பிணை முடிந்து விட்டதால் நடிகர் பவர் ஸ்டார் சீனிவாசனை சிவகாசி பொலிசார் நேற்று சுற்றி வளைத்துள்ளனர்.

கண்ணா லட்டு தின்ன ஆசையா படம் மூலம் பிரபலமானவர் பவர் ஸ்டார் சீனிவாசன். பிரபல நடிகர் என்பதால் தனக்கு தெரிந்த தயாரிப்பாளர்கள், தொழிலதிபர்களுக்கு வெளிநாடுகளிலிருந்து கடன் வாங்கித்தருவதாக கூறி அதற்கான கமிஷன் தொகை பெற்று அந்த தொகையை படம் எடுக்க முதலீடு செய்துள்ளார்.

ஆந்திரா, கர்நாடகா மற்றும் தமிழகத்தின் பல்வேறு பகுதிகளில் கோடிக்கணக்கில் அவர் மோசடியில் ஈடுபட்டார். இதுகுறித்த புகார்களின் பேரில் சென்னை மத்திய குற்றப்பிரிவு பொலிசார் வழக்குப்பதிவு செய்து ஏற்கனவே அவரை கைது செய்து சிறையில் அடைத்தனர்.

அவர் சிறையில் அடைக்கப்பட்டதை தொடர்ந்து 10க்கும் மேற்பட்ட மோசடி புகார்கள் குவிந்தன. புகாரின் அடிப்படையில் டெல்லி பொலிசார் பவர் ஸ்டாரை கைது செய்து திகார் சிறையில் அடைத்தனர். இந்த வழக்குகளில் ஜாமீன் பெற்ற இவர் தற்போது அண்ணாநகரில் வசித்து வருகிறார்.

இந்நிலையில் 2001ம் ஆண்டு அவர் மீது சிவகாசி பொலிசில் ஒரு வழக்கு இருந்தது. பவர் ஸ்டாரின் காரில் இருந்த நம்பர் பிளேட்டுக்கும், ஆவண எண்களுக்கும் வித்தியாசம் இருந்ததால் பொலிசார் வழக்குப்பதிவு செய்தனர்.

இதில் அவர் முன்ஜாமீன் பெற்றார். தற்போது அந்த காலக்கெடு முடிந்து விட்டதாக கூறப்படுகிறது. இதனைத் தொடர்ந்து சிவகாசி எஸ்.ஐ மூர்த்தி தலைமையிலான தனிப்படை பொலிசார் நேற்று சென்னை சென்று பவர் ஸ்டாரை சுற்றி வளைத்துள்ளனர்.

இது தொடர்பாக அவரின் வழக்கறிஞர் பொலிசாரிடம் பேச்சுவார்தை நடத்தி வருகின்றார்.

நடிகர் விஜய் தனி கட்சி அமைக்கும் நோக்கத்துடன் கேரளாவில் ரகசிய சந்திப்பு நடத்தியதாக தகவல்கள் வெளியாகியுள்ளன.

நடிகர் விஜய் கொஞ்ச காலமாகவே அரசியலில் தீவிர ஆர்வம் காட்டி வருகிறார்.

கடந்த சட்டசபை தேர்தலின் போது தி.மு.க.வை வீழ்த்த வேண்டும் என்பதற்காக தனி மேடை போட்டு அ.தி.மு.க.வை ஆதரித்து பிரசாரம் செய்தார்.

பின் அவருக்கும் ஆளும்கட்சி தலைமைக்கும் சில முரண்பாடுகள் ஏற்பட அவருடைய தந்தையான இயக்குனர் சந்திரசேகரன் மூலம் மறைமுக அரசியலில் இறங்கினார்.

இதற்கிடையில் தலைவா படம் வெளியாக வேண்டிய தருணம் வந்தது. நடிகர் விஜய்யும், அவருடைய அப்பாவும் அரசியல் ரீதியாக செய்த மறைமுக கலாட்டாக்களால் கோபமடைந்திருந்த ஆட்சி தலைமை படம் வெளியாவதற்கு சில தடைகளை மறைமுகமாக ஏற்படுத்தியது.

இதனைத் தொடர்ந்து மிக நீண்ட போராட்டத்துக்குப் பின் படம் ஒருவழியாக வெளியானது. இருந்தாலும் தலைவா படம் தமிழகத்தில் தோல்வியை சந்தித்தது. கேரளா போன்ற அண்டை மாநிலங்களில் படம் ஓரளவுக்கு வெற்றியடைந்தது.

தற்போது அவர் நடித்துக் கொண்டிருக்கும் ஜில்லா படம் கிட்டதட்ட முடியும் தருவாயில் இருக்கிறது. இந்த சூழ்நிலையில் அவர் மீண்டும் அரசியலில் ஆர்வம் கொண்டிருக்கிறார்.

தன் ரசிகர் நல நற்பணி மன்றத்தை மீண்டும் வேகப்படுத்தி அரசியல் களத்தில் பரபரப்பாக செயல்பட வைப்பதற்கான முயற்சியில் தீவிரமாக இறங்கியிருக்கிறார்.

ஜில்லா பட படப்பிடிப்பு சமீபத்தில் கேரளாவின் திருவனந்தபுரத்தில் நடந்திருக்கிறது. அப்போது தனக்கு மிகவும் நம்பகமான சில மாவட்டத் தலைவர்களை அழைத்து, தன்னுடைய எண்ணங்களையும், கருத்துக்களையும் அவர்களிடம் பகிர்ந்து கொண்டதாக தகவல்கள் வெளியாகியுள்ளன.

திரிஷா புதுப்படங்களில் நடிக்க மறுத்து வருகிறார். அடுத்த வருடம் துவக்கத்தில் அவருக்கு திருமணம் நடக்க உள்ளதாக பரபரப்பு தகவல் வெளியாகியுள்ளது. திரிஷா 2002ல் சினிமாவில் அறிமுகமானார். பத்து வருடங்களுக்கு மேல் கதாநாயகியாக நடித்துக் கொண்டு இருக்கிறார். தற்போது அவருக்கு 30 வயது கடந்துள்ளது.

திரிஷாவுடன் சினிமாவுக்கு வந்த பல நடிகைகளுக்கு திருமணம் முடிந்துவிட்டது. எனவே திரிஷாவுக்கும் விரைவில் திருமணத்தை முடிக்க அவரது தாய் மாப்பிள்ளை தேடிவந்தார். இதற்கிடையில் திரிஷாவையும் தெலுங்கு நடிகர் ராணாவையும் இணைத்து கிசுகிசுக்கள் வந்தன.

இருவரும் பொது நிகழ்ச்சிகளுக்கு ஜோடியாக வந்தார்கள். குடும்ப நிகழ்ச்சிகளிலும் பங்கேற்றார்கள். சமீபத்தில் வெளிநாட்டில் நடந்த பட விழாவுக்கு ஜோடியாக சென்று நெருக்கமாக நடனமாடிய படங்கள் இணையத்தில் பரவின.

எனவே இருவரும் திருமணம் செய்து கொள்ள முடிவு செய்துள்ளதாக தெலுங்கு, தமிழ்பட உலகில் செய்திகள் பரவி உள்ளன. இதனை இருவரும் மறுக்கவில்லை. இந்த நிலையில் புதுப்படங்களில் நடிப்பதை திரிஷா தவிர்க்கிறார். பல இயக்குனர்கள் தங்கள் படங்களில் நடிக்கும்படி அவரை அணுகிய போது மறுத்துவிட்டாராம்.

தற்போது ஜெயம்ரவி ஜோடியாக பூலோகம், ஜீவாவுடன் என்றென்றும் புன்னகை மற்றும் தெலுங்கில் ஒரு படம் ஆகியவற்றில் நடிக்கிறார். இதில் பூலோகம் முடிந்துவிட்டது. மற்ற படங்களையும் முடித்துவிட்டு திருமணம் செய்து கொள்கிறார். அடுத்த வருடம் ஜனவரி அல்லது பிப்ரவரியில் திருமணம் இருக்கும் என்று எதிர்பார்க்கப்படுகிறது.