நான் சாமியாராக வேண்டும் என்று விதி இருந்தால் நடந்து விட்டுப் போகட்டுமே என்று பரபரப்பாக பேசியுள்ளார் நடிகர் சிம்பு. நடிகர் சிம்புவின் சமீப கால போக்கு அனைவரையும் ஆச்சரியத்தில் ஆழ்த்தி வருகிறது.

சாமியார்கோலத்தில் ஊர் சுற்றுகிறார். இமயமலைக்குப் போகிறார். அதேசமயம் நடிகை ஹன்சிகாவையும் காதலிக்கிறார் என்று பேச்சுக்கள் அடிபடுகின்றன. இதுகுறித்து பரபரப்பு பேட்டி அளித்துள்ளார் சிம்பு. அதிலிருந்து சில பகுதிகள்…

யாருடனும் காதல் இல்லை..
எனக்கு இப்போது யாருடனும் காதல் இல்லை. காதல் இருந்தால், அதை வெளியே சொல்கிற தைரியம் எனக்கு உண்டு.

ஹன்சிகாவை விமான நிலையம் வரை…
ஹன்சிகாவை விமான நிலையம் வரை சென்று நான் வழியனுப்புவதாக சொல்வது கேட்பதற்கு காமெடியாக இருக்கிறது.

யார் வந்தாலும் ஏற்பேன்..
ஹன்சிகா மட்டுமல்ல எந்த பெண்ணாக இருந்தாலும் சரி என்னுள் இருக்கும் ஆத்மா சரி என்று சொன்னால் அவரது காதலை ஏற்றுக்கொள்வேன்.

மண்டை சொல்வதைக் கேட்பதில்லை..
சமீபகாலமாக மனதளவில் நான் பக்குவப்பட்டு விட்டேன். மண்டையும் மூளையும் சொல்வதை கேட்பதில்லை. உள்ளுக்குள் இருக்கும் ஆத்மா சொல்கிறபடி நடக்கிறேன்.

திருமணம் எப்போது..
எனது திருமணம் எப்போது நடக்கும் என்று சொல்ல முடியாது. நான் சமீபகாலமாக எதையும் திட்டமிடுவதில்லை.

சாமியார் ஆனால் ஆகட்டுமே..
ஆன்மிகத்துக்கு போனால் சாமியார் ஆகிவிட வேண்டுமா என்ன? நான் ஆன்மிகத்தில் ஈடுபாடு கொண்டிருப்பது உண்மை. ஆனால், சாமியார் ஆகவில்லை. ஒருவேளை நான் சாமியார் ஆக வேண்டும் என்று விதியிருந்தால் அப்படி நடந்துவிட்டுப் போகட்டும்.

வாலு எப்போது ?
வாலு படத்தின் பெரும்பகுதி படப்பிடிப்பு முடிந்து விட்டது. இன்னும் கொஞ்சம்தான் பாக்கி. அதை சீக்கிரமே முடித்து விடுவோம். அடுத்து அந்த படம்தான் திரைக்கு வரும் என்று கூறியுள்ளார் சிம்பு.

கொலிவுட்டில் சிறுத்தை சிவா இயக்கத்தில் நடித்து வரும் படத்திற்கு தனது கெட்டப்பை மாற்றி ரசிகர்களுக்கு இன்ப அதிர்ச்சி கொடுக்கிறார் தல அஜித்.
சாதாரணமாக கதாநாயகர்கள் வயதானாலும் தலைக்கு டை அடித்து கருப்பு முடியுடன் தான் நடித்து வருகிறார்கள்.

ரசிகர்களும் அதைத் தான் விரும்புகிறார்கள். ஆனால் ஹாலிவுட் கதாநாயகர்கள் வெள்ளை முடியுடன் நடித்து பெயர் எடுத்துள்ளனர்.

இந்நிலையில் அஜித் மங்காத்தா படத்திலும், தற்போது விஷ்ணுவர்தனின் பெயரிடப்படாத படத்திலும் நரை முடியுடனேயே வருகிறார்.

மங்காத்தா படத்தில் அஜித்தின் நரை முடி கெட்டப்பை ரசிகர்கள் ஏற்றுக் கொண்டது மட்டுமின்றி அது பிரபலமுமானது.

தற்போது சிறுத்தை சிவா இயக்கத்தில் அஜித் நடித்து வரும் படத்தின் படப்பிடிப்பு சமீபத்தில் ராஜமுந்திரியில் உள்ள பிரபல திரையரங்கில் நடந்தது.

இதில் அஜித், தமன்னா, சந்தானம் வரும் காட்சிகள் படமாக்கப்பட்டன.

அப்போது அஜித் முடிக்கு கருப்பு டை அடித்து வேட்டி சட்டை அணிந்து மாஸ் கெட்டப்பில் இருந்ததாகவும், தமன்னா சேலையில் இருந்ததாகவும் தகவல்கள் தெரிவிக்கின்றன.

நேசன் இயக்கும் ஜில்லா படத்தில் நடிக்க இளைய தளபதி விஜய் 16 கோடி இந்திய ரூபாய் சம்பளம் வாங்கியுள்ளார். இளைய தளபதி விஜய்க்கு தமிழகத்தில் ஏராளமான ரசிகர்கள் உண்டு. ஏன் அண்டை மாநிலமான கேரளாவிலும் அவருக்கு ஏகப்பட்ட ரசிகர்கள் உள்ளதாக மலையாள சூப்பர் ஸ்டார் மோகன் லால் தெரிவித்துள்ளார். விஜய் நடித்த காவலன் படம் ஹிட்டானது. அதன் பிறகு அவர் நடித்த படங்களும் ஹிட் தான்.

தொடர் ஹிட்ஸ்

காவலன், வேலாயுதம், நண்பன், துப்பாக்கி என விஜய் தொடர்ந்து வெற்றிப் படங்களை கொடுத்துள்ளார்.

வருகிறார் தலைவா

இயக்குனர் விஜய் இயக்கத்தில் விஜய் நடித்துள்ள தலைவா படம் விரைவில் திரைக்கு வருகிறது. அதில் விஜய் பாடியுள்ள பாடல் சூப்பர் ஹிட்டாகப் போகிறது என்று அஜீத் தெரிவித்துள்ளார்.

ஜில்லாவுக்கு ரூ.16 கோடி

தொடர்ந்து ஹிட் படங்கள்கொடுத்து வரும் விஜய் சம்பளத்தை உயர்த்தி வருகின்றார். இந்நிலையில் நேசன் இயக்கத்தில் அவர் நடிக்கும் ஜில்லா படத்திற்கு ரூ. 16 கோடியை சம்பளமாக வாங்கியுள்ளார்.