புதையல் பொருட்களை..

புதையலில் கிடைத்ததாக கூறப்படும் சில பொருட்களை 5 லட்சம் ரூபாய் கொடுத்து கொள்வனவு செய்த நபர், அவை போலியானவை என அறிந்த பின்னர் ஏற்பட்ட அதிர்ச்சியில் மாரடைப்பால் உயிரிழந்துள்ளார்.

இது குறித்து உயிரிழந்தவரின் தாய் முறைப்பாடு செய்துள்ளார் என எல்பிட்டிய பொலிஸார் தெரிவித்துள்ளனர். இந்த முறைப்பாட்டுக்கு அமைய புதையலில் கிடைத்ததாக கூறி போலியாக தயாரிக்கப்பட்டிருந்த,

மாணிக்கக்கல், செம்பு மற்றும் புத்தர் சிலையை பணத்தை கொடுத்து கொள்வனவு செய்து, அவற்றை தன்வசம் வைத்திருந்த பிட்டிகல பிரதேசத்தை சேர்ந்த ஒருவரை பொலிஸார் நேற்று கைது செய்துள்ளனர்.

புதையலில் கிடைத்ததாக கூறி சிலர், இந்த பொருட்களை கைது செய்யப்பட்ட நபர் உட்பட மேலும் இரண்டு பேருக்கு 12 லட்சத்து 50 ஆயிரம் ரூபாவுக்கு விற்பனை செய்துள்ளதாக பொலிஸாருக்கு தகவல்கள் கிடைத்துள்ளன.

இந்த பொருட்களை பணம் கொடுத்து கொள்வனவு செய்த மூன்று பேரில் எல்பிட்டிய பிரதேசத்தை சேர்ந்த நபரே உயிரிழந்துள்ளார். போலியான புதையல் பொருட்களுடன் கைது செய்யப்பட்டவரை நீதிமன்றில் முன்னிலைப்படுத்துவதற்கான நடவடிக்கை இன்றைய தினம் எடுக்கப்பட்டிருந்தமை குறிப்பிடத்தக்கது.

குளத்தில் மூழ்கி..

கிளிநொச்சி – கண்டாவளை பிரதேச செயலக பிரிவுக்குட்பட்ட கல்மடுகுளத்திற்குள் மூழ்கி இளைஞரொருவர் நேற்று (25.12.2020) உயிரிழந்துள்ளார்.

நண்பர்களுடன் கல்மடுகுளத்திற்கு சென்ற போதே இவ்வாறு நீரில் மூழ்கி உயிரிழந்துள்ளதாக தெரிவிக்கப்படுகின்றது.

இதன்போது கல்மடுநகர், சம்புக்குளத்தைச் சேர்ந்த 27 வயதுடைய ஒரு பிள்ளையின் தந்தையான இரத்தினம் லோகிதன் என்பவரே இவ்வாறு உயிரிழந்துள்ளார்.

யாழ். யுவதி..

வேறு ஒருவரின் கனேடிய கடவுச்சீட்டை மாற்றி அமைத்து, அதனை பயன்படுத்தி ஐக்கிய அரபு ராஜ்ஜியத்தின் துபாய் ஊடாக கனடாவுக்கு செல்ல முயற்சித்த இலங்கை யுவதி ஒருவர், இன்று அதிகாலை கட்டுநாயக்க விமான நிலையத்தில் வைத்து கைது செய்யப்பட்டுள்ளார்.

விமான நிலையத்தின் குடிவரவு மற்றும் குடியகல்வு திணைக்களத்தின் அதிகாரிகளால் இந்த யுவதி கைது செய்யப்பட்டுள்ளார். யாழ்ப்பாணம் நகரை சேர்ந்த 22 வயதான யுவதியே இவ்வாறு கைது செய்யப்பட்டுள்ளார்.

இந்த யுவதி எமிரோட்ஸ் விமானத்தில் துபாய் செல்லும் நோக்கில் இன்று அதிகாலை 2.45 கட்டுநாயக்க விமான நிலையத்திற்கு வந்துள்ளார். விமானத்தில் ஏறுவதற்கான அட்டையை பெற்றுக் கொள்ள யுவதி கடவுச்சீட்டை வழங்கியுள்ளார்.

கடவுச்சீட்டு குறித்து சந்தேகம் கொண்ட எமிரேட்ஸ் விமான சேவையின் அதிகாரிகள், பெண் வழங்கிய ஆவணங்களை மேலதிக விசாரணைகளுக்காக குடிவரவு மற்றும் குடியகல்வு திணைக்கள அதிகாரிகளிடம் கையளித்துள்ளனர்.

யுவதி வழங்கிய கனேடிய கடவுச்சீட்டு உள்ளிட்ட ஆவணங்களை பரிசோதிக்கும் போது, யுவதியிடம் அது குறித்து மேலதிகமான கேள்விகளை கேட்டுள்ளனர்.

இவ்வாறு மேற்கொள்ளப்பட்ட உடனடியான பரிசோதனையில், யுவதி சமர்பித்த கடவுச்சீட்டு வேறு ஒருவருடையது எனவும் அதில் இந்த யுவதியின் புகைப்படத்தை பயன்படுத்தி போலியாக கடவுச்சீட்டு தயாரிக்கப்பட்டுள்ளமை தெரிவந்தது எனவும் அதிகாரிகள் தெரிவித்துள்ளனர்.

அத்துடன் இந்த கடவுச்சீட்டில் குத்தப்பட்டிருந்த இலங்கை குடிவரவு மற்றும் குடியகல்வு திணைக்களத்தின் முத்திரை போலியாக தயாரிக்கப்பட்டுள்ளது என்பது அதிகாரிகள் கண்டறிந்துள்ளனர்.

இதன் பின்னர் குடிவவு மற்றும் குடியகல்வு திணைக்கள அதிகாரிகள் யுவதியை கைது செய்து, மேலதிக விசாரணைகளுக்காக விமான நிலையத்தில் இயங்கும் குற்றவியல் விசாரணை திணைக்களத்தின் அலுவலக அதிகாரிகளிடம் ஒப்படைத்துள்ளனர்.

திடீரென ஏற்பட்ட மாரடைப்பு…

மோட்டார் வாகனத்தில் பயணித்துக் கொண்டிருந்த போது திடீரென மாரடைப்பு ஏற்பட்ட நபரிடம் இருந்து 81 ஆயிரம் ரூபாய் பணம் கொ ள்ளையடி க்கப்பட்ட சம்பவம் ஒன்று இடம்பெற்றுள்ளது.

இந்த சம்பவம் படல்கும்புர – எல்ல பிரதேசத்தில் இடம்பெற்றுள்ளது. பொறியிலாளர் ஒருவரே இந்த சம்பவத்திற்கு முகம் கொடுத்துள்ளதாக கு ற்ற வி சாரணை திணைக்களம் தெரிவித்துள்ளது.

அவரது மனைவி மெதகம பிரதேசத்தில் வைத்தியராக பணியாற்றுகின்றார். அவர் புத்தல பிரதேசத்தில் இருந்து தனது வீட்டிற்கு வருகைத்தந்த போது இந்த திடீர் மாரடைப்பு ஏற்பட்டுள்ளது.

மோட்டார் வாகனத்தை அருகில் நிறுத்தி விட்டு பொறியிலாளர் உதவி கோரியுள்ள நிலையில் லொறி ஒன்றில் சென்ற மூவர் அவரிடம் பேச முயற்சித்துள்ளனர்.

எப்படியிருப்பினும் அவரால் பேச முடியாமல் போன சந்தர்ப்பத்தை பயன்படுத்தி சந்தேக நபர்கள் பாதிக்கப்பட்ட நபரின் பையில் இருந்து 81 ஆயிரம் ரூபாய் பணம் கொ ள்ளையடித்து ள்ளதாக பொலிஸார் தெரிவித்துள்ளனர்.

பின்னர் வேறு சிலர் பொறியிலாளரை வைத்தியசாலையில் அனுமதிக்கப்பட்டுள்ள நிலையில் அவருக்கு கண்டி வைத்தியசாலை இதய சிகிச்சை மேற்கொள்ளப்பட்டுள்ளது.

எப்படியிருப்பினும் க டுமையான நோ ய் பாதிப்பில் இருந்த போதிலும் பொறியிலாளர் சந்தேக நபர்களின் டிப்பர் வாகனத்தை புகைப்படம் எடுத்துள்ளார். அதற்கமைய பொலிஸார் வி சாரணைகளை ஆரம்பித்து ச ந்தேக ந பர்களை கை து செய்துள்ளனர். கை து செய்யப்பட்டவர்கள் 21, 23 மற்றும் 28 வயதுடையவர்கள் என தெரியவந்துள்ளது.

அரசாங்க ஊழியர்களுக்கு..

அரச நிறுவனங்கள் மற்றும் அரச கூட்டுத்தாபனங்களில் பணியாற்றும் ஊழியர்களுக்கு 2020 ஆம் ஆண்டிற்கான மேலதிக கொடுப்பனவுகளை வழங்க அரசாங்கம் அனுமதி வழங்கியுள்ளது. இதற்கான அனுமதியை நிதி அமைச்சு வழங்கியுள்ளதாக தகவல்கள் வெளியாகி உள்ளன.

2019 ஆம் ஆண்டிற்காக நிறுவனங்களில் கணக்கறிக்கைகளின் அடிப்படையில் இந்த கொடுப்பனவுகள் வழங்கப்படும் என திறைசேரியின் செயலாளர் ஆட்டிகல்ல தெரிவித்துள்ளார். 3000 – 15000 ரூபாய் வரை மேலதிக கொடுப்பனவுகள் வழங்குவதற்கு திறைசேரி தீர்மானித்துள்ளதாக தெரிவிக்கப்படுகின்றது.

2019 ஆம் ஆண்டில் இலாபங்களை பதிவு செய்த நிறுவனங்களின் ஊழியர்களுக்கும், குறைந்த பட்சம் நஷ்டத்தை சந்தித்த நிறுவனங்களின் ஊழியர்களுக்கும், 2019 ஆம் ஆண்டு நஷ்டம் ஏற்படுத்தாத நிறுவனங்களின் ஊழியர்களுக்கும் அதிகபட்ச கொடுப்பனவு வழங்கப்படும் என தெரிவிக்கப்படுகின்றது.

மேலதிக கொடுப்பனவுகளுக்கு திறைசேரி அனுமதி வழங்கிய சுற்றறிக்கை அனைத்து அமைச்சுக்கள் மற்றும் நிறுவனங்களினதும் செயலாளர்களுக்கு அனுப்பி வைக்கப்பட்டுள்ளது.

கொரோனா..

இலங்கையில் மற்றுமொரு கொரோனா தொற்றாளர் உயிரிழந்துள்ளார். இந்த மரணத்துடன் இலங்கையில் கொரோனாவால் உயிரிழந்தவர்களின் எண்ணிக்கை 185 ஆக அதிகரித்துள்ளது.

களுத்துறை அகலவத்தை பிரதேசத்தைச் சேர்ந்த 60 வயதான நபரே கொரோனா தொற்றால் உயிரிழந்துள்ளார். இவர் கடந்த 20 ஆம் திகதி பிம்புர ஆரம்ப வைத்தியசாலையில் அனுமதிக்கப்பட்டிருந்த நிலையில் உயிரிழந்துள்ளார்.

கொரோனா தொற்றுடன் இரத்தம் விஷமாக மாறியதே இந்த மரணத்திற்குக் காரணம் எனப் பிரேதப் பரிசோதனையில் தெரியவந்துள்ளது.

இலங்கையில் இதுவரை 39 ஆயிரத்து 231 கொரோனா தொற்றாளர்கள் அடையாளம் காணப்பட்டுள்ளனர். இவர்களில் 30 ஆயிரத்து 568 பேர் குணமடைந்துள்ளனர். மேலும் 8 ஆயிரத்து 478 பேர் வைத்தியசாலைகளில் சிகிச்சை பெற்று வருகின்றனர்.

திரையரங்கு..

நாடு முழுவதும் உள்ள திரையரங்குகள் வரையறுக்கப்பட்ட ஆசனங்களுடன் ஜனவரி முதலாம் திகதி முதல் திறக்கப்படும் என அறிவிக்கப்பட்டுள்ளது. 25 சதவீத இருக்கை வசதியுடன் திரையரங்குகள் இயங்கும் என்று தேசிய திரைப்படக் கூட்டுத்தாபனம் தெரிவித்துள்ளது.

எனினும், தனிமைப்படுத்தப்பட்ட பகுதிகளில் உள்ள திரையரங்குகள் மீண்டும் திறக்க அனுமதிக்கப்படாது என தெரிவிக்கப்பட்டுள்ளது. கொரோனா வைரஸின் இரண்டாவது அலையின் காரணமாக அனைத்து திரையரங்குகளையும் மூட அரசாங்கம் ஒக்டோபரில் முடிவு செய்தது.

கொரோனா தொற்றுநோயால் தேசிய திரைப்பட கூட்டுதானபத்தின் கீழ் இயங்கும் திரையரங்குகள் மூடப்பட்ட இரண்டாவது சந்தரப்பம் இதுவாகும். நாட்டில் முதல் கொரோனா வைரஸ் பரவலின் போது திரையரங்குகள் ஆரம்பத்தில் மார்ச் 14 முதல் தற்காலிகமாக மூடப்பட்டன.

இந்நிலையில், கடுமையான சுகாதார வழிகாட்டுதலின் கீழ் ஜூன் 27 முதல் திரையரங்குகளை மீண்டும் திறக்க அரசாங்கம் அனுமதி வழங்கியிருந்தமை குறிப்பிடத்தக்கது.

ஆறு பொருட்களுக்கு தடை..

2021 ஜனவரியில் இருந்து மக்காத ஆறு பொருட்களை சுற்றுச்சூழல் அமைச்சகம் தடை செய்யும் என்று அமைச்சர் மஹிந்த அமரவீர தெரிவித்துள்ளார்.

சச்செட் பாக்கெட்டுகள் (sachet packets), ஊதப்பட்ட பொம்மைகள், பூச்சிக்கொல்லி பாட்டில்கள், cotton buds மற்றும் பிற பொருட்கள் தடை செய்யப்படும் என்று அவர் தெரிவித்துள்ளார். செய்தியாளர்கள் மத்தியில் பேசிய அவர் இதனை கூறியுள்ளார்.

தொடர்ந்தும் பேசிய அவர், அடுத்த கட்ட முயற்சியின் கீழ் தடை செய்யப்படும் பிற பொருட்களின் பட்டியலைத் தொகுக்க நடவடிக்கைகள் இடம்பெற்றுவருவதாக குறிப்பிட்டுள்ளார்.

இந்நிலையில், நாட்டில் பொலிதீன் மற்றும் பிளாஸ்டிக் இல்லாத சூழலை உருவாக்க நடவடிக்கை எடுக்கப்பட்டு வருவதாக அமைச்சர் மேலும் தெரிவித்தார்.

கிளிநொச்சியில்..

கிளிநொச்சி – புளியம்பொக்கனை சந்தியில் இருந்து பெரியகுளம் நோக்கி பயணிக்கும் வீதியில் முச்சக்கர வண்டியொன்று தடம்புரண்டதில் முச்சக்கர வண்டி சாரதியொருவர் நேற்று உயிரிழந்துள்ளார்.

இச்சம்பவத்தில் ஆறுமுகம் தட்சயன்(வயது 28) என்ற ஒரு பிள்ளையின் தந்தையே இவ்வாறு உயிரிழந்துள்ளார். உயிரிழந்தவரின் சடலம் தர்மபுரம் வைத்தியசாலையில் இருந்து கிளிநொச்சி வைத்தியசாலைக்கு கொண்டு செல்லப்பட்டுள்ளது.

இச்சம்பவம் தொடர்பான விசாரணைகளை தர்மபுரம் மற்றும் கிளிநொச்சி பொலிஸார் முன்னெடுத்து வருகின்றனர்.

வீதியில் சிதறிக் கிடந்த பணம்..

கிளிநொச்சி அம்பாள்புரம் வீதியில் காற்றில் பறந்துசென்ற பெரும்தொகை பணத்தையும் சேகரித்த கிளிநொச்சி இளைஞர்கள் உரியவரிடம் ஒப்படைத்துள்ள நெகிழ்ச்சியான சம்பவம் ஒன்று பதிவாகியுள்ளது.

நேற்று காலையில் கிளிநொச்சி மாவட்டச் செயலகத்துக்கு அண்மையில் உள்ள ATM இயந்திரத்தில் 75 ஆயிரம் ரூபாய்யை பெற்றுக்கொண்ட கிளிநொச்சி பாடசாலை ஆசிரியர் வ.புஸ்பராசா என்பவர் திருநகர் ஊடாக பாரதிபுரம் செல்லும் போது கனகபுரம் வீதியடியில் தனது பையைப் பார்த்தபோதுதான் அவரது பணம் முழுவதும் தவறி விழந்துள்ளமை தெரியவந்தது.

உடனே வந்த வழியே திரும்பிச் சென்ற அவர் அவ்வீதியில் இருந்த கடைகளிலும் மாவட்டச் செயலக பாதுகாப்பு உத்தியோகத்தர் மற்றும் பலரிடம் விசாரித்த போதும் தொலைந்த பணம் கிடைக்கவில்லை.

பின்னர் கிளிநொச்சி சந்தை விளம்பர ஒலிபரப்பு சேவையில் தனது தொலைபேசி இலக்கத்தை தெரிவித்து அறிவிப்புச்செய்துவிட்டு பாரதி புரத்திலுள்ள தனது வீட்டிற்கு சென்று பணம் தொலைந்தவிடயத்தை வீட்டில் யாரிடமும் சொல்லாமல் மிகக் கவலையுடன இருந்துள்ளார்.

சில மணித்தியாலம் கடந்ததும் தொலைபேசி ஊடாக குறித்த ஆசிரியரைத் தொடர்புகொண்ட இளைஞர் ஒருவர் நீங்கள் தொலைத்த பணத்தினை தானும் நண்பர்களும் கண்டெடுத்ததாகவும் உங்களது முகவரியைத் தெரிவித்தால் அதனை வீட்டுக்கு கொண்டுவந்து ஒப்படைப்பதாகவும் தெரிவித்து முகவரியை பெற்றுள்ளனர்.

சிலநிமிடங்களில் வீட்டுக்கு வந்த இளைஞர்கள், தாம் அம்பாள் புரத்தைச் சேர்ந்தவர்கள் என்றும் தாம் அவ்வழியே வரும்போது முதலில் ஒரு ஐயாயிரம் ரூபாயைக் கண்டதாகவும்,

பின்னர் வழிநெடுகிலும் மொத்த எழுபத்தையாயிரம் ரூபாயும் சிந்திக் கிடந்ததாகவும் அதனைச் சேகரித்த பின்னர் யாராவது தவறவிட்டுள்ளார்களா என்று அப்பகுதியில் விசாரணை செய்தபோது ஆசிரியரின் தொலைபேசி இலக்கம் கிடைத்தாக தெரிவித்து 75ஆயிரம் ரூபாய் பணத்தினை ஆசிரியரிடம் வழங்கியுள்ளனர்.

இந்நிலையில் அவர்களின் இந்த முன்னுதாரணமான செயலால் மிகவும் மனம் நெகிழ்ந்து போன ஆசிரியர் அவர்களுக்கு சன்மானம் வழங்கும் நோக்கில் 10,000 ரூபாய் பணத்தினை வழங்க முன்வந்தபோதும்,

அவர்கள் அதனை பெற்றுக்கொள்ள மறுத்து எவ்வித பணத்தொகையினையும் பெற்றுக்கொள்ளாமல் சென்றுள்ளதாக தெரிவிக்கப்படுகின்றது. குறித்த இளைஞர்களின் நற்செயலை அறிந்த பலரும் பாராட்டுகளை தெரிவித்து வருகின்றமை குறிப்பிடத்தக்கது.