கோலிவுட்டில் கதாநாயகர்கள் வில்லனாக மாறும் நேரம் போலிருக்கிறது. சமீபத்தில்தான் லவ் ஸ்டோரி என்ற படத்தில் அப்பாஸ் வில்லனாக நடிக்க ஒப்பந்தம் ஆனார்.

அவரைத் தொடர்ந்து காதல் வைரஸ், யுகா, கிரிவலம் படங்களில் நாயகனாக நடித்திருக்கும் அஜித்தின் மைத்துனர் ரிச்சர்ட் சுற்றுலா என்ற படம் மூலம் வில்லனாக மாறி இருக்கிறார்.

இதுபற்றி அப்பட இயக்குனர் வி.ராஜேஷ் ஆல்பிரட் கூறும்போது,

‘நண்பர்களின் உதவியுடன் திருமணம் செய்வதற்காக காதல் ஜோடி ஊட்டி வருகிறது. பதிவு திருமணம் செய்யும் நாளன்று நண்பர்கள் மர்மமான முறையில் காணாமல் போகிறார்கள். இதைக்கண்டு காதலர்கள் அதிர்ச்சியில் உறைகின்றனர்.

அடுத்து நடப்பது என்ன என்பது கதை. இதில் வில்லன் வேடத்தில் ரிச்சர்ட் நடிக்கிறார். மிதுன், ஸ்ரீஜி காதல் ஜோடியாக நடிக்கின்றனர். பிரஜன், சன்ட்ரா, அங்கிதா, ஜெகன், சிங்கமுத்து ஆகியோரும் நடிக்கின்றனர். பரணி இசை. ஜெயக்குமார், ரவிகுமார், வெங்கட்ராமன் தயாரிப்பு என்றார்.

சின்னத்திரையில் இருந்து சினிமாவுக்கு வருபவர்கள் ஜெயிக்க முடியாது என்று கோடம்பாக்கத்தில் இருந்து வந்த செண்டிமெண்டை உடைத்தெறிந்தவர் சிவகார்த்திகேயன்.

சின்னத்திரையில் உலாவந்த இவரை சினிமாவுக்கு கொண்டு வந்த பெருமை ஐஸ்வர்யா தனுஷைதான் சாரும். தான் இயக்கிய 3 படத்தில் தனுஷின் நண்பராக அவர்தான் அறிமுகம் செய்தார்.

ஆனால், அந்த படத்தில் நடித்துக்கொண்டிருந்தபோதே, தான் இயக்கிய மெரினா படத்துக்கு சிவகார்த்திகேயனை நாயகனாக்கினார் பாண்டிராஜ்.

இப்படி ஆரம்பித்த அவரது பயணம், எதிர்நீச்சல், கேடி பில்லா கில்லாடி ரங்கா, வருத்தப்படாத வாலிபர் சங்கம் படங்களுக்குப்பிறகு வெற்றிப் பயணமாகியிருக்கிறது.

அவர் படங்கள் தாறுமாறாக வசூலிப்பதால், அவரது மார்க்கெட்டுடன் சேர்ந்து சம்பளமும் படத்துக்குப்படம் எகிறிக்கொண்டிருக்கிறது. இந்த நேரத்தில், சமீபத்தில் சிவகார்த்திகேயன்-ஆர்த்தி தம்பதிக்கு பெண் குழந்தை பிறந்துள்ளது.

இதனால் அப்பாவான சந்தோசத்தில் இருக்கும் சிவகார்த்திகேயனை, மேலும் மகிழ்ச்சிப்படுத்தும் விதமாக அவரது நண்பர்கள் சிலர், முதல் குழந்தை பெண்ணாக பிறப்பது பெரிய அதிர்ஷ்டம் என்று சொல்லி அவரை சந்தோசப்படுத்தி வருகிறார்கள்.

இதனால் இதுவரை தான் நடித்த படங்களில், வருத்தப்படாத வாலிபர் சங்கம் படம் அதிகமாக வசூலித்த மகிழ்ச்சியில் மூழ்கியிருந்த சிவகார்த்திகேயன், இப்போது மகள் பிறந்ததையும் சேர்த்து இரட்டிப்பு மகிழ்ச்சியில் திளைத்துப்போயிருக்கிறார்.

ஏற்கனவே தெ‌ரிந்ததுதான். இப்போது அதிகாரப்பூர்வமாக உறுததியாகியிருக்கிறது. வெற்றிமாறன் இதுவரை இரண்டு படங்கள் இயக்கியிருக்கிறார்.

பொல்லாதவன், ஆடுகளம். இரண்டிலும் ஹீரோ தனுஷ். முதல் படத்தை கதிரேசனும் இரண்டாவது படத்தை தயாநிதி அழகி‌ரியும் தயா‌ரித்தனர். மூன்றாவதும் தனுஷுடன். தயா‌ரிப்பு அதே தயாநிதி அழகி‌ரி.

வேங்கைசாமி என படத்துக்கு பெயர் வைத்திருப்பதாக கூறுகிறார்கள். உறுதியில்லை. ‌ஜி.வி.பிரகாஷ் இசை, ஒளிப்பதிவு வேல்ராஜ் என்று அதே டீம். கிஷோரும் இந்தப் படத்தில் நடிப்பார் என்று தெ‌ரிகிறது.

படப்பிடிப்பை அடர்ந்த வனங்களில் நடத்த திட்டமிட்டுள்ளனர். கதைக்களம் அப்படி. வழக்கு எண் மனிஷா யாதவை வைத்து போட்டோஷூட் நடத்தினர். அது திருப்தியாக இருக்க அவரையே நாயகியாக்கியிருக்கிறார்கள்.

தமிழ், தெலுங்கு படங்களில் முன்னணி கதாநாயகியாக வலம் வருபவர் நடிகை தமன்னா.

இவர் தமிழில் தற்போது அஜீத்துடன் ‘வீரம்’ படத்தில் நடித்து வருகிறார்.

தமிழில் இந்த ஒரு படம் மட்டுமே இவர் கைவசம் உள்ளது.

இந்நிலையில், தெலுங்கில் மகேஷ் பாபு ஜோடியாக நடிக்க ஒப்பந்தமாகியுள்ளார். இவர் மகேஷ் பாபுவுடன் இணைந்து நடிக்கும் முதல் படம் இதுதான்.

இந்த படத்திற்கு ‘ஆகடு’ என பெயர் வைத்திருக்கின்றனர்.

இப்படத்தை மகேஷ் பாபுவை வைத்து ஏற்கெனவே ‘தூக்குடு’ என்ற படத்தை இயக்கிய சிரினு வைத்திலா இப்படத்தையும் இயக்குகிறார். பிற கலைஞர்களின் தேர்வு நடைபெற்று வருகிறது. விரைவில் படப்பிடிப்பை தொடங்கவும் படக்குழுவினர் முடிவு செய்துள்ளனர்.

எம்டிவி நிறுவனம் உலகளாவிய சிறந்த இசைக்கலைஞர்களை தேர்வு செய்து ´எம்டிவி ஐரோப்பிய இசை விருதுகள்´ என்ற விருதை வழங்கி வருகிறது. இந்த ஆண்டு இந்த விருதுகளுக்கான இசைக்கலைஞர்களை தேர்வு செய்யும் முயற்சியில் தற்போது இந்த டிவி நிறுவனம் மும்முரமாக களமிறங்கியுள்ளது.

10 பிரிவுகளாக பிரிக்கப்பட்டுள்ள இந்தத் தேர்வு நிகழ்ச்சியில் ஒவ்வொரு நாட்டிலிருந்தும் ஐந்து இசைக் கலைஞர்கள் தேர்ந்தெடுக்கப்படுவார்கள். அந்தந்த பிரிவுகளில் நடைபெறும் தேர்வில் முதலிடம் பெறுபவர் இறுதிப் போட்டிக்கு தேர்வு செய்யப்படுவார்.

இந்தியாவைப் பொறுத்தவரை, இந்தியா, ஆப்பிரிக்கா, மத்தியக் கிழக்கு நாடுகள் போன்றவை ஒரே பிரிவாக இணைக்கப்பட்டுள்ளன. ஒவ்வொரு நாட்டிலும் ஐந்து இசைக்கலைஞர்கள் தேர்வு செய்யப்பட்டுள்ளனர். இதில், இந்தியாவின் சார்பில் இசையமைப்பாளர் ஏ.ஆர்.ரஹ்மானுடன் பஞ்சாபின் ராப் இசைக் கலைஞரான யோ யோ ஹனிசிங்கும் தேர்ந்தெடுக்கப்பட்டுள்ளார்.

இயக்குனர் மணிரத்னம் இயக்கத்தில் ஏ.ஆர்.ரஹ்மான் இசையமைத்த ´கடல்´ படத்தில் வரும் ´நெஞ்சுக்குள்ளே´ பாடலுக்காகவும், ஹனிசிங் தன்னுடைய ´பிரிங் மீ பேக்´ என்ற பாடலுக்காகவும் தேர்ந்தெடுக்கப்பட்டுள்ளனர். இவர்களுடன் பட்டமீஸ் டில், தும் ஹி ஹோ மற்றும் மன்ஜ்ஹா ஆகிய மூன்று பாடல் குழுவினரும் தேர்வு செய்யப்பட்டுள்ளனர்.

உலக அளவில் அங்கீகாரம் கிடைக்கும் வகையில் இத்தகை இசை விருதுகளுக்கான பரிசீலனையில் இருப்பது குறித்து ஏ.ஆர்.ரஹ்மான் மகிழ்ச்சி தெரிவித்துள்ளார். மேலும் திறமை இருப்பவர்கள் கண்டிப்பாக வெற்றி பெறுவார்கள் என்றும் கூறியுள்ளார்.

இந்த இசைக் கலைஞர்கள் தேர்வின் இறுதி நிகழ்ச்சி நெதர்லாந்து நாட்டில் உள்ள ஆம்ஸ்டர்டாம் நகரில் நவம்பர் மாதம் 10-ந் தேதி நடைபெற இருக்கிறது.

கார்த்தி அட்டகத்தி ரஞ்சித்தின் இயக்கத்தில் நடிக்கும் படம் காளி. ஞானவேல்ராஜா படத்தை தயா‌ரிக்கிறார். கார்த்தி ஜோடியாக கேத‌ரின் தெரேஸா நடிப்பார் என கூறப்பட்டது.

இந்நிலையில் தெலுங்கில் பிரமாண்ட பொருட்செலவில் தயாராகும் ருத்தரம்மாதேவி படத்தில் அனுஷ்காவுடன் கேத‌ரின் தெரேஸாவும் நடிப்பதாக ஆந்திரா செய்திகள் தெ‌ரிவிக்கின்றன.

ருத்ரம்மாதேவியை குணசேகர் தயா‌ரித்து இயக்குகிறார். 13ஆம் நூற்றாண்டைச் சேர்ந்த கதை. இந்தப் படத்தில் ருத்ரம்மாதேவியாக அனுஷ்கா நடிக்கிறார். இதற்காக போடப்பட்ட அந்தப்புர அரங்கில் அனுஷ்காவின் முதலிரவு காட்சிகள் சமீபத்தில் படமாக்கப்பட்டது.

அனுஷ்காவுடன் ராணா நடிக்கும் இந்தப் படத்தில் புதிதாக கேத‌ரின் தெரேஸா சேர்க்கப்பட்டுள்ளார். இளையராஜா இசையமைக்கும் இப்படம் 3டி-யில் தயாராகிறது.