கவனயீனத்தால்..

கொழும்பு – எம்பிலிப்பிட்டிய பிரதான வீதியின் கஹவத்தை மாதம்பை சந்தியில் இடம்பெற்ற விபத்தில் பல்கலைக்கழகம் செல்ல தயாராக இருந்த இளைஞன் ஒருவர் உ யிரிழந்துள்ளார்.

கெப் வண்டி ஒன்று மோட்டார் சைக்கிள் ஒன்றும் மோதியமையினால் 21 வயதுடைய, பல்கலைக்கழக அனுமதி பெற்ற இளைஞன் சம்பவ இடத்திலேயே உ யிரிழந்துள்ளதாக கஹவத்தை பொலிஸார் தெரிவித்துள்ளனர்.

கெப் வண்டியின் வேகத்தை கட்டுப்படுத்த முடியாமல் வீதியின் எதிர்பக்கம் பயணித்த மோட்டார் சைக்கிளுடன் மோதியதுடன் 15 அடி பள்ளத்தில் விழுந்துள்ளது.

மோட்டார் சைக்கிள் ஓட்டுனர் சரியான முறையில் பயணித்துள்ளார் என கஹவத்தை பொலிஸார் மேற்கொண்ட விசாரணைகளில் தெரியவந்துள்ளது.

கெப் வண்டியின் சாரதியின் கவனயீனம் காரணமாகவும், வாகனத்தை முந்தி செல்ல முற்பட்டமையினாலும் இந்த விபத்து இடம்பெற்றுள்ளதாக பொலிஸார் தெரிவித்துள்ளனர்.

காவிந்த லக்ஷான் என்ற இளைஞன் ரக்வான பிரதேசத்தை சேர்ந்தவர் எனவும் தற்காலிகமாக மேலதிக வகுப்பு ஆசிரியராகவும் அவர் செயற்பட்டுள்ளார். சம்பவம் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.

கடன் வட்டி..

கொரோனா வைரஸ் பரவலினால் பாதிக்கப்பட்டுள்ள பொருளாதாரம் வழமைக்கு திரும்பியவுடன் உடனடியாக வங்கி கடனை நூற்றுக்கு 7 வீதம் வரை குறைக்க அரசாங்கம் தீர்மானித்துள்ளதாக அமைச்சர் பந்துல குணவர்தன தெரிவித்துள்ளார்.

கொழும்பில் வர்த்தகர்கள் சிலரிடம் உரையாற்றும் போதே அமைச்சர் இதனை குறிப்பிட்டுள்ளார். தற்போது வங்கி வட்டியும் குறைக்கப்பட்டுள்ளது. கடந்த காலங்களில் வர்த்தகம் செய்து வருடம் நிறைவடைந்த பின்னரே நட்டம் என்பது தெரியும்.

நல்லாட்சி அரசாங்க காலப்பகுதியில் 28 வீத வட்டி அறவிடப்பட்டது. நூற்றுக்கு 25 – 20 வீதம் வட்டி அறவிட்டு அபிவிருத்தியடைந்த நாடு ஒன்று உலகில் இல்லை.

Double digit interest rate என்ற இரட்டை இலக்க வட்டி தற்போது நீக்கப்பட்டு,“Single digit interest rate lending என்ற ஓரிலக்க வட்டியே தற்போது உள்ளது. இன்னும் ஓரளவு பொருளாதார வளர்ச்சியடைந்தவுடன் வங்கி வட்டியை 7 வீதமாக்குவதற்கு எதிர்பார்க்கப்படுகின்னறது.

சிங்கப்பூர், மலேசியா, இங்கிலாந்து, அமெரிக்கா போன்ற நாடுகளிலும் இந்த ஓரிலக்க வரியே உள்ளது. அதற்கமைய மேலும் வட்டியை குறைப்பதற்கே எதிர்பார்ப்பதாக அமைச்சர் மேலும் தெரிவித்துள்ளார்.

கோர விபத்து..

அண்மைய காலங்களில் இலங்கையில் வாகன சாரதிகள் மத்தியில் ஹெ ரோ யி ன் பயன்பாடு குறிப்பிடத்தக்க அதிகரிப்பு பதிவாகியுள்ளதாக பொலிஸார் தெரிவித்துள்ளனர்.

கடந்த 2ம் திகதி மட்டக்குளியில் மத்திய வங்கியின் உயர் அதிகாரி உட்பட இருவர் கொ ல்லப் பட்ட விபத்தில் லொரியின் சாரதியின் இர த்தத்தில் ஹெ ரோ யி ன் கலந்திருப்பது பொலிஸ் வி சாரணையில் தெரியவந்துள்ளது.

28 வயதான லொரியின் சாரதிக்கு, சாரதி அனுமதி பத்திரம் இல்லை எனவும், விபத்துக்கு ஆறு நாட்களுக்கு முன்னர் அவர் ஹெ ரோ யி ன் ப யன்படுத்தியதாக இரத்த ப ரிசோ தனைகள் தெரியவந்துள்ளதாகவும் பொலிஸார் கூறியுள்ளனர்.

வெல்லம்பிட்டியில் வசிக்கும் குறித்த சாரதி மோதரையில் இருந்து வத்தளைக்கு முட்டைகளை கொண்டு சென்றதாக கூறப்படுகிறது, அந்த சமயத்தில் அவரது லொரி எதிர் திசையில் வந்த இரண்டு முச்சக்கர வண்டிகளுடன் மோதியது.

இரண்டு வாகனங்களுடன் மோதிய போதிலும் லொரி தொடர்ந்து நகர்ந்ததாகவும், இறுதியில் ஒரு கட்டடத்தின் மீது மோ தியதாகவும், அதைத் தொடர்ந்து சாரதி அங்கிருந்து த ப்பி சென்று விட்டதாகவும் தெரிவிக்கப்படுகின்றது.

46 வயதான டைரோன் ரஞ்சித் மற்றும் 33 வயதான மத்திய வங்கியின் மூத்த உதவி இயக்குநர் அமிதா சுந்தரராஜ் ஆகியோர் முதல் முச்சக்கர வண்டியில் பயணம் செய்திருந்தனர். விபத்தை அடுத்து, வைத்தியசாலையில் அனுமதிக்கப்பட்ட குறித்த இருவரும் உ யிரி ழந்து விட்டதாக அறிவிக்கப்பட்டது.

இரண்டாவது முச்சக்கர வண்டியின் சாரதியான 50 வயதான அஜித் சில்வாவும் வைத்தியசாலையில் அனுமதிக்கப்பட்ட பின்னர் உ யிரிழந்து விட்டதாக தெரிவிக்கப்பட்டுள்ளது.

அத்துடன், அவருடன், பயணித்த பயணி கொழும்பு தேசிய வைத்தியசாலையில் தீ விர சி கிச்சையில் சிகிச்சை பெற்று வருகிறார் எனவும் பொலிஸார் கூறியுள்ளனர்.

லொரியின் சாரதி அதிவேகமாகவும், பொறுப்பற்ற முறையில் வாகனம் ஓட்டியதாகவும் கண்டறியப்பட்டுள்ளதாக பொலிஸார் மேலும் கூறியுள்ளனர். குறித்த லொரியின் சாரதி கைது செய்யப்பட்ட நிலையில், தற்போது வி ளக்கமறியில் வைக்கப்பட்டுள்ளமை குறிப்பிடத்தக்கது.

முக்கிய அறிவிப்பு…

நாட்டின் அனைத்து பாடசாலைகளினதும் கல்வி நடவடிக்கை இன்று முதல் வழமை போன்று நடைபெறும் என கல்வியமைச்சு அறிவித்துள்ளது. கொரோனா வைரஸ் பரவலுக்கு மத்தியில் இதற்கு முன்னர் சில கட்டங்களின் கீழ் பாடசாலைகள் ஆரம்பிக்கப்பட்டன.

அதற்கமைய இன்று முதல் வழமையான முறையில் கல்வி நடவடிக்கைகளை சுகாதார வழிமுறைகளுக்கு அமைய முன்னெடுக்குமாறு கல்வி அமைச்சு தெரிவித்துள்ளார்.

சுகாதார பாதுகாப்பு தொடர்பில் பாடசாலை வளாகத்திற்குள் தொடர்ந்து சோதனை நடவடிக்கைகளை மேற்கொள்ள வேண்டும் சுகாதார பரிசோதகர்கள் சங்கம் தெரிவித்துள்ளது.

பிள்ளைகளுக்கு, காய்ச்சல், தடுமல் இருமல் போன்ற நோய் அறிகுறிகள் காணப்பட்டால் அவர்களை பாடசாலைக்கு அனுப்புவதனை தவிர்க்குமாறு பெறறோர்களிடம் கோரிக்கை விடுக்கப்பட்டுள்ளது.

தீப்பரவல்..

இலங்கை கடற்பரப்பிலுள்ள New Diamond கப்பலில் மீண்டும் தீப்பரவ ஆரம்பித்துள்ளதாக சற்றுமுன் தகவல் வெளியாகியுள்ளது. கடற்படை வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது. அந்த அறிக்கையில் மேலும்,

New Diamond கப்பலில் ஏற்பட்ட தீ முழுமையாக கட்டுப்பாட்டிற்குள் கொண்டு வரப்பட்டுள்ள போதிலும் கப்பலில் இருந்து அதிக உஷ்ணம் வெளியேறுவதால் இரசாயன பதார்த்தங்களையும் நீரையும் பயன்படுத்தி வெப்பத்தை தனிப்பதற்காக முயற்சிகள் தொடர்ந்து வருகின்றன.

கப்பலில் மீண்டும் தீ பரவாமல் இருப்பதை தவிர்ப்பதற்காக இந்த நடவடிக்கை மேற்கொள்ளப்பட்டுள்ளது. எனினும் கப்பல் தற்போது காணப்படும் அம்பாறை – சங்கமன்கண்டி கடற்பிராந்தியத்தில் இருந்து 30 கடல்மைல் தொலைவில் வீசும் பலத்த காற்று காரணமாகவும்,

கப்பலின் உட்பகுதியில் காணப்படும் அதிக உஷ்ணம் காரணமாகவும் மீண்டும் கப்பலில் தீப்பரவ ஆரம்பித்துள்ளது. என்ற போதும் இலங்கை கடற்படை, விமானப்படை,

இந்திய கடற்படை, இந்திய கரையோர காவல்படையினருக்கு சொந்தமான கப்பல்கள் மற்றும் விமானங்களை பயன்படுத்தி தீயை கட்டுப்பாட்டிற்குள் கொண்டு வருவதற்கான முயற்சிகள் இடம்பெற்று வருவதாகவும் அந்த அறிக்கையில் தெரிவிக்கப்பட்டுள்ளது.

-தமிழ்வின்-

பல்கலைக்கழக மாணவி..

களனி பல்கலைக்கழகத்தில் பயிலும் 24 வ யதான மா ணவியை ப லவ ந்தமாக காரில் க டத்திச் செ ல்ல மு யற்சித்த சம்பவத்துடன் தொடர்புடைய பிரதான சந்தேக நபர் அந்த காருடன் கிரிபத்கொடை பொலிஸாரினால் நேற்று கைது செய்யப்பட்டுள்ளார்.

வத்தளை அல்விஸ் டவுன் பிரதேசத்தில் வீடொன்றில் இருந்த போது பிரதான சந்தேக நபர் காருடன் கைது செய்யப்பட்டுள்ளார். அத்துடன் காரின் சாரதியை கைது செய்ய பொலிஸார் நடவடிக்கை எடுத்து வருகின்றனர்.

களனி பல்கலைக்கழகத்தில் பயிலும் 24 வயதான மாணவி நேற்று முன்தினம் மாலை விடுதிக்கு செல்வதற்காக சரசவி மாவத்தையில் நடந்து சென்றுக்கொண்டிருந்த போது, அவருக்கு பின்னால் காரில் வந்த சந்தேக நபர்கள் மா ணவியை ப லவந்தமாக கா ரில் ஏ ற்ற மு யற்சித்துள்ளனர்.

அப்போது மா ணவி ச த்தமிட்டதால், காரில் வந்தவர்கள் அங்கிருந்து த ப்பிச் செ ன்றுள்ளனர். சம்பவம் குறித்து கிரிபத்கொடை பொலிஸாருக்கு கிடைத்த முறைப்பாட்டை அடுத்து, குற்ற விசாரணைப்பிரிவினர்,

சம்பவம் நடைபெற்ற இடத்தில் உள்ள விடுகள் மற்றும் வர்த்தக நிலையங்களில் பொருத்தப்பட்டிருந்த பாதுகாப்பு கெமராக்களில் பதிவான காட்சிகளை பார்வையிட்டு காரை அடையாளம் கண்ட பின்னர் பிரதான சந்தேக நபரை கைது செய்துள்ளனர்.

வீதி விபத்தில்..

அநுராதபுரம் – திருகோணமலை பிரதான வீதியின் ரன்பத்வில கெட்டக்கலாவ பிரதேசத்தில் அம்பியுலன்ஸ் வண்டியொன்றும் மோட்டார் சைக்கிளொன்றும் மோதி விபத்துக்குள்ளானதில் சிவில் பாதுகாப்பு படையணியின் அதிகாரியொருவர் உ யிரிழந்துள்ளதோடு பொலிஸ் அதிகாரியொருவர் பலத்த காயமடைந்துள்ளார்.

சிவில் பாதுகாப்பு அதிகாரியும் பொலிஸ் அதிகாரியும் மோட்டார் சைக்கிளில் பயணித்துள்ள நிலையிலேயே விபத்து இடம் பெற்றுள்ளது. மோட்டார் சைக்கிள் கெப் ரக வாகனமொன்றுடன் மோதுண்டு பிரதான வீதியில் சாய்ந்துள்ள நிலையில்,

குறித்த சந்தர்ப்பத்தில் வீதியில் பயணித்த அம்பியுலன்ஸ் வண்டியில் சிவில் பாதுகாப்பு அதிகாரி மோதுண்டு பலத்த காயமடைந்த நிலையில் உ யிரிழந்துள்ளதாக பொலிசார் தெரிவிக்கின்றனர். உயிரிழந்தவர், கஹட்டகஸ்திஹிலிய பிரதேசத்தைச் சேர்ந்த 39 வயதுடைய இரண்டு பிள்ளைகளின் தந்தையாவார்.

புதையல்..

இறந்து போன தந்தை கனவில் தோன்றி காட்டிய புதையலை தோண்டி எடுத்த மகனை யானை முத்துக்களுடன் கைது செய்துள்ளதாக புத்தல கோனகங்ஹார பொலிஸார் தெரிவித்துள்ளனர்.

எனது தந்தை உ யிருடன் இல்லை. ஒரு நாள் தந்தை கனவில் தோன்றினார். அப்போது அவர் புதையல் ஒன்று என்னிடம் கூறினார். அது எனக்குரியது அதனை எடுத்துக்கொள்ளுமாறு தெரிவித்தார் என சந்தேக நபர் கூறியுள்ளார்.

இந்த சந்தேக நபர் கோனகங்ஹார வகுருவெல பிரதேசத்தில் நிலத்தை தோண்டி புதையல் எடுத்தார் என்ற சந்தேகத்தின் பேரில் கைது செய்யப்பட்டுள்ளார்.

கருங்கல்லில் செய்யப்பட்ட கலசத்தில் இந்த யானை முத்துக்கள் இருந்துள்ளன. அதனை உடைத்து சந்தேக நபர் அவற்றை எடுத்துள்ளார். மாணிக்க கங்கையில் வீசப்பட்ட கல் கலசம், யானை முத்துக்கள் வைக்கப்பட்டிருந்த பேழை கால்வாய் ஒன்றில் வீசப்பட்டிருந்த நிலையில் பொலிஸார் கைப்பற்றியுள்ளனர்.

புதையலில் கிடைத்த யானை முத்துகளை எடுத்துக்கொண்டு வீட்டுக்கு சென்றுக்கொண்டிருந்த போதே சந்தேக நபரை பொலிஸார் கைது செய்துள்ளனர்.

கோனகங்ஹார பொலிஸ் நிலைய பொறுப்பதிகாரியின் தனிப்பட்ட ஒற்றர் ஒருவர் வழங்கிய தகவலுக்கு அமைய சந்தேக நபர் கைது செய்யப்பட்டுள்ளதுடன், கழிவறை குழியை வெட்டுவதாக கூறி சந்தேக நபர் புதையலை தோண்டி எடுத்துள்ளார். வகுருவெல புத்தல பிரதேசத்தை சேர்ந்த 28 வயதான இந்த சந்தேக நபர் இன்று வெல்லவாய நீதவான் நீதிமன்றத்தில் ஆஜர்ப்படுத்தப்பட உள்ளார்.

மழை..

மேல், சப்ரகமுவ, மத்திய மற்றும் வடமேல் மாகாணங்களிலும் காலி மற்றும் மாத்தறை மாவட்டங்களிலும் இடைக்கிடையே மழைபெய்யும் என எதிர்வுக் கூறப்பட்டுள்ளது.

வளிமண்டலவியல் திணைக்களம் இன்று பிற்பகல் விடுத்துள்ள அறிக்கையிலேயே இந்த விடயம் குறிப்பிடப்பட்டுள்ளது. அத்துடன், குறித்த பகுதிகளின் சில இடங்களில் 50 மில்லி மிற்றர் மழைவீழ்ச்சி பதிவாகும் சாத்தியம் உள்ளதாகவும் குறிப்பிடப்பட்டுள்ளது.

மேலும், ஊவா மாகாணத்திலும், அம்பாறை மற்றும் மட்டக்களப்பு மாவட்டங்களிலும் மாலை வேளைகளில் மழைபெய்யும் எனவும் அறிவிக்கப்பட்டுள்ளது.

இதேவேளை, வடக்கு, வடமத்திய மற்றும் வடமேல் மாகாணங்களிலும் திருகோணமலை, ஹம்பாந்தோட்டை, கண்டி மற்றும் நுவரெலிய மாவட்டங்களிலும் இடைக்கிடையே 50 கிலோமீற்றர் வேகத்தில் காற்று வீசும் எனவும் எச்சரிக்கை விடுக்கப்பட்டுள்ளது.

இடியுடன் கூடிய மழைபெய்யும் சந்தர்ப்பங்களில் மின்னல் மற்றும் கடும் காற்றினால் ஏற்படும் தாக்கங்களில் இருந்து பாதுகாப்பாக செயற்படுமாறு எச்சரிக்கை விடுக்கப்பட்டுள்ளது.