கோவையில்..

கோவை ஈஷா மையத்தில் இருந்து தலைதெறிக்க சாலையில் விறுவிறுவென ஓடிச் சென்ற பெண், அதன் பின்னர் காணாமல் போன நிலையில், 20 நாட்களுக்குப் பின்னர் கிணற்றில் சடலமாக மீட்கப்பட்டுள்ளது பெரும் அதிர்ச்சியை ஏற்படுத்தியுள்ளது.

கோவை ஈஷா யோகா மையத்தில் யோகா பயிற்சிக்காக சென்றிருக்கிறார் திருப்பூர் மாவட்டம் அவினாசி பகுதியைச் சேர்ந்த பழனிக்குமாரின் மனைவி சுபஸ்ரீ (34). இவர் தனியார் பனியன் நிறுவனத்தில் கம்ப்யூட்டர் ஆப்ரேட்டராக பணியாற்றி வந்தார்.

இந்த நிலையில், ஈஷா யோகா மையத்தில் ஒருவார யோகா பயிற்சிக்காக கடந்த டிசம்பர் 11-ம் தேதி காலை 6 மணிக்கு சென்றுள்ளார். பயிற்சி முடிவடைந்த நிலையில் டிசம்பர் 18-ம் தேதி அவரை அழைத்துச்செல்ல அவரது கணவர் பழனிக்குமார் காலை 7 மணிக்குச் சென்றுள்ளார்.

11 மணியாகியும் அவர் வராததால், உள்ளே சென்று விசாரித்துள்ளார். அப்போது வகுப்பு முடிந்து அனைவரும் சென்றுவிட்டதாக வரவேற்பாளர் அலுவலகத்தில் தெரிவித்துள்ளனர்.

இதையடுத்து அங்கு பொருத்தப்பட்டிருந்த சிசிடிவி காட்சிகளை பழனிக்குமார் ஆய்வு செய்த போது, சுபஶ்ரீ காலை 9.30 மணிக்கு மற்றொருவாசல் வழியாக வெளியே வந்து ஒரு டாக்சியில் ஏறி சென்றது பதிவாகி இருந்துள்ளது.

இதனால் வீட்டிற்கு சென்று பார்த்துள்ளார். அங்கேயும் அவர் வரவில்லை. அவரது செல்போன் எண்ணையும் தொடர்பு கொள்ள முடியவில்லை. இதனால் அதிர்ச்சியடைந்த பழனிக்குமார் சுபஸ்ரீயை கண்டுபிடித்து தரவேண்டும் என்று 20-ம் தேதி ஆலந்துறை காவல் நிலையத்தில் புகார் அளித்தார். புகாரி

டிப்படையில் போலீசார் விசாரணை நடத்தி வந்தனர். கிட்டத்தட்ட 6 தனிப்படைகள் அமைத்து, 100 சிசிடிவி காட்சிகளை ஆய்வு செய்து அந்த பெண் எப்படி மாயமானார் என்பது குறித்து போலீசார் தீவிரமாக விசாரணை நடத்தி வந்தனர்.

இந்த நிலையில், கிட்டத்தட்ட இரண்டு வாரம் கழித்துள்ள நிலையில், அதே செம்மேடு பகுதியை சேர்ந்த கோவிந்தராஜன் என்பவரது தோட்டத்திற்கு சொந்தமான கிணற்றில் இருந்து ஒரு பெண் சடலம் கிடப்பதாகவும், துர்நாற்றம் வீசி வருவதாகவும் தகவல் கிடைத்தது.

அந்த தகவலை தொடர்ந்து தீயணைப்புத்துறையினரும், போலீசாரும் உடனடியாக சம்பவ இடத்திற்கு விரைந்தனர். அப்போது கிணற்றில் இறந்து கிடந்தது சுபஸ்ரீ என்பது தெரியவந்துள்ளது. அழுகிய நிலையில் இருந்த அவரது உடல் மீட்கப்பட்டது. இதன் பிண்ணனி என்ன என்பது குறித்து தனிப்படை போலீசார் தீவிர விசாரணை நடத்தி வருகின்றனர். இச்சம்பவம் அப்பகுதியில் பரபரப்பை ஏற்படுத்தியுள்ளது.

புதுச்சேரியில்..

புதுச்சேரியில் புத்தாண்டு கொண்டாட வந்த உத்தர பிரதேசத்தை சேர்ந்த இளைஞர் ஒருவர் கடலில் ராட்சத அலையில் சிக்கி பரிதாபமாக உயிரிழந்தார். உலகம் முழுவதும் நேற்று புத்தாண்டு தொடங்கி கொண்டாடப்பட்டு வருகிறது.

மக்கள் அனைவரும் இந்த புத்தாண்டை இரவு முழுவதும் விழித்திருந்து கொண்டாடினர். சென்னை, புதுச்சேரி உள்ளிட்ட இடங்களுக்கு பல்வேறு இடங்களில் இருந்தும் மக்கள் வந்து புத்தாண்டை கோலாகலமாக கொண்டாடி மகிழ்ந்தனர்.

இந்த நிலையில் உத்தர பிரதேசம் மாநிலம் ஆவாஜ் பிகார் காலனியை சேர்ந்த மகேஷா என்பவர் பெங்களூரில் உள்ள தனியார் கம்பெனியில் வேலை செய்து வருகிறார். இவர் தனது நண்பர்களுடன் புத்தாண்டு கொண்டாட எண்ணியுள்ளார்.

அதன்படி இவரும் இவரது நன்பர்கள் உட்பட 7 பேர் நேற்று புதுச்சேரிக்கு சென்றுள்ளனர். அப்போது விழுப்புரம் மாவட்ட எல்லையில் உள்ள கோட்டக் குப்பம் பகுதி அருகே தனியார் விடுதி எடுத்து தங்கி கொண்டாட்டத்தை தொடங்கினர்.

எனவே புத்தாண்டு கொண்டாட்டத்தின்போது நண்பர்கள் அனைவரும் அந்த பகுதியில் உள்ள கடலில் குளித்து மகிழ்ந்தனர். அந்த சமயத்தில் எதிர்பாராத விதமாக எழும்பிய ராட்சத அலை மகேஷாவை இழுத்து சென்றது. இதனை கண்ட அதிர்ச்சியடைந்த நண்பர்கள் கூச்சலிட்டு சுத்தம் போட்டனர்.

இதனை கண்ட அக்கம்பக்கத்தினர் ஓடி வந்து மகேஷாவை மீட்க முயன்றனர். அதோடு அவரை கடலில் சென்று தேடினர். ஆனால் அவர் எங்கு தேடியும் கிடைக்கவில்லை.

இதனால் அவரது நண்பர்கள் உடனே காவல்துறைக்கு தகவல் அளித்தனர். அவர்கள் வந்து மகேஷாவை தேடும் பணியில் ஈடுபட்டனர். இருப்பினும் அவர் கிடைக்கவில்லை. தீவிரமாக தேடி வந்த நிலையில், இன்று அவர் உயிரிழந்த நிலீயல் சடலமாக மீட்கப்பட்டார்.

இதைத்தொடர்ந்து அவரது உடலை உடற்கூறாய்வுக்கு அனுப்பி வைத்து இதுகுறித்து விசாரணை மேற்கொண்டு வருகின்றனர். புத்தாண்டு கொண்டாட வந்த இடத்தில் கடல் அலையில் சிக்கி இளைஞர் ஒருவர் உயிரிழந்துள்ள சம்பவம் பெரும் சோகத்தை ஏற்படுத்தியுள்ளது.

உத்தரப் பிரதேசதில்..

“கொலை செய்வது எப்படி” என்று கூகுளில் தேடிய பிறகு, தனது மனைவியைக் கொலை செய்த நபர் ஒருவர் கைது செய்யப்பட்டதாக உத்தரப் பிரதேச பொலிஸார் தெரிவித்தனர்.

இந்திய மாநிலம் உத்தரப் பிரதேசதில், காஜியாபாத்தில் உள்ள மோடிநகரில் வசிக்கும் விகாஸ், தனது மனைவி சோனியாவை திட்டமிட்டு கொலை செய்து நாடகமாடியதை பொலிஸார் கண்டுபிடித்தனர்.

விகாஸ், வெள்ளிக்கிழமையன்று பொலிஸை தொடர்புகொண்டு, ஹாபூர் அருகே தேசிய நெடுஞ்சாலையில் தனது மனைவி சோனியாவிடம் யாரோ வழிப்பறி செய்வதாக கூறியுள்ளார்.

சம்பவ இடத்துக்குச் சென்ற பொலிஸார், சோனியா கழுத்து அறுக்கப்பட்ட நிலையில் இருப்பதைக் கண்டு, சந்தேகத்தின் பேரில் விகாஸைக் காவலில் எடுத்து விசாரித்தனர்.

விகாஸின் செல்போனைத் சோதனையிட்டதில், “கொலை செய்வது எப்படி” என்பது உள்ளிட்ட பல கிரிமினல் தனமான இணையத் தேடல்களை பொலிஸார் கண்டுபிடித்தனர்.

அவர் ஈ-காமர்ஸ் தளமான பிளிப்கார்ட்டில் இருந்து விஷத்தை வாங்க முயன்றதும் மற்றும் துப்பாக்கியை எங்கிருந்து வாங்கலாம் என்று கூகிளில் தேடியதும் பொலிஸாருக்கு தெரியவந்தது.

திருமணமான சில ஆண்டுகளுக்குப் பிறகு, விகாஸின் திருமணத்திற்குப் புறம்பான உறவுகள் குறித்து இருவருக்கும் தகராறு ஏற்பட்டதாக்க கூறப்படுகிறது. இறுதியில் அவர் வெள்ளிக்கிழமை சோனியாவை திட்டமிட்டு கொல்ல செய்துள்ளார்.

விகாஸ் கைது செய்யப்பட்டுள்ளதாகவும், அவரது காதலியையும் விரைவில் கைது செய்வோம் என்றும் பொலிஸார் தெரிவித்தனர். இந்த சம்பவத்தை வெளிப்படுத்திய பொலிஸ் குழுவினருக்கு ₹25,000 பரிசு அறிவிக்கப்பட்டுள்ளது.

ராசிபுரத்தில்..

ராசிபுரம் அருகே தூங்கிக் கொண்டிருந்த 2½ வயது ஆண் குழந்தையை இளைஞர் ஒருவர், மிதித்து கொலை செய்த சம்பவம் அதிர்ச்சியை ஏற்படுத்தியுள்ளது. நாமக்கல் மாவட்டம் ராசிபுரம் அருகே உள்ள சீராப்பள்ளி மூப்பனார் கோவில் தெருவை சேர்ந்தவர் கபில்வாசன் (32). இவரது மனைவி ராஜாமணி (24).

இந்த தம்பதிக்கு நவியா ஸ்ரீ (5) என்ற பெண் குழந்தையும், தருண் (2½) என்ற ஆண் குழந்தையும் இருந்தனர். கபில்வாசன் அந்த பகுதியில் உள்ள ஆலையில் கூலித்தொழிலாளியாக வேலை பார்த்து வருகிறார். இந்த தம்பதி அவர்களது உறவினர் தியாகராஜன் என்பவரது வீட்டின் மாடியில் குடியிருந்து வருகின்றனர்.

இந்த நிலையில் நேற்று கபில்வாசன் வேலைக்கு சென்று விட்டார். வீட்டில் மனைவி ராஜாமணி மற்றும் குழந்தைகள் இருந்துள்ளனர். இதில் குழந்தை தருண் தூங்கிக் கொண்டிருந்தான்.

அப்போது அதே ஊரைச் சேர்ந்த கபில்வாசனின் உறவினரான வாலிபர் ஒருவர் இரவு அவர்கள் வீட்டிற்கு வந்துள்ளார். பின்னர் அவர் குடிப்பதற்கு தண்ணீர் கேட்டுள்ளார். இதனால் ராஜாமணி தண்ணீர் எடுத்து வர உள்ளே சென்றுள்ளார்.

இந்த நிலையில் தூங்கிக் கொண்டிருந்த குழந்தை தருணை தூக்கி வாலிபர் கையால் அடித்தும் காலால் உதைத்தும் நெஞ்சில் தாக்கியதாகவும் கூறப்படுகிறது. இதைப்பார்த்த ராஜாமணி அதிர்ச்சி அடைந்தார். பின்னர் உடனடியாக குழந்தையை மீட்டு சிகிச்சைக்காக ராசிபுரம் தனியார் ஆஸ்பத்திரிக்கு கொண்டு சென்றனர்.

அங்கு பரிசோதித்த டாக்டர்கள் ஏற்கனவே குழந்தை தருண் இறந்து விட்டதாக தெரிவித்தனர். பிறகு குழந்தையை ராசிபுரம் அரசு ஆஸ்பத்திரிக்கு கொண்டு சென்று டாக்டரிடம் காண்பித்தனர். அங்கிருந்த டாக்டர்களும் குழந்தை இறந்து விட்டதாக தெரிவித்தனர். இதைக்கேட்டு குழந்தையின் பெற்றோரும், உறவினர்களும் கதறி அழுதனர்.

இதுபற்றி தகவல் அறிந்ததும் நாமகிரிப்பேட்டை போலீஸ் இன்ஸ்பெக்டர் கணேஷ்குமார் மற்றும் போலீசார் விரைந்து சென்று குழந்தை தருணின் உடலை கைப்பற்றி பிரேத பரிசோதனை கூடத்துக்கு அனுப்பி வைத்தனர். தொடர்ந்து போலீசார் வழக்குப்பதிவு செய்து ராகுல்(23) என்ற வாலிபரை பிடித்து விசாரணை நடத்தி வருகின்றனர்.

அந்த வாலிபர்தான் குழந்தையை அடித்துக்கொன்றாரா? குழந்தையை கொல்ல காரணம் என்ன? என்பது உள்பட பல்வேறு கோணங்களில் தீவிர விசாரணை நடைபெற்று வருகிறது. 2½ வயது ஆண் குழந்தை அடித்துக்கொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தி உள்ளது.

கேரளாவில்..

அவ்வப்போது நம்மை சுற்றி உள்ள ஆச்சரியத்தை உண்டு பண்ணும் இடங்கள் தொடர்பான செய்திகள் மற்றும் வீடியோக்கள் பெரிய அளவில் இணையத்தில் வைரல் ஆவதை நாம் பார்த்திருப்போம்.

அப்படி ஒரு இடத்தை பற்றி நாம் கேட்கும் போது நிச்சயம் ஒருவித பிரம்மிப்பை தான் நமக்குள் கடத்தி செல்லும். அந்த வகையில், ஒரு பழமை வாய்ந்த இடம் குறித்த செய்தி தான் தற்போது பலரையும் வெகுவாக கவர்ந்து வருகிறது.

கேரள மாநிலம் வயநாடு பகுதியில் அமைந்துள்ளது பாக்கம் என்னும் கிராமம். இந்த கிராமத்தில் அதிசய கிணறு ஒன்று அமைந்துள்ளது. இந்த பகுதியில் வறட்சி ஏற்பட்ட சமயத்தில் கூட இந்த கிணறு கொஞ்சம் கூட நீர் வற்றாமல் இருந்து அப்பகுதி மக்களை காப்பாற்றியதாக தகவல்கள் கூறுகின்றது.

இந்த வற்றாத கிணற்றின் பெயர் பாக்கம் திருமுகம் கேணி என தெரிகிறது. சுமார் 300 ஆண்டுகள் பழமை வாய்ந்த இந்த கிணறு இருக்கும் பகுதி அருகே குறும்பர் இன மக்கள் வாழ்ந்து வருகிறார்கள் அவர்களின் கலாச்சாரத்தில் ஒரு பகுதியாகவே இந்த கிணறு மாறி உள்ளதாக தகவல்கள் கூறுகின்றது.

ஒரு சமயத்தில் இந்த ஊரில் திருமணம் செய்து வரும் பெண்கள், இந்த கிணற்றில் ஒரு குடம் தண்ணீர் எடுத்து விட்டு வருவதை வழக்கமாகக் கொண்டிருந்ததாகவும் தகவல்கள் தெரிவிக்கின்றது.

அதே போல, கிணற்றில் நீர் எடுக்க சொல்லும் அப்பகுதி மக்கள் இதனை தெய்வீக சக்தி வாய்ந்ததாக பார்க்கின்றனர். இதற்கு உதாரணம் இந்த கிணற்றிற்கு அருகே தண்ணீர் எடுக்கச் செல்லும் நபர்கள், செருப்பை கழற்றி வைத்து விட்டு கிணறு அருகே செல்வது தான்.

எத்தனை முறை தண்ணீர் எடுத்துக் கொண்டே இருந்தாலும் அந்த கிணற்றில் நீர் வற்றாமல் அதே நிலையில் இருக்கும் என்றும் அப்பகுதி மக்கள் தெரிவிக்கும் நிலையில் ஆண்டுக்கு ஒரு முறை நீர் நிச்சயம் வற்றவே கூடாது என ஒரு சில சடங்கு முறைகளையும் அப்பகுதி மக்கள் இந்த கிணற்றிற்கு மேற்கொண்டு வருவதாக சொல்லப்படுகிறது.

வறட்சிகள் பல கடந்த போதிலும் அந்த கிணற்றில் தண்ணீர் வற்றாமல் இருப்பது பலரையும் வியப்பில் ஆழ்த்தியுள்ளது. மேலும் அப்பகுதி மக்களுக்கு தெய்வீக உணர்வுடன் கூடிய பழமையான கிணறாக விளங்குவதால் இது தொடர்பான செய்தியை பலரும் வியப்புடன் கவனித்து வருகின்றனர்.

அசாமில்..

திருமணம் செய்து கொள்ள காதலி மறுப்பு தெரிவித்த காரணத்தால் இளைஞர் ஃபேஸ்புக் நேரலையில் தூக்கிட்டு தற்கொலை செய்து கொண்ட சம்பவம் பெரும் பரபரப்பை ஏற்படுத்தியுள்ளது.

வடகிழக்கு மாநிலமான அசாமில் அமைந்துள்ளது கவுகாத்தி. கவுகாத்தி அருகே அமைந்துள்ள நகரம் சில்ஷர். இந்த நகரத்தில் வசித்து வந்தவர் ஜெய்தீப்ராய். மருந்து விற்பனை பிரதிநிதியான இவருக்கு 27 வயதாகிறது.

இவரது குடும்பத்தினர் கலைன் பகுதியில் வசித்து வருகின்றனர். ஜெய்தீப்ராய் வாடகைக்கு அறை எடுத்து சில்ஷரில் வசித்து வருகிறார். இவர் ஒரு பெண்ணை காதலித்து வந்ததுள்ளார்.

இந்த நிலையில், கடந்த திங்கள்கிழமை ஜெய்தீப் ராய் தன்னுடைய ஃபேஸ்புக் பக்கத்தில் நேரடி ஒளிபரபரப்புக்கு வந்துள்ளார். அப்போது, தனது நேரலையில் பார்த்துக் கொண்டவர்களிடம், “ நான் முறைப்படி திருமணம் செய்து கொள்ளலாம் என்று அந்த பெண்ணிடம் கேட்டேன்.

ஆனால், அந்த பெண் அனைவருக்கும் முன்பாக என்னை திருமணம் செய்து கொள்ள மறுத்துவிட்டார். பின்னர் அவரது மாமா என்னிடம் வந்து காதலை கைவிடாவிட்டால் அந்த பெண்ணை கொலை செய்து விடுவோம் என்று மிரட்டினார். என்னால் அந்த பெண்ணுக்கு எந்த தொந்தரவும் வர வேண்டாம். நான் இந்த உலகத்தை விட்டே போகிறேன்.

அம்மா. மாமா, அத்தை. அக்கா, அண்ணா உங்கள் அனைவரிடமும் நான் மன்னிப்பு கேட்கிறேன். உங்கள் அனைவரையும் நேசிக்கிறேன். ஆனால், என் காதலியை நான் அதிகம் நேசிக்கிறேன். அவள் இல்லாமல் என்னால் வாழ இயலாது.” என்று கூறிவிட்டு தனது அறையில் தூக்கிட்டு தற்கொலை செய்து கொண்டார்.

இதைப்பார்த்துக் கொண்டிருந்தவர்கள் பெரும் அதிர்ச்சிக்குள்ளாகினர். இந்த சம்பவம் நிகழ்ந்த உடனே இதுதொடர்பாக காவல்துறையினருக்கு எந்த புகாரும் கிடைக்கப்பெறவில்லை. தற்போது, அந்த பெண்ணின் குடும்பத்தினர் மீது ஜெய்தீப் ராய் குடும்பத்தினர் காவல்நிலையத்தில் புகார் அளித்துள்ளனர்.

உயிரிழந்த இளைஞரின் அண்ணன் ரூபம் கூறியதாவது, “என்னுடைய குடும்பத்தினர் மிகுந்த அதிர்ச்சியில் உள்ளனர். எங்களால் புரிந்து கொள்ளவே முடியவில்லை. அதனால்தான் நாங்கள் புகார் அளிக்காமல் இருந்தோம். அந்த பெண்ணின் குடும்பத்தால் எனது தம்பிக்கு இந்த நிலை ஏற்பட்டுள்ளது.

எனது தம்பிதான் எங்களது குடும்பத்தை கவனித்து வந்தான். எனது தம்பி நன்றாகவே சம்பாதித்து வந்தான். அதனால், அந்த பெண் குடும்பத்தினர் ஏன் எனது தம்பியை ஏற்கவில்லை என்றும் புரியவில்லை” என்றார்.

காதலி திருமணம் செய்துகொள்ள மறுத்த காரணத்தால் காதலன் ஃபேஸ்புக்கில் நேரலையில் பதிவிட்டு தற்கொலை செய்து கொண்ட சம்பவம் பெரும் பரபரப்பை ஏற்படுத்தியுள்ளது.