ஆரம்பம் படத்தினைத் தொடர்ந்து பிறகு அஜீத் நடிக்கும் படம் வீரம். இப்படத்தை சிறுத்தை இயக்குனர் சிவா இயக்குகிறார். அஜீத்துக்கு ஜோடியாக தமன்னா நடிக்கிறார். ஆரம்பம் படப்பிடிப்பக்குப் பின் தற்போது அஜீத் வீரம் படப்பிடிப்பில் நடித்து வருகிறார்.

இது ஒரு ஆக்சன் படமாக உருவாகி வருகிறது. இதனால் சண்டைக்காட்சிகள் அதிகமாக இருக்கும். அஜீத் பெரும்பாலும் தான் நடிக்கும் படத்தின் சண்டைக்காட்சியில் டூப் போடுவதில்லை. அதேபோல் இந்த படத்திலும் ஒரு காட்சியில் டூப் இல்லாமல் நடித்துள்ளார்.

வீரம் படப்பிடிப்பு பீகார் மாநிலத்தில் நடைபெற்றது. ஓடும் ரெயிலில் வெளியே தொங்கியபடி ஒரு காட்சியில் அஜீத் நடிக்க வேண்டியிருந்தது. டைரக்டர் சிவா டூப் போட்டு எடுத்துக்கொள்ளலாம் என்று கூறினார். ஆனால் அஜீத் நானே நடிக்கிறேன் என்று தைரியமாக கூறினார்.

காட்சியும் கச்சிதமாக எடுக்கப்பட்டது. அஜீத்தின் இந்த துணிச்சலை படக்குழுவினர் பாராட்டினர். பீகாரைத் தொடர்ந்து ஐதராபாத்திலும், சென்னையிலும் படப்பிடிப்பு நடைபெற்றது.

நகை கடை திறப்பு விழாவில் நயன்தாராவை ரசிகர்கள் முற்றுகையிட்டதால் பரபரப்பு ஏற்பட்டது. கொச்சியில் இச்சம்பவம் நடந்தது. அங்கு புதிதாக கட்டப்பட்டுள்ள நகைக்கடையொன்றை திறக்க நயன்தாராவை அழைத்து இருந்தனர்.

வீட்டில் இருந்து நாலைந்து கார்கள் பின் தொடர அவ்விழாவுக்கு நயன்தாரா சென்றார். நகைக்கடையை திறக்க நயன்தாரா வருகிறார் என்று ஏற்கனவே விளம்பரப்படுத்தி இருந்ததால் அவரை காண ரசிகர்கள் பெரும் கூட்டமாக திரண்டு நின்றனர்.

நயன்தாரா காரில் இருந்து இறங்கியதும் கூட்டத்தினர் முண்டியடித்தார்கள். ஒட்டோ கிராப் வாங்கவும் நீட்டினார்கள். இதனால் தள்ளுமுள்ளு ஏற்பட்டது.

நயன்தாரா கூட்டத்தினர் நடுவில் சிக்கினார். இதனால் விழாக்குழுவினர் பதட்டமானார்கள். உடனடியாக அங்கு நின்று கொண்டிருந்த பாதுகாவலர்கள் விரைந்து போய் கூட்டத்தினரை விலக்கி நயன்தாராவை பத்திரமாக மீட்டனர்.

அவரை சுற்றி வளையம் அமைத்தபடி நகைக்கடைக்குள் அழைத்து சென்றனர். நகைக்கடையை திறந்து வைத்து சிறிது நேரம் நயன்தாரா சுற்றி பார்த்தார். பிறகு பாதுகாவலர்கள் துணையோடு காரில் ஏறி புறப்பட்டுச் சென்றார்.

நயன்தாரா ஜவுளிக்கடை, நகைக்கடை திறப்பு விழாக்களில் அதிகம் பங்கேற்பது இல்லை. அதிக பணம் தருவதாக ஆசை காட்டியும் மறுத்து வந்தார். கொச்சி நகை கடையை மட்டும் திறந்து வைக்க சம்மதித்தார்.

தமிழில் காதல் அழிவதில்லை படத்தின் மூலம் அறிமுகமானவர் சார்மி. அதன்பின் ஒன்றிரண்டு படங்கள் நடித்தபின் தமிழில் அவருக்கு வாய்ப்பு கிடைக்கவில்லை. அதனைத்தொரட்ந்து தனது பார்வையை தெலுங்கு பக்கம் திருப்பினார். தெலுங்கில் நிறைய படங்கள் வந்தன. அங்கு முன்னணி நடிகையாக உள்ளார்.

பிரசித்தி கந்தா, ரம்பா ஊர்வசி மேனகா, மந்த்ரா 2 போன்ற படங்களில் நடித்து வருகிறார். அவர் நடித்துள்ள பிரேம ஒகமாலிகம் படம் நேற்று ரிலீசானது.

இந்த நிலையில் டைரக்டர்கள் பலர் தனக்கு துரோகம் செய்துவிட்டதாக குற்றம் சாட்டியுள்ளார். என் சினிமா வாழ்க்கையில் பலர் என்னை ஏமாற்றியுள்ளனர். சில டைரக்டர்கள் மோசடித்தனமாக நடந்துள்ளனர்.

மாயகடு தெலுங்கு படத்தில் நடித்தபோது டைரக்டர் எனக்கு தெரியாமலேயே என்னை ஆபாசமாக படம் பிடித்தார். படத்தில் அதை பார்த்தபோது அதிர்ந்தேன். அங்க அசைவுகளை வக்கிரமாக படமாக்கி இருந்தார். பிரேம கமாலிகம் படத்தில் அழுத்தமான வேடத்தில் நடித்துள்ளேன் என்று சார்மி கூறினார்.