ஆண்களின் மிகப்பெரிய பிரச்சினையான வழுக்கைக்கு புதிய தீர்வு..!

baldஆண்களின் மிகப்பெரிய பிரச்சினைகளில் ஒன்றாக வழுக்கை பார்க்கப்படுகிறது. உலகில் இதனை தடுக்க விரும்பாத ஆண்களே இல்லை எனலாம்.

தலைப்பாகை தொடங்கி, தொப்பியாக வளர்ந்து இன்றைய விக் வரை வழுக்கையை மறைக்க ஆண்கள் பலவகையான தந்திரங்களை கையாண்டு வந்திருக்கிறார்கள்.

வழுக்கையை தடுக்கும் மருந்துகள், முடி உதிராமல் தடுக்கும் மருந்துகள், உதிர்ந்த முடி வளர்க்கும் மருந்துகள், கடைசியாக முடிமாற்று அறுவை சிகிச்சை முறை என்று பலவகையான மருத்துவ தீர்வுகள் கண்டுபிடிக்கப்பட்டிருந்தாலும் இவை எதுவுமே வழுக்கை பிரச்சினைக்கான நிரந்தர தீர்வை தரவில்லை என்றே கூறவேண்டும்.

ஆனால் வழுக்கைக்கான நிரந்தர தீர்வை தாங்கள் நெருங்கிவிட்டதாக கூறுகிறார்கள் விஞ்ஞானிகள்.

ஐரோப்பாவில் இருக்கும் டர்ரம் பல்கலைக்கழகமும், அமெரிக்காவின் கொலம்பியா பல்கலைக்கழக மருத்துவ மையமும் இணைந்து செய்த ஆய்வின் முடிவில், மனிதர்களின் முடியை செயற்கையாக வளர்ப்பதற்கான புதிய உத்தி கண்டுபிடிக்கப்பட்டிருப்பதாக அறிவிக்கப்பட்டிருக்கிறது.

அதாவது மனிதர்களின் முடியின் அடிப்பகுதியில் இருக்கும் நுண்ணிய திசுக்களை எடுத்து, அவற்றை பரிசோதனைக் கூடத்தில் ஊட்டச்சத்து மிக்க சூழலில் வளர்த்து, அப்படி வளர்க்கப்பட்ட அந்த திசுக்களை வழுக்கையான பகுதியில் இருக்கும் தோலுக்கு அடியில் வைத்தால், அந்த பகுதியில் இருந்து புதிதாக முடிவளர்க்க முடியும் என்று இந்த விஞ்ஞானிகள் செய்து காட்டியிருக்கிறார்கள்.

மொத்தம் ஏழுபேரிடம் செய்த பரிசோதனைகளில், ஐந்துபேருக்கு ஆறுவாரங்களில் புதிய முடி வளர்வதை இவர்கள் கண்டிருக்கிறார்கள். அதே சமயம், இந்த பரிசோதனைகள் ஆரம்பகட்டத்தில் இருப்பதாக தெரிவித்திருக்கும், டர்ரம் பல்கலைக்கழக பேராசிரியர் கோலின் ஜஹோடா, தமது இந்த ஆய்வின் முடிவுகள் வழுக்கைத் தலையர்களுக்கு பயன்படுவதற்கு கடக்கவேண்டிய தடைகள் இன்னும் சில இருக்கின்றன என்கிறார்.

ஆனாலும் இந்த ஆய்வின் முடிவு, வழுக்கையை முழுமையாக நிரந்தரமாக குணப்படுத்த முடியும் என்பதற்கான சாத்தியப்பாட்டை நிகழ்த்திக்காட்டியிருப்பதாக கூறுகிறார் அவர்.

டெல்லி பாணியில் ஓடும் பஸ்சில் மாணவியை பலாத்காரம் செய்ய முயற்சி..!

rapடெல்லி மருத்துவ மாணவியை போல் கேரளாவில் ஓடும் பஸ்சில் கல்லூரி மாணவியை பலாத்காரம் செய்ய முயன்ற கண்டக்டர் உள்பட 3பேரை பொலிசார் கைது செய்தனர். டெல்லில் கடந்தாண்டு ஓடும் பஸ்சில் மருத்துவ மாணவியை ஒரு கும்பல் பலாத்காரம் செய்த சம்பவம் நாட்டில் பெரும் பரபரப்பை ஏற்படுத்தியது.

இதில் சம்பந்தப்பட்ட 4 குற்றவாளிகளுக்கு தூக்கு தண்டனை விதிக்கப்பட்டுள்ளது. இந்நிலையில், கேரளாவிலும் ஓடும் பஸ்சில் மாணவியை பலாத்காரம் செய்ய முயன்ற சம்பவம் பரபரப்பை ஏற்படுத்தியுள்ளது.

கேரள மாநிலம் கொச்சி மரடு அருகே உள்ள கண்ணாடிக்காடு பகுதியை சேர்ந்த 23 வயது மாணவி, ஆலுவாவில் உள்ள கல்லூரியில் முதுகலை பட்டம் படித்து வருகிறார். இவர் தினமும் கல்லூரிக்கு தனியார் பஸ்சில் செல்வது வழக்கம். நேற்று முன்தினம் பிற்பகல் 2.30 மணிக்கு கல்லூரியில் இருந்து வீட்டுக்கு பஸ்சில் அவர் சென்றார். பஸ் உரிமையாளர் பாபுராவின் மகன் திலீப்குமார் கண்டக்டராக இருந்தார்.

களமசேரி என்ற இடம் அருகே பஸ் சென்றபோது மாணவிக்கு பின்னால் உள்ள இருக்கையில் அமர்ந்த திலீப் குமார், கிளீனர் அப்பு ஆகியோர் அவரிடம் சில்மிஷத்தில் ஈடுபட்டனர். அப்போது பஸ்சில் குறைந்த எண்ணிக்கையிலேயே பயணிகள் இருந்தனர்.

அடுத்த நிறுத்தத்தில் பல பயணிகள் இறங்கினர். பஸ்சில் சிலர் மட்டுமே இருந்தனர். இதை சாதகமாக பயன்படுத்திய இருவரும், மாணவியின் கையை பிடித்து இழுத்து பலாத்காரம் செய்ய முயன்றனர். அதிர்ச்சியடைந்த அவர், டிரைவர் பீட்டரிடம் சென்று புகார் கூறினார்.

ஆனால், அவர் அதை கண்டுகொள்ளவில்லை.இதையடுத்து, மாணவி தனது செல்போன் மூலம் பெற்றோர், நண்பர்களுக்கு தகவல் தெரிவித்தார். உடனே, பொலிசுக்கு பெற்றோர் தகவல் கொடுத்தனர். அவர்கள் விரைந்து சென்று வைட்டிலா என்ற இடத்தில் பஸ்சை மடக்கினர். பொலிசை பார்த்ததும் திலீப் குமாரும், அப்புவும் பஸ்சில் இருந்து இறங்கி தப்பினர்.

டிரைவர் பீட்டரை கைது செய்த பொலிசார், பஸ்சை பறிமுதல் செய்தனர். மேலும், களமசேரியில் ஒரு வீட்டில் பதுங்கி இருந்த திலீப் குமார், அப்புவையும் கைது செய்தனர். விசாரணைக்குப் பின்னர் 3 பேரையும் பொலிசார் நேற்று எர்ணாகுளம் மாவட்ட நீதிமன்றத்தில் ஆஜர்படுத்தி சிறையில் அடைத்தனர்.

ராமராஜனுக்கு வாழ்நாள் சாதனையாளர் விருது..!

ramaநடிகர் ராமராஜனுக்கு புதுவையைச் சேர்ந்த ஒரு அமைப்பு வாழ்நாள் சாதனையாளர் விருது வழங்கி கவுரவித்துள்ளது.

தமிழ் திரையுலகில் எண்பதுகளிலேயே ஒரு கோடி சம்பளம் வாங்கிய நடிகர் என்ற சாதனையைச் செய்தவர் ராமராஜன். இவரது கரகாட்டக்காரன் 400 நாட்களுக்கும் மேல் ஓடியது. சினிமாவில் ஓஹோவென இருந்தவரை அரசியல் வீழ்த்தியது.

திடீரென சினிமாவில் காணாமல் போனார். புதுவையைச் சேர்ந்த அஸிஸ்ட் வேர்ல்ட் ரெக்கார்ட் பவுண்டேஷன் என்ற அமைப்பு ராமராஜன் உள்பட 80 சாதனையாளர்களைத் தேர்ந்தெடுத்து வாழ்நாள் சாதனையாளர் விருது வழங்கியது.

இந்த விருது வழங்கும் விழா சமீபத்தில் புதுச்சேரியில் நடந்தது. விழாவில் ராமராஜன் பங்கேற்றார். அமைப்பின் தலைவர் ராஜேந்திரன் விருதினையும் பாராட்டுப் பத்திரத்தையும் வழங்கி கவுரவித்தார்.

கண்களால் நம்ப முடியாத ஓர் உலகசாதனை!!(வீடியோ)

சில சாதனைகளை பார்க்கும்போது எம் கண்களையே எம்மால் நம்ப முடியாது. அப்படிப்பட்ட ஓர் சாதனையை நீங்களும் பாருங்கள்..

தோனியின் வீட்டின் மீது கல் வீச்சு..!

dhoniஇந்திய கிரிக்கெட் அணித் தலைவர் மகேந்திர சிங் தோனியின் வீட்டின் மீது மர்ம நபர்கள் சிலர் கல் வீசி தாக்குதல் நடத்தியுள்ளனர்.

ராஞ்சியில் நேற்று நடைபெற்ற இந்தியா – அவுஸ்திரேலியா பங்கேற்ற 4வது ஒரு நாள் போட்டி மழை காரணமாக நிறுத்தப்பட்டது.

அந்த நேரத்தில், தோனியின் வீட்டின் மீது கல் வீச்சு தாக்குதல் நடத்தப்பட்டிருப்பதாகவும், அப்போது, அவரது குடும்பத்தினர், மைதானத்தில் இருந்ததால் யாருக்கும் எந்த பாதிப்பும் ஏற்படவில்லை என்று கூறப்படுகிறது.

கிறிஸ்மஸ் பண்டிகையை குறி வைக்கும் நயன்தாரா..!

nayanநயன்தாரா நடித்த இரு படங்கள் கிறிஸ்மஸ் பண்டிகையை குறி வைத்து வெளியாகின்றன.

ஆரம்பம் படத்தில் நடித்திருக்கும் நயன்தாரா உதயநிதி ஸ்டாலினின் இது கதிர்வேலன் காதல் படத்திலும் நடித்துள்ளார். இந்தப் படம் வரும் கிறிஸ்மஸ் பண்டிகைக்கு வெளியாகிறது.

ஹிந்தி கஹானி படத்தின் தமிழ், மற்றும் தெலுங்கு ‌ரீமேக்கான அனாமிகாவிலும் நயன்தாரா நடித்து வருகிறார். சேகர் கம்மூலா இயக்கிவரும் இந்தப் படத்தையும் கிறிஸ்மஸ் பண்டிகையையொட்டி வெளியிட முடிவு செய்துள்ளனர்.

இது கதிர்வேலனின் காதல் வெளியீடு முன்னமே உறுதி செய்யப்பட்டுள்ளதால் அனாமிகா கிறிஸ்மஸுக்கு ஒரு வாரம் முன்பாக வெளிவரலாம் என்கிறார்கள்.

அதிபர், ஆசிரியர்களை தாக்கிய நால்வர் கைது..!

arrestகொட்டாவ – தர்மபால வித்தியாலய அதிபர் மற்றும் ஆசிரியர்கள் தாக்கப்பட்ட சம்பவம் தொடர்பில் நால்வர் சந்தேகத்தின் பேரில் கைது செய்யப்பட்டுள்ளனர்.

நேற்று இரவு இவர்கள் கைது செய்யப்பட்டதாக பொலிஸ் ஊடகப் பேச்சாளர் அஜித் ரோஹன தெரிவித்தார்.

சந்தேகநபர்கள் இன்று ஹோமாகம நீதிமன்றில் ஆஜர் செய்யப்படவுள்ளதாக அவர் குறிப்பிட்டார்.

நேற்று மாலை கொட்டாவ – தர்மபால வித்தியாலயத்தில் இடம்பெற்ற கலந்துரையாடலில் ஏற்பட்ட வாய்த்தர்க்கத்தில் பாடசாலையின் அதிபர், உப அதிபர் மற்றும் இரண்டு ஆசிரியர்கள் மீது தாக்குதல் நடத்தப்பட்டது.

தாக்குதலில் காயமடைந்தவர்கள் ஹோமாகம வைத்தியசாலையில் சிகிச்சைப் பெற்று வருகின்றனர்.

தங்க பிஸ்கட் கடத்திச் சென்ற இலங்கையர் சென்னையில் கைது..!

goldஇலங்கையில் இருந்து இந்தியாவிற்கு தங்கம் கடத்திச் சென்ற நபர் ஒருவர் கைது செய்யப்பட்டுள்ளார்.

சென்னை மீனம்பாக்கம் விமான நிலைய சுங்க அதிகாரிகளால் இவர் கைது செய்யப்பட்டுள்ளார்.

கண்டியைச் சேர்ந்த முகமது நவாஸ் (வயது 40) என்பவரே கைது செய்யப்பட்டுள்ளார்.

கொழும்பில் இருந்து நேற்று மாலை சென்னைக்குச் சென்ற விமானத்தின் பயணிகள் யாவரும் சோதனைக்கு உட்படுத்தப்பட்டனர்.

அப்போது முகமது நவாஸ் மீது சந்தேகம் கொண்டு சுங்க பிரிவு அதிகாரிகள் அவரையும் அவரது பயணப் பெட்டியையும் சோதனை செய்தனர்.

அதன்போது பயணப் பெட்டியில் மறைத்து வைக்கப்பட்டிருந்த 800 கிராம் நிறையுடைய தங்க பிஸ்கட்டுக்கள் கண்டுபிடிக்கப்பட்டன.

அவற்றின் பெறுமதி 25 லட்சம் இந்திய ரூபா என தெரியவந்துள்ளது.

முகமது நவாஸிடம் மேற்கொள்ளப்பட்ட விசாரணையில், தான் பணத்திற்காக இந்த தங்க பிஸ்கட்களை கடத்தி வந்ததாக அவர் கூறியுள்ளார்.

எனவே அவருக்கு யார் தங்கம் கொடுத்து அனுப்பியது என சென்னை விமான நிலைய சுங்கப் பிரிவினர் விசாரணை செய்து வருவதாக ´மாலைமலர்´ இணையம் செய்தி வெளியிட்டுள்ளது.

அமெரிக்க கிரீன் காட் வீசாவுக்கு விண்­ணப்­பிக்கும் காலப்­ப­குதி நவம்பர் 2ம் திக­தி­யுடன் நிறைவு..!

usகிரீன் காட் குடி­யேற்ற வீசா­வுக்கு விண்­ணப்­பிப்­ப­தற்­கான காலம் நவம்பர் 2ம் திக­தி­யுடன் நிறை­வ­டை­கின்­றது. ஆர்­வ­முள்­ள­வர்கள் நவம்பர் 2ம் திகதி இரவு 9.30 மணி­வரை விண்­ணப்­பிக்­கலாம் என்று அமெ­ரிக்க தூத­ர­கத்தின் கொன்­சி­யூலர் பிரிவின் தலைமை அதி­காரி சல்லி ஸ்டேர்னல் தெரி­வித்தார்.

அமெ­ரிக்க நிலை­யத்தில் நேற்று பிற்­பகல் இடம்­பெற்ற ஊட­க­வி­ய­லா­ளர்­க­ளு­ட­னான சந்­திப்­பின்­போதே அவர் மேற்­கண்­ட­வாறு குறிப்­பிட்டார்.

அவர் அங்கு மேலும் கூறி­ய­தா­வது,

பச்சை அட்டை (கிரீன் காட்) அதிஷ்டக் குலுக்கல் என்ற அழைக்­கப்­படும் இந்த வீசா­வுக்கு இணை­ய­தளம் மூலம் விண்­ணப்­பிப்­ப­தற்­கான காலம் கடந்த ஒக்­டோபர் மாதம் முதலாம் திகதி ஆரம்­ப­மா­னது. நவம்பர் மாதம் இரண்டாம் திக­தி­யுடன் நிறை­வ­டை­கின்­றது.

இலங்கை மற்றும் மாலை­தீவு உள்­ளிட்ட சில நாடு­களில் பிறந்­தோ­ருக்கு இந்த அதிஷ்டக் குலுக்­கலின் ஊடாக வீசாவை பெறும் வகை­யி­லான நேர்­காணல் ஒன்­றுக்­கான சந்­தர்ப்பம் வழங்­கப்­ப­டு­கின்­றது.

அமெ­ரிக்­காவில் சட்­ட­பூர்­வ­மான நிரந்­தர குடி­மக்­க­ளாக கரு­தப்­ப­டு­வ­தற்­கான குடிவரவு வீசாக்­க­ளுக்கு தகைமை பெறு­வ­தற்­கான வாய்ப்பு இதன் மூலம் கிடைக்­கின்­றது.

இது தொடர்­பான தக­வல்­களை அடை­வ­தற்கு ஆர்வம் கொண்­டுள்­ள­வர்கள் www.srilanka.usembassy.gov/visas/diversity-visa-lottery-program.என்ற இணையத்தளத்தில் பரிசீலிக்கலாம்.

மேலும் அதிஷ்டக் குலுக்களுக்கு விண்ணப்பிப்பதாயின் www.dvlottery என்ற இணையத்தளத்தை பார்வையிடவேண்டும்.

விண்ணப்பதாரி ஒரு முறை மட்டுமே விண்ணப்பிக் முடியும். ஒரு விண்ணப்பதாரி ஒரு முறையில் இரு தடவை விண்ணப்பித்தால் தகைமையை இழக்க நேரிடும்.

பல்வகைமை வீசாவுக்கு தேவையான தகைமைகளான கல்வித் தகைமையையும் தொழில் அனுபவ தகைமையையும் பூர்த்தி செய்ய வேண்டும்.

இணையத்தளத்தில் விண்­ணப்­பித்த பின்னர் அதற்­கான உறு­தி­ப்ப­டுத்­தப்­பட்ட இலக்கம் வழங்­கப்­படும்.

வீசா நேர்­கா­ண­லுக்­காக தெரிவு செய்­யப்­பட்­டுள்­ளீர்­களா இல்­லையா என்­ப­தனை இந்த இலக்­கத்­தைக்­கொண்டே பரீ­சீ­லனை செய்­ய­வேண்டும்.

எனவே அந்த இலக்­கத்தை பாது­காத்து வைத்­துக்­கொள்­ள­வேண்­டி­யது அவ­சியம்.

மேலும் இணையத்தளத்தில் விண்­ணப்­பிப்­பது முற்­றிலும் இல­வ­ச­மாகும். எது­வித மறை­முக செல­வு­களும் கிடை­யாது.

2014ம் ஆண்டு மே மாதத்தில் விண்­ணப்­ப­தா­ரிகள் www.dvlottery.state.gov என்ற இணையத்தளத்தை பார்வையிட்டு வீசா நேர்காணலுக்கு நீங்கள் தெரிவு செய்யப்பட்டுள்ளீர்களா என்பதை அறிந்து கொள்ள முடியும்.

மின்னஞ்சல் மற்றும் தொலைபேசி ஊடாக தெரிவு குறித்து அறிவிக்கப்படமாட்டாது. மாறாக விண்ணப்பதாரிகளே பரிசீலனை செய்ய வேண்டும்.

வருடாந்தம் 200 க்கும் 300 க்கும் இடைப்பட்டவர்கள் அமெரிக்காவுக்கு இந்த முறைமை ஊடாக செல்கின்றனர்.

சில நாடுகள் மட்டுமே இந்த முறைமைக்கு தகுதி பெற்றுள்ளன. தெரிவு செய்­யப்­ப­டு­கின்­ற­வர்கள் அமெ­ரிக்­காவில் வாழ்­வ­தற்கும் தொழில் செய்­வ­தற்கும் கல்வி கற்­ப­தற்கும் தகுதியை பெறுவார்கள்.

இதேவேளை இலங்கையிலிருந்து சட்டரீதியற்ற முறையில் அமெரிக்கா செல்லும் சம்பவங்கள் மிகவும் குறைவானதாகும். அவை தொடர்பான புள்ளிவிபரங்கள் என்னிடம் இல்லை. இலங்கையர்கள் வீசா நடைமுறையை பின்பற்றுகின்றவர்கள். என்றார் கொன்சியூலர்.

மழை குறுக்கிட்டதால் அவுஸ்திரேலியா – இந்தியா போட்டி இரத்து..!

indஅவுஸ்திரேலிய கிரிக்கெட் அணி இந்தியாவில் சுற்றுப்பயணம் செய்து 7 போட்டிகள் கொண்ட ஒரு நாள் தொடரில் விளையாடி வருகிறது.

இதில் முதலாவது மற்றும் 3–வது ஒரு நாள் போட்டிகளில் அவுஸ்திரேலியாவும், ஜெய்ப்பூரில் நடந்த 2–வது ஆட்டத்தில் இந்தியாவும் வெற்றி பெற்றன.

இதன்படி தொடரில் ஆஸி. 2–1 என்ற கணக்கில் முன்னிலை வகிக்கிறது.

இந்த நிலையில் இரு அணிகளுக்கும் இடையிலான 4–வது ஒரு நாள் போட்டி ஜார்கண்ட் மாநிலம் ராஞ்சியில் நேற்று ஆரம்பமானது.

இதில் நாணய சுழற்சியில் வென்ற இந்திய அணி முதலில் பந்து வீச முடிவு செய்தது.

இதன்படி முதலில் துடுப்பெடுத்தாடிய அவுஸ்திரேலிய அணி 50 ஓவரில் 8 விக்கெட் இழப்புக்கு 295 ஓட்டங்களை எடுத்தது. இதையடுத்து 296 ஓட்டங்கள் எடுத்தால் வெற்றி என்ற இலக்குடன் களம் இறங்கிய இந்திய அணி 4.1 ஓவரில் விக்கெட் இழப்பின்றி 27 ஓட்டங்களை எடுத்து இருந்த போது மழை குறுக்கிட்டதால் ஆட்டம் தடைபட்டது.

தொடர்ந்து மழை பெய்ததால் ஆட்டம் கைவிடப்பட்டதாக நடுவர்கள் அறிவித்தனர்.

ஒரு மணி நேரத்தில் எயிட்ஸ் உள்ளதா எனக் கண்டறியலாம்..!

aidsஅமெரிக்காவின் பாஸ்டன் நகரில் உள்ள நானோபயோசிம் என்ற நிறுவனமானது இந்திய வம்சாவளி விஞ்ஞானி ஒருவரால் நடத்தப்பட்டு வருவதாகும்.

இங்கு மரபணு ராடார் எனப்படும் விலை குறைந்த அதேசமயம் ஒரு மணி நேரத்தில் எய்ட்ஸ் நோயைக் கண்டறியக் கூடிய மொபைல் கருவி ஒன்றினைக் கண்டுபிடித்துள்ளார்கள்.

ஒரு மனிதனின் இரத்தம், உமிழ்நீர் அல்லது உடல் திரவத்தில் ஏதாவது ஒரு துளி எடுத்து நானோசிப்பில் வைத்து இந்தக் கருவியின் மூலம் பரிசோதித்தால் ஒரு மணி நேரத்தில் எய்ட்ஸ் நோயைக் கண்டறிய முடியும் என்பது இதன் சிறப்பம்சமாகத் தெரிவிக்கப்பட்டுள்ளது.

பொதுவாக எய்ட்ஸ் குறித்து செய்யப்படும் தங்க நிர்ணய பரிசோதனையின் முடிவுகள் வெளிவர ஆறு மாதங்களாகும். அமெரிக்காவில் 200 டொலர் செலவில் குறைந்தது இரண்டு வாரங்கள் கழித்தே இதன் முடிவுகளைத் தெரிந்து கொள்ள இயலும்.

ஆனால் இந்த மரபணு ராடார் உபயோகிப்பதன் மூலம் 50லிருந்து 100 மடங்கு கம்மியான கட்டணத்தில் ஒரு மணி நேரத்தில் சோதனை முடிவுகளைத் தெரிந்து கொள்ள இயலும் என்று நானோபயோசிம் நிறுவனத்தின் தலைமை செயல் அதிகாரியும், தலைவருமான டாக்டர் அனிதா கோயல் தெரிவித்துள்ளார்.

இதன் விரைவான சோதனைகள் மூலம் நோய்களைக் கண்காணிக்கவும், கட்டுப்படுத்தவும் முடியும் என்றும் அனிதா கூறினார். நோய் உள்ளவர் குறித்த தகவலைப் பதிவு செய்வதன் மூலம் நோய் பரவும் இடத்தையும் ஒருவரால் கண்காணிக்க முடியும், மேலும் இணையதளம் மூலமும் இதன் பயன்பாட்டைப் பெறமுடியும்.

அதுமட்டுமின்றி, மரபணு தடம் கொண்ட நோய்களையும் இந்த ராடார் கருவி மூலம் எளிதில் அறிந்து உடனடி மருத்துவ சேவைகளை ஒருவர் மேற்கொள்ளமுடியும். உட்கொள்ளும் மருந்துகளைப் பாதிக்கும் குளூடன் போன்ற காரணிகளுக்கு நோயாளியின் எதிர்ப்புத் தன்மையையும் இதன்மூலம் கண்டறிய முடியும் என்பதுவும் இந்தக் கருவியின் சிறப்பம்சமாகும்.

ஈ கோலி செல்களைக் கண்டறிய ஏற்கனவே ஒரு பயன்பாட்டை உருவாக்கியுள்ள இந்நிறுவனம், மலேரியா, காசநோய் போன்ற நோய்களை எளிதில் கண்டறியும் வண்ணமும் ஆராய்ச்சியில் ஈடுபட்டுள்ளது.

கள்ளக்காதலில் ஈடுபட்டால் கல்லால் அடித்துக் கொல்ல உத்தரவு..!

stoneதென்கிழக்காசிய நாடான புருனே இங்கிலாந்திடம் இருந்து கடந்த 1984–ம் ஆண்டில் விடுதலை பெற்றது. இங்கு மன்னர் சுல்தான் ஹஸ்சானஸ் போல்கியா (67) ஆட்சி நடத்தி வருகிறார்.

முஸ்லிம் நாடான இது எண்ணை வளம் நிறைந்தது. தற்போது இங்கு முஸ்லிம்களின் ஷரியத் சட்டம் அமல்படுத்தப்பட்டுள்ளது. அதை தொடர்ந்து புதிய விதி முறைகள் வகுக்கப்பட்டுள்ளன.

அதன்படி பாலியல் பலாத்காரம், கொலை, கொள்ளை போன்ற குற்றங்களுக்கு கடும் தண்டனை வழங்கப்படும் என அறிவிக்கப்பட்டுள்ளது.

குறிப்பாக கள்ளக்காதலில் ஈடுபடுவோரை பொதுமக்கள் மத்தியில் வைத்து கல்லால் அடித்து கொல்லப்பட்டு மரண தண்டனை நிறை வேற்றப்படும். கொள்ளை சம்பவங்களில் ஈடுபடுவோரின் கை விரல்கள் வெட்டி துண்டிக்கப்படும். மேலும் கருக்கலைப்பு, மது அருந்துதல் போன்றவற்றுக்கும் தடை விதிக்கப்பட்டுள்ளது.

இந்த புதிய ஷரியத் சட்டம் இன்னும் 6 மாதங்களில் கடுமையாக அமல்படுத்தப்பட உள்ளது. இதற்கான உத்தரவை மன்னர் சுல்தான் ஹஸ்சானஸ் போல்கியா பிறப்பித்துள்ளார்.

அதிநவீன செயற்கைகோள்கள் மூலம் இந்திய கடல் எல்லையை கண்காணிக்கிறது சீனா..!

chinaஇந்திய கடல் எல்லையை 19 அதிநவீன செயற்கைகோள்களின் உதவியுடன் சீனா கண்காணித்து வருவதாக வெளியாகியுள்ள தகவலால் பெரும் பரபரப்பு ஏற்பட்டுள்ளது.

கொச்சியில் நிகழ்ச்சி ஒன்றில் பங்கேற்று பேசிய இந்திய பாதுகாப்புத் துறை அமைச்சரின் செயலர் மற்றும் பாதுகாப்பு துறை ஆய்வு மற்றும் மேம்பாட்டு கழகத்தின் இயக்குநர் அவினாஷ் சந்தர் இந்த பரபரப்பு தகவலை வெளியிட்டுள்ளார்.

எனவே இந்திய கடல் எல்லையை கண்காணிக்க நாம் நவீன தொழில்நுட்பத்தில் அமைந்த செயற்கைகோள்களை அமைக்க வேண்டிய கட்டாயம் ஏற்பட்டுள்ளதாக அவர் தெரிவித்துள்ளார்.

இதற்காக இந்தியா 80 முதல் 100 மிகவும் அதிநவீன செயற்கைகோள்களை உருவாக்கி கடல் எல்லையை கண்காணிக்க வேண்டிய கட்டாயம் ஏற்பட்டுள்ளதாகவும் குறிப்பிட்டுள்ளார்.

கடலோர பாதுகாப்பில் மேற்கத்திய நாடுகளின் அதிநவீன தொழில்நுட்பத்தை சுட்டிக்காட்டிய அவர், இந்திய கடல் எல்லையில் வானிலிருந்து ஆளில்லா சாதனம் மூலம் கண்காணிப்பு, விண்வெளி கண்காணிப்பு என நவீன தொழில்நுட்பங்களை பயன்படுத்த வேண்டியதன் அவசியம் குறித்து விளக்கினார்.

கடல் எல்லையில் கண்காணிப்பு குறித்து மணிக்கு மணி தகவல்கள் பெறும் வகையில் கண்காணிப்பு மற்றும் ஆழ்கடல் கண்காணிப்பு ஆகியவற்றை மேம்படுத்த வேண்டியதன் அவசியம் குறித்தும் அவினாஷ் வலியுறுத்தினார்.

பொதுநலவாய நாடுகள் மாநாட்டிற்காக வரும் விமானங்களுக்கு விசேட பாதுகாப்பு..!

bandaபொதுநலவாய நாடுகள் அரச தலைவர்கள் மாநாட்டிற்காக இலங்கை வரும் விமானங்களுக்கு விசேட பாதுகாப்பு வழங்கப்பட உள்ளது.

மாநாட்டில் பங்கேற்பதற்காக வரும் உலகத் தலைவர்களுக்கு விசேட பாதுகாப்பு வழங்கப்படும் என அறிவிக்கப்படுகிறது.

அதேபோன்று குறித்த தலைவர்கள் பயணம் செய்யும் விமானங்களுக்கும் விசேட பாதுகாப்பு ஏற்பாடுகள் செய்யப்பட்டுள்ளன.

சிவில் விமான சேவை அதிகாரசபை இந்த விசேட பாதுகாப்பு ஏற்பாட்டை செய்துள்ளது.

அரச தலைவர்கள் இலங்கைக்குள் பிரவேசித்தது முதல் இந்த விசேட விமான பாதுகாப்பு கட்டமைப்பு செயற்படுத்தப்படும் என அறிவிக்கப்பட்டுள்ளது.

இதற்கு மேலதிமாக புலனாய்வுப் பிரிவினரின் விசேட கண்காணிப்பு நடவடிக்கைகளும் மேற்கொள்ளப்பட உள்ளன.

இலங்கையில் ஐக்கிய அரபு இராச்சியத்தின் சிறுவன் மீது பாலியல் துன்புறுத்தல்..!

boyஐக்கிய அரபு இராச்சியத்தின் சிறுவன் ஒருவன் இலங்கையில் ஹொட்டல் ஒன்றில் வைத்து பாலியல் ரீதியில் துன்புறுத்தப்பட்டதாக குற்றம் சுமத்தப்பட்டுள்ளது.

இது தொடர்பில் ஐக்கிய அரபு இராச்சியத்தின் பிரஜை கொழும்பு கோட்டை பொலிஸில் முறைப்பாட்டை செய்துள்ளார்.

தமது 16 வயதான மகன் ஹொட்டலின் குளியலறையில் வைத்து துஸ்பிரயோகத்திற்குட்படுத்தப்பட்டுள்ளதாக அவர் முறையிட்டுள்ளார்.

இதனையடுத்து, ஹொட்டல் பாதுகாப்பு ஊழியர் ஒருவர் சந்கேகத்தின் பேரில் கைது செய்யப்பட்டுள்ளார்.

சந்தேக நபர் கொழும்பு நீதவான் நீதிமன்றில் ஆஜர்செய்யப்பட்டபோது, அவரை எதிர்வரும் நவம்பர் 1ம் திகதி வரை விளக்கமறியலில் வைக்குமாறு நீதவான் உத்தரவிட்டுள்ளார்.

தம்புள்ளை பத்திரகாளி அம்மன் ஆலயம் மீது மீண்டும் தாக்குதல்..!

tambullaமாத்தளை மாவட்டம் தம்புள்ளை நகரப் பிரதேசத்திலுள்ள பத்திரகாளி அம்மன் ஆலயம் மீண்டும் அடையாளம் தெரியாத ஆட்களின் தாக்கப்பட்டுள்ளதாக அங்கு வசிக்கும் தமிழர்களினால் தமிழ் பாராளுமன்ற உறுப்பினர்களின் கவனத்திற்கு கொண்டு வரப்பட்டுள்ளது.

தாக்குதல்களுடன் தொடர்புடையதாக கூறப்படும் நபர்களினால் நேற்று முன்தினமிரவு ஆலயத்தின் கூரை அகற்றப்பட்டதோடு, ஆலயத்தின் முன்பாக பறக்கவிடப்பட்டிருந்த நந்திக் கொடியும் கொடிக்கம்பமும் அகற்றப்பட்டு, சேதமாக்கப்பட்டுள்ளமை தொடர்பாக அவர்களால் தனது கவனத்திற்கு கொண்டுவரப்பட்டுள்ளதாக பாராளுமன்ற உறுப்பினர் ஆர்.யோகராஜன் தெரிவிக்கின்றார்.

அந்தப் பிரதேசத்திலுள்ள பௌத்த விகாரையொன்றை மையப்படுத்தி அரசாங்கத்தினால் புனித பூமியாக அடையாளமிடப்பட்டுள்ள காணிக்குள் இந்த ஆலயம் 20 வருடங்களாக அமைந்துள்ளது.

ஏற்கனவே அந்தப் பகுதிக்குள் வாழ்ந்த தமிழ் குடும்பங்கள் அரசாங்கத்தின் உத்தரவு காரணமாக அங்கிருந்து வெளியேறிவிட்ட போதிலும் ஆலயத்திற்கு பொருத்தமான காணி இதுவரை வழங்கப்படாத நிலையில் ஆலயம் தொடர்ந்தும் அதே இடத்திலேயே உள்ளது.

பௌத்தர்களின் புனித பூமி பிரதேசத்திலிருந்து இந்த ஆலயமும் அகற்றப்பட வேண்டும் என குறித்த விகாரையின் பிரதம குருவினாலும் அங்குள்ள பௌத்தர்களினாலும் ஏற்கனவே தங்களுக்கு அழுத்தங்கள் இருப்பதாக ஆலய நிர்வாகம் கூறுகின்றது.

ஏற்கனவே ஒரிரு தடவைகள் தாக்கப்பட்ட பத்திரகாளியம்மன் ஆலயத்தின் அம்மன் சிலை சென்ற மாதம் அடையாளம் தெரியாத நபர்களினால் அகற்றப்பட்டு சேதமாக்கப்பட்டு கிணற்றில் வீசப்பட்ட சம்பவத்தின் பின்னர் ஆலயத்தின் பாதுகாப்புக்காக அங்கு வாழ்ந்த தமிழர்கள் குழுக்களாக தங்கியிருப்பது வழக்கம்.

தற்போது பெய்து வரும் மழை காரணமாக எவரும் தங்கியிருக்காத சந்தர்பத்திலேயே மீண்டும் அது தாக்கப்பட்டுள்ளதாகக் கூறப்படுகின்றது.

ஆலயத்தின் மீதான தாக்குதல் சம்பவங்கள் தொடர்பாக பொலிஸாரிடம் முறைப்பாடுகள் செய்யப்படுகின்ற போதெல்லாம் விசாரணைகள் மட்டும் தான் நடைபெறுகின்றதே தவிர அதனை தடுப்பதற்கான நடவடிக்கைகளை காண முடியவில்லை என பாராளுமன்ற உறுப்பினர் ஆர். யோகராஜன் கூறுகின்றார்.

(BBC)

1...4,4994,5004,501...4,739Page 4,500 of 4,739