கனடாவில் இடம்பெற்ற பயங்கரவாத தாக்குதலில் உயிரிழந்தவர்களில் இலங்கை பெண் ஒருவர் உள்ளடங்குவதாக நேற்றைய தினம் செய்தி வெளியாகியிருந்தது.

கடந்த 24ஆம் திகதி ரொரான்டோவில் இடம்பெற்ற பயங்கரவாத தாக்குதலில் 46 வயதான ரேனுகா அமரசிங்க என்ற இலங்கை பெண் படுகொலை செய்யப்பட்டார். அவர் இலங்கையின் ஹொரண, குடாஉடுவ, கரவ்ஹேன பிரதேசத்தை சேர்ந்த ஒரு பிள்ளையின் தாய் ஆவார்.

இந்நிலையில் சகோதரியின் மரணம் தொடர்பில் இலங்கையிலுள்ள சகோதரர் ஊடகங்களுக்கு தகவல் அறிவித்துள்ளார், “நான் 1991ஆம் குவைத் நாட்டிற்கு தொழிலுக்கு சென்றார். 1994ஆம் ஆண்டு எனது மனைவியும், ரேனுகாவும் குவைத்திற்கு வரவழைத்தேன். நான் பணிபுரிந்த இடத்தின் உரிமையாளர் கனடாவுக்கு செல்லும் போது 2001ஆம் ஆண்டு எனது சகோதரியையும் அழைத்துச் சென்றார்.

கடனாவில் 5 வருடங்கள் தங்கியிருந்த பின்னர் அவருக்கு குடியுரிமை கிடைத்தது. சகோதரி திருமணம் செய்த பின்னர் ரொரன்டோவில் இருந்து வேறு பிரதேசத்திற்கு சென்றார்.

சகோதரிக்கு 7 வயதில் மகன் ஒருவர் உள்ளார். எனது சகோதரியும் மகனும் புத்தாண்டை முன்னிட்டு இலங்கைக்கு வந்திருந்தனர். 3 வாரங்கள் வரை எங்களுடன் இருந்து விட்டு கடந்த 17ஆம் திகதி கனடாவுக்கு சென்றார்.

கனடாவுக்கு சென்று 7 நாட்களில் அவருக்கு இந்த நிலை ஏற்பட்டுள்ளது. மகனை பாடசாலைக்கு அழைத்து சென்றவர் மீண்டும் வீடு திரும்பும் போது இந்த அனர்த்தத்திற்கு முகம் கொடுத்துள்ளார்.

இதற்கு முதல் மூன்றரை வருடங்களுக்கு முன்னரே அவர் இலங்கைக்கு வருகைத்தந்திருந்தார். இந்த முறையில் புத்தாணடிற்கு வந்தவர் அம்மாவையும் பார்த்து விட்டு, காலில் இருந்த பிரச்சினை ஒன்றுக்கு சிகிச்சையும் பெற்று கொண்டார்.

அவர் கனடா குடியுரிமை பெற்றவர். இதனால் அவரை இலங்கைக்கு அழைத்து வருவது குறித்து உரிய பதில் ஒன்று வழங்க முடியாது” என அவர் மேலும் தெரிவித்துள்ளார்.

பயங்கரவாத தாக்குதலில் ரேனுகா அமரசிங்க உயிரிழந்துள்ளதாக அறிவிக்கப்பட்ட போதிலும், அதனை இலங்கை வெளிவிவகார அமைச்சு மறுத்திருந்தமை குறிப்பிடத்தக்கது

விமானம் ஒன்றுக்கு வெடி குண்டு மிரட்டல் விடுத்த இலங்கை இளைஞர் இன்றைய தினம் அவுஸ்திரேலியா நீதிமன்றத்தில் ஆஜர்படுத்தப்படவுள்ளார். அவுஸ்திரேலியாவின் மெல்போர்ன் நகரிலிருந்து இருந்து கோலாலம்பூர் சென்ற விமானத்திற்கு இவ்வாறு வெடிகுண்டு மிரட்டல் விடுக்கப்பட்டது.

அவரது குற்றச்சாட்டிற்கான தண்டனை இன்றையதினம் அறிவிக்கப்படவுள்ளதாக எதிர்பார்க்கப்படுகிறது. 2017ஆம் ஆண்டு ஜுன் மாதம் மலேசிய விமான சேவைக்கு சொந்தமான MH128 என்ற விமானம் பயணித்து சற்று நேரத்தில் மனோத் மார்க்ஸ் என்ற 26 வயதான இலங்கை இளைஞரால் வெடி குண்டு மிரட்டல் விடுக்கப்பட்டுள்ளது.

அவுஸ்திரேலியாவின் Dandenong பகுதியில் வாழும் இளைஞனின் இந்த செயற்பட்டினால் மீண்டும் விமான மெல்போர்ன் விமான நிலையத்தில் தரையிறக்கப்பட்டது.  இந்த இளைஞனை கைது செய்யும் வரை கிட்டத்தட்ட 90 நிமிடங்கள் பயணிகளை விமானத்திற்குள்ளேயே வைத்திருப்பதற்கு பாதுகாப்பு பிரிவினர் நடவடிக்கை மேற்கொண்டனர்.

கையில் வெடி குண்டு உள்ளதாக இளைஞனை சோதனையிட்ட போது அவரிடம் ஸ்பீக்கர் போன்ற உபகரணம் ஒன்றே காணப்பட்டுள்ளது.

விமானத்தை தனது கட்டுப்பாட்டில் கொண்டுவர முயற்சித்த மார்க்ஸ் குற்றவாளியாக அடையாளம் காணப்பட்டுள்ளார். இந்நிலையில் அவருக்கு குறைந்த பட்சம் 20 வருட சிறைத்தண்டனை கிடைக்கும் என எதிர்பார்க்கப்படுகின்றது.

இலங்கையின் மத்திய மாகாணத்தில் அமைந்துள்ள ஹட்டன் – டிக்கோயா, தரவளை மேற்பிரிவு தோட்டத்தில் இன்று அதிகாலை திடீரென நில அதிர்வு உணரப்பட்டுள்ளதாக தெரிவிக்கப்படுகின்றது.

இந்த சம்பவத்தின் போது 24 வீடுகள் கொண்ட தொடர் லய குடியிருப்பிலுள்ள 5 வீடுகள் சேதமடைந்துள்ளதாகவும், ஏனைய குடியிருப்புக்களில் சிறு வெடிப்புகள் ஏற்பட்டுள்ளதாகவும் கூறப்படுகிறது. சம்பவம் தொடர்பில் அப்பகுதி மக்கள் தெரிவிக்கையில்,

அதிகாலை 5 மணியளவில் நில அதிர்வு உணரப்பட்டது. இதன்பின்பே வீடுகளின் கூரைகள் மற்றும் சுவர்கள் உடைந்தன. இதன்போது பாதிக்கப்பட்ட வீடொன்றில் உறங்கிக் கொண்டிருந்த ஒருவரின் மீது சுவர் இடிந்து விழுந்ததில் அவர் காயங்களுக்குள்ளாகி டிக்கோயா ஆதார வைத்தியசாலையில் அனுமதிக்கப்பட்டுள்ளார்.

இவ்வாறு காயங்களுக்குள்ளாகி வைத்தியசாலையில் அனுமதிக்கப்பட்டவர் 40 வயதான சிவானந்தன் என தெரியவந்துள்ளது.

இந்த நிலையில் நில அதிர்வு மற்றும் வெடிப்பு சம்பவம் ஏற்பட்டமைக்கான காரணத்தை கண்டறிவதற்கான நடவடிக்கைகள் மேற்கொள்ளப்பட்டு வருகின்றன. எனினும் நில அதிர்வு ஏற்பட்டமை தொடர்பில் தகவல்கள் உறுதிப்படுத்தப்படவில்லை என்பது குறிப்பிடத்தக்கது.

கொழும்பு – 2, ஸ்டுவர்ட் வீதியில் அமைந்துள்ள அடிக்குமாடி வீடுகள் பாரிய ஆபத்தில் உள்ளமையினால் அங்குள்ள மக்களை உடனடியாக வெளியேற்ற நடவடிக்கை மேற்கொள்ளப்பட்டுள்ளது.

வீட்டுத் தொகுதியிலுள்ள மக்களை பாதுகாப்பான இடத்திற்கு உடனடியாக அனுப்புமாறு மின்சக்தி எரிசக்தி மற்றும் அனர்த்த முகாமைத்துவ அமைச்சர் ரஞ்சித் சியம்பலாப்பிட்டிய, அதிகாரிகளுக்கு ஆலோசனை வழங்கியுள்ளார்.

குறித்த கட்டடத்தின் ஆபத்தான நிலைமை மற்றும் எடுக்கப்பட வேண்டிய உடனடி நடவடிக்கை தொடர்பில் நேற்று காலை அனர்த்த முகாமைத்துவ அமைச்சில் இடம்பெற்ற கலந்துரையாடலின் பின்னரே அமைச்சர் இந்த உத்தரவினை பிறப்பித்துள்ளார்.

“2012ஆம் ஆண்டு கட்டட ஆய்வு நிலையத்தினால் சமர்பிக்கப்பட்ட அறிக்கைகளுக்கமைய இந்த கட்டடங்கள் பாதுகாப்பற்ற நிலைமையில் உள்ளதாக கூறிப்பிடப்பட்டிருந்தது. எனினும் தற்போது இந்த நிலைமை மேலும் சிக்கலாகியுள்ளது. இதனால் இந்த குடியிருப்பில் உள்ள மக்களுக்கு விரைவில் இந்த ஆபத்து தொடர்பில் அறிவித்து இந்த இடத்தை விட்டு வெளியேறுமாறு ஜனாதிபதியின் ஆலோசனைக்கமைய உரிய பிரிவுகளுக்கு அறிவித்துள்ளேன்.

அவர்களுக்கு தற்காலிக இடங்கள் வழங்குவதற்கு அவசியமான கொள்கைள், அனர்த்த முகாமைத்துவ அமைச்சினால் வழங்குவதற்கு அமைச்சரவை பத்தரம் ஒன்று சமர்ப்பிப்பதற்கு நடவடிக்கை மேற்கொள்ளப்பட்டுள்ளது. கூடிய விரைவில் இந்த குடியிருப்பு மக்களை ஆபத்தில் இருந்து மீட்க நடவடிக்கை மேற்கொள்ளப்பட்டு வருவதாக” அவர் மேலும் தெரிவித்துள்ளார்.

இலங்கை ரூபாவின் பெறுமதி வீழ்ச்சியினால் வெளிநாட்டு படுகடன் தொகை பாரியளவில் உயர்வடைந்துள்ளதாக மத்திய வங்கியின் முன்னாள் ஆளுனர் அஜித் நிவாட் கப்ரால் குற்றம் சுமத்தியுள்ளார். கொழும்பு சிங்கள ஊடகமொன்றுக்கு கருத்து வெளியிட்ட போது அவர் இதனைத் தெரிவித்துள்ளார்.

அவர் மேலும் கூறுகையில், கடந்த வாரத்தில் இலங்கை ரூபாவின் பெறுமதி வீழ்ச்சியினால் மட்டும் வெளிநாட்டுக் கடன் தொகை 47 பில்லியன் ரூபாவினால் உயர்வடைந்துள்ளது.

கடந்த வாரம் அமெரிக்க டொலர் ஒன்றுக்கான இலங்கை ரூபாவின் பெறுமதி 157.46 ருபாவிலிருந்து 159.04 ரூபாவாக உயர்வடைந்துள்ளதனால் வெளிநாட்டுக் கடன் தொகை உயர்வடைந்துள்ளது.

கொழும்பு கட்டுநாயக்க அதிவேக நெடுஞ்சாலையை அமைப்பதற்கு 48 பில்லியன் ரூபா செலவிடப்பட்டிருந்தமை குறிப்பிடத்தக்கது.

ஒருவார காலத்தில் இந்தளவு தொகை கடன் அதிகரித்துள்ளது என அஜித் நிவாட் கப்ரால் தெரிவித்துள்ளார்.