மட்டக்களப்பில் இடம்பெற்ற விபத்து

மட்டக்களப்பு – மகிழுர் பகுதியில் இடம்பெற்ற விபத்தில் காயமடைந்த சிறுவன் ஒருவர் மட்டக்களப்பு போதனா வைத்தியசாலையில் உயிரிழந்துள்ளார். கடந்த வெள்ளிக்கிழமை நண்பருடன் மோட்டார் சைக்கிளில் சென்றபோது மின்கம்பத்தில் மோதுண்டு படுகாயமடைந்த நிலையில் மட்டக்களப்பு போதனா வைத்தியசாலையில் அனுமதிக்கப்பட்டிருந்தார்.

பெரியகல்லாறு, காளிகோவில் வீதியை சேர்ந்த ஜெ.கேதுசன் (13வயது )என்னும் சிறுவனே வைத்தியசாலையில் அனுமதிக்கப்பட்டிருந்த நிலையில், சிசிக்சை பலன் இன்றி உயிரிழந்துள்ளார். சடலம் மட்டக்களப்பு போதனா வைத்தியசாலையில் சடலம் வைக்கப்பட்டுள்ளது.

இந்நிலையில், பிரேத பரிசோதனையின் பின்னர் உறவினர்களிடம் சடலம் ஒப்படைக்கப்பட்டுள்ளது. குறித்த சிறுவனின் மரணம் காரணமாக பெரியகல்லாறு கிராமம் சோகத்தில் மூழ்கியுள்ளது.

அபூர்வ கண்டுபிடிப்பு

இலங்கையில் பாடசாலை மாணவன் ஒருவரின் அபூர்வ கண்டுபிடிப்புக்கு ஜனாதிபதி மைத்திரிபால சிறிசேன பரிசு வழங்கியுள்ளார்.

ஒருவர் எழும்பி நடக்கும் போது பட்டரி ஒன்று சார்ஜ் ஆகும் உபகரணம் ஒன்றை மாணவன் தயாரித்துள்ளார். அதற்கு “Walking charger” என பெயரிட்டுள்ளார்.

திருகோணமலை, தன்தலாவ மஹா வித்தியாலயத்தில் உயர்தரம் கற்று வரும் சத்துர மதுமால் என்ற மாணவன் இதனை தயாரித்துள்ளார்.

இந்த கண்டுபிடிப்புக்கு ஜனாதிபதி ஐந்து இலட்சம் பரிசு வழங்கியுள்ளார். இது தொடர்பான நிகழ்வு நேற்று ஜனாதிபதி செயலகத்தில் நடைபெற்றது.

புதிய கண்டுபிடிப்புகள் மூலம் தேசிய மற்றும் சர்வதேச வெற்றிகளை சத்துர மதுமால் பெற்றுள்ளமை குறிப்பிடத்தக்கது.

மருத்துவ நிபுணர்கள் எச்சரிக்கை

உலகில் 80 மில்லியன் மக்களை 36 மணி நேரத்தில் ம ரணத்திற்கு உள்ளாக்கக் கூடிய காய்ச்சல் நோய் தொற்று மீண்டும் பரவும் ஆபத்து ஏற்பட்டுள்ளதாக மருத்துவ நிபுணர்கள் எச்சரிக்கை விடுத்துள்ளனர்.

“ஸ்பெனிஷ் ஃபுளு” என பெயரிடப்பட்டுள்ள காய்ச்சலை ஏற்படுத்தும் வைரஸ் ஒரு நூற்றாண்டுக்கு முன்னர் பரவியதுடன் உலகில் மூன்று பேரில் ஒருவருக்கு ஆபத்தை ஏற்படுத்தியது. இதன் காரணமாக 50 மில்லியன் பேர் உயிரிழந்தனர். தற்போது இந்த வைரஸ் பரவினால், அதனால், பெரிய ஆபத்து ஏற்படும் எனவும் மருத்துவ நிபுணர்கள் சுட்டிக்காட்டியுள்ளனர்.

உலக சுகாதார அமைப்பின் முன்னாள் தலைவர் ஒருவரின் தலைமையிலான நிபுணர்களின் “உலக தயார் நிலை கண்காணிப்பு குழு” மூலம் இது சம்பந்தமான உலக தலைவர்களுக்கு தெளிவுப்படுத்த விசேட அறிக்கை ஒன்றை வழங்கியுள்ளனர். அந்த அறிக்கையில் இந்த ஆபத்து பற்றி கூறியுள்ளனர்.

மிக வேகமாக பரவும் ஆபத்துள்ள இந்த “ஸ்பெனிஷ் ஃபுளு” வைரஸ் மூலம் உலகம் முழுவதும் பல மில்லியன் மக்கள் மரணிக்க செய்யவும் பொருளாதாரத்தை சீர்குலைக்கவும் தேசிய பாதுகாப்பை சிறிய காலத்திற்கு ஸ்தம்பிக்க செய்ய முடியும் எனவும் தெரியவருகிறது.

உலகம் முழுவதும் பரவி வரும் ஒபேலா வைரஸ் நோயை கட்டுப்படுத்த எடுத்துள்ள நடவடிக்கை போன்ற நடவடிக்கைகள் மூலம் “ஸ்பெனிஷ் ஃபுளு” பரவலை தடுக்க முடியாது எனவும் அறிக்கையில் கூறப்பட்டுள்ளது.

இந்த “ஸ்பெனிஷ் ஃபுளு” வைரஸ் குறித்து இதற்கு முன்னர் விடுத்த எச்சரிக்கையை உலக தலைவர்கள் கவனத்தில் கொள்ளவில்லை என நிபுணர்கள் தெரிவித்துள்ளனர்.

முன்னாள் நோர்வே பிரதமரும் உலக சுகாதார அமைப்பின் பணிப்பாளருமான கலாநிதி Bro Harlem Brundtland மற்றும் சர்வதேச செஞ்சிலுவை மற்றும் செம்பிறை சங்கங்களின் செயலாளர் Alhadj As Sy உள்ளிட்ட நிபுணர்கள் இந்த அறிக்கையை தயாரித்துள்ளனர்.

இன்ப அ திர்ச்சி

அரச நிறுவனங்களில் 180 நாட்கள் பணி புரிந்த தற்காலிக, நாள் சம்பள, ஒப்பந்த, நிவாரண, பதில் நியமன ஊழியர்களுக்கு நிரந்தர நியமனம் வழங்க முடிவு செய்யப்பட்டுள்ளது.

இது தொடர்பான சுற்றுநிரூபத்தை அமுல்படுத்துவது தொடர்பில் பிரதமர் ரணில் விக்ரமசிங்க, நிதியமைச்சர் மங்கள சமரவீர, அரச நிர்வாக அமைச்சர் ரஞ்சித் மத்தும பண்டார ஆகியோரினால் முன்வைக்கப்பட்ட யோசனைக்கு அமைச்சரவை அனுமதி வழங்கியுள்ளது.

அரச நிர்வாக 25/2014 மற்றும் 25/2014/01 ஆகி சுற்றுநிரூபங்கள் வெளியிடப்பட்ட சந்தர்ப்பத்தில் அந்த சுற்றுநிரூபத்தில் குறிப்பிடப்பட்ட விடயங்களை பூர்த்தி செய்ய முடியாமல் போனதன் காரணமாக நிரந்தர நியமனத்தைப் பெற்றுக் கொள்ளமுடியாத ஊழியர்களுக்கு குறித்த நியமனம் வழங்க முடிவு செய்யப்பட்டுள்ளது.

அத்துடன் சுற்றுநிரூபம் வெளியிடப்பட்ட பின்னர் தேவையின் அடிப்படையில் அரச நிறுவனங்களில் ஆரம்ப தரங்களுக்கு உட்பட்ட பதவிகளுக்கு தற்காலிக, நாள் சம்பளம், ஒப்பந்த, நிவாரண, பதில் நியமன, நிவாரண அடிப்படையில் இணைக்கப்பட்டு 2019.09.01 தினத்தன்று 180 நாட்களுக்கு மேலாக சேவையாற்றியுள்ள ஊழியர்கள் உரிய தகுதிகளை பூர்த்தி செய்யும் நிலையில் அவர்களை நிரந்தரமாக்கி, ஓய்வூதியத்துடன் நியமனம் வழங்குவதற்கு முடிவு செய்யப்பட்டுள்ளது.

-தமிழ்வின்-

எரிவாயு மற்றும் பால் மா

சமையல் எரிவாயு சிலிண்டரின் விலை குறைக்கப்படவுள்ளதாக வாழ்க்கை செலவுக் குழு அறிவித்தல் விடுத்துள்ளது.

இந்நிலையில், இன்று நள்ளிரவு முதல் 12.5 கிலோ கிராம் சமையல் எரிவாயு சிலிண்டரின் விலை 250 ரூபாவினால் குறைக்கப்படவுள்ளதாக அறிவிக்கப்பட்டுள்ளது.

அண்மையில் சமையல் எரிவாயு சிலிண்டரின் விலை அதிகரிக்கப்பட்டிருந்த நிலையில், தற்போது மீண்டும் விலை குறைக்கப்படவுள்ளது. அதே வேளை 400 கிரம் பால் மாவின் விலை 20 ரூபாவினால் அதிகரிக்கப்பட உள்ளமை குறிப்பிடத்தக்கது.

ஜனாதிபதித் தேர்தல்

ஜனாதிபதி தேர்தல் எதிர்வரும் நவம்பர் மாதம் 16 ஆம் திகதி நடைபெறும் என சற்று முன்னர் தேர்தல்கள் ஆணைக்குழு அறிவித்துள்ளது.

அடுத்த மாதம் 7 ஆம் திகதி முதல் வேட்பு மனு தாக்கல் செய்ய முடியும் என தேர்தல்கள் ஆணைக்குழு அறிவித்துள்ளது.

இது தொடர்பான வர்த்தமானி அறிவித்தல் இன்று நள்ளிரவு வௌியிடப்படும் என தேசிய தேர்தல்கள் ஆணைக்குழு அறிவித்துள்ளது.

கோர விபத்தில்..

அனுராதபுரத்தில் ஏற்பட்ட கோர விபத்தில் இருவர் உயிரிழந்ததுடன் மேலும் மூவர் படுகாயம் அடைந்துள்ளனர். ஹபரனையில் வேன் ஒன்றும் ஓட்டோவும் நேருக்கு நேர் மோதிக் கொண்டதில் விபத்து ஏற்பட்டுள்ளது.

அதிக வேகம் காரணமாக இந்த விபத்து இடம்பெற்றுள்ளதாக பொலிஸார் தெரிவித்துள்ளனர். ஹபரனையில் வேன் ஒன்றும் ஓட்டோவும் நேருக்கு நேர் மோதிக் கொண்டதில் விபத்து ஏற்பட்டுள்ளது.

விபத்தில் காயமடைந்தவர்கள் தம்புள்ளை மற்றும் ஹபரனை வைத்தியசாலைகளில் அனுமதிக்கப்பட்டுள்ளதாக பொலிஸார் தெரிவித்துள்ளனர்.

8 பேர் படுகாயம்

வவுனியாவில் நேற்று இரவு 7 மணி தொடக்கம் 8 மணி வரையான ஒரு மணி நேரத்தில் இடம்பெற்ற பல்வேறு விபத்து சம்பங்களில் 8 பேர் காயமடைந்துள்ளனர்.

வேப்பங்குளம் பகுதியில் இடம்பெற்ற மோட்டார்சைக்கிள் விபத்தில் தாய், மகள் உட்பட மூன்று பேர் காயமடைந்துள்ளதுடன், மகாறம்பைகுளத்தில் இடம்பெற்ற மோட்டார் சைக்கிள் விபத்தில் முதியவரொருவர் உட்பட இருவர் காயமடைந்துள்ளனர்.

அத்துடன் குருமன்காடு பகுதியிலும் மோட்டார் சைக்கிள் விபத்தொன்று இடம்பெற்றுள்ளது. இந்த நிலையில் குறித்த விபத்துகளில் மொத்தமாக 8 பேர் காயமடைந்து வவுனியா வைத்தியசாலையில் சிகிச்சைக்காக அனுமதிக்கப்பட்டுள்ளனர்.

இதேவளை வவுனியாவில் அமைந்துள்ள கள் விற்பனை நிலையம் ஒன்றில் ஏற்பட்ட தகராறு காரணமாக 34 வயதுடைய இளைஞரொருவர் வாள் வெட்டுக்கு இலக்காகி படுகாயமடைந்த நிலையில் வவுனியா வைத்தியசாலையில் அனுமதிக்கப்பட்டுள்ளார். குறித்த சம்பவங்கள் தொடர்பான விசாரணைகளை வவுனியா பொலிஸார் மேற்கொண்டு வருகின்றமை குறிப்பிடத்தக்கது.

மலேசியாவில்..

மலேசியாவின் சிலாங்கூர் மாநிலம் ரவாங் – பத்து ஆராங்கில், பொலிஸாருக்கும் ஏனைய மூன்று பேருக்கும் இடையில் நடந்த து ப்பாக்கிச்சூ ட்டு சம்பவம் குறித்த முழு விசாரணையைத் தொடங்குமாறு, பினாங்கு மாநில துணை முதலமைச்சர் பி.இராமசாமி கோரிக்கை விடுத்துள்ளார்.

மலேசிய அரசாங்கத்திடம் அவர் இந்த கோரிக்கையை விடுத்துள்ளார். சம்பவம் குறித்த பொலிஸாரின் பதிவுகள் தொடர்பாக ஏற்பட்டுள்ள ச ர்ச்சை காரணமாகவே இராமசாமி இவ்வாறு கேட்டுக்கொண்டுள்ளார்.

இலங்கையை சேர்ந்த பிரித்தானியாவில் வசித்து வந்த, ஜனார்த்தனன் விஜயரத்னம், அவரது மைத்துனர் தவச்செல்வன் மற்றும் மகேந்திரன் சந்திரசேகரன் ஆகிய மூன்று பேர் பயணித்த ஒரு காரை, பண்டார் கண்ட்ரி ஹோம்ஸ்சில் என்ற இடத்தில் பொலிஸார் நிறுத்த உத்தரவிட்டதாகவும், ஆனால் அவர்கள் அந்த உத்தரவைப் புறக்கணித்ததால் சுமார் 7 கி.மீ, அந்தக் காரைத் துரத்திச் சென்றதாகவும் பொலிஸார் அறிக்கை சமர்ப்பித்துள்ளனர்.

அந்த நபர்கள் கொ ள்ளையர்கள் என்று தெரிவித்துள்ள பொலிஸார், துரத்தும்போது அவர்களில் இருவர் அதிகாரிகள் மீது து ப்பாக்கி பி ரயோகம் மேற்கொண்டதாகவும், தற்காப்புக்காகவே பொலிஸார் திருப்பி சு ட்டதாகவும் கூறியுள்ளனர்.

இவர்களுடன் இருந்த, ஜனார்த்தனனின் மனைவி, மோகனாம்பாள் கோவிந்தசாமி தடுத்து வைக்கப்பட்டுள்ளதாக சிலாங்கூர் பொலிஸ் தலைவர் நூர் அஸாம் ஜமாலுட்டின் தெரிவித்துள்ளார்.

இந்த நிலையில், மோகனாம்பாளின் நிலை குறித்து, தகவல்களை வழங்க பொலிஸார் மறுக்கின்றனர் என குடும்பத்தினரின் சட்டத்தரணி சிவாநந்தன் இராகவா குற்றம் சுமத்தியுள்ளார்.

பொலிஸார் தங்கள் சம்பவப் பதிவில் உறுதியாக இருக்கும்போது, இ றந்தவரின் குடும்ப உறுப்பினர்களுக்கு வேறு கதை இருக்கக்கூடும் என முதலமைச்சர் இராமசாமி தெரிவித்துள்ளார்.

பொலிஸார் தங்கள் நிகழ்ச்சிகளின் பதிவில் பழையக் கதை ஒன்றை மீண்டும் மீண்டும் கூறுகின்றனர். ரவாங்கில் நடந்த து ப்பாக்கிச்சூ ட்டில் என்ன நடந்தது என்பதை பொதுமக்கள் அறிந்துகொள்ள வேண்டும்.

சந்தேகத்திற்குரிய கொ ள்ளையர்களைப் பொலிஸாரின் துப்பாக்கிச்சூ ட்டில் ம ரணமடையச் செய்த பல சம்பவங்கள், பொலிஸாரின் சாட்சியங்களுக்கு அப்பாற்பட்டவை அல்ல.

இதுவரை பொலிஸாரின் து ப்பாக்கிச்சூ ட்டில் பொதுமக்கள் இ றந்த வழக்குகளில், பொலிஸாரை பொறுப்பேற்கச் செய்வது மற்றும் து ப்பாக்கிச்சூ டு நியாயமானதா என்பதைத் தீர்மானிப்பது போன்ற எந்தவொரு தீவிர விசாரணையும் நடத்தப்படவில்லை.

உயர்மட்ட பொலிஸ் அதிகாரி அப்துல் ஹமீத் படோர் உத்தரவாதம் அளித்தபோதும், பொலிஸ் நடவடிக்கைகளில் எந்தவொரு மாற்றமும் ஏற்படவில்லை

தடுப்புக் காவல் ம ரணங்கள், பொலிஸ் து ப்பாக்கிச்சூட் டின் விளைவாக ஏற்படும் ம ரணங்கள் மற்றும் சீருடை அணிந்த நபர்களிடமிருந்து வெளிப்படும் பிற முறைகேடுகள் அனைத்தும் பொது மக்களின் நலனுக்கு எதிராக இருக்கிறது.

இதனால், பத்து ஆராங் கொ லை முதல் சம்பவம் அல்ல, நிச்சயமாக அது கடைசியாகவும் இருக்காது. இங்கு முக்கியமானது என்னவென்றால், உண்மையில் என்ன நடந்தது என்பது குறித்து அரசாங்கம் முழு விசாரணையைத் தொடங்க வேண்டும் என பினாங்கு துணை முதலமைச்சர் இராமசாமி மேலும் தெரிவித்துள்ளார்.

குடும்ப உறுப்பினர் சு ட்டுக்கொ ல்லப்பட்ட சம்பவம் குறித்து தகவல்களை வழங்க பொலிஸார் மறுப்பதாகவும் அவரது மனைவி கா ணாமல்போயுள்ளதாகவும் சட்டத்தரணி சிவானந்தன் தெரிவித்துள்ளார்.

ஜனார்த்தனம் விஜயரத்னம் மற்றும் அவரது மனைவி மோகனாம்மாள் கோவிந்தசாமி ஆகியோர் பிரித்தானியாவில் நிரந்தர குடியுரிமை பெற்றுள்ளனர்.

இரண்டு வாரங்கள் மலேசியாவில் தங்கியிருக்க வந்தவர்கள் என்பதுடன், வீட்டை உடைத்து திருடும் சம்பவத்துடன் சம்பந்தப்பட்டிருப்பார்களா எனவும் அவர் கேள்வி எழுப்பியுள்ளார்.

கடந்த ஆகஸ்ட் 27ஆம் திகதி அவர்கள் மலேசியாவுக்கு சென்றுள்ளனர். கடந்த 14ஆம் திகதி அதிகாலை நடந்த து ப்பாக்கி பி ரயோகத்தில் ஜனார்த்தனன் விஜயரத்னம் கொ ல்லப்பட்டதாக தெரிவிக்கப்படுகின்றமை குறிப்பிடத்தக்கது.