத்தில் நடந்தது. இருவரும் மாலை மாற்றி பதிவு திருமணம் செய்து கொண்டனர்.

இருவரின் நெருங்கிய உறவினர்களும், நண்பர்களும் திருமண நிகழ்ச்சியில் கலந்து கொண்டனர். முன்னதாக ரீமா கல்லிங்கல் எர்ணாகுளத்தில் உள்ள அரசு ஆஸ்பத்திரிக்கு சென்றார். அங்கு கேன்சர் நோயாளிகளின் மருத்துவ செலவுக்காக 10 லட்சத்தை ஆஸ்பத்திரி நிர்வாகத்தினரிடம் வழங்கினார். இதுகுறித்து அவர் கூறுகையில், இந்த தொகை பெரிய தொகை கிடையாது. மன திருப்திக்காக இந்த தொகையை வழங்குகிறோம் என்றார்.

ஆல் இன் ஆல் அழகுராஜா படத்துக்கு வரிவிலக்கு அளித்ததை எதிர்த்து நீதிமன்றத்தில் வழக்கு தொடரப்பட்டுள்ளது. சென்னை சாலி கிராமத்தைச் சேர்ந்த சிங்காரவடிவேலன் சென்னை உயர் நீதிமன்றத்தில் ஒரு மனு தாக்கல் செய்துள்ளார். அதில் கூறியிருப்பதாவது..

நடிகர் கார்த்தி, நடிகை காஜல் அகர்வால் நடித்த ஆல் இன் ஆல் அழகுராஜா படத்தை ஸ்டூடியோ கிரீன் படநிறுவனம் சார்பில் ஞானவேல்ராஜா தயாரித்துள்ளார். 2ம் திகதி இந்தப் படம் வெளியாகும் என்று அறிவிக்கப்பட்டுள்ளது. தமிழக அரசு இந்தப் படத்துக்கு 29.10.2013 அன்று வரிவிலக்கு அளித்து உத்தரவிட்டுள்ளளது.

தமிழக அரசிடம் தயாரிப்பளார் கொடுத்துள்ள விண்ணப்பத்தில் படத்தின் பெயர் அழகுராஜா என்று குறிப்பிட்டுள்ளார். ஆனால் விளம்பரங்கள், போஸ்டர்களில் ஆல் இன் ஆல் அழகுராஜா என்று குறிப்பிடப்பட்டுள்ளது. ஆல் இன் ஆல் என்ற ஆங்கிலப் பெயரை மறைத்து அரசை ஏமாற்றி தமிழ் பெயருக்கு உரிய வரிச்சலுகையை தயாரிப்பாளர் பெற்றுள்ளார்.

இதனால் அரசுக்கு 18 கோடி இழப்பு ஏற்பட்டுள்ளது. எனவே, படத்துக்கு அரசு வரிவிலக்கு அளித்து பிறப்பித்த உத்தரவை ரத்து செய்ய வேண்டும். படத்தை வெளியிட இடைக்கால தடை விதிக்க வேண்டும் என்று மனுவில் கூறியயிருந்தார்.

இந்த மனு தலைமை நீதிபதி ராஜேஷ்குமார் அகர்வால், நீதிபதி சத்தயநாராயணா முன்னிலையில் வசாரணைக்கு வந்தது. மனுதாரர் சார்பில் மூத்த வக்கீல் சுந்தரேசன், ஜோயல் ஆகியோர் ஆஜரானார்கள்.

ஆல் இன் ஆல் அழகுராஜா படத்துக்கு தணிக்கை குழு அளித்த சான்றிதழை தாக்கல் செய்ய நீதிபதிகள் உத்தரவிட்டனர். மனுதாரரின் குற்றச்சாட்டு குறித்து அரசு முதன்மை செயலாளர், வணிகவரித்துறை கமிஷனர், தமிழ் வளர்ச்சித்துறை செயலாளர், தயாரிப்பாளர் ஞானவேல்ராஜா ஆகியோர் வருகிற 7ம் திகதிக்குள் பதில் மனு தாக்கல் செய்யவும் நீதிபதிகள் உத்தரவிட்டனர்.

இதற்கிடையே இன்று வெளியான விளம்பரங்களில் ஆல் இன் ஆல் என்ற ஆங்கில வார்த்தை மட்டும் நீக்கப்பட்டு அழகுராஜா என்ற வார்த்தை மட்டும் இடம் பெற்றுள்ளளது.