ஆர்யாவும் நயன்தாராவும் ராஜாராணி என்ற படத்தில் ஜோடியாக நடிக்கின்றனர். இப்படத்தின் விளம்பரத்துக்காக இருவரும் திருமண கோலத்தில் இருப்பது போன்ற போஸ்டர்களை அச்சிட்டு நகரமெங்கும் ஒட்டினர்.

மோதிரம் மாற்றிக் கொள்வதுபோல் பிரத்யேகமாக திருமண அழைப்பிதழ் ஒன்றையும் அச்சிட்டு பத்திரிகைகளுக்கு அனுப்பினர். போஸ்டர்களும், அழைப்பிதழும் நயன்தாரா ஆர்யாவுக்கு நிஜமாகவே திருமணம் நடந்துவிட்டதுபோல் ரசிகர்களை நினைக்க வைத்தது.

அதன் பிறகு படத்துக்கான விளம்பரம் என்று தாமதமாக தெரிய வந்தது. இருவரையும் எரிச்சல்படுத்தியது. இப்படியெல்லாமா விளம்பரம் செய்வார்கள். என விமர்சனங்கள் கிளம்பின.
நயன்தாராவுக்கு தெரியாமல் இந்த திருமண போஸ்டர்களை வெளியிட்டு அவரை அவமதித்து விட்டதாகவும் இதனால் படக்குழுவினர் மேல் நயன்தாரா கோபமாக இருப்பதாகவும் செய்திகள் வெளியாயின.

இதற்கு ஆர்யா விளக்கம் அளித்துள்ளார். அவர் கூறியதாவது..

நயன்தாரா பிரபலமான நடிகை. எனவே அவரை வைத்து இதுபோல் திருமண போஸ்டர் அச்சிட்டு படத்தை விளம்பரம் செய்ய முடிவெடுத்ததும் நான் தொடர்பு கொண்டு அபிப்ராயம் கேட்டேன்.

ரசிகர்கள் உங்களுக்கு நிறைய உள்ளனர். நான் ஆண் என்பதால் பிரச்சினை இல்லை. உங்களுக்கு எந்த சிக்கலும் வரக்கூடாது. யோசனை பண்ணி முடிவை சொல்லுங்கள் என்றேன். நயன்தாரா மறுக்கவில்லை. படத்துக்குத்தானே செய்றீங்க என்று சம்மதம் சொன்னார்.

நயன்தாரா அனுமதி இல்லாமல் அந்த காரியத்தை செய்யவில்லை. நயன்தாராவையும் என்னையும் இணைத்து வதந்திகள் பரவுகின்றன. சினிமாவில் எல்லோரும் நண்பர்களாகவே பழகுகிறோம். அதை தவறாக எடுத்துக் கொள்ளக்கூடாது என்று ஆர்யா கூறினார்.

நடிகை நமீதா அரசியலில் ஈடுபட தயாராகிறார். சமீபகாலமாக சமூக பணிகளில் தீவிரம் காட்டி வருகிறார். ரத்தானம், கண்தானம், ஏழைகளுக்கு நலத்திட்ட உதவிகள், வழங்குதல் போன்ற நிகழ்ச்சிகளில் பங்கேற்கிறார்.

ராயப்பேட்டையில் பெண்களுக்கு கழிப்பிடம் கட்டி கொடுத்தார். தொண்டு நிறுவனங்கள் நடத்தும் நிகழ்ச்சிகளில் இலவசமாகவே பங்கெடுத்து வருகிறார். அரசியலில் ஈடுபடும் திட்டம் உள்ளதா என்று நமீதாவிடம் கேட்டபோது அவர் கூறியதாவது..

எனக்கு அரசியலில் ஆர்வம் இருக்கிறது. எனவே விரைவில் அரசியலுக்கு வருவேன். எந்த கட்சியில் சேர்வது என்பது குறித்து இன்னும் முடிவு செய்யவில்லை. பாரதீய ஜனதா சார்பில் பிரதமர் வேட்பாளராக அறிவிக்கப்பட்டு உள்ள நரேந்திரமோடி எனது குஜராத் மாநிலத்துக்காரர் என்பதால் அக்கட்சியில் நான் சேரப்போவதாக செய்திகள் வந்துள்ளன. அப்படி எந்த முடிவும் எடுக்கவில்லை.

அரசியல் கட்சிகளில் எந்த கட்சியில் சேர்வது என்பது குறித்து தொடர்ந்து ஆலோசித்து வருகிறேன். விரைவில் முடிவு எடுத்து அறிவிப்பேன். சினிமாவில் தொடர்ந்து நடிப்பேன். உடற்பயிற்சிகள் செய்து எடையை குறைத்து வருகிறேன் என்று நமீதா கூறினார்.

பிரபல மலையாள நடிகை காவ்யா மாதவன். இவர் தமிழில் காசி, என் மன வானில், சாது மிரண்டா போன்ற படங்களில் நடித்துள்ளார். காவ்யா மாதவனுக்கும் குவைத்தில் தொழில் அதிபராக உள்ள நிச்சல் சந்திராவுக்கும் கடந்த 2009ல் திருமணம் நடைபெற்றது.

திருமணத்துக்கு பிறகு கணவருடன் குவைத்தில் குடியேறினார். ஆனால் சில மாதங்களிலே கணவருடன் கருத்து வேறுபாடு ஏற்பட்டு கேரளா திரும்பினார். 2010ல் விவாகரத்து கோரி எர்ணாகுளம் நீதிமன்றத்தில் வழக்கு தொடர்ந்தார்.

2011ல் அவருக்கு விவகாரத்து கிடைத்தது. அதன் பிறகு மீண்டும் சினிமாவில் நடித்தார். தற்போது மீண்டும் திடீரென சினிமாவை விட்டு ஒதுங்கியுள்ளார்.

புதுப்படங்களில் நடிக்க இயக்குனர்கள் அவரை அணுகியபோது மறுத்துவிட்டார். மீண்டும் திருமணம் செய்து கொள்ள முடிவெடுத்து இருப்பதே சினிமாவை விட்டு ஒதுங்குவதற்கு காரணம் என மலையாள பட உலகில் செய்தி பரவி உள்ளது. மாப்பிள்ளை யார் என்பது பற்றிய விவரங்கள் தெரியவில்லை.

எதிர்நீச்சல், வருத்தப்படாத வாலிபர் சங்கம் ஆகிய தொடர் வெற்றிப் படங்களைத் தொடர்ந்து சிவகார்த்திகேயன் நடித்துக் கொண்டிருக்கும் படம் மான் கராத்தே.

இந்த படத்தில் இவருக்கு ஜோடியாக ஹன்சிகா நடிக்கிறார். மேலும், நாசர், வித்யூத் ஜம்வால் ஆகியோரும் நடிக்கின்றனர். இப்படத்தை ஏ.ஆர்.முருகதாஸின் உதவியாளர் திருக்குமரன் இயக்குகிறார். அனிருத் இசையமைக்கிறார்.

இப்படத்தை எஸ்கேப் ஆர்டிஸ்ட் மோசன் பிக்சர்ஸ் மதன் உடன் இணைந்து ஏ.ஆர்.முருகதாஸ் தயாரிப்பதோடு கதை மற்றும் திரைக்கதையையும் எழுதுகிறார். இப்படத்தின் படப்பிடிப்பு கடந்த ஜூலை மாதம் தொடங்கியது.

தற்போது இப்படத்தின் அடுத்தக்கட்ட படப்பிடிப்பை நாளை முதல் கொடைக்கானலில் தொடங்க இருக்கின்றனர். இங்கு சிவகார்த்திகேயனும், ஹன்சிகாவும் இணைந்து நடனமாடும் ஒரு பாடலும் சில காட்சிகளும் படமாக்கப்பட உள்ளன. இதைத் தொடர்ந்து 45 நாட்கள் தொடர்ச்சியாக பெங்களூரில் படப்பிடிப்பை நடத்தவும் திட்டமிட்டுள்ளனர்.

இந்தியாவின் சிறந்த விளையாட்டு வீராங்கனையான அலிஷா அப்துல்லா, இந்தியாவிற்காக மோட்டார் சைக்கிள் மற்றும் கார் பந்தயங்களில் கலந்துகொள்ளும் ஒரேயொரு வீராங்கனை இவர் மட்டுமே என்ற பெருமையை கொண்டவர். இளம் வயதிலேயே ஏராளமான விருதுகளை பெற்றிருக்கிறார். இவருக்கு தற்போது திரைப்படங்களில் நடிக்க வாய்ப்புகள் வருகின்றன.

உண்மையில் திரைத்துறையில் நுழையும் எண்ணம் இருக்கிறதா என்று அலிஷாவிடம் கேட்டபோது திரைத்துறைக்கு வர விருப்பம் இருக்கிறது. அவ்வாறு நடிக்க வந்தால் அஜீத்துடன் இணைந்து நடிக்கவே விரும்புகிறேன். அஜீத்தும் ஒரு மோட்டார் சைக்கிள் பந்தய வீரர். அவரால்தான் என்னை நன்றாக புரிந்துகொள்ள முடியும் என்று கூறுகிறார். இவரது கனவு நிறைவேறுமா என்பதை பொறுத்திருந்துதான் பார்க்கவேண்டும்.

அஜீத் நடிப்பில் உருவாகியுள்ள ‘ஆரம்பம்’ படம் வரும் தீபாவளிக்கு வெளியாகிறது. தற்போது வீரம் படத்தில் பிசியாக நடித்துக் கொண்டிருக்கிறார் அஜீத். இப்படத்தை பொங்கலுக்கு வெளியிட முடிவு செய்துள்ளனர்.