கொரோனா..

இலங்கையில் கொரோனா வைரஸ் தொற்றினால் 5 பேர் உயிரிழந்துள்ளதாக சுகாதார பணிப்பாளரினால் உறுதி செய்யப்பட்டுள்ளது. கொழும்பு 02 பிரதேசத்தை சேர்ந்த 46 வயதுடைய ஆண் ஒருவர் உயிரிழந்துள்ளார். அவர் பிம்புர வைத்தியசாலையில் நேற்றைய தினம் உயிரிழந்துள்ளார்.

கொரோனா வைரஸ் தொற்றாளராக அடையாளம் காணப்பட்ட நிலையில் வைத்தியசாலையில் சிகிச்சை பெற்று வந்துள்ளார். நாள்பட்ட நோயினால் பாதிக்கப்பட்டிருந்த நிலையில் அவர் உயிரிழந்துள்ளார்.

மேலும் வெள்ளம்பிட்டிய பிரதேசத்தை சேர்ந்த 68 வயதுடைய பெண் ஒருவர் நெஞ்சு வலி காரணமாக கொழும்பு தேசிய வைத்தியசாலையில் அனுமதிக்கப்பட்ட நிலையில் நேற்றைய தினம் உயிரிழந்துள்ளார். இவருக்கு கொரோனா வைரஸ் தொற்று ஏற்பட்டிருந்தமை உறுதி செய்யப்பட்டுள்ளது.

கொழும்பு 12 பிரதேசத்தை சேர்ந்த 58 வயதுடைய பெண் ஒருவர் தனது வீட்டில் உயிரிழந்துள்ளார். பிரேத பரிசோதனையில் அவர் கொரோனா தொற்றினால் ஏற்பட்ட மாரடைப்பு காரணமாக அவர் உயிரிழந்தமை கண்டுபிடிக்கப்பட்டுள்ளது.

கொழும்பு 14 பிரதேசத்தை சேர்ந்த 73 வயதுடைய பெண் ஒருவர் தனது வீட்டில் உயிரிழந்துள்ளார். பிரேத பரிசோதனையில் கொரோனா தொற்றினால் அவரது ஈரல் பாதிக்கப்பட்டுள்ளமை கண்டுபிடிக்கப்பட்டுள்ளது.

கொழும்பு 15 பிரதேசத்தை சேர்ந்த 74 வயதுடைய ஆண் ஒருவர் தனது வீட்டில் உயிரிழந்துள்ளார். அவருக்கு கொரோனா தொற்றினால் ஏற்பட்ட மாரடைப்பு காரணமாக அவர் உயிரிழந்துள்ளதாக குறிப்பிடப்படுகின்றது.

அதற்கமைய இலங்கையில் இதுவரையில் 29 பேர் கொரோனா மரணங்கள் ஏற்பட்டமை உறுதியாகியுள்ளதாக அரசாங்க தகவல் திணைக்களம் வெளியிட்டுள்ள அறிக்கையில் குறிப்பிடப்பட்டுள்ளது.

கொரோனா..

கொழும்பு தேசிய வைத்தியசாலையில் பணியாற்றும் ஊழியர்கள் தங்கள் இருப்பிடத்தை விட்டு வெளியற நேரிட்டுள்ளது. வாடகை வீடுகளில் தங்கிருந்து பணிக்கும் ஊழியர்களுக்கே இந்த நிலை ஏற்பட்டுள்ளது.

வாடகை வீடுகளை விட்டு வெளியற நேரிட்டுள்ளமையினால் வைத்தியசாலை பராமரிப்பு சேவைகள் நடத்தி செல்வதற்கு முடியாத நிலைமை ஏற்பட்டுள்ளதாக வைத்தியசாலை தகவல் வட்டாரங்கள் தெரிவித்துள்ளன.

கொரோனா நோயாளிகளை பராமரிப்பதன் காரணமாக வைத்தியசாலை ஊழியர்களை வாடகை வீடுகளை விட்டு வெளியேற்ற உரிமையாளர்களால் நடவடிக்கை எடுக்கப்பட்டுள்ளதாக வைத்தியசாலையின் பேச்சாளர் தெரிவித்துள்ளார்.

வைத்தியசாலைகளுக்கு அருகில் வாடகை வீடுகளில் வசிக்கும் இந்த ஊழியர்கள் தங்கள் கடமைகளுக்கு செல்வது கட்டாயமாகும். இவ்வாறான நேரத்தில் அவர்கள் இருப்பிடத்தை விட்டு வெளியேற்றுவது மிகவும் அநீதியான செயல் என வைத்தியசாலை பேச்சாளர் குறிப்பிட்டுள்ளார்.

கொரோனா தொற்று..

மாவனெல்ல பிரதேசத்தில் மேலும் 9 பேர் கொரோனா வைரஸ் தொற்றுக்குள்ளாகியுள்ளதாக தகவல் வெளியாகியுள்ளது. அண்மையில் மாவனெல்ல பிரதேசத்தில் இடம்பெற்ற திருமண பந்தத்தில் இணைந்த புதுமணத் தம்பதியும் தொற்றுக்குள்ளானவர்களில் அடங்குவதாக மாவனெல்ல பிரதான சுகாதார வைத்திய அதிகாரி கெமுனு விக்ரமசிங்க தெரிவித்துள்ளார்.

மணமகள் தரப்பினரால் நடத்தப்பட்ட திருமண நிகழ்வின் போது சுகாதார முறைக்கமைய முன்னெடுக்கப்பட்டுள்ளது. இரண்டாவது நாள் மணமகன் தரப்பினரால் மாவனெல்ல ஓவத்தை பிரதேசத்தில் நடத்திய நிகழ்வில் சுகாதார பாதுகாப்பு நடைமுறைகள் பின்பற்றவில்லை என வைத்திய அதிகாரி தெரிவித்துள்ளார்.

மணமகன் கொழும்பு பொலிஸ் நிலையத்தில் பணியாற்றும் அதிகாரி எனவும் குறித்த தினத்தில் திருமண நிகழ்வில் கலந்து கொள்வதற்காக கொழும்பில் இருந்து பாரிய அளவிலானோர் வருகைத்தந்துள்ளனர் எனவும் அவர் குறிப்பிட்டுள்ளார்.

அந்த திருமண நிகழ்வில் கலந்து கொண்ட 120க்கும் அதிகமானோர் தனிமைப்படுத்தப்பட்டுள்ளதாக சுகாதார வைத்திய அதிகாரி கூறியுள்ளார். கொரோனா தொற்றுக்குள்ளான மணமகன் உந்துகொட வைத்தியசாலையில் அனுமதிக்கப்பட்டுள்ளார்.

மணமகள் கேகாலை மாவட்ட வைத்தியசாலையில் சிகிச்சை பெற்று வருகின்றனர். இதுவரையில் கேகாலை மாவட்ட கொரோனா தொற்றாளர்கள் 151 பேர் அடையாளம் காணப்பட்டுள்ளனர். 3031 பேர் தனிமைப்படுத்தல் நிலையங்களுக்கு அனுப்பி வைக்கப்பட்டுள்ளனர்.

இந்தியா, பங்களாதேஷ் மற்றும் பாகிஸ்தான் போன்ற சில தெற்காசிய நாடுகளின் மாசுபட்ட வளி இலங்கையின் வளிமண்டலத்தில் நுழைந்துள்ளது.

இதன் காரணமாக இலங்கையில் வளியின் தரம் மாசுபட்டுள்ளதாக தேசிய கட்டிட ஆராய்ச்சி அமைப்பு தெரிவித்துள்ளது. அமைப்பின் சிரேஷ்ட விஞ்ஞானி H.D.S. பிரேமசிறி இதனை தெரிவித்துள்ளார்.

இலங்கையில் தற்போது பருவமழைக்கு இடைப்பட்ட மழை பெய்து வருவதால் மாசுபட்ட வளி எல்லா திசைகளில் இருந்தும் இலங்கைக்குள் வருவதாக பிரேமசிறி கூறியுள்ளார்.

இந்த ஆரோக்கியமற்ற காற்று ஒக்டோபர் 27 முதல் கொழும்பு, கண்டி, புத்தளம், வவுனியா, மற்றும் யாழ்ப்பாணம் போன்ற மாவட்டங்களை பாதித்துள்ளது. இந்தநிலையில் குறிப்பிட்ட மாவட்டங்களில் குறியீட்டு மதிப்பு 90 முதல் 150 வரை உள்ளது என்று அவர் குறிப்பிட்டுள்ளார்.

அடுத்த சில நாட்களுக்குள் வளி மாசுபாடு தொடரும் என்று எதிர்பார்க்கப்படுவதாகவும், இது சுவாசக் கஷ்டங்களை ஏற்படுத்தக்கூடும் என்றும் பிரேமசிரி சுட்டிக்காட்டியுள்ளார்.

எனவே, இலேசான தூசித் துகள்களுக்கு உணர்திறன் கொண்டவர்கள் இந்த சூழ்நிலையை கவனத்தில் கொள்ளுமாறு அவர் கோரிக்கை விடுத்துள்ளார்.

இதயம் அல்லது நுரையீரல் நோய் உள்ளவர்கள், குழந்தைகள், வயதானவர்கள் மற்றும் வெளிப்புற நடவடிக்கைகளில் ஈடுபடுவோர் உணர்திறன் உடையவர்களாகக் கருதப்படுகிறார்கள், எனவே அவர்கள் ஆபத்து கொண்டவர்களாக உள்ளனர்.

எனவே இதுபோன்ற உடல் பிரச்சனைகளை கொண்டவர்கள் தவறாமல் முகமூடி அணிந்து கொள்ள வேண்டும். உடல்நலக் கேடுகளிலிருந்து தங்களைக் காப்பாற்றிக் கொள்ள உடல் உழைப்பு, விளையாட்டு மற்றும் வெளியில் வேலை செய்வது போன்ற கடுமையான செயல்களைக் குறைத்துக்கொள்ள வேண்டும் என்றும் பிரேமசிறி கேட்டுக்கொண்டார்.

6 கொரோனா மரணங்கள்..

கொரோனா வைரஸ் பரவலின் இரண்டாவது அலையில் ஏற்பட்ட 10 மரணங்களில் 6 மரணங்கள் கொழும்பு தேசிய வைத்தியசாலையில் இடம்பெற்றுள்ளது.

PCR பரிசோதனை மேற்கொள்ளாமையினால் இந்த மரணங்கள் ஏற்பட்டதாக அரச மருத்துவ ஆய்வக விஞ்ஞானிகள் சங்கத்தின் தலைவர் ரவி குமுதேஷ் தெரிவித்துள்ளார்.

கொழும்பு தேசிய வைத்தியசாலையில் அனுமதிக்கப்பட்ட நோயாளிகளின் PCR பரிசோதனை வைத்திய ஆய்வகத்தின் மூலம் மேற்கொள்ளப்படுவதாகவும் இதனால் தாமதம் ஏற்படுவதாகவும் அவர் குறிப்பிட்டுள்ளார். இதன் காரணமாக நோயாளிகளுக்கு சிகிச்சை வழங்க தாமதம் ஏற்படுவதாக அவர் கூறியுள்ளார்.

இதனால் கொழும்பு தேசிய வைத்தியசாலையில் அனுமதிக்கப்படும் நோயாளிகளின் உயிரை காப்பாற்றுவதற்கு பாரிய சிக்கலான நிலைமை ஏற்படுவதாக அவர் குறிப்பிட்டுள்ளார்.

இரண்டாம் நிலை சிக்கல்களைக் கொண்ட நோயாளிகளுக்கு சிகிச்சையளிக்கும் வைத்தியசாலைகளில் PCR பரிசோதனை மேற்கொள்ள கூடிய வசதி இருப்பது அத்தியாவசியமாகும் என அவர் சுட்டிக்காட்டியுள்ளார்.

சில நேரங்களில் PCR பரிசோதனை மேற்கொள்ளும் வசதி கொழும்பு தேசிய வைத்தியசாலையில் இருந்திருந்தால், குறித்த 6 பேரின் உயிரை காப்பாற்றியிருக்கலாம் என அவர் கூறியுள்ளார்.

இதனால் இந்த சந்தர்ப்பத்தில் வைத்தியசாலையில் PCR பரிசோதனை முறை ஆரம்பிக்க கூடிய முறை ஒன்றை முன்னெடுக்க வேண்டும் என அவர் மேலும் தெரிவித்துள்ளார்.

-தமிழ்வின்-

கொரோனா..

அண்மையில் பாணந்துறை பகுதியில் உ யிரிழந்த இ ளைஞனின் ம ரணச் சடங்கில் கலந்து கொள்ள 50க்கும் மேற்பட்டவர்கள் சென்றிருப்பது தெரியவந்துள்ளதாக கொழும்பு ஊடகம் ஒன்று செய்தி வெளியிட்டுள்ளது.

27 வ ய து இ ளைஞன் உ யி ரை மா ய் த் து க் கொ ண் ட நி லையில் அவருக்கு கொரோனா தொற்று இருப்பது உறுதி செய்யப்பட்டது. தொடர்ந்து ம ரணச் ச டங்கு நடத்தப்பட்டதில் அதில் 50க்கும் மேற்பட்டவர்கள் கலந்து கொண்டதால் அவர்களுக்கும் கொரோனா தொற்றிருக்கலாம் என்ற சந்தேகம் எழுந்துள்ளது.

இந்நிலையில், ம ரணச் சடங்கில் கலந்து கொண்ட அனைவரும் தற்போது தனிமைப்படுத்தி வைக்கப்பட்டுள்ளதுடன் பி.சி.ஆர் பரிசோதனையும் நடத்தப்படவுள்ளதாக அந்த செய்தியில் தெரிவித்துள்ளது.

இதேவேளை, இலங்கைக்குள் நேற்று மாத்திரம் 443 பேர் கொரோனா தொற்றாளிகளாக கண்டறியப்பட்டனர். இதில் 25 பேர் தனிமைப்படுத்தல் நிலையங்களில் இருந்து கண்டறியப்பட்டனர்.

418 பேர் ஏற்கனவே தொற்றுக்கு உள்ளானவர்களின் இணைப்புக்களில் தொற்றாளிகளாக கண்டறியப்பட்டவர்கள் என்று அறிவிக்கப்பட்டுள்ளது.

இந்தநிலையில் கடந்த மார்ச் மாதம் முதல் இதுவரை காலம் கொரோனா தொற்றாளியாக கண்டறியப்பட்டவர்களின் எண்ணிக்கை 12,187 ஆக உயர்ந்துள்ளது.

வைத்தியசாலைகளில் 6,305 பேர் சிகிச்சைப் பெற்று வருகின்றனர். இதேவேளை 5,858 பேர் கொரோனா தொற்றில் இருந்து குணமாகியுள்ளனர். 24 பேர் கொரோனா தொற்றினால் உ யிரிழந்து ள்ளனர்.

கொரோனா..

இலங்கையில் கொரோனா வைரஸ் வலுவிழந்து செல்ல மேலும் இரண்டு வருடங்கள் ஆகலாம் என சுகாதார அமைச்சு தெரிவித்துள்ளது. கொரோனா வைரஸ் தொற்று நாட்டில் மேலும் பரவுவதற்கான ஆபத்து உள்ளமையினால் இன்னும் இரண்டு வருடங்கள் அதனுடன் வாழ வேண்டும் என சுகாதார அமைச்சின் ஊடகப் பேச்சாளர் வைத்தியர் ஜயருவன் பண்டார தெரிவித்துள்ளார்.

நேற்று சுகாதார அமைச்சில் இடம்பெற்ற ஊடகவியலாளர் சந்திப்பில் கலந்து கொண்டு கருத்து வெளியிடும் போதே அவர் இவ்வாறு குறிப்பிட்டுள்ளார்.

தற்போதைய நிலையில் நாளொன்றுக்கு 400 முதல் 500 வரையிலான கொரோனா நோயாளர்கள் அடையாளம் காணப்படுகின்றனர். அது மிகவும் மோசமான நிலைமையாகும்.

இதுவரையில் 65 ஆயிரம் பேர் சுய தனிமைப்படுத்தப்பட்டுள்ளனர். அவர்களின் PCR பரிசோதனைக்கமைய எதிர்வரும் நாட்களில் தொற்றாளர்கள் அதிகரிக்க கூடும் என எதிர்பார்க்கப்படுகின்றது.

இவ்வாறான நிலைமையில் கொரோனா தொற்றினை நாங்கள் உரிய முறையில் கட்டுப்படுத்தியுள்ளதாக கூற முடியாது. நாட்டில் கொரோனா வைரஸ் பரவதை தடுப்பதற்காக சுகாதார அமைச்சினால் வழங்கப்பட்டுள்ள வழிக்காட்டல்களை பின்பற்ற வேண்டும்.

கொரோனாவை கட்டுப்படுத்துவதற்கு வேறு வழியே இல்லை என சுகாதார அமைச்சின் ஊடகப் பேச்சாளர் வைத்தியர் ஜயருவன் பண்டார மேலும் தெரிவித்துள்ளார்.

கொரோனா கொத்தணி..

இலங்கையில் எதிர்வரும் இரண்டு அல்லது மூன்று வருடங்களுக்குக் கொரோனா வைரஸ் தொற்றுடன் தொடர்புடைய கொத்தணி உருவாகும் அபாயம் என தேசிய புத்திஜீவிகள் அமைப்பின் பொதுச் செயலாளரும் தொற்று நோயியல் நிபுணருமான வைத்தியர் நிஹால் அபேசிங்க எச்சரிக்கை விடுத்துள்ளார்.

கொழும்பில் இன்று நடத்தப்பட்ட தேசிய மக்கள் சக்தியின் செய்தியாளர் சந்திப்பில் கலந்துகொண்டு அவர் இதனைக் கூறியுள்ளார். இவ்வாறான அபாய நிலை உள்ளமையால் அது தொடர்பில் தொடர்ந்து மக்களுக்கு அறிவுறுத்துவது அவசியம் என்றும் அவர் குறிப்பிட்டுள்ளார்.

ஆரோக்கியமான ஒருவருக்கு கொரோனா வைரஸ் தொற்று ஏற்படும்போது, அவரது வீட்டிலுள்ள குடும்ப உறுப்பினர்கள் மற்றும் ஏனைய நபர்களுக்குத் தொற்று ஏற்படும் அபாய நிலை உள்ளது என்றும் நிஹால் அபேசிங்க சுட்டிக்காட்டியுள்ளார்.

நாட்டில் தற்போது ஏற்பட்டுள்ள கொரோனா வைரஸ் தொற்று நிலை குறித்து அனைவரும் மிகவும் அவதானத்துடன் இருக்க வேண்டும் என்றும் அவர் வலியுறுத்தியுள்ளார்.

-தமிழ்வின்-