வட்ஸ்அப் தக­வ­லினால் திரு­ம­ண­மொன்று நிறுத்­தப்­பட்ட சம்ப­வ­மொன்று தமி­ழ­கத்தில் இடம்பெற்றுள்­ளது.

தமி­ழ­கத்தின் திரு­வண்­ணா­மலை மாவட்டம் ஆர­ணி­யி­ன­ரு­கே­யுள்ள சேவூர் கிரா­மத்தைச் சேர்ந்தவர் மணி (வயது 58). இவ­ரது மகன் மகேஷ் (31). திருச்­சி­யி­லுள்ள ஒரு தனியார் நிறுவனத்தில் பணி­பு­ரிந்து வரு­கிறார்.

இவ­ருக்கும், ஆரணி எஸ்.வி. நகரை சேர்ந்த மீனா (பெயர் மாற்­றப்­பட்­டுள்­ளது) என்ற 20 வயது பெண்­ணுக்கும் திரு­மணம் செய்து வைக்க இரு­வீட்­டாரும் முடிவு செய்­தனர்.

இவர்­க­ளி­ரு­வ­ருக்கும் கடந்த 8 மாதங்­க­ளுக்கு முன்பு நிச்­ச­ய­தார்த்தம் நடந்­துள்­ளது. இதை­ய­டுத்து நேற்று முன்­தினம் சேவூ­ரி­லுள்ள ஒரு தனியார் மண்­ட­பத்தில் திரு­ம­ணத்தை நடத்­த­வி­ருந்­தனர். இரு வீட்­டாரும் திரு­மண வேலை­களில் மும்­மு­ர­மாக செயற்­பட்டு வந்­தனர்.

இதற்­காக முன்­தினம் மாலை திரு­மண வர­வேற்பு நிகழ்ச்சி நடந்­தது. இதைத் தொடர்ந்து நேற்று காலை முகூர்த்த நேரமும் நெருங்­கி­யது. மண­மே­டையில் மகேஷ் அமர்ந்­தி­ருந்த நிலையில், அவரு­டைய செல்­போ­னிற்கு ஆரணி தச­ரா­பேட்டை பகு­தியைச் சேர்ந்த விநா­யகம், என்­பவர் ‘வட்ஸ்­அப்பில் ஒரு குறுந்­த­க­வலை அனுப்­பி­யி­ருந்தார்.

மகேஷ் பார்த்து அதிர்ச்­சி­ய­டைந்த அந்த குறுஞ்­செய்­தியில், மண­மகள் மீனாவும், விநா­ய­கமும் சேர்ந்­தி­ருக்கும் புகைப்­ப­டங்கள் இருந்­தன.

மேலும் விநாயம் கூறி­ய­தா­வது, எனக்கும், உங்­க­ளுக்கு திரு­மணம் நடக்­க­வி­ருக்கும் பெண்­ணுக்கும் கடந்த 8 மாதங்­க­ளுக்கு முன்பே திரு­மணம் நடந்து விட்­டது.

அதன்­போது நாங்­க­ளி­ரு­வரும் சேர்ந்து எடுத்துக் கொண்ட புகைப்­ப­டங்கள் தான் இவை. நான் திருமணம் செய்த பெண்ணை நீங்கள் எப்­படி திரு­மணம் செய்ய முடியும் என அவர் கூறி­யி­ருந்தார்.

உடனே மகேஷ், அவ­ரது பெற்­றோ­ரிடம் இது­பற்றி தெரி­வித்தார். இதை­ய­டுத்து மகேஷின் குடும்பத்தினர், மண­ம­களின் பெற்­றோ­ரிடம் உங்கள் மக­ளுக்கு ஏற்­க­னவே திரு­மணம் முடிந்துவிட்ட­தாக தகவல் கிடைத்­துள்­ளது.

இது­பற்றி நீங்கள் ஏன் எங்­க­ளிடம் எதுவும் சொல்­ல­வில்லை என கேட்­ட­தற்கு பெண்ணின் பெற்றோர் பதில் எதுவும் கூற­வில்லை என தெரி­கி­றது. இதைத் தொடர்ந்து மகேஷின் குடும்­பத்­தினர் திருமணத்தை நிறுத்தி விட்­டனர்.

இது­கு­றித்து மணி தாலுகா பொலி ஸாரிடம் முறைப்­பாடு செய்­துள்ளார். அதில் ஏற்­க­னவே நடந்த திரு­ம­ணத்தை மறைத்து பெண் வீட்டார் மோசடி செய்­துள்­ளனர். முன்­னெ­டுக்­கப்­பட்ட திரு­மண ஏற்பா­டு­க­ளுக்­காக 5 இலட்சம் ரூபா செல­வா­கி­யுள்­ளது.

குறித்த பணத்தை மண­மகள் வீட்­டா­ரி­ட­மி­ருந்து பெற்­றுத்­தர வேண்டும் என க் கூறி­யி­ருந்­தனர். முறைப்­பாட்டை பதிவு செய்த பொலிஸ் அதி­காரி சின்­னராஜ், அது தொடர்­பி­லான விசா­ர­ணை­களை முன்­னெ­டுத்து வரு­கின்றார்.

இந்­த­நி­லையில், வட்ஸ்அப்பில் குறுந்தகவல் அனுப்பி திருமணத்தைத் தடுத்து நிறுத்திய இளைஞர் விநாயகம் தலைமறைவாகியுள்ளார். பொலிஸார் அவரைத் தேடி வரு­கின்­றனர்.

மத்திய பிரதேச மாநிலத்தில் குவாலியர் ரெயில் நிலையத்தில் தினமும் நிறைய திருட்டு சம்பவங்கள் நடப்பதாக பயணிகளிடம் இருந்து புகார்கள் வந்தன. இதையடுத்து குவாலியர் ரெயில் நிலையத்தில் கண்காணிப்பு பணியை ரெயில்வே பொலிசார் தீவிரப்படுத்தினார்கள்.

இந்த நிலையில் குவாலியர் ரெயில் நிலையத்தில் பயணி ஒருவரிடம் பணத்தை திருடன் பிக்பாக்கெட் அடித்தான். அவனை ரெயில்வே பொலிஸ்காரர் கையும் களவுமாக பிடித்தார்.

ஆத்திரம் தீரும் வகையில் அந்த திருடனை ரயில்வே பொலிஸ்காரர் அடித்து உதைத்தார். அடி தாங்க முடியாமல் அந்த திருடன் மயங்கி விழுந்தான்.

அதன் பிறகும் அந்த ரெயில்வே பொலிஸ்காரர் கோபம் தீரவில்லை. அவனது சட்டையைப் பிடித்து தரதரவென இழுத்து சென்றார்.

தரையில் உடல் உரசி ரத்தம் வழிந்தோட அந்த திருடனை அவர் இழுத்துச் சென்றார். இந்த காட்சியை பயணி ஒருவர் செல்போனில் படம் பிடித்து வெளியிட்டார்.

ரயில்வே பொலிஸ்காரர் அந்த திருடனை தரதர வென்று இழுத்து செல்வதை ரெயில் நிலையத்தில் திரண்டிருந்த பயணிகள் யாரும் தடுக்கவில்லை. மாறாக எல்லோரும் வேடிக்கை பார்த்தபடி சென்றனர். இந்த காட்சிகள் சமூக வலைதளங்களில் பரவியது. வீடியோ காட்சியாகவும் பலரால் பகிரப்பட்டது.

இதையடுத்து அந்த ரயில்வே பொலிஸ்காரரின் நடவடிக்கைக்கு எதிர்ப்பு கிளம்பியது. உடனடியாக ரெயில்வே பொலிஸ் உயர் அதிகாரிகள் விசாரணை நடத்தினார்கள். திருடனை தரையில் போட்டு இழுத்துச் சென்ற பொலிஸ்காரர் சஸ்பெண்டு செய்யப்பட்டார்.

கல்லூரி ஒன்றில் மூன்றாம் ஆண்டு படித்து வந்த மாணவியை, உதயகுமார் என்ற மாணவர் வகுப்பறையில் வைத்து அடித்து கொலை செய்துள்ள சம்பவம் அதிர்ச்சியை ஏற்படுத்தியுள்ளது.

கரூரில் உள்ள பொறியியல் கல்லூரியில் 3 ஆம் ஆண்டு சிவில் பாடம் படித்து வருகிறார் சோனாலி. இவர் வழக்கம்போல் இன்று வகுப்பறைக்கு சென்று அங்கு அமர்ந்துள்ளார். அப்போது திடீரென வகுப்பறைக்குள் புகுந்த உதயகுமார் என்ற மாணவன், கட்டையால் சோனாலியை தாக்கியுள்ளார்.

இதில், வலி தாங்க முடியாத சோனாலி சம்பவ இடத்திலேயே மயங்கி விழுந்தார். இதனைத்தொடர்ந்து கரூரில் உள்ள தனியார் மருத்துவமனையில் அனுமதிக்கப்பட்ட இவர், அதன் பின்னர் மதுரை அப்பல்லோ மருத்துவமனைக்கு அழைத்து செல்லப்பட்டார்.

ஆனால், அப்பல்லோ மருத்துவமனையில் சிகிச்சை பலனின்றி சோனாலி உயிரிழந்தார். மாணவியை தாக்கிய உதயகுமார் கல்லூரியில் இருந்து சஸ்பெண்ட் செய்யப்பட்ட மாணவர் ஆவார். இந்த சந்தர்ப்பத்தில் தான் கல்லூரிக்குள் புகுந்த இவர் இந்த வெறிச்செயலை நிகழ்த்தியுள்ளார்.

சோனாலியை ஒரு தலையாக காதலித்து வந்த உதயகுமார், தனது காதலை ஏற்றுக்கொள்ளுமாறு வற்புறுத்தியுள்ளார், ஆனால் சோனாலி காதலை ஏற்க மறுத்துள்ளார். இதனால் கோபம் கொண்ட உதயகுமார் இந்த வெறிச்செயலில் ஈடுபட்டுள்ளதாக தெரியவந்துள்ளது.

இந்நிலையில் மாணவனை கைது செய்துள்ள பொலிசார் அவனிடம் விசாரணை நடத்தி வருகின்றனர்.

இதற்கிடையே கல்லூரிக்கு 3 நாள் விடுமுறையை அறிவித்திருக்கிறது கல்லூரி நிர்வாகம். கல்லூரியில் நிகழ்ந்த இந்த சம்பவம், மாணவர்களிடையே அச்சத்தை ஏற்படுத்தியுள்ளது.

ஒடிசா மாநிலத்தில் கேலி செய்த ஆசிரியரை இரு மாணவிகள் அடித்து உதைத்துள்ளனர். இந்த வீடியோ காட்சி சமூக வலைதளங்களில் வைரலாக பரவி வருகிறது.

ஒடிசா மாநிலம் புவனேஷ்வரில் உள்ள உட்கல் பல்கலைக்கழக மாணவிகளை அங்குள்ள தனியார் பாடசாலை ஆசிரியர் ஒருவர் கேலி செய்துள்ளார்.

அதில் கோபமடைந்த இரு மாணவிகள் ஒன்று சேர்ந்து, குறித்த ஆசிரியரை மண்டியிடச் செய்து அடித்துள்ளனர். இந்த வீடியோ காட்சி தற்போது சமூக வலைதளங்களில் வைரலாக பரவி வருகிறது.

உலகின் மிக உயர்ந்த சிகரமான எவரெஸ்டில் ஏறி சாதனை படைத்ததாக காட்டும் வகையில், போலி புகைப்படங்களை வெளியிட்டு ஏமாற்றிய, இந்திய தம்பதிக்கு, நேபாளத்தில் உள்ள மலைகளில் ஏறுவதற்கு, அந்த நாட்டு அரசு, 10 ஆண்டுகள் தடை விதித்துள்ளது.

இந்தியாவைச் சேர்ந்த தினேஷ் மற்றும் தாரகேஸ்வரி ரதோட் ஆகிய இருவரும், காவல்துறையில் பணியாற்றி வருகின்றனர். தம்பதியரான இவர்கள், மே 23ல், அண்டை நாடான நேபாளத்தில், உலகின் மிக உயர்ந்த சிகரமான எவரெஸ்டில் ஏறி, சாதனை படைத்ததாக கூறி, அதை நிரூபிக்கும் வகையில் புகைப்படங்களை வெளியிட்டனர்.

ஆனால், ‘அவை, திருத்தப்பட்ட போலி புகைப்படங்கள்’ என, சக மலையேற்ற வீரர்கள் சந்தேகம் எழுப்பினர்; இருப்பினும், பொலிஸ் தம்பதி, எவரெஸ்டில் ஏறி சாதனை படைத்ததாக, நேபாள சுற்றுலாத் துறை சான்றிதழ் அளித்தது.

அதேசமயம், சக வீரர்கள் எழுப்பிய சந்தேகம் தொடர்பாக, நேபாள அரசு விசாரணையும் மேற்கொண்டது. தற்போது அந்த விசாரணை முடிவுக்கு வந்த நிலையில், இந்தியாவைச் சேர்ந்த பொலிஸ் தம்பதி அளித்த புகைப்படங்கள் போலியானவை என தெரியவந்தது. இதையடுத்து, நேபாளத்தில் உள்ள மலைகளில் ஏறுவதற்கு, இந்த தம்பதிக்கு, 10 ஆண்டுகள் தடையை, நேபாள அரசு விதித்துள்ளது.

இதனிடையே இந்த ஆண்டு மட்டும் மார்ச் முதல் மே மாதம் முடிய 454 பேர் எவரெஸ்ட் சிகரத்தில் மலையேறியுள்ளனர். கடந்த இரண்டு ஆண்டுகளாக கடும் பனிப்பொழிவு காரணமாக வீரர்கள் எவரும் மலை ஏறுவதை நேபாள அரசு தடை செய்திருந்தது.

மட்டுமின்றி காலநிலை மாறுதல் குறித்த போதிய தகவல்கள் சேகரிக்காமல் சென்ற பல குழுக்களும் விபத்தில் சிக்கி உயிரிழந்துள்ளனர்.

மட்டுமின்றி கடந்த ஆண்டு ஏற்பட்ட மிக மோசமான நிலநடுக்கமும் மலை ஏறுவதற்கு தடை விதிக்க காரணமாக அமைந்தது என்பது குறிப்பிடத்தக்கது.