இந்தியாவில் மிருகங்கள் அதிகம் நடமாடும் காட்டில், பிறந்த ஒருநாளே ஆன குழந்தை தூக்கி வீசப்பட்ட நிலையில் அதிர்ஷ்டவசமாக உயிர் பிழைத்துள்ளது.

கர்நாடக மாநிலத்தின் சின்சோலி நகரின் நெடுஞ்சாலை அருகில் அமைந்துள்ள அடர்ந்த காட்டில் புதிதாக பிறந்த பெண் குழந்தையை யாரோ வைத்து விட்டு சென்றுள்ளனர்.

அவ்வழியாக சென்ற ஒரு லொறி ஓட்டுனர் குழந்தையை பார்த்த நிலையில் இது குறித்து பொலிசுக்கு தகவல் கொடுத்துள்ளார்.

இதையடுத்து சம்பவ இடத்துக்கு வந்த பொலிசார் குழந்தையை மீட்டு மருத்துவமனையில் சேர்த்தனர்.

மருத்துவர்கள் கண்காணிப்பில் தற்போது குழந்தை ஆரோக்கியமாக உள்ளது. இந்நிலையில் குழந்தையின் பெற்றோரை பொலிசார் தேடி வருகிறார்கள்.

லொறி ஓட்டுனர் மட்டும் குழந்தையை பார்க்காமல் இருந்திருந்திருந்தால், காட்டில் உள்ள மிருகங்களுக்கு குழந்தை இரையாகியிருக்கும் என கூறினால் அது மிகையாகாது.

இந்தியாவின் உத்திரபிரதேச மாநிலத்தில் மாற்றுத்திறனாளி சான்றிதழ் பெறுவதற்காக பெண் ஒருவர் தனது கணவரை தோளில் சுமந்து செல்லும் புகைப்படம் சமூக வலைதளங்களில் வைரலாகியுள்ளது.

உத்தரப் பிரதேசத்தின் Mathura பகுதியைச் சேர்ந்தவர் BadanSingh. ஒரு லொறி டிரைவராக நன்கு சம்பாதித்துக் கொண்டிருந்த அவரது வாழ்வில் திடீரென ஒரு பிரச்சினை ஏற்பட்டது.

அவரது காலில் ஏற்பட்ட கட்டிகளில் நோய்த்தொற்று ஏற்பட்டு அவரது ஒரு காலையே எடுக்க வேண்டிய சூழ்நிலை ஏற்பட்டது.

அவரது மனைவியான பிமலா தேவி, அரசு வழங்கும் இலவச சக்கர நாற்காலி ஒன்றை வங்குவதற்காக முயற்சி செய்தார்.

உடற்குறைபாட்டை நிரூபிக்கும் ஒரு சான்றிதழ் இருந்தால்தான் அரசின் இலவச சக்கர நாற்காலி கிடைக்கும் என்று அவருக்கு கூறப்பட்டது.

ஒரு சான்றிதழுக்காக தனது கணவரைத் தூக்கிக்கொண்டு வாரக்கணக்கில் சுகாதார மையத்திற்கு அலைந்த பிமலா தேவியைக் கண்டு கொள்வாரில்லை.

பல்வேறு அலுவலகங்களுக்கு அலைக்கழிக்கப்பட்ட அவரால் ஒரு சான்றிதழைப் பெற இயலவில்லை.

பிமலா தேவி தனது கணவரைத் தோளில் சுமந்து கொண்டு திரியும் புகைப்படம் ஒன்று சமூக வலைத்தளங்களில் பலரால் பகிரப்பட்டு காண்போரின் கண்களில் கண்ணீரை வரவழைத்தது.

இதைப் பார்த்த பூபேந்திர சவுத்ரி என்னும் அமைச்சர் “நாகரீகம் வளர்ந்த ஒரு நாட்டில் இது ஒரு பெருத்த அவமானம்” என்று கூறியுள்ளார். அந்த தம்பதியினருக்கு தன்னாலான உதவியைச் செய்வதாக உறுதியளித்தார். இறுதியாக பிமலாவின் கணவருக்கு சான்றிதழ் கிடைத்து விட்டது.

“எங்கள் பொருளாதார நிலைமை மிகவும் மோசமாக உள்ளது. தினமும் எனது கணவரை அழைத்துக் கொண்டு அரசு அலுவலகங்களுக்கு செல்ல ரிக்‌ஷாவுக்கு கொடுக்க என்னிடம் காசு இல்லை” என்று கூறும் பிமலா தேவியின் தலையில் குடும்பப் பொறுப்பு முழுவதும் விழுந்து விட்டது.

குடும்பப் பொறுப்பையும் கணவரையும் சுமந்து திரிந்த பிமலா இனி கொஞ்சம் நிம்மதியாக மூச்சு விடலாம்.

BadanSinghக்கு ஒரு வீல் சேர் வந்து விட்டால் கொஞ்சம் நிலைமை மாறும் என்று நம்பிக்கையுடன் காத்திருக்கிறார்கள் அந்த ஏழைத் தம்பதியர்.

இந்தியாவில் இளம்பெண்ணொருவர், புலியுடன் வெறும் குச்சிகளைக் கொண்டு சண்டையிட்ட சம்பவம் நடந்துள்ளது.

மகாராஷ்டிரா மாநிலத்தைச் சேர்ந்த இளம்பெண் ரூபாலி மேஷ்ராம்(23). இவர் மலையை ஒட்டிய பகுதியில் உள்ள கிராமத்தில் வசித்து வருகிறார்.

இவரது குடும்பத்தினர் ஆடுகளை பராமரித்து வளர்த்து வருகின்றனர். இந்நிலையில், ஆடுகளின் அலறல் சத்தம் கேட்டு வீட்டிலிருந்த ரூபாலி மற்றும் அவரது தாய் இருவரும் வெளியே வந்துள்ளனர்.

அப்போது புலி ஒன்று, அங்கிருந்த ஆட்டைத் தாக்கிக் கொண்டிருந்ததை இருவரும் கண்டு அதிர்ச்சியடைந்தனர். இதனைத் தொடர்ந்து, சற்று யோசனை செய்யாத ரூபாலி அருகில் கிடந்த குச்சியைக் கொண்டு புலியுடன் சண்டையிட தொடங்கினார்.

புலியின் தாக்குதலினால் ரூபாலிக்கு ரத்த காயம் ஏற்பட்டதை பார்த்த அவரது தாய், ரூபாலியை இழுத்து காப்பாற்றியுள்ளார்.

இந்நிலையில் கால்நடைகளையும் பாதுகாத்து புலியையும் அந்த வீரபெண் காப்பாற்றியுள்ளார். பின்னர், இச்சம்பவம் குறித்து வனத்துறையினருக்கு தகவல் தெரிவிக்கப்பட்டது. ஆனால், அவர்கள் வருவதற்குள் புலி அங்கிருந்து சென்றுவிட்டது.

இந்நிலையில், புலியின் தாக்குதலினால் காயமடைந்த ரூபாலி மருத்துவமனையில் சேர்க்கப்பட்டார். அவருக்கு தலை, கை, கால்கள் உள்ளிட்ட பகுதிகளில் காயமடைந்ததால் சிகிச்சை அளிக்கப்பட்டு வருகிறது.

அதிர்ஷ்டவசமாக புலி அவரை கடிக்கவில்லை. ரூபாலியின் தைரியத்தை மருத்துவர்கள் வெகுவாக பாராட்டினர். இச்சம்பவம் தொடர்பாக ரூபாலியின் தாயார் கூறுகையில்,

‘புலியின் தாக்குதலில் எனது மகள் இறந்து விடுவாள் என எண்ணினேன். அவளை பார்க்க பயமாக இருந்தது. ரத்தம் சொட்டச் சொட்ட புலியுடன், வெறும் குச்சிகளை கொண்டு சண்டையிட்டுக் கொண்டிருந்தாள்’ என தெரிவித்துள்ளார்.

இந்தியாவில் பொலிசார் ஒருவரின் செயல் இணையத்தில் பலரது பாராட்டுக்களையும் பெற்று வருகிறது.

தெலுங்கானாவில் பிரதான சாலை ஒன்றில் கடந்த 1ம் திகதி வயதான மூதாட்டி ஒருவர் நடந்து வந்து கொண்டிருந்தார்.

அப்போது அவர் திடீரென்று ரோட்டிலே மயங்கி விழுந்தார். அப்போது அந்த சாலையில் போக்குவரத்து சரி செய்து கொண்டிருந்த ஐதராபாத்தைச் சேர்ந்த கோபால் என்ற போக்குவரத்துப் பொலிசார் ஓடி வந்த அந்த மூதாட்டியை தூக்கி ஓரமாக அமரவைத்தார்.

மூதாட்டியின் நிலைமையை புரிந்த அவர் உடனடியாக அருகில் இருந்த உணவுகத்தில் உணவை வாங்கி வந்து தன் கையாலே ஊட்டி விட்டார்.

உடல் நலம் முடியாத அந்த மூதாட்டி, கோபாலை கையெடுத்து கும்பிட்டு நன்றி சொல்லியுள்ளார். அதற்கு கோபால் என் தாயாக இருந்திருந்தால் செய்திருக்க மாட்டேனா என்று கூறிவிட்டு அங்கிருந்துசென்றுள்ளார்.

இந்தக் காட்சியை அங்கிருக்கும் நபர்பகள் புகைப்படமாக எடுத்து சமூகவலைத்தளங்களில் பதிவேற்றம் செய்துள்ளனர். கோபாலின் இந்த செயலை பார்த்த அனைவரும் கண்கலங்கியதுடன் அவருக்கு பாரட்டுக்கள் குவிந்து வருகின்றன.