ஹீரோவாக மாறிய பொலிஸ் அதிகாரி

இலங்கையில் பொலிஸ் அதிகாரி ஒருவரின் துணிச்சலான செயற்பாடு குறித்து பலரும் பாராட்டு தெரிவித்துள்ளனர். போக்குவரத்து பொலிஸ் அதிகாரி ஒருவர் 50 கோடி பெறுமதியான போ தைப் பொருள் மூடையை கண்டுபிடித்து அவற்றை மீட்க வழி செய்துள்ளார்.

அத்துகிரிய பிரதேசத்தில் நேற்று மேற்கொள்ளப்பட்ட சுற்றி வளைப்பில் பாரிய போ தைப் பொருள் மூட்டைகளை கண்டுபிடித்துள்ளார். அவற்றை பறிமுதல் செய்யாதிருக்க 50 இலட்சம் ரூபா ல ஞ்சம் தருவதாக பேரம் பேசப்பட்டுள்ளது.

எனினும் அதனை நிராகரித்த போக்குவரத்து பொலிஸ் அதிகாரி, அது குறித்து பொலிஸ் நிலையத்திற்கு தகவல் கொடுத்துள்ளார். போக்குவரத்து கடமையில் ஈடுபட்டிருந்த பொலிஸ் உத்தியோகத்தர் சந்தேகத்திற்குரிய நபரை பின்தொடர்ந்து போக்குவரத்துக்கடமையை விட்டுச்சென்று அவர் சென்ற ர கசிய வீட்டை தனியாக சென்று கண்காணித்துள்ளார்.

இதன்போது அங்கு பாரிய போ தைப்பொ ருள் மூட்டைகள் அடுக்கு வைத்திருப்பது தொடர்பில் தகவல் வழங்கி, அதன் பறிமுதல் செய்வதற்கான நடவடிக்கைகளை மேற்கொண்டுள்ளார்.

பாரிய தொகைக்கு பேரம் பேசப்பட்ட போதும் அதனை நிராகரித்து நோ்மையான முறையில் தனது கடமைகளை செய்த பொலிஸ் அதிகாரிகளுக்கு அனைத்து தரப்பினராலும் பாராட்டு குவித்து வருகிறது.

முல்லைத்தீவு கடற்பரப்பில்..

நீர்த்தாரைகள் எனப்படும் அரிதாக நிகழக்கூடிய அதிசய நிகழ்வு நேற்று முல்லைத்தீவின் ஆழ்கடலில் நிகழ்ந்துள்ளது. குறித்த மாவட்டத்தில் தற்பொழுது கடும் வறட்சியான, வெப்பமான காலநிலை மாற்றமடைந்து வருவதாக தெரிவிக்கப்படுகின்றது.

இவ்வாறு பருவநிலை மாற்றம் ஏற்படும் போது இதுபோன்ற அதிசய நிகழ்வுகள் நடைபெறும் என்றும் தெரிவிக்கப்படுகின்றது. இந்நிலையில் நேற்று ஏற்பட்ட இந்த அதிசய நிகழ்வின் போது கடல் நீர் அதிக வேகமாக உறிஞ்சப்பட்டு மேகமாக மாறியதாக அப்பகுதி மீனவர்கள் தெரிவித்துள்ளனர்.

மேலும் அரிதாக நிகழக்கூடிய இந்நிகழ்வை கடற்கரையோரம் வசிக்கும் மக்கள் , மீனவர்கள் , கடலில் பயணம் செல்வோர், வானியல் ஆய்வாளர்கள் உள்ளிட்டோர் அதிகம் காண வாய்ப்புகள் உள்ளமை குறிப்பிடத்தக்கது.

மாணவியை..

வீதியில் சென்று கொண்டிருந்த பாடசாலை மாணவியை அழைத்து பா லியல் து ஸ்பிர யோகம் செய்ததாக குற்றஞ்சாட்டப்பட்ட நபருக்கு பிணை விண்ணப்பம் மறுக்கப்பட்டு எதிர்வரும் ஒக்டோபர் 30ம் திகதிவரை விளக்கமறியலில் வைக்குமாறு கல்முனை நீதவான் நீதிமன்றம் உத்தரவிட்டுள்ளது.

குறித்த சம்பவம் தொடர்பான வழக்கு நேற்று கல்முனை நீதிமன்ற நீதவான் ஐ.என்.றிஸ்வான் முன்னிலையில் விசாரணைக்கு எடுத்துக் கொள்ளப்பட்ட போதே குறித்த உத்தரவு பிறப்பிக்கப்பட்டுள்ளது. சம்பவம் தொடர்பில் மேலும் தெரியவருவதாவது,

கடந்த ஆகஸ்ட் மாதம் 31ம் திகதி அம்பாறை மாவட்டம் கல்முனை பொலிஸ் பிரிவிற்குட்பட்ட பகுதியில் குறித்த சம்பவம் இடம்பெற்றுள்ளதுடன், சந்தேக நபர் இரு நாட்கள் அட்டாளைச்சேனை பகுதியில் தலைமறைவாகி இருந்த நிலையில் கைது செய்யப்பட்டுள்ளார்.

குறித்த சந்தேகநபரை நீதிமன்றில் ஆஜர்படுத்தியதை அடுத்து வழக்கு தொடர்பில் மருத்துவ பரிசோதனைகள் மற்றும் விசாரணை அறிக்கைகள் என்பன மன்றில் சமர்ப்பிக்கப்பட்டிருந்தது.

மேலும் குறித்த சந்தேக நபர் சார்பாக ஆஜரான சட்டத்தரணி சந்தேக நபரது வயது, உடல் நலன் தொடர்பாக சுட்டிக்காட்டி பிணை விண்ணப்பம் தொடுத்த போதிலும் நீதிவான் பாதிக்கப்பட்ட மாணவியின் வயதினை சுட்டிக்காட்டி பிணை விண்ணப்பத்தை மறுத்துள்ளார்.

கல்முனைகுடி கனீபா வீதி பகுதியை சேர்ந்த ஜெயினுத்தீன் அப்துல் கரீம் (58 வயது) என்பவருக்கே இவ்வாறு பிணை மறுக்கப்பட்டுள்ளது. இதன்போது பாதிக்கப்பட்ட மாணவி அஸ்ரப் ஞாபகார்த்த வைத்தியசாலையில் அனுமதிக்கப்பட்டு சிகிச்சை பெற்று வந்தமை குறிப்பிடத்தக்கது.

பெற்றோர் முறைப்பாடு

ஹட்டன் கல்வி வலையத்திற்குட்பட்ட ஹட்டன் சென் போஸ்கோ கல்லூரியின் சிங்கள மொழியில் தரம் 03ல் கல்வி பயின்று வந்த மாணவன் ஒருவரை க டுமையாக ஆசிரியர் ஒருவர் தா க்கியமை தொடர்பில் ஹட்டன் பொலிஸார் விசாரணைகளை ஆரம்பித்துள்ளனர்.

ப லத்த கா யங்களுக்குள்ளான  டிக்கோயா, கிழங்கன் வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்துள்ளனர்.

கடந்த வெள்ளிக்கிழமை குறித்த மா ணவனின் வகுப்பாசிரியர் பென்சில் ஒன்றினை க ளவாடிய சம்பவம் தொடர்பில் குறித்த மாணவனை த டியால் க டுமையாக தா க்கியுள்ளதாக தெரிவிக்கப்படுகின்றது.

குறித்த மா ணவனின் ஆ டையினை அ கற்றி சோ தனையிட்ட போது மாணவனின் உ டம்பு பகுதி, கை மற்றும் கால் பகுதிகளில் கா யங்கள் இருப்பதை கண்ட பெற்றோர் 15.10.2019 இரவு ஆசிரியருக்கு எதிராக ஹட்டன் பொலிஸ் நிலையத்தில் முறைப்பாடு செய்துள்ளதாக பொலிஸாரின் ஆரம்ப கட்ட விசாரணைகளில் இருந்து தெரியவந்துள்ளது.

இவ்வாறு ஆர்.தர்ஷன் என்ற தரம் 03ல் கல்வி பயிலும் மா ணவனே இவ்வாறு வைத்தியசாலையில் அனுமதிக்கபட்டுள்ளதாக பொலிஸார் தெரிவித்துள்ளனர்.

மேலும் சம்பவம் தொடர்பில் மேலதிக விசாரணைகளை ஹட்டன் பொலிஸார் மேற்கொண்டு வருகின்றமை குறிப்பிடதக்கது.

மாணவன் சர்வதேச ரீதியில் சாதனை

சர்வதேச இளம் கண்டுபிடிப்பாளர் போட்டியில் கல்முனை கார்மேல் பற்றிமா கல்லூரி மாணவன் கிருஷ்ணகுமார் முகேஷ் ராம் (வயது 17) சர்வதேச ரீதியில் வெள்ளிப் பதக்கத்தை வென்று சாதனை படைத்துள்ளார்.

வெள்ளிப் பதக்கம் வென்ற மாணவன் முகேஷ் ராமினை வரவேற்கும் நிகழ்வு கல்முனை கார்மேல் பற்றிமா கல்லூரியின் அதிபர் அருட் சகோதரர் செபமாலை சந்தியாகு தலைமையில் நேற்று இடம்பெற்றுள்ளது.

அதிகரித்து வரும் வீதி விபத்தினால் ஏற்படும் மரணத்தை தவிர்க்கும் முகமாக இக் கண்டுபிடிப்பு அமைந்துள்ளது.

மோட்டார் சைக்கிளில் பயணம் செய்யும் வேளை ஆள் நடமாற்றமற்ற , இரவு வேளைகளில் ஏற்படும் விபத்தின் போது போதிய முதலுதவி இன்றி ஏற்படும் மரணத்தை கட்டுப்படுத்தும் பாதுகாப்பான தலைக்கவசத்தை (safety helmad ) ஐ கண்டுபிடித்ததற்காகவே மாணவன் முகேஷ்ராம் வெள்ளிப்பதக்கம் வென்றுள்ளார்.

இவ்வாண்டு இந்தோனேஷியாவின் தலைநகர் ஜகர்தா நகரில் இடம்பெற்ற 19 வயதிற்குட்பட்ட சர்வதேச புத்தாக்குனர் போட்டி கடந்த 9ம் திகதி தொடக்கம் 12ம் திகதி வரை நடைபெற்றுள்ளது.

சர்வதேச ரீதியில் 260 இளம் கண்டுபிடிப்பாளர்கள் தமது ஆக்கங்களுடன் பங்குபற்றினர். இலங்கையிலிருந்து 12 இளம் கண்டுபிடிப்பாளர்களும் கலந்து கொண்டுள்ளனர். கிழக்கு மாகாணத்தில் இருந்து கலந்துகொண்ட ஒரே ஒரு மாணவன் முகேஷ் ராம் என்பது குறிப்பிடத்தக்கது.

மலையக பாடசாலையில்..

ஹட்டன் கல்வி வலயத்திற்குட்பட்ட பொகவந்தலாவ சென்மேரிஸ் மத்திய கல்லூரியின் ஆரம்ப பிரிவில் வெடிகு ண்டு இருப்பதாக கூறப்பட்ட சம்பவம் தொடர்பில் பொகவந்தலாவையில் பெரும் பதற்றநிலை ஏற்பட்டுள்ளதாக பொகவந்தலாவ பொலிஸார் தெரிவித்துள்ளனர்.

இந்த சம்பவம் நேற்று காலை 11.30 மணியளவில் இடம்பெற்றதாக பொலிஸார் தெரிவித்துள்ளனர்.
குறித்த கல்லூரியில் கல்வி நடவடிக்கை இடம்பெற்று கொண்டிருந்த போது பொதுமக்களால் வழங்கப்பட்ட தகவலுக்கு அமைய பொலிஸாரினால் ஆரம்ப பிரிவை சேர்ந்த தரம் ஒன்று தொடக்கம் ஆறு வரையான மாணவர்கள் முதற்கட்டமாக பொலிஸாரின் பாதுகாப்போடு வெளியேற்றப்பட்டுள்ளனர்.

சம்பவம் தொடர்பில் கல்லூரியின் வளாகத்தை சோதனையிடுவதற்காக மஸ்கெலியா முகாமில் இருந்து விஷேட அதிரடி படையினர் மற்றும் மோப்பநாய் என்பன வரவழைக்கபட்டு சோதனைகள் மேற்கொள்ளபட்டுள்ளன.

சோதனை மேற்கொண்ட விஷேட அதிரடி படையினர் கல்லூரியின் வளாக பகுதியில் சந்தேகத்திற்கு இடமான எவ்வித பொதிகளும் தென்படவில்லையென தெரிவித்துள்ளனர்.

இதன்போது பாடசாலையை விட்டு மாணவர்களை வெளியேற்றும் போது நிலவிய பதற்றம் காரணமாக மூன்று மாணவர்களும், இரண்டு பெற்றோர்களும் காயங்களுக்கு உள்ளாகி நிலையில் பொகவந்தலாவ வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்துள்ளனர்.

இதேவேளை குறித்த கல்லூரியில் வெடிகு ண்டு இருப்பதாக கூறப்பட்ட தகவலை யார் ஊடாக வழங்கபட்டது என்ற விசாரணைகளை பொகவந்தலாவ பொலிஸார் தீவிரமாக மேற்கொண்டு வருகின்றமை குறிப்பிடதக்கது.

சரக்கு விமானம்

உலகின் இரண்டாவது மிகப்பெரிய சரக்கு விமானமான Antonov An-124 என்ற விமானம் இன்று ஒன்பதாவது முறையாகவும் மத்தளை சர்வதேச விமான நிலையத்தில் தரையிறங்கியுள்ளது. துர்க்மினிஸ்தானின் அஷ்கபாத் சர்வதேச விமான நிலையத்திலிருந்து வந்த மேற்படி விமானமானது நேற்று காலை 10.07 மணியளவில் மத்தளை சர்வதேச விமான நிலையத்தில் தரையிறங்கியுள்ளது.

இந்நிலையில், குறித்த விமானம் இன்று இரவு 10.15 மணிக்கு அவுஸ்திரேலியாவின் போர்ட் ஹெட்லேண்ட் விமான நிலையத்தை நோக்கி புறப்படவுள்ளதாகவும் மத்தளை விமான நிலைய அதிகாரிகள் சுட்டிக்காட்டியுள்ளனர்.

குறித்த விமானமானது எரிபொருள் நிரப்புவதற்காகவே இவ்வாறு தரையிறக்கப்பட்டுள்ளதுடன் சுமார் 109,000 லீட்டர் எரிபொருள் விமானத்திற்கு தற்போது நிரப்பப்பட்டுள்ளதாகவும் தெரிவிக்கப்பட்டுள்ளது.

இதேவேளை, விமானத்தில் இருந்த 19 பணியாளர்களும் தற்போது ஓய்வெடுத்து வருவதாகவும் மத்தளை விமான நிலைய அதிகாரிகள் மேலும் தெரிவித்துள்ளனர்.

இன்றைய வானிலை

நாட்டின் பெரும்பாலான பகுதிகளில் மாலையில் இடியுடன் கூடிய மழை பெய்வதற்கு சாத்தியம் உயர்வாகக் காணப்படுகின்றது. இன்றைய காலநிலை குறித்து வளிமண்டலவியல் திணைக்களம் விடுத்துள்ள அறிக்கையில் இந்த விடயம் தெரிவிக்கப்பட்டுள்ளது. அந்த அறிக்கையில் தொடர்ந்தும் குறிப்பிடப்பட்டுள்ளதாவது,

“நாட்டின் பெரும்பாலான பகுதிகளில் பி.ப. 2.00 மணிக்குப் பின்னர் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது. கிழக்கு மற்றும் தென் மாகாணங்களில் காலை வேளையிலும் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது.

மத்திய, சப்ரகமுவ, வடமேல் மற்றும் வடக்கு மாகாணங்களிலும் அனுராதபுரம் மாவட்டத்திலும் சில இடங்களில் 75-100 மி.மீ அளவான ஓரளவு பலத்த மழைவீழ்ச்சி எதிர்பார்க்கப்படுகின்றது. சப்ரகமுவ, மத்திய, ஊவா மற்றும் வடமத்திய மாகாணங்களில் சில இடங்களில் காலை வேளையில் பனிமூட்டமான நிலை எதிர்பார்க்கப்படுகின்றது.

மின்னல் தாக்கங்களினாலும் பலத்த காற்றினாலும் ஏற்படக்கூடிய பாதிப்புகளை குறைத்துக்கொள்ள தேவையான முன்னெச்சரிக்கை நடவடிக்கைகளை எடுத்துக் கொள்ளுமாறு பொதுமக்கள் அறிவுறுத்தப்படுகின்றார்கள்.

இதேவேளை, நாட்டைச் சூழவுள்ள கடற்பரப்புகளில் பல இடங்களில் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது. காலியிலிருந்து ஹம்பாந்தோட்டை ஊடாக மட்டக்களப்பு வரையான கடற்பரப்புகளில் சில இடங்களில் பலத்த மழைவீழ்ச்சி எதிர்பார்க்கப்படுகின்றது.

நாட்டைச் சூழவுள்ள கடற்பரப்புகளில் காற்றானது தெற்கு அல்லது மாறுபட்ட திசைகளிலிருந்து வீசக்கூடுவதுடன் காற்றின் வேகமானது மணித்தியாலத்துக்கு 10-30 கிலோ மீற்றர் வரை காணப்படும்.

இடியுடன் கூடிய மழை பெய்யும் நேரங்களில் கடற்பகுதிகளில் அவ்வப்போது மணித்தியாலத்துக்கு 70-80 கிலோ மீற்றர் வரை அதிகரித்த வேகத்தில் பலமான காற்று வீசுவதுடன் அக்கடற்பிரதேசங்கள்மிகவும் கொந்தளிப்பாகவும்காணப்படும்.

பிரித்தானிய சிறுவன் ஒருவனின் இலங்கை பயணம், உயரிய ஒரு நோக்கத்திற்காக சாதனை படைப்பவனாக அவனை மாற்றியுள்ளது.

பத்து வயது சிறுவனான Oscar Walker, இந்த ஆண்டின் துவக்கத்தில் இலங்கைக்கு தனது குடும்பத்துடன் சுற்றுலா சென்றிருக்கிறான்.

அங்கு கடல் ஆமைகள் காப்பகம் ஒன்றிற்கு சென்றபோது, ஆமைகள் கடலுக்கும் கடலின் சுற்றுச்சூழலுக்கும் எவ்வளவு அவசியமானவை என்பதை அறிந்து கொண்டிருக்கிறான் Oscar.

அங்கிருந்த ஆமைகளில் பெரும்பாலானவை மீனவர்கள் மீன் பிடிக்கும்போது வலைகளில் சிக்கி மீட்கப்பட்டவை.

அத்துடன் ஆமைகளின் முட்டைகள் சேகரிக்கப்பட்டு, ஆமைகளை கடத்துவோரிடமிருந்து தப்புவிப்பதற்காக பத்திரமாக பாதுகாக்கப்பட்டு, அவை குஞ்சு பொறித்ததும், அந்த சிறிய ஆமைகள் மீண்டும் கடலில் கொண்டு விடப்படுவதையும் கண்ட Oscar, தானும் ஆமைகளின் நலனுக்காக எதையாவது செய்யவேண்டும் என முடிவெடுத்ததாக தெரிவிக்கிறார் அவனது தாயாகிய Tara.

அதைத் தொடர்ந்து ஆமைகளின் நலனுக்காக நிதி திரட்டுவதற்காக மலையேற்றங்களில் ஈடு பட முடிவு செய்துள்ள Oscar, முதலாவதாக Mount Snowdon என்ற மலையில் ஏறியுள்ளான்.

தனது தாய் தந்தை, தாத்தா பாட்டி, மற்றும் அத்தையுடன் மலயேற்றத்தில் ஈடுபட்ட Oscarக்கு, 1,085 மீற்றர் உயரமுடைய அந்த சிகரத்தை அடைய மூன்று மணி நேரம் ஆகியிருக்கிறது.

ஆரம்பத்தில் மலையேறும்போது சாதகமான சூழல் இருந்தாலும், பின்னர் வெப்ப நிலை குறைந்து 5 டிகிரியை அடைந்திருக்கிறது.

என்றாலும் நினைத்ததை சாதித்து, அடுத்த மூன்று மணி நேரத்தில் மீண்டும் மலையிலிருந்து இறங்கியிருக்கிறது Oscarஇன் குடும்பம்.

இப்போதைக்கு 420 பவுண்டுகள் சேகரித்துள்ள Oscar, அதை ஆமைகள் நலனுக்காக வழங்க முடிவு செய்துள்ளதோடு, அடுத்து Ben Nevis மற்றும் Scafell Pike ஆகிய சிகரங்களை தொடுவதென முடிவு செய்துள்ளான்.