வவுனியாவில் இடம்பெற்ற கூட்டத்தில்..

மகாவலி எல் வலய விஸ்தரிப்பு மற்றும் அபிவிருத்தி தொடர்பில் கலந்துரையாடப்பட்ட போது நெடுஞ்சாலைகள் அமைச்சர் ஜோன்சன் பெர்னாண்டோ, வன்னி மாவட்ட பாராளுமன்ற உறுப்பினர் சாள்ஸ் நிர்மலநாதன் இடையில் தர்க்கம் ஏற்பட்டது.

ஜனாதிபதியின் சுபீட்சத்தின் நோக்கு திட்டத்தின் கீழ் கிராமிய உட்கட்டமைப்பு வசதிகளை அபிவிருத்தி செய்தல் தொடர்பான கூட்டம் வவுனியா மாவட்ட செயலக கேட்போர் கூடத்தில் நேற்று (07.11) இடம்பெற்றது.

இதன்போது மகாவலி எல் வலய அபிவிருத்தி மற்றும் குளப் புனரமைப்பு பற்றி பேசப்பட்ட போது வன்னி மாவட்ட நாடாளுமன்ற உறுப்பினர் சாள்ஸ் நிர்மலநாதன், வவுனியா, முல்லைத்தீவு மாவட்டங்களில் மகாவலி அதிகார சபையின் செயற்பாட்டின் மூலம் தமிழர் கிராமங்கள் அபகரிக்கப்பட்டு சிங்கள மக்கள் குடியேற்றப்படுவதுடன், அவை சிங்கள கிராமங்களாக மாற்றப்படுகின்றன.

இந்த திட்டம் காரணமாக தமிழ் மக்களுக்கு ஆபத்து இருக்கிறது. இங்குள்ள மக்கள் பாதிக்கப்படுகிறார்கள். இது தொடர்பில் அமைச்சர் சமல் ராஜபக்ஸ அவர்களுக்கு 13 எம்.பிகள் கையெழுத்திட்டு கடிதம் ஒன்றை வழங்கி இது தொடர்பில் பேசியிருக்கின்றோம்.

அவர் இது தொடர்பில் கலந்துரையாடி முடிவெடுப்பதாக தெரிவித்திருக்கின்றார். எனவே அதுவரை குறித்த மகாவலி எல் வலய அபிவிருத்தி திட்டங்களை முன்னெடுக்க வேண்டாம் என இரு தடவைகள் வலியுறுத்திருந்தார்.

இதற்கு பதிலளித்த நெடுஞ்சாலைகள் அமைச்சர் ஜோன்சன் பெர்னாண்டோ, இங்கு வந்து இதை வைத்து அரசியல் செய்யாமல் சொல்வதைக் கேளுங்கள் என சாள்ஸ் நிர்மலநாதன் எம்.பி மீது கை நீட்டி கடும் தொனியில் பேசியிருந்தார்.

அத்துடன், இந்த அரசாங்கம் எமக்கு வாக்களித்தவர், வாக்களிக்காதவர் என பார்காது தமிழ், முஸ்லிம், சிங்களவர் என்ற வேறுபாடின்றி அர்ப்பணிப்புடன் அரசாங்கம் என்ற வகையில் பணியாற்றுகின்றது.

வடக்கிலும் பல அபிவிருத்தி திட்டங்கள் முன்னெடுக்கப்பட்டுள்ளது. வன்னிக்கும் பெருமளவு நிதி ஒதுக்கப்பட்டுள்ளது. இது தான் உண்மை. இந்த அரசாங்கம் எந்த பராபட்சமும் பார்க்காது இந்த நாடு என்ற அடிப்படையில் செயற்படுகிறது என கூறியிருந்தார்.

இதனையடுத்து சாள்ஸ் நிர்மலநாதன் எம்.பி அமையாகி இருந்தார். அத்துடன் மகாவலி வலயங்களை அண்டியுள்ள கால்வாய்கள், அகழிகள் மற்றும் குடியிருப்பு, பொது உட்கட்டமைப்பு வசதிகள் இராஜாங்க அமைச்சர் சிறிபால கம்பல குறுக்கிட்டு, அமைச்சர் சமல் ராஜபக்ச அவர்களுடன் கலந்துரையாடிய பின்னர் இவ் அபிவிருத்தி திட்டங்களை முன்னெடுப்பதாக தெரிவித்திருந்தார்.

வவுனியாவில் வறட்சி..

வவுனியா மாவட்டத்தில் கடந்த சில மாதங்களாக நீடித்த வறட்சியான காலநிலை காரணமாக பல கிராமங்களில் குடிநீருக்கு தட்டுப்பாடு ஏற்பட்டுள்ளதுடன், 492 குடும்பங்கள் பாதிப்படைந்துள்ளதாக மாவட்ட அனர்த்த முகாமைத்துவ நிலையம் தெரிவித்துள்ளது.

வவுனியாவில் யூன் மாதத்தில் இருந்து கடும் வறட்சி நிலை காணப்படுகின்றது. இந்நிலையில் வழமையாக ஒக்டோபர் மாதத்தில் மழை கிடைக்கும். ஆனால் இம்முறை ஒக்டோபர் மாதத்திலும் வரட்சி நிலை நீடித்தமையால் குளங்களில் நீர் வற்றியுள்ளதுடன், கிணறுகளிலும் நீர் வற்றியுள்ளது.

அந்த வகையில் வவுனியா பிரதேச செயலக பிரிவில் உள்ள ஒமந்தையில் 20 குடும்பங்களைச் சேர்ந்த 93 பேரும், வவுனியா வடக்கு பிரதேச செயலக பிரிவில் ஊஞ்சல் கட்டியில் 25 குடும்பங்களைச் சேர்ந்த 99 பேரும், மருதோடையில் 21 குடும்பங்களைச் சேர்ந்த 74 பேரும்,

கற்குளத்தில் 6 குடும்பங்களைச் சேர்ந்த 16 பேரும், வெடிவைத்தகல்லில் 420 குடும்பங்களைச் சேர்ந்த 1020 பேரும், சின்னடப்பனில் 20 குடும்பத்தைச் சேர்ந்த 82 பேரும் என 492 குடும்பங்களைச் சேர்ந்த 1471 பேர் குடிநீர் தட்டுப்பாட்டை எதிர் கொண்டுள்ளனர்.

இவர்களுக்கான குடிநீரானது மாவட்ட அனர்த்த முகாமைத்துவ நிலையத்தால் பிரதேச செயலகம் ஊடாக வழங்கப்பட்டு வருகின்றது. இதற்காக இதுவரை 3 இலட்சத்து 54 ஆயிரத்து 448 ரூபாய் செலவு செய்யப்பட்டுள்ளது.

அத்துடன், வவுனியா தெற்கு தமிழ் பிரதேச சபையின் எல்லைக்குட்பட்ட ஆச்சிபுரம், தாஸ் நகர், சிறிநகர், அண்ணா நகர், சிறிராமபுரம், மகாறம்பைக்குளம் ஆகிய கிராமங்களில் உள்ள கிணறுகளில் நீர் வற்றி குடிநீர் தட்டுப்பாடும் ஏற்பட்டுள்ளது.

இவ்வாறு குடிநீர் தட்டுப்பாட்டை எதிர்நோக்கும் கிராமங்களுக்கு 13 தண்ணீர் தாங்கிகள் வைக்கப்பட்டு அவற்றின் மூலம் வவுனியா தெற்கு தமிழ் பிரதேச சபை ஊடாக குடிநீர் வழங்கப்பட்டு வருகின்றது. மேலும், குளத்து நீர்களும் வற்றியமையால் கால்நடைகளும் நீர் இன்றி அவதிக்குள்ளாகியுள்ளன.

இவ்வாறு வழங்கப்படுகின்ற நீர் குடிப்பதற்கு மட்டும் போதுமானதாக இருக்கும் நிலையில் மக்கள் தமது அன்றாட நடவடிக்கைகளை மேற்கொள்ள நீரின்றி பிள்ளைகளுடன் அவலப்படும் நிலை தொடர்கின்றது.

எனவே, காலம் காலமாக வறட்சிக் காலப்பகுதியில் தாகத்தை தீர்ப்பதற்கு கூட கையேந்தும் நிலையில் உள்ள தமது குடிநீர் தேவையைப் பெற்றுக் கொடுக்க அரசாங்கம் கவனம் செலுத்த வேண்டும் என்பதே இம் மக்களின் ஏக்கமாகவுள்ளது.

இந்த நிலையில் இன்று காலை முதல் வவுனியாவில் பரவலாக மழை பெய்துவருகின்றமை குறிப்பிடத்தக்கது.

யாசகர்கள்..

நாடுமுழுவதும் கொரோனா வைரஸ் அச்சுறுத்தல் ஏற்பட்டுள்ள நிலையில் வெளிமாவட்டங்களில் இருந்து வவுனியாவிற்கு வருகை தந்து யாசகத்தில் ஈடுபட்டுள்ளோரை அவர்களது சொந்த இடங்களுக்கு செல்லுமாறு அறிவுறுத்தல் வழங்கப்பட்டது.

யாசகர்களினால் கொவிட் -19 அச்சம் பொதுமக்களிடையே ஏற்பட்டுள்ள நிலையில் வெளிமாவட்ட யாசகர்கள் வவுனியா குடியிருப்பு குளக்கட்டிற்கு அருகே தங்கியிருப்பது தொட்ர்பில் வவுனியா தெற்கு தமிழ் பிரதேச சபை உறுப்பினர் விக்டர்ராஜ் கவனம் செலுத்தியிருந்தார்.

வெளிமாவட்டத்தில் இருந்து வவுனியாவிற்கு வருகை தந்து யாசகம் செய்யும் யாசகர்கள் தங்கிருக்கும் பகுதியான குடியிருப்பு குளக்கரைப் பகுதிக்கு இன்று (08.11) காலை சென்ற அவர் அங்கு தங்கியிருந்த குழந்தைகள் , சிறுவர்கள், பெண்கள் உள்ளிட்ட சுமார் 8 பேரை சந்தித்து அவர்களுடைய பிரச்சினைகள் மற்றும் தேவைகள் குறித்து கலந்துரையாடினார்.

அதன் போது தாங்கள் கண்டி, ஏறாவூர், யாழ்ப்பாணம், முல்லைத்தீவு பகுதியினை சேர்ந்தவர்கள் எனவும் தாம் வவுனியா வருகை தந்து மூன்று தினங்களே ஆகுவதாவும் யாசகர்கள் தெரிவித்தனர்.

அத்துடன் ஊடகவியலாளர்களினால் இவ்விடயம் தொடர்பில் மேற்பார்வை பொது சுகாதார பரிசோதகர் க.தியாகலிங்கம் அவர்களுக்கு தெரியப்படுத்தியமையினையடுத்து பொது சுகாதார பரிசோதகர் இளங்கேஸ் குறித்த பகுதிக்கு வருகை மேற்கொண்டிருந்ததுடன் அவர்களை அவர்களது சொந்த இடத்திற்கு செல்லுமாறு பணித்ததுடன் மீறி தங்கியிருந்தால் பொலிஸாரின் உதவியுடன் சட்ட நடவடிக்கையும் எடுக்கப்படும் என தெரிவித்தார்.

இதனையடுத்து யாசகர்கள் தாம் சொந்த இடத்திற்கு செல்வதாக தெரிவித்து அவ்விடத்திலிருந்து அகன்று சென்றனர்.

வைத்தியசாலை சுற்றுவட்ட வீதி..

வவுனியா மாவட்ட பொது வைத்தியசாலைக்கு செல்லும் பிரதான பாதையில் ஏற்படும் வாகன நெரிசலை கட்டுப்படுத்தும் நோக்கில் வவுனியா போக்குவரத்து பொலிஸாரினால் புதிய போக்குவரத்து நடை முறை அமுல்ப்படுத்தப்பட்டுள்ளது.

வவுனியா மாவட்ட பொது வைத்தியசாலைக்கு செல்லும் பிரதான பாதையில் வாகன நெரிசல் ஏற்படுவதனால் அவசர தேவைகளின் போது நோயாளர் காவு வண்டி செல்வதற்கு கூட சிரமமான நிலை காணப்பட்டது.

இதனை நிவர்த்தி செய்யும் வகையில் வவுனியா போக்குவரத்து பொலிஸாரினால் வைத்தியசாலை சுற்றுவட்ட வீதியினுள் சிறிய மற்றும் பாரிய ஊர்திகள் (பொருட்கள் ஏற்றும் வாகனங்கள்) செல்வதற்கு தடை விதிக்கப்பட்டுள்ளது.

குறித்த வீதியுடனான வாகனத்தடை தொடர்பான சமிக்கை வவுனியா நகர சுற்றுவட்டத்தில் காட்சிப்படுத்தப்பட்டுள்ளது.

வவுனியா – பூவரசங்குளம்..

வவுனியா – பூவரசங்குளம் பொலிஸ் பிரிவிற்குட்பட்ட இரணை இலுப்பைக்குளம் வீதி இரண்டாம் செங்கல்படை பகுதியில் ச ட்டவி ரோதமான முறையில் க ட த் தி ச்செல்ல ப்படவிருந்த முதிரை மரக்குற்றிகள் மற்றும் முதிரைப் பலகைகள் என்பன பூவரசங்குளம் பொலிஸாரினால் மு றியடிக்கப்ப ட்டுள்ளது.

குறித்த பகுதியிலுள்ள காட்டுப்பகுதியில் முதிரை மரம் மற்றும் பலகைகள் அ றுக்கப்ப டுவதாக பூவரசங்குளம் பொலிஸாருக்கு கிடைத்த இர கசிய த கவலையடுத்து நேற்று அப் ப குதிக்கு சென்ற பூவரசங்குளம் பொலிஸாரும், இர கசிய பொ லிஸ் பு லனாய்வா ளர்களும் இணைந்து குறித்த ம ரக் க ட த் த ல் கா ர ர் க ளை ம ட க் கி பி டி த் து ள் ள ன ர்.

இச்சம்பவத்தில் ஒரு இலட்சம் ரூபாய் பெறுமதியான 6 முதிரை மரக்குற்றிகளும், 7 இலட்சம் பெறுமதியான முதிரைப்பலகைகளும் கை ப் ப ற் ற ப் ப ட் டு ள் ள து ட ன், இக் க ட த் த லி ல் ஈடுபட்ட கு ற்றச்சா ட்டில் இருவர் கை து செய்யப்பட்டுள்ளனர்.

இதன்போது கை து செய்யப்பட்ட இருவரும் வவுனியா நீதிமன்றத்தில் ஆஜர்படுத்தப்படவுள்ளதாக பூவரசங்குளம் பொலிஸ் பெறுப்பதிகாரி எதிரிசூரிய தெரிவித்துள்ளார். இக் க ட த் த ல் தொடர்பான மேலதிக வி சாரனைகளை பூவரசங்குளம் பொலிஸார் மேற்கொண்டு வருகின்றனர்.

முக்கிய அறிவித்தல்..

வவுனியாவிற்கு வெளிமாவட்டங்களிலிருந்து உங்களது வீடுகளுக்கு வருகை தரும் உறவினர்கள், நண்பர்கள் தொடர்பான தகவல்களை வவுனியா பிராந்திய சுகாதார திணைக்களத்திற்கு வழங்குமாறு வவுனியா பிராந்திய சுகாதாரத் திணைக்களத்தால் பொதுமக்களுக்கு ஒலிபெருக்கி மூலம் அறிவித்தல் விடுக்கப்பட்டுள்ளது .

இன்று காலை நகர்ப்பகுதியில் இவ்வாறு ஒலிபெருக்கி மூலம் அறிவுறுத்தல்கள் வழங்கப்பட்டுள்ளது. இது தொடர்பில் மேலும் தெரிவிக்கப்பட்டுள்ளதாவது,

வங்கிகள், அரச நிறுவனங்கள், தனியார் துறைகளுக்குச் செல்லும் பொது மக்கள் தமக்கிடையே சமூக இடைவெளிகளைப் பின்பற்றி ,கட்டாயம் முகக்கவசம் அணிந்து செல்லுதல் வேண்டும்.

அங்கு வைக்கப்பட்டுள்ள தண்ணீரில் கைகழுவி சுகாதார நடைமுறைகளை பின்பற்றுமாறும், வர்த்தக நிலையங்களுக்கு செல்லும் பொதுமக்கள் குடும்பத்தில் ஒருவர் சென்று தமக்குரிய உணவுப் பொருட்களைக் கொள்வனவு செய்துகொள்ளுமாறும்,

சிறுவர்களை தேவையின்றி வெளியே அழைத்துச் செல்வதை தவிர்த்துக்கொள்ளுமாறும், கொரோனா நோய் தொற்றிலிருந்து உங்களையும் குடும்பத்தையும் பாதுகாப்புடன் வைத்திருப்பதற்கு, உங்கள் வீடுகளுக்கு வெளிமாவட்டங்களிலிருந்து வருகை தரும் உறவினர்கள் நண்பர்கள் தொடர்பான தகவல்களை,

பிராந்திய சுகாதாரத்திணைக்களத்திற்கு வழங்கி கொரோனா நோய்த் தொற்றிலிருந்து பாதுகாத்துக்கொள்ளுமாறு பிராந்திய சுகாதார திணைக்களத்தினால் மேலும் அறிவுறுத்தல்கள் வழங்கப்பட்டுள்ளன.