கொழும்பு வரும் பொதுமக்களுக்கு விடுக்கப்பட்டுள்ள முக்கிய அறிவிப்பு!!

முக்கிய அறிவிப்பு..

கொழும்பு நகரத்திற்கு குறைந்த அளவிலானோரே வருகைதர முடியும் என இராணுவ தளபதி சவேந்திர சில்வா தெரிவித்துள்ளார். அத்தியாவசிய தேவைகளை தவிர வேறு விடயங்களுக்காக கொழும்பு நகரத்திற்கு வருவதனை தவிர்க்குமாறு அவர் குறிப்பிட்டுள்ளார்.

மேல் மாகாணத்தில் அமுல்ப்படுத்தப்பட்டிருந்த தனிமைப்படுத்தல் ஊரடங்கு சட்டம் இன்றைய தினம் தளர்த்தப்பட்ட போதிலும் மாவட்டங்களுக்கு இடையிலான பயணங்களை தொடர்ந்து தவிர்க்க வேண்டும் என அவர் கூறியுள்ளார்.

சுகாதார பாதுகாப்பு வழிமுறைகளை மீறி நடந்தால் கொரோனா நோயாளியாகுவதனை தவிர்க்க முடியாத விடயமாகிவிடும் என அவர் சுட்டிக்காட்டியுள்ளார்.

மிகவும் ஆபத்தான பகுதிகள் தனிமைப்படுத்தப்பட்டுள்ளது. எனினும் ஏனைய பகுதிகளில் கொரோனா நோயாளிகள் இல்லை என்பது அதன் அர்த்தம் அல்ல.

ஊரடங்கு சட்டம் அமுல்படுத்தப்பட்டால் மாத்திரம் கொரோனா வைரஸ் தொற்றினை தடுப்பது கடினம். இதனால் கொழும்பு வருவதனை தவிர்க்கவும். இந்த சந்தர்ப்பத்தில் மிகவும் பொறுப்புடன் செயற்பட வேண்டும் என இராணுவ தளபதி மேலும் தெரிவித்துள்ளார்.

 

கொரோனா காலமும் கிரக மாற்றமும் : ஒரு இளைஞனின் எண்ணத்திலிருந்து!!

நாளாந்த பத்திரிகைகளை நாள் தோறும் புரட்டும் வேலையினையே கிரமமாக செய்து வருகிறேன். நாட்டு நிலமையையும் வீட்டு நிலமையையும் கருத்திற்கொண்டே நான் மைதானத்திற்கு வருகை தருவதில்லை என்பதை ஒருவரேனும் புரியாமல் இருக்கமாட்டார்கள் என நம்புகின்றேன்.

அதுமட்டுமல்லாது, புதினப் பத்திரிகைகளை புரட்டும் போது வருகின்ற புதினங்கள் வீட்டுக்குள் அடங்கி இருப்பதன் அவசியத்தை வீட்டுக்காரருக்கும் சொல்லிவிடுகின்றது.
ஆனால் நிச்சயமாகவே நிலமை வழமைக்கு பழமை போல் திரும்பும் என நம்புகிறேன். அதற்காகவே காத்திருக்கிறேன்.

எனது சக வீரர்கள் விளையாடுவதை என்னால் ஊக்கப்படுத்த முடியவில்லை. மாறாக, தடுக்கவே சொல்கின்றது. ஆனாலும் அதற்கும் தடுமாற்றமாகவே இருக்கின்றது. எது எவ்வாறாக இருந்தாலும் சாதாரண பொது மகனாக நீங்கள் விளையாடுவதை என்னால் அனுமதிக்கவே முடியவில்லை. (மனதுக்குள் திட்டினாலும் மன்னித்திடுங்கோ தம்பி மார், அண்ணா மார்)

நீங்கள் விளையாடுவதை தொலைக்காட்சியில் ஒளிபரப்பு செய்தால் முதலாவதாக முந்திக்கொண்டு முழுவதுமாக வீட்டிலிருந்து பார்ப்பது நானாக இருக்கும்.

கிரக மாற்றமேற்பட்டு மீண்டும் விளையாடுகின்ற சூழல் உருவானால் உங்களுடன் மைதானத்தில் இணைந்து கொள்வேன். அது வரை Viber இல் தொடர்ந்து இணைந்திருப்பேன்.

கொரோனா என்னும் கொடிய நோயை விரட்டியடிக்க இளைஞர்களாக எழுவோம்.

#சமூக இடைவெளியை தொடர்ந்து பின்பற்றுவோம்.
#கைகளை கழுவுவோம்.
#முகக்கவசத்தை முகங்கோணாது அணிவோம்.
#வீட்டிலிருப்போம்.

அரசாங்கத்தால் அவ்வவ்போது வழங்கப்படுகின்ற சுகாதார நடைமுறைகளை தொடர்ந்து பின்பற்றுவோம்.

-தினேஸ்-

கிளிநொச்சியில் ஆட்டுக்கொட்டில் போன்ற கொட்டிலில் வசிக்கும் குடும்பத்தின் அவல நிலை!!

கிளிநொச்சியில்..

கிளிநொச்சி பெரியபரந்தன் டி5 கிராமத்தில் இரவு வீசிய காற்றினால் தற்காலிக வீடு ஒன்று சேதமடைந்துள்ளதாகத் தெரியவந்துள்ளது.

இதன் காரணமாக தற்காலிக வீட்டில் வசித்து வந்த குடும்பம் ஒன்று ஆட்டுக் கொட்டில் போன்ற ஒரு கொட்டிலில் தற்போது தங்கியுள்ளனர். இந்த சம்பவம் தொடர்பில் மேலும் தெரியவருகையில்,

நேற்று இரவு பெய்த மழையுடன் கூடிய காற்று காரணமாக பெரியபரந்தன் பகுதியில் மூன்று பிள்ளைகளுடன் வசிக்கின்ற விநாயகமூர்த்தி நித்தியானந்தன் என்பவரது தற்காலிக வீட்டின் கூரை காற்றினால் பிடுங்கி எறியப்பட்டுள்ளது.

இந்நிலையில் தற்போது கொட்டில் ஒன்றில் தங்கியுள்ளனர். அத்தோடு அப்பிரதேசத்தில் வேம்பு ஒன்று முறிந்து வீழ்ந்துள்ள நிலையில் மின்சாரமும் துண்டிக்கப்பட்டுள்ளது. இது தொடர்பில் கிராம அலுவலர் ஊடாக மாவட்ட அனர்த்த முகாமைத்துவ பிரிவுக்கு அறிவிக்கப்பட்டுள்ளது.

இருப்பினும் பாதிக்கப்பட்டுள்ள குறித்த குடும்பத்திற்கு உடனடியாக அவர்களது சேதமடைந்த வீட்டின் கூரையினை திருத்துவதற்கு உதவி தேவை எனவும் தெரிவிக்கப்பட்டுள்ளது.

 

யாழ்ப்பாணத்தை பூர்வீகமாக கொண்ட மாணவிக்கு லண்டனில் நேர்ந்த துயரம்!!

சிறிஸ்கந்தராஜா மதுஜா..

லண்டனில் யாழை பூர்வீகமாககொண்ட 19 வயதான மாணவி ஒருவர் திடீரென உயிரிழந்துள்ளமை பெரும் சோகத்தினை ஏற்படுத்தியுள்ளது. லண்டன் Queens mary’s பல்கலைக்கழகத்தின் இரண்டாம் ஆண்டு மாணவியான சிறிஸ்கந்தராஜா மதுஜா என்பவரே இவ்வாறு பரிதாபமாக உயிரிழந்துள்ளார்.

திடீரென்று மயங்கி விழுந்த நிலையில் வைத்தியசாலையில் அனுமதிக்கப்பட்ட அவர் சிகிச்சை பலனின்றி உயிரிழந்துள்ளதாக கூறப்படுகின்றது.

உயிரிழந்த மாணவி மதுஜா நற்பண்புகளுடன் கல்வியிலும் சிறந்து விளங்கியவர். இவரின் திடீர் மறைவு அவரது குடும்பத்தினை மட்டுமல்லாது புலம்பெயர் தமிழர்களிடையேயும் பெரும் அதிர்ச்சியினையும் சோகத்தினையும் ஏற்படுத்தியுள்ளது.

இலங்கையில் தற்போது பரவும் கொரோனா அலையை கட்டுப்படுத்த ஒரு மீற்றர் சமூக இடைவெளி போதாது!!

சமூக இடைவெளி..

இலங்கையில் தற்போது பரவி வரும் கொரோனா அலையை பொறுத்த வரை ஒரு மீற்றருக்கும் அதிகமான சமூக இடைவெளியை பேண வேண்டிய அவசியம் உண்டாகியுள்ளதாக வைத்தியர் ஜயருவன் பண்டார தெரிவித்துள்ளார்.

கொவிட் – 19 வைரஸ் தொற்றின் தற்போதைய அலையின் பரவல் நிலையை அவதானித்ததன் மூலமே குறித்த விடயம் தெரியவந்துள்ளதாக அவர் குறிப்பிட்டுள்ளார். இது தொடர்பில் அவர் மேலும் கூறுகையில்,

மக்கள் அதிகம் கூடுமிடங்களில் நிபுணர்களின் ஆலோசனைக்கமைய குறைந்தபட்சம் ஒன்றரை முதல் இரண்டு மீற்றர் சமூக இடைவெளி தூரத்தை பேணுவது சிறந்தது.

மனித சமூகத்தின் செயற்பாடுகள் தான் கொவிட் – 19 வைரஸ் எவ்வாறு பரவுகிறது என்பதை தீர்மானிக்கிறது. இந்த நோய் பரவாமல் தடுக்கும் முக்கிய பணி உங்களுக்கும் எனக்கும் நாட்டிலுள்ல அனைவருக்குமுள்ளது என அவர் மேலும் கூறியுள்ளார்.

 

5000 ரூபா பெற்றுக்கொள்ள வரிசையில் காத்திருந்த பெண் கீழே விழுந்து மரணம்!!

வரிசையில் காத்திருந்த பெண்..

கொரோனா நிவாரண கொடுப்பனவாக வழங்கப்படும் 5000 ரூபாவினை பெற்றுக்கொள்வதற்காக நீண்ட வரிசையில் காத்திருந்த பெண் ஒருவர் கீழே விழுந்து மரணித்துள்ளார்.

நீர்கொழும்பு கட்டான கதிரான கிராம சேவகர் காரியாலயத்திற்கு எதிரில் இந்த சம்பவம் நேற்று இடம்பெற்றுள்ளது. வடக்கு கதிரான பகுதியைச் சேர்ந்த உடுகம கோரலாகே சோமாவதி என்ற 60 வயதான பெண்ணே சம்பவத்தில் உயிரிழந்துள்ளார்.

கொரோனா பீதி காரணமாக, கீழே விழுந்த பெண்ணுக்கு எவரும் உதவ முன்வரவில்லை எனவும் பின்னர் அங்கிருந்த இரண்டு இளைஞர்கள் பெண்ணை வைத்தியசாலையில் சேர்த்துள்ளதாகவும் தெரிவிக்கப்படுகின்றது. இந்த பெண்ணின் மரணம் தொடர்பில் பிரேதப் பரிசோதனை நடாத்தப்பட்டு அறிக்கை வெளியிடப்பட உள்ளது.

கொரோனா ஏற்படுத்திய நெருக்கடி : கடனாளியாக மாறிய இலங்கையர்கள்!!

கடனாளியாக மாறிய இலங்கையர்கள்..

வர்த்தக வங்கிகள் மற்றும் நிதி நிறுவனங்களின் நகை அடங்கு பிடிக்கும் நிலையங்களில் நாட்டு மக்கள் 643 பில்லியன் ரூபாய் கடன் பெற்றுள்ளதாக இலங்கை மத்திய வங்கி சுட்டிக்காட்டியுள்ளது.

இந்த வருடத்தின் கடந்த 6 மாத காலப்பகுதிக்குள் இந்த கடன் பெறப்பட்டுள்ளதாக மத்திய வங்கியின் அறிக்கையில் குறிப்பிடப்படுகின்றது.

நகை கடனுக்காக வழங்கப்படும் பணம் அண்மைக்காலமாக குறிப்பிடத்தக்க அளவு அதிகரித்துள்ளது. இந்த நிலையில் வர்த்தக வங்கிகளில் ஒரு பவுண் நகைக்கு 57000 – 60000 ரூபாய் வரை அதிகரித்துள்ளது.

இதனை ஒப்பிடும் போது தங்க கடனுக்காக வருடாந்த வட்டி வீதம் 10 வீதம் வரை மத்திய வங்கியினால் குறைக்கப்பட்டுள்ளது. அத்துடன் சில தனியார் நிதி நிறுவனங்களில் தங்கம் ஒரு பவுணுக்கு 65000 ரூபாய் வரை வழங்குவதாக தெரிவிக்கப்படுகின்றது.

இதேவேளை, இலங்கையின் அனைத்து கடன் அட்டை பயனாளர்கள் நால்வரில் ஒருவர் இதுவரையில் கடனை மீள செலுத்த முடியாத நிலைக்குள்ளாகியுள்ளதாக தெரியவந்துள்ளது.

41 வீதமான கடன் அட்டை பயனாளர்கள் கடன்ன பணத்தை திருப்பி செலுத்தவில்வை என மத்திய வங்கி சுட்டிக்காட்டியுள்ளது.

ஆபத்து நாட்டிலிருந்து அகற்றப்படவில்லை : இலங்கையில் மக்களுக்கு வழங்கப்பட்டுள்ள எச்சரிக்கை!!

மக்களுக்கு வழங்கப்பட்டுள்ள எச்சரிக்கை..

இலங்கையில் இன்று முதல் தனிமைப்படுத்தப்பட்ட ஊரடங்கு விலக்கிக்கொள்ளப்படுகிறது, எனினும் விடுவிக்கப்படுகின்ற பகுதிகள் இன்னும் பாதுகாப்பாக இல்லை என தலைமை தொற்றுநோயியல் நிபுணர் வைத்திய கலாநிதி சுதத் சமரவீர தெரிவித்துள்ளார்.

இது தொடர்பில் இன்றைய தினம் ஊடகங்களுக்கு கருத்து தெரிவிக்கும் போதே அவர் இந்த விடயத்தை குறிப்பிட்டுள்ளார். மேலும் கூறுகையில், கொரோனா பரவுவதற்கான ஆபத்து நாட்டில் இன்னும் நிலவுகிறது.

நாட்டின் பல்வேறு பகுதிகளிலிருந்தும் கொரோனா தொற்றாளிகள் பதிவாகியுள்ள நிலையில், பொதுமக்கள், சுகாதார வழிகாட்டுதல்களை கண்டிப்பாக பின்பற்றுவது மிகவும் முக்கியமானது. ஊரடங்கு உத்தரவை தளர்த்துவது என்பது மக்கள் தங்கள் வழக்கமான செயற்பாடுகளுக்கு செல்லலாம் என்பதற்கான அர்த்தம் அல்ல.

எனவே ஆபத்து நாட்டில் இருந்து இதுவரை அகற்றப்படவில்லை என்பதை மக்கள் கவனத்தில் கொள்ள வேண்டும் என எச்சரித்துள்ளார். அத்துடன், பேலியகொடை மீன் சந்தை தொடர்பான தொற்றுக்கள் இன்னும் பல்வேறு பகுதிகளிலிருந்து பதிவாகியுள்ளன.

இந்த நிலையில் சுகாதார வழிகாட்டுதல்களைக் கடைப்பிடிப்பது மற்றும் தேவையற்ற பயணங்களை கட்டுப்படுத்துவது என்ற அடிப்படையில் பொதுமக்களுக்கு பெரிய பொறுப்பு உள்ளது என்றும் அவர் குறிப்பிட்டுள்ளார்.

 

கொ ரோ னா தொற்றும் என்ற அ ச் ச த் தி ல் உ யிரை மா ய்த்துக் கொ ண் ட ந ப ர்!!

கொரோனா..

கொரோனா வை ரஸ் தொ ற்றினால் உ யிரிழ க்கும் அ ச் ச த் தி ல் ந ப ர் ஒ ருவர் உ யி ரை மா ய் த் து க் கொ ண் டு ள் ளா ர். நாகொட வை த்தியசாலை ஊ ழியர்களை அ ழைத்து செ ல்லும் ந டவடிக்கையில் ஈ டுப ட்ட இலங்கை த னியார் பே ருந்தின் சா ர தி ஒ ருவரே இ வ்வாறு வி பரீத மு டிவை எ டுத்து ள்ளார்.

நே ற் று அ தி கா லை த ன து வீ ட்டிற்கு மு ன்னால் உ ள்ள ம ர த் தி ல் தூ க் கி ட் டு அ வ ர் உ யி ரை மா ய் த் து க் கொ ண்டுள்ளார் . கொடஉடஹேன, யட்டியன, அகலவத்தை பிரதே சத்தை பீ.வீ.சரதியல் எ ன்ற 56 வ யதுடைய இ ரண்டு பி ள்ளைகளின் த ந் தை ஒ ருவரே இ வ் வா று உ யிரிழந்து ள்ளார்.

பே ருந்துகளின் சா ரதிகளுக்கு கொரோனா ஏ ற்படுவதனால் அ ச் ச த் தி ல் இ ந்த ந ப ர் இ ருந்தார் எ ன அ வரது ம னைவி தெ ரிவித்து ள்ளார். இ ந்த நி லையில் தா ன் ப ணியா ற்றும் பே ருந்தில் ஒ ருவருக்கு கொரோனா தொ ற்று ஏ ற்பட்டுள் ளதாக த க வ ல் கி டைத்தது மு த ல் அ வ ர் அ ச் ச த் தி ல் இ ருந்து ள்ளார்.

கொரோனா தொ ற்றினால் உ யி ரி ழ க் க நே ரிடும் என்ற அ ச் ச த் தி ல் அ வ ர் உ யி ரை மா ய் த் து க் கொ ண்டுள்ளார் எ ன கு றிப்பிடப்படுகி ன்றது. ச ம்பவம் தொ டர்பில் பொ லிஸார் வி சாரணைகளை மே ற்கொ ண்டு வ ருகின் றனர்.

 

இன்று பல பிரதேசங்களில் இடியுடன் கூடிய மழை!!

இடியுடன் கூடிய மழை..

இலங்கையின் வானிலையில் இன்று வடக்கு மற்றும் கிழக்கு மாகாணங்களில் மழை பெய்யக்கூடும் என்று அறிவிக்கப்பட்டுள்ளது. இன்று மாலை அல்லது இரவு நேரங்களில் மேல், சப்ரகமுவ, தெற்கு மாகாணங்களில் மற்றும் திருகோணமலை மாவட்டத்தில் சில இடங்களில் சுமார் 100 மி.மீற்றர் மழை பெய்யக்கூடும்.

இடியுடன் கூடிய மழைக்காலங்களில் வலுவான காற்று மற்றும் மின்னல் ஆகியவற்றால் ஏற்படும். பாதிப்புகளைக் குறைக்க போதுமான முன்னெச்சரிக்கை நடவடிக்கைகளை மேற்கொள்ளுமாறு பொது மக்கள் கேட்டுக்கொள்ளப்படுகிறார்கள்.

இதேவேளை மத்திய, சப்ரகமுவ, மேற்கு மற்றும் ஊவா மாகாணங்களின் சில இடங்களிலும் காலி மற்றும் மாத்தறை மாவட்டங்களிலும் இன்று காலையில் மூடுபனி நிலைமைகளை எதிர்பார்க்கலாம் என்று வானிலை மையம் எதிர்வுகூறியுள்ளது.

வவுனியாவின் முன்னாள் பா.உ அமரா் தா.சிவசிதம்பரம் அவர்களின் 28ம் ஆண்டு நினைவு தினம்!!

பா.உ அமரா் தா.சிவசிதம்பரம்..

முன்னாள் பாராளுமன்ற உறுப்பினர் தாமோதரம்பிள்ளை சிவசிதம்பரம் அவர்களின் நினைவு தினம் இன்று (09.11.2020) காலை 8.30 மணியளவில் வவுனியா வைரப்புளியங்குளத்தில் அமைந்துள்ள அன்னாரின் நினைவுத்தூபியில் விழாக்குவின் ஏற்பாட்டில் இடம்பெற்றது.

இந் நிகழ்வில் முன்னாள் வடமாகாணசபை உறுப்பினர் செ.மயூரன், நகரசபை உறுப்பினர் ந.சேனாதிராஜா, வவுனியா வடக்கு பிரதேச சபை தலைவர் தனிகாசலம், தமிழ் விருட்சம் அமைப்பின் தலைவர் செ.சந்திரகுமார்,

பலநோக்கு கூட்டுறவு சங்க தலைவர் ஜெகசோதிநாதன், வைத்தியர் மதி, வர்த்தகர்கள், சமூக சேவையாளர்கள், பொது அமைப்புக்களின் பிரதிநிதிகள், பொதுமக்கள் என பலரும் கலந்து கொண்டு அன்னாரின் திருவுருவச் சிலைக்கு மாலையிட்டு மலர் அஞ்சலி செலுத்தினார்கள்.

வவுனியா தொகுதியின் முன்னாள் பாராளுமன்ற உறுப்பினர் அமரர்.தாமோதரம்பிள்ளை சிவசிதம்பரம் அவர்களின் நினைவான இச் சிலை நிறுவப்பெற்றுள்ளது.

ஞாபகார்த்த சிலை அமைப்புக் குழுவினரதும் அதன் தலைவர் நா.சேனாதிராசா ஆகியோரதும் வேண்டுகோளுக்கிணங்க வவுனியாவின் மூத்த சட்டத்தரணி முருகேசு சிற்றப்பலம் அவர்களினால் கடந்த 2015 ஆம் ஆண்டு 07ம் மாதம் 25ம் திகதி இச் சிலை திறந்து வைக்கப்பட்டமை குறிப்பிடத்தக்கது.

வவுனியாவில் வன்னி தேர்தல் தொகுதியில் கிராமிய பொருளாதாரத்தை கட்டியெழுப்பும் தேசிய வேலைத்திட்டம்!!

வன்னி தேர்தல் தொகுதியில்..

இளைஞர் விவகார மற்றும் விளையாட்டுத்துறை அமைச்சர் நாமல் ராஜபக்ஷவின் எண்ணக்கருவிற்கமைய, ஜனாதிபதி செயலணியின் ஒப்புதலின் கீழ், பிரதமர் அலுவலகத்தின் ஊடாக செயற்படுத்தப்படும் ‘கிராமிய பொருளாதாரத்தை கட்டியெழுப்பும் தேசிய வேலைத்திட்டத்தின்’ மற்றுமொரு கட்டம்,

இன்று 2020.11.08 (திங்கட்கிழமை) வவுனியா, மன்னார், முல்லைத்தீவு ஆகிய மூன்று மாவட்டங்களை உள்ளடக்கும் வகையில் வவுனியா மாவட்ட செயலாளர் அலுவலக கேட்போர் கூடத்தில் நடைபெற்றுக்கொண்டிருக்கின்றது.

ஜனாதிபதி கோட்டாபய ராஜபக்ஷவினால் முன்வைக்கப்பட்ட சுபீட்சத்தின் நோக்கு கொள்கை திட்டத்தில் குறிப்பிடப்பட்டதற்கமைய தேசிய பொருளாதாரத்தை கட்டியெழுப்புவதற்கு மக்களை மையமாகக் கொண்ட பொருளாதாரத்தை மேம்படுத்துவதன் அடிப்படையில் சுபீட்சமான தேசத்தை கட்டியெழுப்புவதற்கு அரச பொறிமுறையை கிராமத்தை நோக்கி கொண்டு செல்வது இவ்வேலைத்திட்டத்தின் அடிப்படையாகும்.

அமைச்சர் நாமல் ராஜபக்வின் தலைமையில் கூடிய ‘சமூக உட்கட்டமைப்பு குழு’வினால் வவுனியா, மன்னார், முல்லைத்தீவு ஆகிய மூன்று மாவட்டங்களுக்கான அமைச்சினால் எதிர்வரும் ஆண்டில் செயற்படுத்தப்படவுள்ள அபிவிருத்தி திட்டங்கள் தொடர்பில் அதிகாரிகளுக்கு தெளிவுபடுத்தப்பட்டது.

அதிகாரிகளினால் மாவட்டத்திற்குள் காணப்படும் பிரச்சினைகள் தொடர்பில் எடுத்துரைக்கப்பட்டதுடன், சம்பந்தப்பட்ட அமைச்சுக்களினால் அப்பிரச்சினைகள் தொடர்பில் அச்சந்தர்ப்பத்தில் பதிலளிக்கப்பட்டது.

குறித்த கலந்துரையாடலில் இராஜாங்க அமைச்சர்களான லசந்த அழகியவண்ண, பிரியங்கர ஜயரத்ன, பியல் நிசாந்த, சிசிர ஜயகொடி, வடக்கு மாகாண ஆளுநர் பீ.எச்.எம்.சார்ள்ஸ், வன்னி தேர்தல் மாவட்ட நாடாளுமன்ற உறுப்பினர்களான காதர் மஸ்தான், குலசிங்கம் திலீபன், சாள்ஸ் நிர்மலநாதன், வினோ நோகராதலிங்கம் மற்றும் மாவட்ட அரச அதிபர்கள், பாதுகாப்புத் தரப்பினர் மற்றும் சுகாதார திணைக்கள அதிகாரிகள், அரச உயர் அதிகாரிகள் என பலரும் கலந்து கொண்டுள்ளனர்.

வவுனியா செட்டிக்குளத்தில் தீப்பற்றி எரிந்த ஹாட்வெயார் : பல லட்சம் பெறுமதியான பொருட்கள் சேதம்!!

ஹாட்வெயார்..

வவுனியா செட்டிக்குளம் பிரதேச செயலக பிரிவுக்குட்பட்ட செட்டிக்குளம் நகரப்பகுதியில் அமைந்துள்ள ஹாட்வெயார் நிலையம் தீப்பற்றி ஏரிந்துள்ளது.

இன்று (09.11.2020) காலை இடம்பெற்ற தீ விபத்து சம்பவம் தொடர்பில் மேலும் தெரியவருகையில், செட்டிக்குளம் நகரில் அமைந்துள்ள ஹாட்வெயார் பொருட்கள் விற்பனையகம் காலை 7.00 மணியளவில் திடீரேன தீப்பற்றி ஏரிந்துள்ளது.

இதனை அவதானித்த பொதுமக்கள் தீயினை கட்டுப்பாட்டுக்கள் கொண்டுவருவதற்கு முயற்சிகளை மேற்கொண்டதுடன் வவுனியா நகரசபை தீயணைப்பு பிரிவினருக்கும் தகவலை வழங்கியிருந்தனர்.

குறித்த இடத்திற்கு அதிவேகமாக வருகை தந்த நகரசபை தீயணைப்பு பிரிவினர் காலை 8.40 மணியளவில் தீயினை முழுமையாக கட்டுப்பாட்டுக்குள் கொண்டு வந்துள்ளனர்.

தீ விபத்து காரணமாக பல லட்சம் பெறுமதியான பொருட்கள் தீயில் ஏறிந்து நாசமாகியுள்ளது. மின்சார ஒழுக்கு காரணமாக இவ் தீவிபத்து சம்பவம் இடம்பெற்றிருக்கலாம் என செட்டிக்குளம் பொலிஸாரின் ஆரம்ப கட்ட விசாரணைகளிலிருந்து தெரிய வருவதுடன் தடவியல் பொலிஸாரும் வரவழைக்கப்பட்டுள்ளனர்.

வவுனியாவில் வழமைக்கு திரும்பிய மாகாணங்களுக்கு இடையிலான போக்குவரத்து சேவைகள்!!

போக்குவரத்து சேவைகள்..

கொவிட் 19 தாக்கம் காரணமாக நாடாளாவிய ரீதியில் பல பகுதிகளில் அமுல்படுத்தப்பட்டிருந்த ஊரடங்கு சட்டம் தளர்த்தப்பட்ட நிலையில் வவுனியா புதிய பேரூந்து நிலையத்திலிருந்து போக்குவரத்து சேவைகள் வழமைக்கு திரும்பியுள்ளது.

கடந்த 10 நாட்களாக வவுனியாவிலிருந்து வடமாகாணத்திற்குட்பட்ட பகுதிகளில் கட்டுப்படுத்தப்பட்ட பேரூந்து சேவை இடம்பெற்று வந்ததுடன் மாகாணங்கிடையிலான பேரூந்து சேவை முற்றாக தடை செய்யப்பட்டிருந்தது.

இந் நிலையில் மேல் மாகாணத்தில் இன்றையதினம் தனிமைப்படுத்தல் ஊரடங்கு சட்டம் நீக்கப்பட்டதன் காரணமாக வவுனியா மாவட்டத்தில் தடைப்பட்டிருந்த வடமாகாணம் உட்பட வெளி மாவட்டங்களுக்குரிய போக்குவரத்து சேவைகள் வழமைக்கு திரும்பியுள்ளதுடன் கொழும்பு , அக்கரைப்பற்று பகுதிகளுக்காக போக்குவரத்து தொடர்ந்து தற்காலிகமாக இடைநிறுத்தப்பட்டுள்ளது.

புதிய பேரூந்து நிலையத்திற்குள் செல்லும் பயணிகளும் கைகழுவதற்குரிய வசதிகள் பேரூந்து நிலையத்தின் வாயிலில் ஒழுங்கு செய்யப்பட்டுள்ளதுடன் பணிகள் அனைவருக்கும் முகக்கவசம் கட்டாயமாக்கப்பட்டுள்ளது.

கிளிநொச்சியில் இடம்பெற்ற விபத்தில் இருவர் காயமடைந்த நிலையில் வைத்தியசாலையில்!!

கிளிநொச்சியில்..

கிளிநொச்சி ஏ9 வீதியில் வலயக்கல்வி பணிமனைக்கு அருகில் திடீரென டிப்பர் வாகனமொன்றின் தடுப்பு (Break) பிரயோகிக்கப்பட்டதால் அதே திசையில் வந்துகொண்டிருந்த முச்சக்கரவண்டி குறித்த டிப்பரின் பின்பகுதியில் மோதி விபத்துக்கு இலக்காகியுள்ளது.

குறித்த சம்பவம் இன்று (08.11.2020) இரவு ஏழு மணியளவில் இடம்பெற்றுள்ளதாக தெரியவருகிறது. பூநகரியிலிருந்து கிளிநொச்சி நோக்கி பயணித்த முச்சக்கரவண்டியே இவ்வாறு விபத்திற்கு இலக்காகியுள்ளது.

இவ்விபத்தில் முச்சக்கரவண்டியில் பயணித்த இருவர் காயமுற்ற நிலையில் கிளிநொச்சி வைத்தியசாலையில் அனுமதிக்கப்பட்டு சிகிச்சைக்கு உட்படுத்தப்பட்டுள்ளனர். இவ்விபத்து தொடர்பான மேலதிக விசாரணைகளைக் கிளிநொச்சி பொலிஸார் மேற்கொண்டு வருகின்றனர்.

 

வவுனியா பெரிய பள்ளிவாசலில் இடம்பெற்ற விசேட பிராத்தனை!!

விசேட பிராத்தனை..

நாட்டையும், மக்களையும் கொரோனா தொற்றிலிருந்து காப்பாற்றுமாறு வேண்டி வவுனியா பெரியபள்ளி வாசலில் விசேட பிராத்தனை ஒன்று இன்று(08.11.2020) இரவு 7.15 மணியளவில் இடம்பெற்றது.

நாட்டில் கொரோனா நோயின் தாக்கமானது அதிகரித்ததை தொடர்ந்து அனைத்து ஆலயங்களிலும் விசேட வழிபாடுகளில் ஈடுபடுமாறு பிரதமர் மஹிந்த ராஜபக்ஷ அண்மையில் தெரிவித்திருந்ததை அடுத்து,

இலங்கையில் உள்ள பல்வேறு ஆலயங்கள், கிறிஸ்தவதேவாலயங்கள், மற்றும் பள்ளிவாசல்கள் இவற்றுடன் விகாரைகளிலும் இந்த விசேட வழிபாடுகள் மேற்கோள்ளப்பட்டு வருகின்றன.

இதனைத்தொடர்ந்து இந்த வழிபாடு இன்று வவுனியா பெரிய பள்ளிவாசலிலிலும் சமூக இடைவெளியை பின்பற்றி இடம்பெற்றிருந்தது.