10 வயது சிறுமி..

மீகொட, வெலிசெனவத்த பகுதியில் இருந்து காணாமல் போனதாக கூறப்படும் 10 வயதான சிறுமி தொடர்பில் காவல்துறையினர் பொதுமக்களின் உதவியைக் கோரியுள்ளனர்.

இந்த சிறுமி கடந்த வெள்ளிக்கிழமை முதல் காணாமல் போயுள்ளதாக தேசிய சிறுவர் பாதுகாப்பு அதிகாரசபை அறிவித்துள்ளது. குறித்த சிறுமியின் தந்தையும் தாயும் இங்கிலாந்துக்கு சென்ற நிலையில் விவாகரத்து பெற்ற சிறுமியின் தாயார் மறுமணம் செய்துள்ளார்.

2020ஆம் ஆண்டு சிறுமியின் தந்தை இறந்துவிட்டநிலையில் சிறுமியை தந்தையின் உறவினர்கள் பராமரித்து வந்தனர். இந்தநிலையில் இங்கிலாந்தில் இருந்து திரும்பிய சிறுமியின் தாயார் சிறுமியை தம்முடன் இங்கிலாந்து அழைத்துச்செல்ல சட்ட நடவடிக்கைகளை மேற்கொண்டிருந்தார்.

இதனையடுத்து சிறுமியை மன்றில் முன்னிலைப்படுத்துமாறு நீதிமன்றம் உத்தரவிட்டிருந்தது. இந்தநிலையிலேயே சிறுமியை காணவில்லை என்று சிறுமியின் பாட்டன், பாட்டி மற்றும் மாமா ஆகியோர் தேசிய சிறுவர் பாதுகாப்பு அதிகாரசபையிடம் முறையிட்டுள்ளனர்.

இதனையடுத்து சிறுமியை பற்றி தகவல்களை தருமாறு அதிகாரசபை பொதுமக்களிடம் கோரியுள்ளது. சிறுமியைப் பற்றி தகவல் தெரிந்தவர்கள் 0112 778 911 அல்லது தேசிய சிறுவர் அதிகாரசபையின் அவசர இலக்கங்களான 1929 என்ற இலக்கங்களுடன் தொடர்புக்கொள்ளுமாறு கோரப்பட்டுள்ளனர்.

பேருந்தில்..

தூர பயணங்கள் மேற்கொள்ளும் பேருந்தில் பெண்களுடன் நெருக்கமான தொடர்பு ஏற்படுத்திக் கொள்ளையடிக்கும் இளைஞன் தொடர்பில் செய்தி வெளியாகியுள்ளது.

சகஜமாக பேசி அவர்களுடன் நெருக்கமாவதுடன், தூக்க மாத்திரை கலந்த உணவு ஒன்றை வழங்கி பெண்களின் பணம் மற்றும் தங்க நகைகளை கொ.ள்ளையடிக்கும் நடவடிக்கையில் ஈடுபட்டுள்ளார்.
இந்த மோ.சடி நடவடிக்கையில் ஈடுபட்ட நபர் நீர்கொழும்பு விசாரணை பிரிவு அதிகாரிகளினால் கைது செய்யப்பட்டுள்ளார்.

அந்த பிரிவிற்கு கிடைத்த முறைப்பாட்டிற்கமைய நீண்ட காலங்களாக மேற்கொள்ளப்பட்ட வி.சாரணைக்கமைய சந்தேக நபர் நேற்று ராஜாங்கன – வராவெவ பிரதேசத்தில் வைத்து கைது செய்யப்பட்டுள்ளார்.

கைது செய்யப்பட்ட சந்தேக நபரிடம் இருந்து 50 லட்சம் ரூபாய் பணம் மற்றும் ஒரு தொகை தங்க நகைகள் கண்டுபிடிக்கப்பட்டுள்ளது.
அதேவேளை குறித்த இளைஞன், பத்திரிகைகளில் வெளியாகும் திருமண விளம்பரங்களில் உள்ள தொலைபேசி இலக்களை தொடர்பு கொண்டு மோ.ச.டி நடவடிக்கையில் ஈடுபடுவதாக பொலிஸார் தெரிவித்துள்ளனர்.

வெளிநாடுகளில் இருந்து புகலிட கோரிக்கையாளர்களாக இலங்கைக்கு வந்த 1250 வெளிநாட்டவர்களுக்கு அரசியல் தஞ்சம் வழங்குவதற்கு இலங்கை நடவடிக்கை மேற்கொண்டுள்ளது.

ஐக்கிய நாடுகளின் அகதிகளுக்கான உயர்ஸ்தானிகரின் தலையீட்டின் மூலம் இந்த வெளிநாட்டினருக்கு அரசியல் தஞ்சம் வழங்க இலங்கை அரசு நடவடிக்கை எடுத்துள்ளது.

ஐரோப்பிய நாடுகளில் அவர்களுக்கு புகலிடம் வழங்கப்படும் வரை இலங்கையில் அவர்களுக்கு தற்காலிக அரசியல் தஞ்சம் வழங்கப்படவுள்ளது.

பாகிஸ்தான், பங்களாதேஷ், ஈராக், மாலைத்தீவு உட்பட நாடுகளில் இருந்து பாதுகாப்பிற்காக இலங்கையில் புகலிடம் கோருவோருக்கு தற்காலிக புகலிடம் வழங்குதற்கு அகதிகளின் நிலை தொடர்பான ஐ.நா. மாநாட்டிலும் இலங்கை கையெழுத்திட்டுள்ளது.

பிற நாடுகளில் புகலிடம் கோருவோர் பல்வேறு கட்டுப்பாடுகளுக்கு அடிபணிய வேண்டியிருந்தாலும், இலங்கைக்கு வருபவர்களுக்கு நீர்கொழும்பு, கல்கிஸ்ஸ மற்றும் ஏனைய பகுதிகளில் சுதந்திரமாக வாழ சந்தர்ப்பம் கிடைத்துள்ளது.

அவர்களில் பெரும்பாலோர் இந்த நாட்டில் வேலை செய்கிறார்கள் மற்றும் இலங்கை பெண்களை திருமணம் செய்துள்ளார்கள் என தெரிய வந்துள்ளது.

தற்காலிக புகலிடம் கோருவோர் குறித்த தகவல்களை வழங்க ஐக்கிய நாடுகளின் அகதிகளுக்கான உயர் ஸ்தானிகர் இதற்கு முன்னர் தயக்கம் காட்டியிருந்தாலும், ஈஸ்டர் சம்பவத்திற்குப் பின்னர் இந்த குழுக்களை கண்காணிக்க பாதுகாப்பு அமைச்சகம் அறிவுறுத்தியுள்ளது.

இந்த பகுதிகள் மாதந்தோறும் குறித்த புகலிட கோரிக்கையாளர்களை அடையாளம் கண்டு, அப்பகுதியில் உள்ள பொலிஸ் தலைமையகத்தில் அவர்கள் தொடர்பிலான அறிக்கைகளை சமர்ப்பிக்க அறிவுறுத்தப்பட்டுள்ளன.

இலங்கையில் மனித உரிமைகளை மீறுவதாக ஐக்கிய நாடுகள் சபை குற்றம் சாட்டும் சூழ்நிலையில் அகதிகளை இலங்கை ஏற்றுக்கொள்வது குறிப்பிடத்தக்கது.

விபத்து..

ஏ9 பிரதான வீதியின் கொக்காவில் பகுதியில் சீமேந்து ஏற்றிச் சென்ற லொறியொன்று வீதியின் அருகிலிருந்த மரத்துடன் மோதியதில் சாரதி பலத்த காயங்களுடன் வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்துள்ளனர்.

இவ்விபத்துச் சம்பவம் இன்று(29.03) அதிகாலை இடம்பெற்றுள்ளது.
லொறியின் சாரதிக்கு ஏற்பட்ட தூக்கமே விபத்துக்குக் காரணம் என தெரிவிக்கப்படுகின்றது.

சம்பவம் தொடர்பான விசாரணைகளை பொலிஸார் மேற்கொண்டு வருகின்றனர்.

கொரோனா..

திருநெல்வேலி பொதுச்சந்தை மற்றும் அதனைச் சூழவுள்ள வர்த்தக நிலையங்களோடு தொடர்புபட்ட 177 பேருக்கு இந்த மாதம் இதுவரை கோவிட் வைரஸ் உறுதி செய்யப்பட்டுள்ளது என வடக்கு மாகாண சுகாதார திணைக்களப் பணிப்பாளர் மருத்துவர் ஆ.கேதீஸ்வரன் தெரிவித்துள்ளார்.

யாழ். குடாநாட்டில் தற்போது அதிகரிக்கும் கோவிட் நிலைமை தொடர்பில் இன்று மாவட்ட அரச அதிபர் க.மகேசன் தலைமையில் நடைபெற்ற விசேட கலந்துரையாடலையடுத்து இடம்பெற்ற செய்தியாளர் சந்திப்பிலேயே அவர் மேற்கண்டவாறு கூறியுள்ளார். அவர் மேலும் தெரிவித்ததாவது,

“திருநெல்வேலி பொதுச்சந்தையில் கடந்த மாதமும் எழுமாற்றாக பி.சி.ஆர். பரிசோதனை மேற்கொண்டபோது கோவிட் வைரஸ் தொற்றுடன் எவரும் அடையாளம் காணப்படவில்லை. இந்தமாதமே தொற்று தீவிர பரவலடைத்துள்ளது.

திருநெல்வேலி பொதுச்சந்தையில் தொடர்ந்தும் பி.சி.ஆர். பரிசோதனை இடம்பெறும். அதேகாலத்தில் ஏனைய சந்தைகளும் கண்காணிக்கப்படும். இதேநேரம், யாழ். மாநகரில் மூடப்பட்டுள்ள வர்த்தக நிலையத்தினரை சுயதனிமைப்படுத்தலில் இருக்குமாறும், வழக்கமான நிகழ்வுகளை இரத்துச் செய்யுமாறும் கோரப்பட்டுள்ளது” எனத் தெரிவித்துள்ளார்.

தங்கச் சங்கிலியை..

திருகோணமலை – உப்புவெளி, அம்பாள் வீதி பகுதியில் பெண்ணொருவரின் தங்கச் சங்கிலி அ.றுத்துச் செ.ல்லப்பட்டுள்ளது. குறித்த சம்பவம் நேற்றைய தினம் இடம்பெற்றுள்ளதாக தெரியவருகிறது.

மோட்டார் சைக்கிளில் வந்த இருவரே இவ்வாறு குறித்த பெ.ண்ணை த.ள்ளிவிட்டு அவரிடமிருந்து தங்கச் சங்கிலியை அ.றுத்துச் செ.ன்றுள்ளதாக தெரியவருகிறது.

இந்த நிலையில் சந்தேகநபர்கள் செல்லும் காட்சி சிசிடிவி காணொளியில் பதிவாகியுள்ள அதேவேளை இதனை அடிப்படையாக வைத்து பொலிஸார் வி.சாரணைகளை முன்னெடுத்து வருகின்றனர்.