வடகொரியா ஏவுகணை தாக்குதலில் ஈடுபட்டால், அது பத்து நிமிடங்களில் ஜப்பானை அடைவதற்கு வாய்ப்பு உண்டு என்று அந்நாட்டு அரசாங்கம் பொதுமக்களுக்கு எச்சரிக்கை விடுத்துள்ளதுடன், சில பாதுகாப்பு அறிவுரைகளையும் வழங்கியுள்ளது.

அமெரிக்கா மற்றும் வடகொரியாவின் பனிப்போர் நாளுக்கு நாள் அதிகரித்துக் கொண்டே வருகிறது. தாங்கள் வைத்திருக்கும் ஜூஷி ஆயுதங்களால் அமெரிக்க படைகளை எங்கள் படைகளால் அழிக்க முடியும். இதில் ஒருத்தர் கூட மிஞ்சமாட்டார்கள் என்று வடகொரியா எச்சரிக்கை விடுத்துள்ளது.

இதனால் உலக நாடுகள் மத்தியில் போர் பதற்றம் ஏற்பட்டுள்ளது. இதற்காக உலக நாடுகள் அனைத்தும் தங்களை பாதுகாப்பு படுத்தி கொள்வதற்கு தயார் படுத்தி வருகின்றனர்.

இந்நிலையில் ஐப்பான் அரசாங்கம் தங்கள் நாட்டு மக்களுக்கு பாதுகாப்பு அறிவுரைகளை வழங்கியுள்ளது.

அதாவது அந்நாட்டின் சிவில் பாதுகாப்பு வலைத்தளத்தில், வடகொரியா ஏவுகணை தாக்குதல் நடத்தினால், ஜப்பான் மக்கள் அனைவரும் வலுவான கான்கிரீட் இடத்தை கண்டு பிடித்து பாதுகாப்பாக இருந்து கொள்ளுங்கள் என்றும் ஜன்னலுக்கு அருகில் யாரும் நிற்கவேண்டாம் எனவும் அதை விட்டு விலகியே இருக்கும் படியும் கூறியுள்ளது.

இதற்கு காரணம் கடந்த பிப்ரவரி மாதம் வடகொரிய ஏவுகணை சோதனை மேற்கொண்டதாகவும், அது சுமார் 1,600 கி.மீட்டர் கடந்து வந்து ஜப்பானின் Okinawa என்ற பகுதியில் வந்து விழுந்ததாகவும் கூறப்படுகிறது.

இது பறந்து வருவதற்கு எடுத்துக் கொண்ட நேரம் பத்து நிமிடம் ஆகும். அதன் காரணமாகவே இந்த அறிவுரைகள் பொதுமக்களுக்கு வழங்கியுள்ளதாக கூறப்படுகிறது.

மேலும் கடந்த மாதம் மட்டும் வடகொரியா நான்கு ஏவுகணை சோதனைகளை மேற்கொண்டதாகவும், அதில் மூன்று ஜப்பானின் கடல்பகுதியில் வந்து விழுந்ததாகவும் தெரிவிக்கப்பட்டுள்ளது.

இந்த தகவல் கடந்த 23-ஆம் தேதி தான் அந்நாட்டின் சிவில் பாதுகாப்பு வலைத்தளத்தில் பதிவேற்றம் செய்யப்பட்டது. ஆனால் தற்போது வரை அதை 5.7 மில்லியன் மக்கள் படித்துள்ளனர். இதனால் ஜப்பான் மக்கள் கதிகலங்கி போய் உள்ளனர்.

மேலும் ஜப்பான் அரசாங்கம் அவ்வாறு ஒரு தாக்குதல் நடந்தால், எப்படி செயல்பட வேண்டும் என்று அந்நாட்டில் உள்ள அதிகாரிகளுக்கு பயிற்சி அளித்து வருவதாகவும், பொதுமக்களை எப்படி வெளியேற்ற வேண்டும் என்பது குறித்து ஆலோசனை வழங்கி வருவதாகவும் கூறப்படுகிறது.

முஸ்லிம் மக்களை அதிருப்தியடையச் செய்யும் வகையில் புதிய சட்டங்கள் சிலவற்றை அறிமுகப்படுத்தியுள்ளது சீன அரசு. அதில், குழந்தைகளுக்கு முஸ்லிம் பெயர் வைப்பதற்கும் தடை விதிக்கும் சட்டமும் ஒன்று.

சீனாவின் தன்னாட்சி மானிலமாக விளங்குவது ஷிங்ஜியாங். இந்த மானிலத்தின் சட்ட சபை உறுப்பினர்கள் பல்வேறு சட்டங்களை அமுல்படுத்தி வருகின்றனர். குறிப்பாக, முஸ்லிம்களுக்கு எதிரான சட்டங்கள் பலவும் புதிதாக அமுல்படுத்தப்பட்டுள்ளன.

ரயில்களிலும் ரயில் நிலையங்களிலும் முகத்தை மூடும் வகையில் பெண்கள் ஆடை அணிவதற்குத் தடை விதித்தும், அவ்வாறு ஆடையணிபவர்கள் குறித்து பொலிஸாருக்கு புகார் தெரிவிக்கலாம் என்றும் சட்டம் இயற்றப்பட்டுள்ளது.

அத்துடன், சமயத்தைப் பிரதிபலிக்கும் வகையில் தாடி வளர்க்கக் கூடாது என்றும், குழந்தைகளுக்கு முஸ்லிம் பெயர்களைச் சூட்டக்கூடாது என்றும் ஷிங்ஜியாங்கில் சட்டங்கள் இயற்றப்பட்டுள்ளன.

ஆரம்பத்தில் இது போன்ற சட்டங்கள் ஷிங்ஜியாங் மானிலத்தின் சில பகுதிகளில் மட்டுமே வழக்கத்தில் இருந்தபோதும், தற்போது ஷிங்ஜியாங் மானிலம் முழுவதும் இச்சட்டங்கள் அமுல்படுத்தப்பட்டுள்ளன.

பிரிட்டிஷ் பெண்ணொருவர் இரட்டை குழந்தைகளை கருத்தரித்து, அவற்றை கருவில் சுமந்தபோது, இன்னொரு குழந்தையையும் கருத்தரித்ததாக மூன்று குழந்தைகளை பெற்றெடுத்துள்ளார்.

இது தான் சூப்பர் கருத்தரிப்பு என்று அழைக்கப்படுகிறது. ஒரு முறை கருத்தரித்து குழந்தையாக வளர்ந்து வருகின்ற கருவை கொண்டிருக்கும் பெண், பின்னர் இரண்டு வாரத்தில் அல்லது ஒரு மாதத்திற்குள் மீண்டும் கருத்தரிப்பது இவ்வாறு அழைக்கப்படுகிறது.

மனிதரில் இவ்வாறு நிகழ்வது மிகவும் அரிதான ஒன்று. கடந்த நூறு ஆண்டுகளில் இது போன்ற சூப்பர் கருத்தரிப்பு நடந்து பிரசவிப்பது ஆறாவது முறையே.

கருவள நிபுணர் பேராசிரியர் சைமன் பிஷெல் இது பற்றி கருத்து தெரிவிக்கையில், “இவ்வாறு நடைபெறக் கூடாது. ஆனால் நடந்து விடுகிறது” என்கிறார்.

“1865 ஆம் ஆண்டு முதல்முறை இவ்வாறு நடைபெற்றது. பத்தாண்டுகளில் அவ்வப்போது ஒரு சில இவ்வாறு நடைபெறுவதாக செய்தி வெளியாகிறது” என்று அவர் தெரிவித்தார்.

பெண்ணொருவர் ஒருமுறை கருத்தரித்து விட்டால் அவ்வளவு தான் என்று எண்ணுகிறோம். ஆனால், 1978ல் ஆம் ஆண்டு முதல்முறையாக சோதனைக்குழாய் மூலம் குழந்தை பிரசவிக்க உதவிய இந்த மருத்துவர் அவ்வாறு கருதவில்லை.

“பரிணாம வளர்ச்சி குறிப்பாக பெண்கள் ஒருமுறை கருத்தரித்து விட்டால், அவர்களிடம் இன்னொரு கரு முட்டை வெளிப்படாது போகும் வகையில் வடிவமைக்கப்பட்டது.

“எப்போதாவது அவ்வாறு நடைபெற்றால், அந்த கரு முட்டை சிசுவாக உருவாக முடியாது. ஆணின் விந்து அதனுள் செல்ல முடியாது என்பதே இதற்கு காரணம்” என்று அவர் கூறுகிறார்.

அவ்வாறு நடந்து விட்டாலும், கரு வளரத் தொடங்கி மாற்றங்கள் உருவாக தொடங்கிவிட்டதால், கருப்பையின் சுவர் இன்னொரு கரு முட்டையை ஏற்றுகொள்ள முடியாது”.

சூப்பர் கருத்தரிப்பு நடப்பது அபூர்வமானது. ஆனால், எப்போதும் மகிழ்ச்சியான முடிவு ஏற்படுவதில்லை.

“வளர்ந்து வருகின்ற ஒரு கருவின் வளர்ச்சி நின்றுபோய், கருப்பையிலேயே வளர்ந்து வரும் இன்னொரு கரு இறந்துள்ளதும், மிக முன்னதாகவே பிறந்துள்ளதும் நிகழ்ந்துள்ளது” என்கிறார் பேராசிரியர் சைமன் பிஷெல்.

கருப்பையில், இந்த வளர் கருக்கள் எப்படி சமாளிக்கின்றன என்பதும், உணவு பெற்றுகொள்வதில் அவை போட்டியிடுமா? என்பதும் கேள்விகளாக எழுகின்றன.

“இது கருவளர் படலப்பையை (தொப்புள்கொடி) பொறுத்தது. இதுதான் வளர்கின்ற கருவுக்கு ஊட்டச்சத்து வழங்குவதற்கும், வளர்கின்ற குழந்தை காணும் வளர்ச்சி மேம்பாட்டிற்கும் மிகவும் முக்கியமானது” என்று சீமோன் பிஷெல் மேலும் தெரிவித்தார்.

“இந்த தொப்புள்கொடி இயல்பாக வளர்ந்து மேம்படுகிறது என்றால் எந்த பிரச்சனையும் இல்லை. சூப்பர் கருத்தரிப்பு நிலைமைகளில், இது சரியாகவே செயல்பட்டுள்ளது”.

கொறித்து உண்ணும் விலங்குகள், முயல்கள், குதிரைகள் மற்றும் ஆடுகள் போன்ற விலங்குகளிடம் இது பரவலாக உள்ளதாக தெரிவிக்கப்படுகிறது.

மனிதரில் இவ்வாறு நடைபெறுவது மிகவும் அரிது என்றாலும், இத்தகைய அற்புத பிறப்புகள் நிகழவே செய்கின்றன. சிலவேளைகளில் இது மிக தீவிரமாக இருக்கலாம்.

“சில ஆண்டுகளுக்கு முன்னால், ரோமில் ஒருமுறை இத்தகைய சூப்பர் கருத்தரிப்பு நடைபெற்றபோது, அது 3 முதல் 4 மாத இடைவெளியில் நிகழ்ந்ததாக கணித்திருந்தனர்” என்கிறார் பேராசிரியர் சைமன் பிஷெல்.