கவர்ச்சி நடிகை ஷகிலா தனது வாழ்க்கையை சுயசரிதையாக எழுதுகிறார். இதனால் மலையாள நடிகர்கள், இயக்குனர்கள் பலர் கலக்கத்தில் இருப்பதாக தகவல் வெளியாகியுள்ளது.

ஷகிலா 1980, 90-களில் மலையாள பட உலகில் முன்னணி கவர்ச்சி நடிகையாக இருந்தார். இவர் நடித்த பல படங்கள் வயது வந்தவர்கள் மட்டுமே பார்க்கும் வகையில் ‘ஏ’ சான்றிதழ் பெற்று வந்தன. தாராள ஆடை குறைப்பு செய்து மலையாள ரசிகர்களை கிறங்கடித்தார்.

நூற்றுக்கும் மேற்பட்ட படங்களில் நடித்தார். ஷகிலா படங்கள் ஓடும் தியேட்டர்களில் ரசிகர்கள் கூட்டம் அலைமோதியது. மம்முட்டி, மோகன்லால் படங்களை வசூலில் ஷகிலா படங்கள் பின்னுக்கு தள்ளின. இதனால் ஷகிலாவுக்கு எதிரான சதிவலைகள் பின்னப்பட்டு மலையாள படங்களில் இருந்து ஓரம் கட்டப்பட்டார்.

தற்போது தமிழில் கவர்ச்சி வேடங்களில் நடித்து வருகிறார். தனது வாழ்க்கையில் நடந்த மகிழ்ச்சியான சம்பவங்களையும், கசப்பான நிகழ்வுகளையும் சுயசரிதையில் எழுத இருக்கிறார். சினிமாவின் இருட்டு பக்கங்களையும் புத்தகத்தில் உள்ளது உள்ளபடி கொண்டு வருகிறார்.

சுயசரிதை புத்தகத்தை விழா நடத்தி வெளியிட திட்டமிட்டுள்ளார். சுயசரிதை எழுதுவதால் புது படங்களில் நடிக்க வந்த வாய்ப்பை ஒதுக்கிவிட்டார்.

சென்னை கடற்கரை காமராஜர் சாலையில் காந்தி சிலை அருகே நிறுவப்பட்டுள்ள நடிகர் சிவாஜி கணேசன் சிலை போக்குவரத்துக்கு இடையூறாக உள்ளது என்றும் எனவே அந்த சிலையை அப்புறப்படுத்த வேண்டும் என்றும் நீதிமன்றத்தில் வழக்கு தொடரப்பட்டு உள்ளது. இந்த வழக்கில் போக்குவரத்து போலீசார் விளக்கம் அளிக்க நீதிமன்றம் நோட்டீஸ் அனுப்பி உள்ளது.

இந்நிலையில் சிலையை அகற்றுவதற்கு தமிழ் திரையுலகில் எதிர்ப்பு கிளம்பியுள்ளது. நடிகர் சங்க தலைவர் சரத்குமார், பொதுச்செயலாளர் ராதாரவி ஆகியோர் இதுதொடர்பாக பொலிஸ் கமிஷனருக்கு கடிதம் எழுதியுள்ளனர். அதில் சிவாஜி சிலையால் போக்குவரத்துக்கு இடையூறு இல்லை என்று சுட்டிக்காட்டியுள்ளனர்.

இதேபோல் தமிழ் திரைப்பட இயக்குனர்கள் சங்க தலைவர் விக்ரமன், பொருளாளர் சேகர், பொதுச்செயலாளர் ஆர்.கே.செல்வமணி ஆகியோர் இன்று மாநகர காவல்துறை ஆணையருக்கு கடிதம் எழுதியுள்ளனர். அதில் அவர்கள் கூறியிருப்பதாவது..

நடிகர் திலகம் சிவாஜி கணேசன் அரை நூற்றாண்டுக்கும் மேலாக தமிழகத்தின் நாடகத்துறையிலும், திரைப்படத் துறையிலும் அரிய சாதனை புரிந்தவர். தமிழக ரசிகர்களின் நெஞ்சில் வாழ்ந்துகொண்டிருக்கும் அவர் தமிழக மண்ணில் தமிழனாகப் பிறந்து தமிழர்களாகிய நமக்கு பெருமை தேடித் தந்தவர். பிரான்சு நாட்டின் கௌரவப் பட்டமான செவாலியே விருது பெற்றவர்.

இதுபோன்ற பல சிறப்புகளை தமிழ் மண்ணுக்கு சேர்த்த சிவாஜி கணேசனின் சிலை மெரினா கடற்கரை சாலையில் அமைந்திருப்பது தமிழர்களாகிய நமக்குப் பெருமையான ஒன்றாகும். எனவே, அவரது சிலையை அங்கிருந்து அகற்ற வேண்டும் என்று சொல்வது தமிழர்களின் நெஞ்சிலே ஈட்டியை பாய்ச்சுவது போன்றதாகும். அந்த சிலையை அகற்றக் கூடாது, அங்கேயே இருக்க வேண்டும் என்ற நல்ல கருத்துக்கு நாங்களும் எங்களது முழு ஆதரவை தெரிவித்துக்கொள்கிறோம் இவ்வாறு அவர்கள் கூறியுள்ளனர்.

அஜீத் நடிக்க, கவுதம் மேனன் இயக்க, ஏஎம் ரத்னம் தயாரிக்கும் புதிய படத்தின் அதிகாரப்பூர்வ அறிவிப்பு இன்று வெளியாகியுள்ளது.

ஆரம்பம் படத்தின் ஷூட்டிங் முடியும் முன்னரே, விஜயா நிறுவனத்துக்கு தன் கால்ஷீட்டைக் கொடுத்து வீரம் படத்தை ஆரம்பித்தார் அஜீத்.

இப்போது வீரம் படம் இறுதிக் கட்டத்தில் உள்ள நிலையில், அடுத்த படம் யாருக்கு என்பதை தெளிவாக முடிவு செய்துவிட்டார். நாம் முன்பே குறிப்பிட்டது போல, இந்தப் படத்தை தயாரிக்கும் வாய்ப்பை ஆரம்பம் படம் தயாரித்த ஏஎம் ரத்னத்தின் சத்யசாய் நிறுவனத்துக்கே தந்துள்ளார் அஜீத்.

இயக்குபவர் கவுதம் வாசுதேவ் மேனன். இதுகுறித்த அதிகாரப்பூர்வ அறிவிப்பையும் இன்று அஜீத் சார்பில் அவரது பிஆர்ஓ வெளியிட்டுள்ளார். ஸ்ரீசத்யசாய் நிறுவனத்துக்காக அஜீத் நடிக்கும் படத்தை இயக்க, இன்று கவுதம் மேனன் கையெழுத்திட்டார் என்று அந்த அறிவிப்பில் தெரிவித்துள்ளார்.

கவுதம் மேனனும் அஜீத்தும் மூன்று ஆண்டுகளுக்கு முன்பே இணையவிருந்தனர். படத்தின் அறிவிப்பு வந்த நிலையில் கருத்து வேறுபாடுகளால் பிரிந்தனர். இப்போது மீண்டும் அந்த வாய்ப்பு கூடிவந்துள்ளது.

ஆரம்பம் படத்தைத் தயாரித்தாலும்,கடன்கள் முழுமையாக அடையாமல் ஏஎம் ரத்னம் சிரமப்படுவதைப் பார்த்து அவருக்கு மீண்டும் படம் நடித்துத் தருகிறார் அஜீத் என்பது குறிப்பிடத்தக்கது.

விஸ்வரூபம் மாதி‌ரி சொந்தமாக வெளியிட்டு ‌ரிஸ்க் எடுக்க வேண்டுமா என்று கமல் யோசித்திருப்பார் போலிருக்கிறது. யாரும் பார்க்காத விஸ்வரூபம் 2 ட்ரெய்லரை ரெட் ஜெயண்ட் முதலாளி உதயநிதி ஸ்டாலினுக்கு மட்டும் பிரத்யேகமாக காண்பிக்க வேறு என்ன காரணம் இருக்க முடியும்?

எஸ், முதலாளி விஸ்வரூபம் 2ட்ரெய்லரைப் பார்த்து சமூக வலைதளத்தில், ஜஸ்ட் அமேஸிங், ஒன்லி உலகநாயகன் கமல் சார் கேன் டூ திஸ் என்று புல்ல‌ரித்திருக்கிறார்.

விஸ்வரூபம் படத்தில் நீங்களும் நாமும் பார்த்த ஆப்கானிஸ்தான் காட்சிகள் அனைத்தும் அடையாறு சத்யா ஸ்டுடியோ மைதானத்தில் எடுக்கப்பட்டவை.

படத்தின் ஸீ‌ஜி டிபார்ட்மெண்ட் ஹெட் மது பெ‌ரிய குண்டாக தூக்கிப் போட்டிருக்கிறார். என்ன? ஆப்கானிஸ்தான் மட்டுமில்லை. அமெ‌ரிக்காவில் எடுக்கப்பட்ட காட்சிகளும் அங்கே எடுக்கப்பட்டவை இல்லையாம். எல்லாமே உள்ளூ‌ரில் எடுக்கப்பட்டவைதானாம். என்ன தலைசுற்றுகிறதா?

எல்லாமே ஸீ‌ஜி வேலைகள். கமலின் மாஸ்டர் மைண்ட் அதில்தான் இருக்கிறது. இன்னொரு சின்ன உதாரணம். தசாவதாரம் படத்தில் முகுந்தா முகுந்தா பாடலில் வரும் கிழவி கமலை தனியாகவும், மற்றவர்களை தனியாகவும் ஷூட் செய்து பிறகு இரண்டையும் ஒன்றாக மேட்ச் செய்திருக்கிறார்கள். அதேபோல் அந்தப் படத்தில் வரும் ‌ஜீப் சேஸிங் காட்சிகள் அனைத்தும் ஸ்டுடியோவில் எடுக்கப்பட்டவை.

கமலா கொக்கா…?

தென்மேற்கு பருவக்காற்று படத்தில் தனது திரைப்பயணத்தை தொடங்கிய விஜயசேதுபதி, அதையடுத்து பீட்சா, நடுவுல கொஞ்சம் பக்கத்த காணோம், சூதுகவ்வும், இதற்குதானே ஆசைப்பட்டாய் பாலகுமாரா என்று தொடர்ந்து ஹிட் படங்களாக கொடுத்து வந்துள்ளார். இந்த நிலையில், அவரது அடுத்த படமாக ரம்மி ரிலீசுக்கு தயாராகி விட்டது.

கே.பாலகிருஷ்ணன் என்ற புதிய இயக்குனர் இயக்கியுள்ள இப்படத்திலும் இதற்குதானே ஆசைப்பட்டாய் பாலகுமாரா படத்தை மாதிரி இன்னொரு ஹீரோவுடன் இணைந்து நடித்திருக்கிறார் விஜயசேதுபதி.

இதற்கு முன்பு நான் நடித்த படங்களில் இருந்து முற்றிலுமாக மாறுபட்ட கதையில் இப்படம் உருவாகியுள்ளது என்று சொல்லும் அவர், படத்திற்கான கதை ரெடி பண்ணுவது, படத்தில் நடிப்பதை விட, அதை நல்ல முறையில் விளம்பரம் செய்து ரசிகர்கள் மத்தியில் கொண்டு செல்வதே இன்றைய நிலையில் கடினமான விசயம் என்பதால், படத்தை நல்ல கம்பெனியிடம் ஒப்படைத்து ரிலீஸ் செய்து விட வேண்டுமென்று ஜேஎஸ்கே பிலிம்ஸ் சதீஸ்குமாரிடம், தனது படத்தை வாங்கி வெளியிடுமாறு கேட்டுக்கொண்டாராம்.

பரதேசி, தங்கமீன்கள் உள்பட சில தரமான படங்களாக ரிலீஸ் செய்துள்ள சதீஷ்குமார், விஜயசேதுபதி கேட்டுக்கொண்ட ஒரே காரணத்துக்காக, ஒரு 15 நிமிடம் அவர் சொன்ன கதையை மட்டுமே கேட்டு படத்தை வாங்கியுள்ளாராம்.

அதோடு, விஜயசேதுபதியின் கதை செலக்சன் நன்றாகத்தான் இருக்கும். அந்த நம்பிக்கை எனக்கு உள்ளது என்று சொன்ன அவர், இதுவரை விஜயசேதுபதி படங்களுக்கு இல்லாத அளவுக்கு பிரமாண்டமான முறையில் பப்ளிசிட்டி செய்யவும் திட்டமிட்டுள்ளாராம்.

தெலுங்கில் பெரிய வெற்றி பெற்ற அத்தரின்டிக்கி தாரெதி என்ற படத்தின் தமிழ் ரீமேக்கில் நடிக்கிறார் விஜய். சமீபத்தில் மிகப்பெரிய வசூல் சாதனை படைத்த படம் இந்த ´அத்தரின்டிக்கி தாரெதி´.

இதில் பவன் கல்யாண் – சமந்தா ஜோடியாக நடித்திருந்திருந்தனர். தற்போது இந்தப் படம் தமிழில் ரீமேக் செய்யப்பட உள்ளது.

தெலுங்கு தயாரிப்பாளர் ஒருவர் தயாரிக்கிறார். படத்துக்கு இயக்குனர் இன்னும் முடிவாகவில்லை. பிரபு தேவாவின் பெயர் பரிசீலனையில் உள்ளது.

விஜய்க்கு ஜோடியாக சமந்தா நடிக்கிறார். விஜய்யுடன் அவர் ஜோடி சேர்வது இதுவே முதல் முறை. இந்த வேடத்துக்கு முதலில் பரிசீலிக்கப்பட்டவர் நஸ்ரியா என்பது குறிப்பிடத்தக்கது.

காவலன் படத்தை இயக்கிய சித்திக் இயக்கினால் நன்றாக இருக்கும் என விஜய் விரும்பினாலும், ஜான் ஆப்ரஹாம் நடிக்கும் ஹிந்திப் படத்தை சித்திக் இயக்க உள்ளதால் பிரபு தேவாவுடன் பேசி வருகிறார்களாம்.

விஜய்க்கும் தெலுங்குப் படங்களுக்கும் அப்படி ஒரு பிணைப்பு. அவரது பல படங்கள் தெலுங்கில் வெளியாகி வெற்றி பெற்றவைகளின் ரீமேக்தான் என்பது தெரிந்த விஷயமே.

கதாநாயகன் அவதாரம் எடுத்துள்ள இசை அமைப்பாளர் ஜி.வி.பிரகாஷ்சுக்கு, கதாநாயகியின் உதட்டில் முத்தம் தரக்கூடாது என்று அவரது மனைவி கட்டுப்பாடு விதித்துள்ளாராம்.

‘வெயில்’, ‘ஆயிரத்தில் ஒருவன்‘, ‘தலைவா‘, ‘ராஜா ராணி‘ போன்ற படங்களுக்கு இசை அமைத்திருக்கும் ஜி.வி.பிரகாஷ் அடுத்து ‘பென்சில்‘ என்ற படத்தில் நாயகனாக நடிக்க உள்ளார்.

மணிநாகராஜ் இதனை இயக்குகிறார். நாயகனாக நடிப்பதுபற்றி பிரகாஷ் கூறியதாவது, பல படங்களில் நடிக்க வாய்ப்பு வந்தது. ‘பென்சில்‘ படம் பள்ளி மாணவனை பற்றிய கதை. எனக்கு ஏற்ற விதத்தில் இருந்ததால் நடிக்க ஒப்புக்கொண்டேன்.

கூத்துப்பட்டறையை சேர்ந்த பாபு மற்றும் ‘ஆடுகளம்‘ நரேன் ஆகியோரிடம் நடிப்பு பயிற்சி பெற்றேன். நாயகியாக ஸ்ரீதிவ்யா நடிக்கிறார். நடிப்பதற்கு என் மனைவி சைந்தவி தடை எதுவும் சொல்லவில்லை.

ஆனால் எந்த நாயகியுடன் நடித்தாலும் உதட்டில் முத்தம் கொடுத்து நடிக்கக்கூடாது, நெருக்கமான காட்சிகளில் நடிக்கக்கூடாது என்று நிபந்தனை விதித்திருக்கிறார்.

என் படம் குடும்பத்தினருடன் அமர்ந்து பார்க்கும்படித்தான் இருக்கும். நடிக்க வந்ததால் இசை அமைப்பதை நிறுத்த மாட்டேன். எனக்கு சோறுபோடுவது இசைதான் என்றார்