தனது மகள் தாமினி தற்போது நலமாக உள்ளார் என்று தெரிவித்துள்ளார் இயக்குனர் சேரன்.

இயக்குனர் சேரன் மகள் தாமினி தான் சந்துரு என்பவரை காதலிப்பதாகவும், அதற்கு தந்தை எதிர்ப்பு தெரிவிப்பதாகவும் சமீபத்தில் பொலிசில் புகார் அளித்துள்ளார்.

இதனால் கொலிவுட்டில் பரபரப்பு ஏற்பட்டது. மகளின் புகாரால் வேதனை அடைந்த சேரன் சந்துரு பல பெண்களுடன் தொடர்புடையவர். அவரை விட்டு பிரிந்து மீண்டும் எங்களிடம் வர வேண்டும் என்று மகளுக்கு கோரிக்கை விடுத்தார்.

சேரனுக்கு ஆதரவாக அமீர் உள்பட பல இயக்குனர்களும் திரண்டனர்.
இதற்கிடையில் இப்பிரச்னை நீதிமன்றத்துக்கு வந்தது. அப்போது காதலனை பிரிந்து பெற்றோருடன் செல்ல விரும்புவதாக தாமினி கூறியுள்ளார்.

இதனைத் தொடர்ந்து தந்தை சேரனுடன் தாமனி செல்ல அனுமதிக்கப்பட்டார். இது குறித்து சேரன் கூறுகையில் என் மகள் வீட்டுக்கு திரும்பி வந்தபிறகு ஆறுதல் அடைந்திருக்கிறேன். இதை விவரிக்க வார்த்தைகளே இல்லை.

கடந்த சில வாரங்களாக கடுமையான சூழலை சந்தித்து வந்தேன். இப்போது அதிலிருந்து விடுபட்டிருக்கிறேன். மேலும் திரைத்துறையில் நான் நிறைய நண்பர்களை பெற்றிருக்கிறேன் என்பதை இந்த சம்பவத்தால் உணர்ந்துள்ளேன்.

தாமினி தற்போது வீட்டில் இருக்கிறார் என்றும் சற்று ஓய்வு எடுத்துக்கொண்டு விரைவில் தனது படிப்பை தொடர்வார் எனவும் கூறியுள்ளார்.

மாற்றான் படத்திற்கு கே.வி.ஆனந்த் இயக்கப்போகும் அடுத்த படத்திற்கு தனுஷ் நாயகனாக தேர்வாகியுள்ளா. இப்படத்திற்கு ஹரிஸ் ஜெயராஜ் இசையமைக்கிறார். ஏ.ஜி.எஸ். நிறுவனம் தயாரிக்கிறது.

அயன், மாற்றன் படங்களைப்போல இந்த படத்திற்காகவும் வெளிநாடு செல்லவிருக்கிறார் கே.வி.ஆனந்த். இப்படத்தின் நாயகி இன்னும் தேர்வாகவில்லை.

இந்நிலையில் இப்படத்தில் கார்த்திக் முக்கிய வேடத்தில் நடிக்கவிருக்கிறாராம். ஆனால், இந்த தகவல் இன்னும் உறுதி செய்யப்படவில்லை. செப்டம்பர் 2ம் திகதி இப்படத்தின் படப்பிடிப்பு புதுச்சேரியில் ஆரம்பமாகிறது.

நடிகை அஞ்சலிக்கு ரகசிய திருமணம் நடந்ததாகவும் கணவருடன் அமெரிக்காவில் குடியேறி விட்டதாகவும் தெலுங்கு பட உலகில் பரபரப்பு தகவல் வெளியாகியுள்ளது.

அஞ்சலி கடந்த ஏப்ரல் மாதம் திடீரென்று சித்தி வீட்டில் இருந்து வெளியறி மாயமானார். அவர் கடத்தப்பட்டதாக போலீசில் புகார் அளிக்கப்பட்டது. ஐந்து நாட்களுக்கு பிறகு ஐதராபாத் போலீசில் ஆஜராகி தன்னை யாரும் கடத்தவில்லை என்று வாக்கு மூலம் அளித்தார்.

சித்தி கொடுமையால் வெளியேறியதாகவும் நிருபர்களிடம் விளக்கம் அளித்தார். 5 நாட்கள் யாருடன் இருந்தார் என்பதை அவர் வெளியிடவில்லை.

காதலனுடன் தங்கி இருந்த விவரமும் பிறகு அவரை ரகசிய திருமணம் செய்து கொண்ட விஷயமும் தற்போது அம்பலமாகி உள்ளது. அஞ்சலி காதலித்து கல்யாணம் செய்து கொண்டவர் ஆந்திராவில் உள்ள பிரபல அரசியல் வாதி ஒருவரின் மருமகன் என தெரிய வந்துள்ளது.

அரசியல் வாதியின் மகன் தெலுங்கு பட தயாரிப்பாளராக உள்ளார். அவருக்கு அரசியல் வாதியின் மருமகன் உதவியாக இருந்தாராம். அப்போது அஞ்சலிக்கும் அரசியல்வாதி மருமகனுக்கும் பழக்கம் ஏற்பட்டு காதல் மலர்ந்துள்ளது.

காதலை பிரிக்க அரசியல் வாதி பெரும் முயற்சி எடுத்தாராம். ஆட்களை ஏவியும் மிரட்டினாராம். ஆனால் மருமகன் அஞ்சலி ஜோடி பயப்படவில்லை. காதலில் உறுதியாக இருந்தனர். பின்னர் திருமணமும் செய்து கொண்டார்கள். இருவரும் அமெரிக்காவில் குடியேறி விட்டதாக தகவல் வெளியாகியுள்ளது.

வெப்பம் படத்தில் விலைமாதுவாக ஒரு கதாபாத்திரத்தில் நடித்தபடி தமிழுக்குள் நுழைந்தவர் பிந்து மாதவி.

அதன்பிறகு கழுகு, சட்டம் ஒரு இருட்டறை, கேடி பில்லா கில்லாடி ரங்கா, தேசிங்குராஜா உள்ளிட்ட படங்களில் நடித்த அவர், தற்போது சிவகார்த்திகேயன் நடித்துள்ள வருத்தப்படாத வாலிபர் சங்கம் படத்தில் கௌரவ வேடத்திலும் நடித்துள்ளார்.

அதைப்பார்த்து, அவரும் சிவகார்த்திகேயனும் அதிக நெருக்கம். அதனால்தான் அவரது நட்புக்காக இந்த படத்தில் கௌரவ வேடத்தில் பிந்து மாதவி நடித்துள்ளார் என்று கோலிவுட்டில் செய்தி பரவியுள்ளது.

ஆனால் இதுபற்றி சம்பந்தப்பட்ட பிந்து மாதவியிடம் கேட்டால், இந்த படத்தில் நான் நடிப்பதற்கும் சிவகார்த்திகேயனுக்கும் எந்த சம்பந்தமும் இல்லை.

மேலும் இந்த வருத்தப்படாத வாலிபர் சங்கம் படத்தை தயாரித்துள்ள நிறுவனம்தான் ஏற்கனவே நான் நடித்த கேடி பில்லா கில்லாடி ரங்கா, தேசிங்குராஜா ஆகிய படங்களை தயாரித்துள்ளது.

அதனால் எனக்கு இரண்டு படவாய்ப்புகளை கொடுத்த படநிறுவனம் உரிமையோடு என்னை கெளரவ வேடத்தில் நடிக்க அழைத்ததால் மறுக்காமல் நடித்தேன். இது முழுக்க முழுக்க படாதிபதிக்காகத்தான். சிவகார்த்திகேயனுக்காக அல்ல என்கிறார் பிந்து மாதவி.