இந்தியாவில்..

இந்தியாவில் உள்ள ஒரு கிராமத்தில் பல காலமாக இருக்கும் பழக்கங்கள். பாம்பு கடித்து கொன்றுவிடும் என பயந்து ஒரு கிராமத்தை சேர்ந்த மொத்த மக்களும் அசைவ உணவுகள் சாப்பிடுவதை பல காலமாக தவிர்த்து வருவது தெரியவந்துள்ளது.

இந்தியாவின் ஒடிசா மாநிலத்தில் உள்ள தென்கெனல் மாவட்டத்தில் அமைந்துள்ள கிராம மக்கள் பழங்கால மூடநம்பிக்கையை இன்று வரையில் பின்பற்றி வருகின்றனர். அந்த வகையில் அசைவ உணவுகளை உண்டால் கொடிய விஷப்பாம்பு கடித்து கொன்றுவிடும் என நம்புகின்றனர்.

அதன்படி சைவ உணவுகளை மட்டுமே சாப்பிடுகின்றனர். பல ஆண்டுகளுக்கு முன்னர் இந்த கிராமத்தில் நடந்த ஒரு சம்பவமே இவர்களின் பயத்திற்கு காரணம். கிராமவாசி கூறுகையில், ஒரு முறை எங்கள் ஊரில் திருவிழாவின் போது சில நபர்கள் ஆற்றில் பிடித்த மீன்களை எடுத்து கொண்டு ஊருக்குள் வந்தார்கள்.

அப்போது வழியிலேயே அவர்களை பாம்புகள் கடித்து கொன்றுவிட்டது. அதிலிருந்து தான் மாமிசம், மீன்கள் போன்ற எந்தவொரு அசைவ உணவுகளையும் நாங்கள் சாப்பிடுவதில்லை.

எந்த ஒரு சுப காரியங்கள் என்றாலும் கூட சைவ உணவுகள் தான் இங்கு சமைக்கப்படும் என கூறியுள்ளார். மாமிசங்களை தெரியாமல் யாராவது சாப்பிட்டால் கூட அவர்களின் கண்பார்வை பறி போய்விடும் மற்றும் பாம்புக்கடியால் இறந்துவிடுவார்கள் என இந்த கிராம மக்கள் உறுதியுடன் நம்புகின்றனர்.

தமிழகத்தில்..

செல்போனில் கவனம் செலுத்தி விபத்துக்குள்ளான இளம்பெண் கீழே விழுந்ததையும் செல்போனில் வீடியோ எடுத்து பதிவிட்ட சம்பவம் வியப்பை ஏற்படுத்தியுள்ளது. செல்போன் மோகம் இன்றைய தலைமுறையினரை ஆட்டி படைத்து வருகிறது.

காலையில் எழும் போதே செல்போனை பார்த்துவிட்டு எழுவதில் தொடங்கி, உறங்க செல்வது வரை உடலில் ஓர் அங்கமாகவே செல்போன் மாறிவிட்டது. இதற்கெல்லாம் ஒரு படி மேலே போய் வாகனத்தில் செல்லும்போது வண்டியை நேராக பார்த்து ஓட்டாமல் செல்போனில் வீடியோ எடுத்துக்கொண்டே சென்று விபத்தில் சிக்கி சில்லறை வாங்கும் சம்பவங்களும் நடக்கின்றன.

அந்த வகையில் கொட்டும் மழையில் தம்பியுடன் இரு சக்கர வாகனத்தில் சென்ற பெண் ஒருவர் செல்போனில் வீடியோ எடுத்தவாறு பேசிக்கொண்டே செல்வதுடன், வண்டியை ஓட்டும் இளைஞரையும் வாகனத்தில் கவனம் செலுத்த விடாமல் செல்போனை பார்க்க சொல்லி கடைசியில் விபத்து ஏற்பட்டு இருவரும் சாலையில் விழுந்து காயமடைந்துள்ளனர்.

ஆனால், அந்த பெண் அதையும் பொருட்படுத்தாமல், விபத்து ஏற்பட்டதையும் கண்டெண்டாக்கி வீடியோ போட்டிருப்பது நெட்டிசன்களை அதிர்ச்சியடைய செய்துள்ளது.

தமிழகத்தில் சாலை விதிகளை மீறி வாகனம் ஓட்டுபவர்களுக்கு விதிக்கப்பட்டிருந்த அபராத தொகையை போக்குவரத்து காவல்துறை மேலும் உயர்த்தியுள்ளது. லைசன்ஸ் இல்லாமல் இருந்தால் 5000 ரூபாய், டிராஃபிக் சிக்னலில் நிற்காமல் சென்றால் முதல் முறை 1000 ரூபாயையும், இரண்டாவது முறை சிக்கினால் 10000 ரூபாயும் இனி வசூலிக்கப்படும் என்று அறிவிக்கப்பட்டுள்ளது.

அதேபோல வாகனம் ஓட்டும்போது செல்போன் பயன்படுத்தினால் முதல் முறை 1000 ரூபாயும், இரண்டாவது முறை சிக்கினால் 10000 ஆயிரம் ரூபாயையும் விதிக்கப்படும் என அறிவிக்கப்பட்டுள்ளது. 100 ரூபாயாக இருந்த ஹெல்மெட் அபராதம் இப்போது 500 ரூபாயாக உயர்த்தப்பட்டுள்ளது.

காவல்துறையின் இந்த உட்சபட்ச அபராத விதிப்புக்கு வாகன ஓட்டிகள் எதிர்ப்பு தெரிவிக்கும் நிலையில், எந்த வித விதிகளையும் பின்பற்றாமல் சிலர் இதுபோல விபத்தில் சிக்கும் நிகழ்வுகள் மற்றவர்களுக்கு முகம் சுளிப்பை ஏற்படுத்தியுள்ளது. வாகனம் ஓட்டும்போது செல்போன் பயன்படுத்தாதீர்கள், பாதுகாப்பான பயணத்தை மேற்கொள்ளுங்கள்.

ஹாய் பிரண்ட்ஸ் வண்டில போகும் போது கீழ விழுந்துட்டோம் 🤣 யார்ரா நீங்கலாம் 😂 pic.twitter.com/yfo6HFYQc8

— Madhan ツ (@itisMadhan_) November 2, 2022

ஜார்கண்ட்டில்..

பிறந்து 21 நாட்களே ஆன குழந்தையின் வயிற்றில் இருப்பது குறித்து தெரிய வந்த விஷயம், தற்போது மருத்துவ உலகில் வியப்பை ஏற்படுத்தி உள்ளது. அவ்வப்போது நாம் அதிகம் கேள்விப்படாத விஷயங்கள் குறித்து புதிதாக தெரிய வரும் செய்திகள் நிச்சயம் நம்மை ஒருவித பிரம்மிப்பில் தான் ஆழ்த்தும்.

அப்படி ஒரு செய்தி தான், தற்போது ஜார்கண்ட் மாநிலத்தில் அரங்கேறி பலரையும் ஏதாவது ஒரு வகையில் மிரளவும் வைத்துள்ளது. ஜார்கண்ட் மாநிலம், ராம்கர் மாவட்டத்தில் அமைந்துள்ள அரசு மருத்துவமனையில் கடந்த அக்டோபர் 10 ஆம் தேதி, பெண் ஒருவருக்கு பெண் குழந்தை பிறந்துள்ளது.

இதனிடையே பிறந்த அந்த குழந்தையின் மார்பு எலும்புக்கு கீழே வயற்றில் கட்டி இருப்பதை மருத்துவர்கள் கவனித்துள்ளனர். இதனை கவனித்ததும் பரபரப்பான மருத்துவர்கள், உடனடியாக அதனை அகற்ற வேண்டும் என்றும் முடிவு செய்து அதனை குழந்தையின் பெற்றோர்களிடமும் பரிந்துரைத்துள்ளனர்.

மேலும் குழந்தை பிறந்து 21 நாட்கள் ஆன சமயத்தில், அறுவை சிகிச்சையும் மேற்கொள்ளப்பட்டது. குழந்தையின் வயற்றில் இருந்து கட்டியையும் மருத்துவர்கள் அகற்றிய நிலையில், அது பார்ப்பதற்கு நீர்க்கட்டி போல இருந்துள்ளதாக தகவல்கள் தெரிவிக்கின்றது.

இந்த நிலையில், அதனை பரிசோதித்து பார்த்த போது மருத்துவர்கள் கடும் வியப்பில் ஆழ்ந்து போயுள்ளனர். குழந்தையின் வயற்றில் இருந்த கட்டிக்குள் 8 கருக்கள் இருப்பது தெரிய வந்துள்ளது.

மேலும் அவை ஒவ்வொன்றும் 3 முதல் 5 செ. மீ வரை இருந்ததும் அறிய வந்தது. மிகவும் வெற்றிகரமாக இந்த அறுவை சிகிச்சை மேற்கொள்ளப்பட்ட நிலையில், இன்னும் ஒரு வாரம் மருத்துவர்களின் கண்காணிப்பில் குழந்தை இருந்து விட்டு பிறகு டிஸ்சார்ஜ் செய்யப்படுவார் என்றும் அறிவிக்கப்பட்டுள்ளது.

பிறந்த குழந்தையின் வயிற்றில் கரு உருவாகி இருப்பதே நம்ப முடியாத ஒன்றாக பார்க்கப்படும் நிலையில், அதற்குள் எட்டு கருக்கள் இருந்தது மருத்துவ உலகில் மிகப்பெரிய அரிதான நிகழ்வாகவும் பார்க்கப்படுகிறது.

பிறக்கும் ஐந்து லட்சம் குழந்தைகளில் ஒரு குழந்தைக்கு தான் இது போன்ற அரிய நிகழ்வு நடக்கும் என்றும் ஆய்வு முடிவுகள் தெரிவிக்கின்றது. மேலும் இப்படி தோன்றுவதன் பெயர் கருவுக்குள் கரு உருவாதல் (fetus in fetu) ஆகும்.

அதே வேளையில் ஒரு குழந்தையின் உடலுக்குள் ஒரு கரு தான் இதுவரை இருந்தது என்பது அதிகம் கண்டறியப்பட்டுள்ள நிலையில், தற்போது 8 கருக்கள் ஒரே குழந்தையின் வயிற்றில் இருந்தது இது தான் முதல் முறை என்றும் மருத்துவர்கள் தெரிவிக்கின்றனர். மருத்துவ உலகில் அரிதான நிகழ்வாக இது பார்க்கப்படும் நிலையில், பல மருத்துவ நிபுணர்களும் இதுகுறித்து வியப்புடன் கருத்துக்களை வெளிப்படுத்தி வருகின்றனர்.

கேரளாவில்..

தாய்ப்பால் தொண்டையில் சிக்கி பச்சிளம் குழந்தை உயிரிழப்பு!
திருச்சூர் அருகே தாய்ப்பால் தொண்டையில் சிக்கி 4 மாத பச்சிளம் குழந்தை உயிரிழந்தது.

கேரளாவின் திருச்சூர் அருகே மாணி பரம்பில் எபி மற்றும் ஷெல்கா என்ற தம்பதிகளின் பெண் குழந்தை உயிரிழந்தது. வியாழக்கிழமை காலை குழந்தையை உறக்கத்தில் இருந்து எழுப்பியபோதும், அசைவின்றி கிடந்துள்ளது.

இதனால் பதறிப்போன பெற்றோர் சாலக்குடியில் உள்ள தனியார் மருத்துவமனைக்கு கொண்டு சென்ற போதிலும் உயிரிழந்தது.

தாய்ப்பால் தொண்டைக்குழியில் சிக்கியிருந்ததே மரணத்திற்கு காரணம் என மருத்துவர்கள் தெரிவித்தனர். பச்சிளம் குழந்தை உயிரிழந்த சம்பவம் அப்பகுதியினரிடையே சோகத்தை ஏற்படுத்தியுள்ளது.

ஊரப்பாக்கத்தில்..

ஊரப்பாக்கத்தில் குளிர்சாதன பெட்டி வெடித்து விபத்துக்குள்ளானதில் மூன்று பேர் பரிதாபமாக உயிரிழந்தனர். செங்கல்பட்டு மாவட்டம் கூடுவாஞ்சேரி பகுதியை சேர்ந்த, வெங்கட்ராமன் கடந்த ஒரு வருடங்களுக்கு முன்பு உடல்நலக் குறைவால் உயிரிழந்தார்.

இதனை அடுத்து அவருக்கு தாம்பரம் பகுதியில் திதி கொடுப்பதற்காக, துபாயில் வசித்து வந்த வெங்கட்ராமனின் மனைவி கிரிஜா ( 63) அவரது தங்கை ராதா (55) , அவரது தம்பி ராம்குமார் (47) , ராம்குமாரின் மனைவி பார்கவி (35) மற்றும் அவருடைய மகள் ஆராதனா (6) ஆகியோர் கடந்த 2ம் தேதி ஊரப்பாக்கம் வந்துள்ளனர்.

அவர்கள் அனைவரும் ஆர்ஆர் பிருந்தாவன், அப்பார்ட்மெண்டில் உள்ள முதல் மாடியில் , தூங்கிக் கொண்டிருந்த பொழுது இன்று அதிகாலை நான்கு மணியளவில் எதிர்பாராத விதமாக, வீட்டிலிருந்த குளிர்சாதன பெட்டி வெடித்து விபத்துக்குள்ளாகியுள்ளது.

இதன்காரணமாக, அதிலிருந்து புகை வெளியேறியதை தொடர்ந்து, தூங்கிக் கொண்டிருந்தவர்களுக்கு மூச்சுத் திணறல் ஏற்பட்டுள்ளது. இதனை அடுத்து அலறி அடித்து கூச்சலிட்டுள்ளனர்.

கூச்சல் சத்தம் கேட்ட அக்கம் பக்கத்தினர் வீட்டின் கதவை உடைத்து சென்று பார்த்த போது மூச்சு திணறி கிரிஜா, ராதா , ராஜ்குமார் ஆகியோர் சம்பவ இடத்திலேயே உயிரிழந்தனர்.

இது குறித்து தகவல் அறிந்து சம்பவ இடத்திற்கு வந்த கூடுவாஞ்சேரி காவல்துறையினர் மற்றும் தீயணைப்பு துறையினர் உயிரிழந்த மூன்று பேரின் உடலை மீட்டு செங்கல்பட்டு அரசு மருத்துவமனைக்கு அனுப்பி வைத்தனர்.

உயிருக்கு போராடிக் கொண்டிருந்த பார்கவி மற்றும் ஆராதனா ஆகிய இருவரையும் குரோம்பேட்டை அரசு மருத்துவமனைக்கு அனுப்பி வைத்தனர். ஒரே குடும்பத்தில் சேர்ந்த மூன்று பேர் உயிரிழந்த சம்பவம் அதிர்ச்சியை ஏற்படுத்தியுள்ளது.

இதனை தொடர்ந்து, சம்பவ இடத்தை செங்கல்பட்டு மாவட்ட ஆட்சியர் ராகுல்நாத் நேரில் சென்று ஆய்வு மேற்கொண்டார். அதன் பிறகு செய்தியாளர்களை சந்தித்த ராகுல்நாத் கூறுகையில், முதற்கட்டமாக நடைபெற்ற விசாரணையின் அடிப்படையில் மின் கசிவு காரணமாக இந்த விபத்து ஏற்படவில்லை என தெரியவந்துள்ளது.

ஒரு வருடங்களுக்கு மேலாக இந்த வீடு பூட்டி இருந்துள்ளது. இதன் காரணமாக மின்சார சாதனங்கள் ஆகியவை பழுதடைந்து இருக்கலாம், அதை பயன்படுத்திய காரணத்தினாலேயே, இந்த விபத்து நடைபெற்று இருக்கலாம் என தெரிவித்தார்.

மேலும் இது குறித்து விசாரணை நடைபெற்று வருவதாக கூறினார். மேலும், மாவட்டத்தில் இருக்கும் பொது மக்கள் யாரும் பழுதடைந்த மின்சார பொருட்களை பயன்படுத்த வேண்டாம், அதேபோல் சிறிது காலம் பயன்படுத்தாமல் இருக்கும் மின்சார பொருட்களை, டெக்னீசியன் அறிவுறுத்தலின்படி பயன்படுத்த வேண்டும் என கோரிக்கை வைத்தார்.

உத்தரபிரதேசத்தில்..

உத்தரப்பிரதேச மாநிலம், ஷாமிலி மாவட்டத்தை சேர்ந்தவர் அசீம் மன்சூரி. இவருக்கு தற்போது 27 வயதாகிறது. தனது பெற்றோருக்கு ஆறாவது குழந்தையாக அசீம் மன்சூரி பிறந்துள்ள நிலையில், இவரது உயரம் 2.3 அடி மட்டுமே உள்ளது.

இந்த உயரத்தின் காரணமாக இளம் வயதில் இருந்தே ஏராளமான கேலி, கிண்டலுக்கும் அசீம் ஆளாகி உள்ளதாக தெரிகிறது. முன்னதாக பள்ளி பருவத்தில் தனக்கு நேர்ந்த கேலியின் காரணமாக பள்ளி படிப்பையும் பாதியில் நிறுத்திக் கொண்டதாகவும் தகவல்கள் தெரிவிக்கின்றது.

இதனைத் தொடர்ந்து, சகோதரர்கள் நடத்திய அழகு நிறுவன கடையில் அசீம் மன்சூரி பணிபுரிந்து வந்ததாக தகவல் தெரிவிக்கும் நிலையில், தொடர்ந்து தனியாக கடை ஒன்றையும் நடத்தி தொழில் செய்து வருகிறார்.

மேலும் தனது தொழிலிலும் அசீம் சிறந்து விளங்கி வந்துள்ளார். ஆனால், கை நிறைய பணம் சம்பாதித்தாலும் ஒரே ஒரு ஏக்கம் மட்டும் கடந்த பல ஆண்டுகளாக தொடர்ந்து இருந்து வந்துள்ளது.

நன்கு பணம் சம்பாதித்த பிறகும் தான் திருமணம் செய்து கொள்ள பெண் கிடைக்கவில்லையே என ஏங்கி வந்துள்ளார் மன்சூரி. இதற்காக பல இடங்களிலும் அவர் பெண் தேடி வந்துள்ளதாக தகவல்கள் தெரிவிக்கின்றது.

அது மட்டுமில்லாமல், கடந்த சில ஆண்டுகளுக்கு முன் பெண் பார்த்து தாருங்கள் என போலீஸ் நிலையத்திலும் கோரிக்கை ஒன்றை அசீம் மன்சூர் அளித்திருந்த போது அவர் குறித்த செய்தி, அதிகம் வைரலாகி இருந்தது. இது தவிர, முதலமைச்சர்களுக்கும் கடிதம் மூலம் கோரிக்கை வைத்திருந்தார் மன்சூரி.

இந்த நிலையில், நீண்ட நாள் ஏக்கத்திற்கு பின்னர் அசீம் மன்சூருக்கு தற்போது திருமணம் நடந்துள்ளது. அசீம் ஊருக்கு அருகே உள்ள ஹபூர் எனும் பகுதியை சேர்ந்தவர் புஷாரா.

இவர் சுமார் 2.5 அடிக்கு மேல் உயரமுள்ளதாக தகவல் தெரிவிக்கும் நிலையில், கடந்த ஆண்டு அசீம் மற்றும் புஷாரா ஆகியோருக்கு இடையே பழக்கம் ஏற்பட்டுள்ளது. தொடர்ந்து, திருமண நிச்சயதார்ததமும் கடந்த ஆண்டு நடந்ததாக தகவல்கள் கூறுகின்றது.

அதே வேளையில், புஷாரா பட்டப்படிப்பு படித்து வந்ததால் ஓராண்டு கழித்து திருமணத்தை நடத்தி வைக்கவும் முடிவு எடுக்கப்பட்டிருந்தது. அதன்படி, தற்போது அசீம் மன்சூரி – புஷாரா திருமணமும் நடந்து முடிந்துள்ளது.

திருமண கோலத்தில் அவர்கள் இருக்கும் புகைப்படங்கள் மற்றும் வீடியோக்கள் அதிகம் வைரலாகி வரும் நிலையில் அப்பகுதியில் அசீம் மன்சூரிக்கு திருமணம் நடந்ததை பெரிய அளவில் கொண்டாடி இருந்ததாகவும் தகவல்கள் தெரிவிக்கின்றது.