செல்லிடப்பேசி ஒன்றை நபர் ஒருவர் களவாடியுள்ளார், அந்த களவாடப்பட்ட செல்லிடப்பேசியை அவரது மகள் அவரிடமிருந்து களவாடி பயன்படுத்திய போது, பொலிஸார் கைது செய்துள்ளனர். குறித்த யுவதி காதலருடன் பேசிக்கொண்டிருந்த போது தொலைபேசி அழைப்பு விபரங்களின் அடிப்படையில், பொலிஸார் சந்தேக நபரை கைது செய்துள்ளனர். அம்பலான்தொட்ட பிரதேசத்தில் இந்த சம்பவம் இடம்பெற்றுள்ளதாகத் தெரிவிக்கப்படுகிறது.

அம்பலாந்தொட்ட மாமடல பிரதேசத்தில் இராணுவச் சிப்பாய் ஒருவரின் மனைவி தனித்திருந்த போது, வீட்டுக்குள் புகுந்த நபர் ஒருவர் பெண்ணை பாலியல் பலாத்காரம் செய்து கையடக்கத் தொலைபேசியையும் களவாடிச் சென்றுள்ளதாக பொலிஸ் நிலையத்தில் முறைப்பாடு செய்யப்பட்டிருந்தது.

செல்லிடப்பேசி தொடர்ச்சியாக நிறுத்தி வைக்கப்பட்டிருந்த காரணத்தினால் தொலைபேசி அழைப்பு விபரங்களின் ஊடாக இந்த கண்டு பிடிக்க முடியாது என சந்தேக நபர் கருதியுள்ளார் என விசாரணைகளின் மூலம் தெரியவந்துள்ளது.

குறித்த நபர் திருடிச் சென்ற செல்லிடப்பேசியை அவரது மகள் எடுத்து அதனை காதலருடன் பேசுவதற்கு பயன்படுத்தியுள்ளார். தொலைபேசி அழைப்பு விபரங்களின் அடிப்படையில் சந்தேக நபர்களை பொலிஸார் கைது செய்துள்ளனர்.

17 முறை பாலியல் வன்புணர்வுக்கு உள்ளான சிறுமியொருவர் தொடர்பான செய்தி காலியில் பதிவாகியுள்ளது. இந்த சிறுமி பாலியல் வன்புணர்வுக்கு உள்ளானமை தொடர்பில் தற்போது பல வழக்குகள் விசாரணை செய்யப்பட்டு வருகின்றன.

இதன்படி, மொரவக நீதவான் நீதிமன்றத்தில் 10 வழக்குகளும், மாத்தறை நீதவான் நீதிமன்றத்தில் 5 வழக்குகளும், உடுகம நீதவான் நீதிமன்றத்தில் ஒரு வழக்கும் விசாரணை செய்யப்பட்டு வருகின்றமை விசேட அம்சமாகும்.

இந்நிலையில் சிறுமி இறுதியாக தங்கியிருந்த சிறுவர் இல்லத்தில் இருந்து தப்பிச் சென்றிருந்த வேளை மீண்டும் பாலியல் வன்புணர்வுக்கு உட்படுத்தப்பட்டுள்ளார்.

சிறுவர் இல்லத்தில் இருந்து தப்பிய சிறுமி கொழும்பு பகுதிக்கு வந்துள்ளார். இதன்போது இளைஞர் ஒருவர் அந்த சிறுமியை தனது வீட்டுக்கு அழைத்து சென்று சில நாட்களாக பாலியல் வன்புணர்வுக்கு உட்படுத்தியுள்ளதாக தெரியவந்துள்ளது.

பின்னர் பெண்ணொருவரின் ஊடாக அவருக்கு வேலை வாய்ப்பு வழங்கப்பட்டுள்ள நிலையில், தான் பணிபுரியும் இடத்தில் இருந்து இது தொடர்பில் தனது தாயிக்கு அறிவித்துள்ளார்.

இதன்படி கொழும்பிற்கு வந்த தாய் தனது மகளை அழைத்து சென்று காலி காவல்துறையில் ஒப்படைத்துள்ளார்.

பின்னர் குறித்த சிறுமி நீதிமன்றத்தில் முன்னிலைப்படுத்தப்பட்ட நிலையில், அவருக்கு பொருத்தமான சிறுவர் இல்லம் ஒன்றை கண்டறியுமாறு நீதிமன்றம் உத்தரவிட்டுள்ளது.

அதுவரை அந்த சிறுமியை காலி பகுதியில் உள்ள சிறுவர் இல்லத்தில் தடுத்து வைக்குமாறும் உத்தரவிடப்பட்டுள்ளது. சம்பவம் தொடர்பில் காலி காவல்துறை விசாரணைகளை முன்னெடுத்துள்ளது.

மாத்தறை – வலஸ்முல்ல பகுதியில் மிகவும் சூட்சமமான முறையில் நடத்திச் செல்லப்பட்ட விபசார விடுதி ஒன்று முற்றுகையிடப்பட்டுள்ளது. இந்த விடுதி நேற்று மாலை முற்றுகையிடப்பட்டுள்ளதாக காவல் துறை ஊடகப்பேச்சாளர் அலுவலகம் வெளியிட்டுள்ள அறிக்கையில் தெரிவிக்கப்பட்டுள்ளது.

குறித்த விடுதியில் பாலியல் தொழிலில் ஈடுபடும் யுவதிகள் நால்வரும் கைது செய்யப்பட்டுள்ளனர். 25, 26, மற்றும் 41 வயதுடைய பெண்களே இவ்வாறு கைது செய்யப்பட்டுள்ளதோடு குறித்த நிலையத்தினை நடத்திச்சென்றதாக சந்தேகிக்கப்படும் 55 வயதுடைய நபர் ஒருவரும் கைது செய்யப்பட்டுள்ளார்.

கைது செய்யப்பட்ட பெண்கள் மூவர் மற்றும் ஆண் ஒருவர் தடுத்து வைக்கப்பட்டுள்ள நிலையில் காவற்துறையினர் விசாரணைகளை மேற்கொண்டு வருகின்றனர்.

தெஹிவளை பகுதியில் வசித்து வரும் பெண் ஒருவரது இரண்டு குழந்தைகளை அவரது கணவரே கடத்திச் சென்றிருப்பதாக தெஹிவளை காவற்துறையில் முறைப்பாடு செய்யப்பட்டுள்ளது. விவாகரத்துக்கு விண்ணப்பித்து நீதிமன்ற அறிவுறுத்தல்படி குழந்தைகள் அவர்களது தாயாரின் பொறுப்பில் இருந்து வந்தனர்.

இந்தநிலையில் கனடாவில் உள்ள அவரது கணவரால் குழந்தைகள் இரண்டு பேரும் கடத்தப்பட்டிருப்பதாக காவற்துறையில் முறைப்பாடு செய்யப்பட்டுள்ளது.

கடத்தல் என்ற அடிப்படையில் இது தொடர்பான விசாரணைகளை மேற்கொண்டு வருவதாகவும், குழந்தைகளை கடத்த பயன்படுத்திய சிற்றூர்ந்து யாழ்ப்பாணத்தைச் சேர்ந்தது என்று தெரியவந்திருப்பதாகவும் காவற்துறையினர் தெரிவித்துள்ளனர்.

குருநாகல் ரிதீகம பகுதியில் அமைந்துள்ள வீடொன்றிலிருந்து இருவரின் சடலங்கள் மீட்கப்பட்டுள்ளன. இந்த சடலங்கள் இன்று முற்பகல் மீட்கப்பட்டுள்ளதாகவும் பொலிசார் தெரிவித்தனர்.

34 வயதுடைய கணவரும் 29 வயதுடைய மனைவியுமே இவ்வாறு சடலங்களாக மீட்கப்பட்டுள்ளனர். சடலங்கள் வைத்தியசாலையில் வைக்கப்பட்டுள்ள நிலையில் காவல் துறையினர் மேலதிக விசாரணைகளை மேற்கொண்டு வருகின்றனர்.

34 வயதுடைய கணவரும் 29 வயதுடைய மனைவியுமே இவ்வாறு சடலங்களாக மீட்கப்பட்டுள்ளனர். சடலங்கள் வைத்தியசாலையில் வைக்கப்பட்டுள்ள நிலையில் காவல் துறையினர் மேலதிக விசாரணைகளை மேற்கொண்டு வருகின்றனர்.

பண்டுவஸ்நுவர – இரத்முலுகந்தயில் காதல் ஜோடி பயணித்த உந்துருளியொன்று பள்ளத்தில் வீழ்ந்து இடம்பெற்ற கோர விபத்தில் ஒருவர் உயிரிழந்துள்ளார். நேற்று மாலை இடம்பெற்ற இந்த விபத்தில் 17 வயதான பாடசாலை மாணவியே உயிரிழந்துள்ளதாக காவல்துறை தெரிவித்துள்ளது.

மாணவியின் பெற்றோர் வீட்டில் இல்லாத வேளை, 18 வயதான காதலன் அவரை தனது உந்துருளியில் விகாரை ஒன்றுக்கு அழைத்து சென்றுள்ளார். குறித்த இளைஞரின் நண்பர்களும் அவர்களுடன் சென்றுள்ளனர். இதன்போது அதிக சரிவை கொண்ட வீதியில் பயணித்துக் கொண்டிருந்த வேளையே உந்துருளி பள்ளத்தில் வீழ்ந்துள்ளது.

எனினும் இதனை அவதானிக்காத நண்பர்கள் சற்றுதூரம் சென்ற பின்னர் இவர்களை காணாது தேடியுள்ளனர். இதன்போது அவர்கள் இருவரும் பயணித்த உந்துருளி பள்ளத்தில் வீழ்ந்துள்ளதை அவதானித்துள்ளனர்.

பின்னர் குறித்த காதல் ஜோடியை குளியாபிட்டிய மருத்துவமனையில் அனுமதித்துள்ள நிலையில், மாணவி ஏற்கனவே உயிரிழந்துள்ளதாக தெரிவிக்கப்பட்டுள்ளது.

விபத்தில் படுகாயமடைந்த 18 வயதான இளைஞன் மேலதிக சிகிச்சைக்காக கொழும்பு தேசிய மருத்துவமனைக்கு மாற்றியனுப்பப்பட்டுள்ளார்.

மட்டக்களப்பு மகிழவட்டவான் மகா வித்தியாலய மாணவி 2017ஆம் வருடத்துக்கான சமூக விஞ்ஞானப் போட்டியில் அகில இலங்கை ரீதியாக முதலாம் இடத்தினையும், தேசிய மட்டத்தில் இரண்டாம் இடத்தினையும் பெற்று வரலாற்றுச் சாதனை படைத்துள்ளதாக பாடசாலை அதிபர் எம்.கருணாதாசன் தெரிவித்துள்ளார்.

மட்டக்களப்பு மேற்கு கல்வி வலயத்திற்கு உட்பட்ட மகிழவட்டவான் மகா வித்தியாலய மாணவி கே.நிலாகினி 2017ஆம் வருடத்துக்கான சமூக விஞ்ஞானப் போட்டியில் தரம் 8 வகுப்புப் பிரிவில் அகில இலங்கை ரீதியாக முதலாம் இடத்தினையும், தேசிய மட்டத்தில் இரண்டாம் இடத்தினையும் பெற்று கொண்டுள்ளார்.

அகில இலங்கை ரீதியாக தமிழ் மொழி மூலமாக அதி கூடிய புள்ளிகளைப் பெற்று முதலாம் இடத்தினை பெற்றதன் அடிப்படையில் தேசிய மட்டத்தில் சிங்கள மொழி மூலமான மாணவர்களுடனும், ஆங்கில மொழி மூலமான மாணவர்களுடனும் இவரது திறமை கணிக்கப்பட்டு தேசிய ரீதியாக இரண்டாம் இடம் கிடைத்துள்ளது.

இதேவேளை, மட்டக்களப்பு மேற்கு கல்வி வலயத்திற்கு தேசிய ரீதியாக சமூக விஞ்ஞான பாடத்துறை சார்பாக கிடைத்த முதலாவது விருது இது என்பதும் குறிப்பிடத்தக்கது.