டெல்லியில்..

இந்தியாவின் டெல்லியை சேர்ந்தவர் அஷ்ரப் நவாஸ் கான் (30) இவர் டெல்லி ஐஐடியில் பிஎச்டி மாணவர் ஆவார். இந்த நிலையில் லண்டனில் வேலைக்கான நேர்முக தேர்வில் வெற்றி பெற்ற மகிழ்ச்சியில் இருந்தார் அஷ்ரப்.

ஏனெனில் தந்தையை சமீபத்தில் இழந்த அவருக்கு மூன்று சகோதரிகள் உள்ளனர், குடும்பத்தை காப்பாற்ற வேண்டிய பொறுப்பு இருந்த சூழலில் தான் இந்த பெரும் வாய்ப்பு அவருக்கு கிடைத்தது. இந்த மகிழ்ச்சியை கொண்டாட நண்பர்களுக்கு பார்ட்டி கொடுக்க முடிவு செய்தார்.

அதன்படி நேற்று இரவு 11.15 மணிக்கு அஷ்ரப் நண்பர்களுடன் வெளியே சென்றுவிட்டு தனது இருப்பிடத்துக்கு திரும்பினார். அப்போது அஷ்ரப்புடன் அவர் நண்பர் அங்கூர் ஷுக்லாவும் இருந்தார். இருவரும் சாலையை கடந்த போது மிகவேகமாக வந்த கார் அவர்கள் மீது மோதியது.

படுகாயமடைந்த அஷ்ரப் மருத்துவமனைக்கு கொண்டு செல்லப்பட்ட நிலையில் சிகிச்சை பலனின்றி உயிரிழந்தார். காலில் எலும்பு முறிவு ஏற்பட்ட அங்கூர் சிகிச்சை பெற்று வருகிறார். உயிரிழந்த அஷ்ரப்பின் உறவினர் கூறுகையில், டெல்லியில் என்ன நடக்கிறது? இரவில் குடித்துவிட்டு வாகனம் ஓட்டுவது ஏன்?

இதுபோன்ற விஷயங்களை அரசு தீவிரமாக பரிசீலித்து நடவடிக்கை எடுக்க வேண்டும். காரை ஓட்டியவர் குடிபோதையில் இருந்திருக்க வேண்டும் என கூறினார். இந்த சம்பவம் தொடர்பாக பொலிசார் அவிஹண்ட் ஷேராவத் (31) என்பவரை கைது செய்துள்ளனர்.

விருதாச்சலத்தில்..

குடிப்பழக்கத்தை கைவிட கூறி கணவனுடன் ஏற்பட்ட தகராறு மனைவி தற்கொலை செய்து கொண்டுள்ளார். தொடர்ந்து மனைவியின் வீட்டை கணவன் பெட்ரோல் ஊற்றி கொளுத்திய சம்பவம் பரபரப்பை ஏற்படுத்தியுள்ளது.

இந்த நிலையில் கடந்த ஆறு மாதங்களுக்கு முன்பு இவருக்கும் தனியார் கல்லூரியில் படிக்கும் கேயிச்சியால் (22) என்ற பெண்ணுக்கும் திருமணம் நடைபெற்றது. திருமணத்தை தொடர்ந்து அவர்கள் பெண் வீட்டின் அருகிலேயே அவர்கள் வீடு வாடகைக்கு எடுத்து தங்கி குடும்பம் நடத்தி வந்துள்ளனர்.

அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும் இப்படி இருக்க விக்னேஷ்க்கு குடிப்பழக்கம் இருப்பதாக கூறப்படுகிறது. அதனால் குடிபோதையில் அவருக்கும் அவரது மனைவிக்கும் அடிக்கடி தகராறு ஏற்பட்டு வந்துள்ளது.

அவர் தன் மனைவியிடம் வீட்டு வாடகை கொடுக்க முடியவில்லை அதனால் உனக்கு சேர வேண்டிய சொத்தை வாங்கி வா என மனைவியிடம் கூறி தகராறு செய்து துன்புறுத்தி வந்துள்ளார். இந்த நிலையில் நேற்று குடிபோதையில் வழக்கம் போல மனைவியுடன் தகராறு செய்துள்ளார்.

அவரது மனைவி, குடிப்பழக்கத்தை கைவிட கூறி பலமுறை சொல்லியும் கேட்காததாலும் அடிக்கடி குடித்துவிட்டு கொடுமைப்படுத்துவதாலும் மன உளைச்சலுக்கு ஆளான அந்த பெண் வீட்டிலேயே தூக்கி தொங்கி தற்கொலை செய்து கொண்டுள்ளார்.

இது ஒருபுறம் இருக்க உயிரிழந்த பெண்ணின் உறவினர்கள் தங்கி இருந்த வீட்டை விக்னேஷ் பெட்ரோல் ஊற்றி வீட்டை எரித்து விட்டு சென்றுள்ளார். அதிர்ஷ்டவசமாக வீடு எரியும்போது உறவினர்கள் யாரும் அந்த வீட்டில் இல்லாமல் அருகில் இருந்த வீட்டின் தங்கி இருந்ததால் உயிர் சேதம் தவிர்க்கப்பட்டது.

இந்த சம்பவத்தை அடுத்து காவல் துறையினர் விக்னேஷை கைது செய்து அவரிடம் விசாரணை மேற்கொண்டு வருகின்றனர். தற்போது பெண்ணின் இறப்பில் சந்தேகம் இருப்பதாக கூறி அவரது உறவினர்கள் காவல் நிலையத்தில் புகார் தெரிவித்துள்ளனர்.

அதனால் விருதாச்சலம் காவல் துறையினர் இந்த வழக்கை சந்தேக மரணம் என பதிவு செய்து விசாரணை நடத்தி வருகின்றனர். உண்மையாகவே பெண் தூக்கில் தொங்கி தற்கொலை செய்து கொண்டாரா? அல்லது கொலை செய்யப்பட்டாரா? என்ற கோணத்தில் விசாரணை மேற்கொள்ளப்பட்டு வருகிறது.

சென்னையில்..

தனியார் நட்சித்திர ஓட்டல் நீச்சல் குளத்தில் தவறி விழுந்து 8 வயது சிறுமி உயிரிழந்த சம்பவம் பரபரப்பை ஏற்படுத்தி இருக்கிறது. சென்னை, மப்பேடு பகுதியில் உள்ள பாரதிதாசன் நகரை சேர்ந்தவர் பிரேம் எட்வின் ராஜ், இவர், பொங்கல் விடுமுறை தினத்தை கழிப்பதற்காக குடும்பத்துடன் மாமல்லபுரத்திற்கு சுற்றுலா வந்துள்ளார்.

அப்போது அங்குள்ள புராதன சின்னங்களை குடும்பத்துடன் சுற்றி பார்த்தனர். ஓரைக்கு மாமல்லபுரம் கிழக்கு கடற்கரை சாலையில் உள்ள ஒரு தனியார் ரிசார்ட் ஒன்றில் அறை எடுத்து குடும்பத்துடன் தங்கியுள்ளார்.

அப்போது, அவரது மகள் ஜோஸ்னா (அவருக்கு 8 வயது) திடீரென அறையின் கதவை திறந்து வெளியே சென்று, அங்குள்ள தனியார் நீச்சல் குளம் அருகே ஜாலியாக விளையாடி கொண்டிருந்தார் என்று கூறப்படுகிறது.

அப்போது எதிர்பாராத விதமாக சிறுமி நீச்சல் குளத்தில் தவறி விழுந்து, மூச்சு திணறி உயிருக்கு போராடிக் கொண்டிருந்தார். இதனை பார்த்த சிலர் நீச்சல் குளத்தில் குதித்து சிறுமியை மீட்டனர்.

பிறகு மருத்துவமனைக்கு கொண்டு சென்று பரிசோதித்த போது சிறுமி இறந்துவிட்டார் என்று தெரிய வந்தது. இந்த சம்பவம் அப்பகுதியில் சோகத்தை ஏற்படுத்தி உள்ளது.

குஜராத்தில்..

இந்திய மாநிலம் குஜராத்தில் தற்கொலை செய்து கொண்ட காதலர்களுக்கு சிலை வைத்து, மாலை அணிவித்து திருமண நிகழ்வு நடத்திய சம்பவம் அரங்கேறியுள்ளது.

குஜராத் மாநிலம் தாபியைச் சேர்ந்த கணேஷ் மற்றும் ரஞ்சனா ஆகிய இருவரும் காதலித்து வந்துள்ளனர். ஆனால் இவர்களின் காதலுக்கு இருவரது குடும்பத்தினரிடம் இருந்தும் எதிர்ப்பு கிளம்பியுள்ளது.

இதனால் தற்கொலை முடிவை எடுத்த காதல் ஜோடி தூக்கில் தொங்கி தங்கள் உயிரை மாய்த்துக் கொண்டது. அவர்கள் இறந்து ஆறு மாதங்கள் ஆன நிலையில்,

காதல் ஜோடி சேர்ந்து வாழ முடியாததற்கு தாங்கள் தான் காரணம் என குடும்பத்தினர் மனம் வருந்தியுள்ளனர். அதனைத் தொடர்ந்து கணேஷ்-ரஞ்சனாவுக்கு சிலை வைத்த குடும்பத்தினர், அவற்றுக்கு முறைப்படி திருமணம் செய்து வைத்தனர்.

உயிரிழந்த காதலர்களின் ஆன்மா சாந்தியடைவதற்காகவும், அவர்களின் ஆசையை நிறைவேற்றுவதற்காகவும் இதனை செய்ததாக குடும்பத்தினர் தெரிவித்தனர்.

முன்னதாக, கணேஷ் தங்கள் தூரத்து உறவினர் தான் என்றும், அவர் திருமணத்திற்கு தயாராக இல்லை என்பதாலும் காதலுக்கு எதிர்ப்பு தெரிவித்ததாக ரஞ்சனாவின் தாத்தா கூறினார்.

இந்தியாவில்..

தமிழகத்தின் தலைநகர் சென்னையை சேர்ந்தவர் பிரதாப் (34). என்ஜினீயரான இவர் கார் கம்பெனியில் வாகன வடிவமைப்பாளராக வேலை பார்த்து வந்தார். இவரது மனைவி சிந்தூரா ஐதராபாத்தில் உள்ள தனியார் வங்கியில் வேலை பார்த்து வந்தார். தம்பதியின் மகள் ஆதியா (4) பிரதாப்பின் தாய் ராஜாத்தி.

சிந்தூரா பணியின் காரணமாக ஐதராபாத்தில் உள்ள அடுக்குமாடி குடியிருப்பில் குடி பெயர்ந்தனர். அங்கு சிந்தூரா அவரது குழந்தை ஆதியா மற்றும் பிரதாப்பின் தாய் ராஜாத்தி ஆகியோர் தங்கி இருந்தனர். பிரதாப் மட்டும் சென்னையில் தங்கி வேலை பார்த்ததாக கூறப்படுகிறது.

இந்த நிலையில் பொங்கல் விடுமுறை காரணமாக பிரதாப் ஐதராபாத் சென்றுள்ளார். இதையடுத்து நேற்று முன் தினம் பிரதாப் தூக்கில் தொங்கிய நிலையில் ஒரு அறையிலும், சிந்துரா, ஆதியா, ராஜாத்தி ஆகியோர் மற்ற அறைகளிலும் இறந்து கிடந்தனர்.

சம்பவ இடத்திற்கு வந்த பொலிசார் நான்கு சடலங்களையும் கைப்பற்றினார்கள். முதற்கட்ட விசாரணையில் பிரதாப் அவரது மனைவியை சென்னைக்கு இடமாற்றம் செய்து வரும்படி கூறியதால் இருவருக்கும் இடையில் தகராறு இருந்தது தெரிந்தது.

மேலும் பணப்பிரச்சனையிலும் குடும்பத்தார் தவித்து வந்தனர். இதையடுத்து நான்கு பேரும் தற்கொலை செய்திருக்கலாம் என கருதப்பட்டது. இது குறித்து பேசிய சிந்துரா தாயார் கூறுகையில், மூவரையும் கொலை செய்துவிட்டு பிரதாப் தற்கொலை செய்திருக்கிறார் என்றார்.

இந்தநிலையில் பிரதாப் தனது மனைவி, மகளை முதலில் கொன்றுவிட்டு, பின்னர் தனது தாயாரை கழுத்தை நெரித்து கொலை செய்து பிறகு தற்கொலை செய்திருக்கலாம் என பொலிசார் கருதுகின்றனர். தொடர்ந்து இது தொடர்பில் விசாரணை நடந்து வருகிறது.

சென்னையில்..

அப்போதெல்லாம் ஒரே தாய் 5 அல்லது 6 பிள்ளைகளை அசால்ட்டாக வளர்த்தாள். ஆனால் இன்றைய பிள்ளைகளை வளர்க்க அம்மா, அம்மம்மா, அவருடைய அக்கா, பெரியம்மா என 4 அல்லது 5 பேர் தேவைப்படுகிறது.

இன்றைய காலகட்டத்தில் குழந்தை வளர்ப்பு என்பது பெரிய சவால் தான். எப்படி தான் கண்ணும், கருத்துமாக பார்த்தாலும் அசந்த நேரத்தில் ஏதாவது வம்பை விலைக்கு வாங்கி விடுகின்றனர். சில நேரங்களில் அலட்சியம் ஆபத்திலும் முடிந்து விடுகிறது.

சென்னை விருகம்பாக்கம் ராஜேஸ்வரி காலணியில் வசித்து வருபவர் அருண்குமார். இவரது மனைவி தேவகி. இவர்களுக்கு 6 வயதில் இரட்டை ஆண் குழந்தைகளும், அடுத்ததாக ஒரு வயதில் இளமாறன் என்ற மற்றொரு குழந்தையும் இருந்தது. அருண்குமார், விபாரிகள் சங்க பேரவை மாநில ஒருங்கிணைப்பாளர்.

ஜனவரி 14ம் தேதி பொங்கல் விடுமுறை நாள். இதனால் அன்றைய தினம் வீட்டில் அனைவரும் தொலைக்காட்சி பெட்டி முன் அமர்ந்து சிறப்பு நிகழ்ச்சிகளை பார்த்துக் கொண்டிருந்தனர்.

தேவகி சமையல் அறையில் இருந்தார். ஒரு வயது இளமாறன் வீட்டின் கழிவறையில் இருந்த தண்ணீர் நிரம்பிய வாளியில் விளையாடிக் கொண்டிருந்ததை யாரும் கவனிக்கவில்லை.

சமையல் அறையில் இருந்த தேவகி சத்தம் கேட்காததால் இளமாறனை தேடியபோது தண்ணீர் வாளிக்குள் நீரில் மூழ்கியபடி மயங்கிய நிலையில் கிடந்ததை கண்டு பதறி துடித்து உடனடியாக குழந்தையை கீழ்ப்பாக்கம் அரசு மருத்துவமனைக்கு கொண்டு சென்றனர்.அங்கு செய்யப்பட்ட பரிசோதனையில் குழந்தை தண்ணீரில் மூழ்கியதால் மூச்சு திணறி ஏற்கனவே உயிரிழந்துவிட்டதாக மருத்துவர்கள் தெரிவித்தனர்.

இதனைக் கேட்ட பெற்றோர் மற்றும் உறவினர்கள் கதறி துடித்தனர். இச்சம்பவம் குறித்து வழக்கு பதிவு செய்யப்பட்டு குழந்தையின் உடல் பிரேத பரிசோதனைக்கு அனுப்பி வைக்கப்பட்டது.

முதல் பிறந்தநாளை விமரிசையாக கொண்டாடிய அடுத்த நாளில் இந்த சோக சம்பவம் நடந்திருப்பது குறிப்பிடத்தக்கது. பிறந்தநாள் கொண்டாடிய 2 நாளிலேயே குழந்தை உயிரிழந்த சம்பவம் அப்பகுதியில் பெரும் அதிர்ச்சியையும், சோகத்தையும் ஏற்படுத்தியுள்ளது.