இலங்கைக் கடலில்..

இலங்கையில் இயற்கை எரிவாயு தொடர்பான தேசிய கொள்கைக்கு அமைச்சரவை ஒப்புதல் அளித்துள்ளதாக எரிசக்தி அமைச்சர் உதய கம்மன்பில தெரிவித்தார்.

அரச தகவல் திணைக்களத்தில் இடம்பெற்ற அமைச்சரவை தீர்மானத்தை அறிவிக்கும் ஊடகவியலாளர் சந்திப்பில் கலந்து கொண்டு கருத்து வெளியிடும் போதே அவர் இவ்வாறு குறிப்பிட்டுள்ளார்.

இலங்கை கடற்பரப்பில் எண்ணெய் மற்றும் எரிவாயு வளங்கள் இருப்பதாக 50 ஆண்டுகளாக கூறப்படுகிறன. ஆனால் இதுவரை எங்களால் அந்த வளத்தை மீட்டெடுக்க முடியவில்லை. அந்த வளத்தை உருவாக்குவதற்கான தடைகள் என்ன? என ஆராய வேண்டும். ஒருபுறம், நாம் முதலீட்டாளர்களைக் கண்டுபிடிக்க வேண்டும்.

உலகத் தரத்திற்கமைய, இலங்கையில் எண்ணெய் மற்றும் எரிவாயு திறன் மிக உயர்வாக உள்ளதுடன், வணிக ரீதியாக சாத்தியமானதாகும். பொதுவாக, உலகத் தரத்திற்கமைய, ஏழு கிணறுகள் தோண்டப்பட்டால், ஒன்று மட்டுமே வெற்றி பெறும்.

ஆனால் இலங்கையில் தோண்டப்பட்ட நான்கு கிணறுகளில் இரண்டில் இயற்கை எரிவாயு உள்ளது. ஆனால் அதையும் மீறி உலகளாவிய முதலீட்டை ஈர்க்க முடியவில்லை. நமது நாட்டில் இயற்கை எரிவாயு கொள்கை இல்லை. அதற்கு தேவையான சட்டங்கள் தயாரிக்கப்படவில்லை.

எனவே, முதற் கட்டமாக, இலங்கையில் இயற்கை எரிவாயு குறித்த தேசிய கொள்கையை வகுத்து அமைச்சரவையில் முன்வைத்தேன். அதற்கமைய அமைச்சரவை ஒப்புதல் அளித்துள்ளது. மேலும், எண்ணெய் கப்பல் ஓரிரு நாட்கள் தாமதமாக இலங்கைக்கு வந்தாலும், இலங்கையில் எண்ணெய் பற்றாக்குறை ஏற்பட்டு விடுகின்றது.

கடந்த அரசாங்கத்தின் போது நாங்கள் அதை இரண்டு முறை அனுபவித்தோம். இதனால் கொலன்னாவை எண்ணெய் சேமிப்பு வளாகத்தில் 942 மில்லியன் ரூபாய் செலவில் 29,000 கன மீட்டர் திறன் கொண்ட மூன்று எண்ணெய் சேமிப்பு தொட்டிகளை நிர்மாணிக்க அமைச்சரவை ஒப்புதல் நேற்று வழங்கப்பட்டது.

இதன் மூலம் எரிசக்தி பா துகாப்பை மேலும் மேம்படுத்தவும், மலிவு விலையில் கொள்முதல் மற்றும் சேமிப்பை செயல்படுத்தவும் முடியும். இதன் மூலம் எரிசக்தி பாதுகாப்பு மற்றும் தடையில்லா விநியோகத்தை உறுதி செய்வோம் என்று நம்புகிறோம் என அமைச்சர் மேலும் தெரிவித்துள்ளார்.

விமான நிலையம்..

விமான நிலையங்களை மீளவும் திறப்பதற்கான சாத்தியக்கூறுகளை அரசாங்கம் ஆய்வு செய்து வருகிறது என சுகாதார அமைச்சர் பவித்ரா வன்னியாராச்சி தெரிவித்துள்ளார். நேற்றைய தினம் ஊடகங்களுக்கு கருத்து வெளியிட்ட அவர் இதனை கூறியுள்ளார். தொடர்ந்தும் பேசிய அவர்,

“இந்த விடயம் தொடர்பில் அமைச்சரவையில் ஆழமான விவாதிக்கப்பட்டது. நாட்டில் வாழும் மக்களின் பா துகாப்பை உறுதி செய்வதே எமது முன்னுரிமை.

மற்றவர்களுக்காக விமான நிலையங்களை திறக்க அனுமதிப்பதன் மூலம் நாட்டில் வாழும் மக்களை நாம் ஆபத்தில் ஆழ்த்த முடியாது எனவும் அவர் வலியுறுத்தியுள்ளார். இதனிடையே, இதுவரையில் சுமார் 26,000 இலங்கையர்கள் நாடு திரும்பியுள்ளனர். மேலும் 58,000 பேர் நாடு திரும்ப எதிர்ப்பார்த்துள்ளனர்.

இலங்கையர்கள் மீளவும் திருப்பி அனுப்பப்படும் போது நாங்கள் சரியான திட்டத்தை கையாண்டு வருகிறோம். இலங்கையர்களை மீளவும் நாட்டிற்கு திருப்பி அனுப்ப தூதரகங்கள் மூலம் வெளிநாட்டு நாடுகளால் அதிக அழுத்தம் கொடுக்கப்படுகிறது.

எவ்வாறாயினும், அனைவரையும் ஒரே நேரத்தில் திருப்பி அனுப்புவதன் மூலம் இங்கு வசிக்கும் இலங்கையர்களை நாங்கள் ஆபத்தில் ஆழ்த்த முடியாது, ”என்று அவர் கூறியுள்ளார்.

எரியும் கப்பல்..

அம்பாறை – சங்கமன்கண்டியை அண்மித்துள்ள கடற்பகுதியில் விபத்திற்குள்ளான எரிபொருள் கப்பலில் தொடர்ந்து தீ பரவி வருவதாக கடற்படையினர் தெரிவித்துள்ளனர். 270,000 மெட்ரிக் டன் மசகு எண்ணெயுடன் பயணித்துக் கொண்டிருந்த இந்தக் கப்பலில் திடீரென தீப்பற்ற ஆரம்பித்துள்ளது.

எம்.டீ.நியு டயமன்ட் எனப்படும் இந்த கப்பலில் எண்ணெய் கசிய ஆரம்பித்தால் இலங்கையின் வடக்கு மற்றும் கிழக்கு கடல் எல்லைக்கு பாரிய ஆபத்து ஏற்படும் என கடல் சுற்று சூழல் பா துகாப்பு அதிகார சபையின் அதிகாரி தெரிவித்துள்ளார்.

இந்த கப்பலில் சேமித்து வைக்கப்பட்டுள்ள மசகு எண்ணெயுடன் டீசலும் உள்ளமையினால் தீ பரவல் வேகமடைந்தால் கப்பல் வெ டிப்பதற்கான வாய்ப்புகள் உள்ளதாக அவர் குறிப்பிட்டுள்ளார்.

கப்பலிப் ஏற்பட்டுள்ள தீயை கட்டுப்படுத்துவதற்கு கடற்படையினர், இந்திய கடற் பாதுகாப்பு அதிகாரிகள், விமானப்படையின் ஹெலிகப்டர்கள் பணியில் ஈடுபட்டு வருகின்றன.

இந்த கப்பலில் ஏற்படவுள்ள தீயுடன் கப்பல் வெ டித்தால் அதன் மூலம் ஏற்பட கூடிய பாதிப்பு மற்றும் விஷ புகை காரணமாக அந்த பிரதேச மீனவ மக்களுக்கு பாரிய ஆ பத்து ஏற்படும். இது தொடர்பில் தீவிர அவதானம் செலுத்தப்பட்டுள்ளது.

கப்பல் தொடர்பான தரப்பினருடன் அரசாங்க நிறுவனம் தொடர்ந்து கலந்துரையாடல் மேற்கொண்டு வருகின்றது. இந்த கப்பலில் ஏதாவது ஒரு வகையில் எரிபொருள் கசிந்தால் அதனை எடுக்க முயற்சிக்க வேண்டாம் என மக்களிடம் கேட்டுக்கொள்ளப்பட்டுள்ளது.

அத்துடன் இந்த கப்பலில் பணியாற்றிய பிலிப்பைன்ஸ் நாட்டு அதிகாரி ஒருவர் உ யிரிழந்துள்ள நிலையில் 22 பேரை கடற்படையினர் காப்பாற்றியுள்ளமை குறிப்பிடத்தக்கது.

கப்பல்..

அம்பாறை சங்கமன்கந்தவிற்கு கிழக்காகவுள்ள கடற்பிராந்தியத்தில் கப்பல் ஒன்று தீப்பற்றி எரிவதாக தகவல்கள் வெளியாகியுள்ளன.

எம்.ரி நியு டைமன் என்ற குறித்த எண்ணெய் கப்பலில் உள்ள ஊழியர்களை அங்கிருந்து வெளியேற்றுவதற்கு நடவடிக்கை எடுக்கப்பட்டுள்ளதாக சமுத்திர சூழல் பாதுகாப்பு அதிகார சபை தெரிவித்துள்ளது.

கப்பலின் எஞ்ஜின் அறையில் ஏற்பட்டுள்ள தீ விபத்து இதுவரையில் பிரதான எரிபொருள் தாங்கி வரையில் பரவவில்லை எனவும் தெரிவிக்கப்படுகின்றது. மேலும் கப்பலில் 23 பேர் கொண்ட குழுவினர் இருப்பதாகவும் தகவல்கள் வெளியாகியுள்ளன.

மீட்பு பணிகளுக்காக இரண்டு கடற்படை கப்பல்கள் குறித்த பகுதிக்கு அனுப்பி வைக்கப்பட்டுள்ளதாகவும் குறிப்பிடப்படுகின்றது. இந் நிலையில்,வான் படைக்கு சொந்தமான பீ.டுவென்டி கண்காணிப்பு படகு குறித்த கடற்பிராந்தியத்திற்கு அனுப்பபட்டு குறித்த கப்பல் மீட்கப்பட்டதாக குறிப்பிடப்பட்டுள்ளது.

இந்நிலையில், அந்த கப்பலில் இருந்து காயமடைந்த நிலையில் கடற்படை அதிகாரி ஒருவர் மீட்கப்பட்டுள்ளதாகவும் கூறப்பட்டுள்ளது. குறித்த கப்பலில் 2 லட்சத்து 70 ஆயிரம் மெற்றிக் டன் மசகு எண்ணெய் உள்ளதாகவும் தெரிவிக்கப்பட்டுள்ளது.

அத்துடன், அங்குள்ள நிலைமைகள் குறித்து ஆராய்வதற்காக சிறிய ரக விமானம் ஒன்றும் அனுப்பி வைக்கப்பட்டுள்ளதாக விமானப்படை தெரிவித்துள்ளது.

கடற்பரப்பில்..

இலங்கையின் பல பகுதிகளில் உள்ள கடற்பகுதிகள் பச்சை நிறமாகியுள்ளமை தொடர்பில் நாரா நிறுவனம் ஆய்வுகளை நடத்தியுள்ளது. கடந்த 31ஆம் திகதி அங்குலான பகுதியை அண்டிய கடல் பகுதியில் பச்சை நிறமாக மாறியுள்ளதாக கடற்றொழில் ஈடுபட்ட மீனவர்கள் தெரிவித்துள்ளனர்.

பச்சை நிறத்திலான திரவம் ஒன்று கடலில் மிதப்பதாக, கடற்றொழில் அமைச்சுக்கு அறிவித்துள்ளனர். இந்த மாற்றம் காரணமாக அந்தப் பகுதியில் பிடித்த மீன்கள் பச்சை மற்றும் மஞ்சள் நிறத்தில் காணப்பட்டதாக மீனவர்கள் தெரிவித்துள்ளனர்.

இந்த அறிவிப்பை தொடர்ந்து நாரா நிறுவனம் இது தொடர்பில் பரிசோதனை ஒன்றை ஆரம்பித்துள்ளது. நெவிகியுலா என்ற பெயருடைய டயடம் ஆல்கா வகை ஒன்றே அவ்வாறு கடலில் பரவியுள்ளதாக பரிசோதனையில் தெரியவந்துள்ளதென நாரா நிறுவன அதிகாரி குறிப்பிட்டுள்ளார்.

அது விஷத்தை ஏற்படுத்தும் ஆல்கா என இதுவரையிலான ஆய்வுகளில் உறுதி செய்யப்படவில்லை என அவர் குறிப்பிட்டுள்ளார். இந்நிலையில் நேற்று வரை பல கடல்களில் அவதானிக்க முடிந்துள்ளது.

காலி, களுத்துறை, பயாகல, பேருவளை, சிலாபம் மற்றும் மோதர கடல் பிரதேசங்களில் இந்த நிலைமை காணப்பட்டுள்ளது. இது தொடர்பில் மேலதிக ப ரிசோ தனைகள் முன்னெடுக்கப்படுவதாக அவர் குறிப்பிட்டுள்ளார்.

கொரோனா..

இலங்கையில் கொரோனா வைரஸ் ஆபத்து இன்னமும் நீங்கவில்லை என அரச தகவல் திணைக்களம் எச்சரிக்கை விடுத்துள்ளது. வெளிநாடுகளில் இருந்து நாட்டுக்கு அழைத்து வரும் இலங்கையர்களில் பெரும்பாலானோர் தொற்றுக்கு உள்ளாகி உள்ளனர்.

இதன் காரணமாக சமூக மட்டத்தில் கொரோனா வைரஸ் பரவும் அபாயம் உள்ளதாக, திணைக்களம் விசேட அறிக்கை ஒன்றை வெளியிட்டு எச்சரித்துள்ளது. இதனால் உரிய சுகாதார முறையை பின்பற்றுமாறு அரசாங்கம் பொது மக்களிடம் கேட்டுக்கொண்டுள்ளது.

இதேவேளை, நேற்றைய தினம் 24 மணித்தியாலத்திற்குள் கொரோனா நோயாளிகள் 9 பேர் அடையாளம் காணப்பட்டுள்ளனர். அவர்கள் அனைவரும் வெளிநாடுகளில் இருந்து இலங்கை வந்தவர்கள். இவர்களுக்கு மேலதிகமாக நேற்று முன்தினம் 43 பேர் கொரோனா தொற்றுக்குள்ளானமை குறிப்பிடத்தக்கது.

முக்கிய அறிவிப்பு..

Mozilla Firefoxஇல் உள்ள பாதுகாப்பு சிக்கல் அடையாளம் காணப்பட்டுள்ளதாக இலங்கை தகவல் தொழில்நுட்ப சங்கம் தெரிவித்துள்ளது.

CVE-2020-15663,CVE-2020-15664,CVE-2020-12401,CVE-2020-12400,CVE-2020-15665,CVE-2020-15666,CVE-2020-15667,CVE-2020-15668,CVE-2020-15669,CVE-2020-15670 என்ற பெயருடைய தொழில்நுட்ப பாதுகாப்பு பிரச்சினை Mozilla Firefoxஇல் ஏற்பட்டுள்ளது. இதன் காரணமாக Mozilla நிறுவனத்தினால் Mozilla Firefox வெப் பிரவ்ஸரிற்கு புதிய Update வெளியிடப்பட்டுள்ளது.

இலங்கை இணையத்தள பயனாளர்கள் பலர் இணையத்தள பயன்பாட்டிற்காக Mozilla Firefox பயன்படுத்துவதனால் உடனடியாக இந்த புதிய Updateயை பெற்றுக் கொள்வதற்கு நடவடிக்கை மேற்கொள்ளுமாறு இலங்கை தகவல் தொழில்நுட்ப சங்கம் தெரிவித்துள்ளது.

அரச மற்றும் தனியார் துறையில்..

அரச மற்றும் தனியார் துறையில் நடுத்தர வருமானம் பெறுவோருக்கு மகிழ்ச்சியளிக்கும் வகையிலான திட்டமொன்று நடைமுறைக்கு வரவுள்ளது. அரச மற்றும் தனியார் துறையில் பணியில் ஈடுபட்டுள்ள நடுத்தர வகுப்பின வருமான பயனாளிகளின்,

சேவைக்காக அவர்களின் வருமானத்திற்கு ஈடு கொடுக்கக்கூடிய வீட்டை பெற்றுக் கொடுக்கக்கூடிய வகையில் வீடமைப்பு திட்டம் ஒன்றை நடைமுறைப்படுத்துவதற்காக 2020.05.27 ஆம் திகதி அன்று நடைபெற்ற அமைச்சரவை கூட்டத்தில் அங்கீகாரம் வழங்கப்பட்டது.

இதற்கு அமைவாக இந்த திட்டத்தை நடைமுறைப்படுத்துவதற்கு தேவையான அடிப்படை மூலதனத்தை பெற்றுக் கொள்வதற்காக 5 வருட காலத்திற்கு செல்லுபடியான 25 பில்லியன் ரூபா கடன் பத்திரத்தை விடுவிப்பதற்காக நகர அபிவிருத்தி மற்றும் வீடமைப்பு அமைச்சர் என்ற ரீதியில் பிரதமர் சமர்ப்பித்த பரிந்துரை அமைச்சரவையினால் அங்கீகரிக்கப்பட்டுள்ளது.

இதேபோன்று திட்டத்தின் கீழ் நிர்மாணிக்கப்படும் வீடுகளை விற்பதன் மூலம் கிடைக்கும் வருமானத்தின் ஊடாக கடன் பத்திரத்தை செலுத்துவதற்கும்,

இந்த வீட்டை பெறுவதற்காக சம்பந்தப்பட்ட கொள்வனவாளர்களுக்கு 25 தொடக்கம் 30 வருடகால எல்லைக்கான நிவாரண கடன் குறைந்த கடன் வட்டி அடிப்படையில் அரச வங்கிகள் மூலம் வீட்டு கடனை வழங்குவதற்கும் அனுமதி வழங்கப்பட்டுள்ளது.

கற்றல் விடுமுறை..

அடுத்த வருடம் ஜனவரி முதலாம் திகதி முதல் 17ம் திகதி வரை க.பொ.த சாதாரணதர மாணவர்களுக்கு கற்றல் விடுமுறை வழங்கப்படும் என்று கல்வியமைச்சு அறிவித்துள்ளது.

க.பொ.த சாதாரண தரப் பரீட்சைகள் ஜனவரி 18ம் திகதி தொடக்கம் ஜனவரி 27ம் திகதி வரை நடைபெறும். இந்த காலப்பகுதியில் அனைத்து பாடசாலைகளுக்கும் விசேட விடுமுறை வழங்கப்படும்.

க.பொ.த சாதாரண தரத்தின் பின்னர் பெப்ரவரி முதலாம் திகதி முதல் மீண்டும் அனைத்து பாடசாலைகளும் ஆரம்பமாகும் என்பது குறிப்பிடத்தக்கது. இதனிடையே, 2020 ஆம் ஆண்டுக்கான பொதுப் பரீட்சைகளுக்கான திகதிகள் அறிவிக்கப்பட்டுள்ளன.

தரம் 5 புலமைப் பரிசில் பரீட்சை – ஒக்டோபர் 11 ஆம் திகதி
க.பொ. த உயர் தரப் பரீட்சைகள் – ஒக்டோபர் 12 ஆம் திகதி முதல் நவம்பர் 06 வரை
க.பொ.த சாதாரண தரப் பரீட்சைகள் – ஜனவரி 18 ஆம் திகதி முதல் ஜனவரி 27 ஆம் திகதி வரை
இதன் அடிப்படையில் ஒக்டோபர் 10 ஆம் திகதி முதல் நவம்பர் 8 ஆம் திகதி வரை பாடசாலைகளுக்கு விடுமுறை வழங்கப்படும்.

மூன்றாம் தவணை நவம்பர் மாதம் 9 ஆம் திகதி முதல் டிசம்பர் 23 ஆம் திகதி வரையாவதுடன், ஆண்டு இறுதி விடுமுறை டிசம்பர் 24 முதல் 2021 ஜனவரி 4 ஆம் திகதி வரையாகும்.