சிங்கம்–2 படத்துக்குப்பின் கெளதம் மேனன் இயக்கும் படத்தில் சூர்யா நடிப்பதாக இருந்தது. இதற்காக 5 கோடி முற்பணம் வாங்கினார். ஆறு மாதங்களாகியும் படப்பிடிப்பு துவங்கப்படவில்லை. கவுதம்மேனன் திருப்தி அளிக்கும் வகையில் முழு கதையையும் தயார் செய்யவில்லை என்று கூறி அப்படத்தில் இருந்து சூர்யா திடீரென விலகினார்.

ஏற்கனவே சென்னையில் ஒரு மழைக்காலம் படத்தை கெளதம் மேனன் ஆரம்பித்து எட்டுமாதம் காத்திருந்தும் அந்த படம் நடக்கவில்லை என்றும் இந்த படத்துக்கும் அதே அனுபவம் ஏற்பட்டுள்ளது என்றும் சூர்யா கூறினார். இருவரும் இந்த படத்தில் இணைந்து பணியாற்ற இயலாது என்பதால் விலகுகிறேன் என்றும் சூர்யா அறிவித்தார்.

இதைத்தொடர்ந்து கெளதமிடம் இருந்து வாங்கிய 5 கோடியை சூர்யா திருப்பி கொடுத்தார். இருவரும் சமரசமாக பிரிந்தார்கள். கெளதம் பிடித்தமான கதையை தயார் செய்ததும் அவர் படத்தில் நடிப்பேன் என்று சூர்யா கூறியுள்ளதாக தகவல் வெளியாகியுள்ளது.

ஒரு காலத்தில் தமிழ் சினிமா ரசிகர்களின் கனவுக்கன்னியாகத் திகழ்ந்தவர் நடிகை ரம்பா. தொடையழகி என்று அனைவராலும் அழைக்கப்பட்ட ரம்பா உழவன் படம் மூலம் தமிழ் சினிமாவுக்கு அறிமுகமானார்.

இருந்தாலும் உள்ளத்தை அள்ளித்தா படம்தான் அவருக்கு நடிகை என்ற உயர்ந்த அந்தஸ்தை பெற்றுக் கொடுத்தது. தமிழ் சினிமாவில் உச்சத்தில் இருந்தபோதே கனடாவைச் சேர்ந்த தொழிலதிபர் ஒருவரை திருமணம் செய்து கொண்டார்.

இவர்களுக்கு தற்போது இரண்டரை வயதில் குழந்தை ஒன்று உள்ளது. திருமணத்திற்குப்பிறகு சினிமாவில் இருந்து ஒதுங்கி இருந்த ரம்பா தற்போது நடிகர் சிம்புவுக்கு அக்காவாக ஒரு படத்தில் நடிக்க ஒப்பந்தமாகியுள்ளாராம். இதன்மூலம் தமிழ் சினிமாவில் மீண்டும் ஒரு சுற்று வர முடிவு செய்துள்ளார்.

இனிமேல்,அக்கா, அண்ணி போன்ற நல்ல கதாபாத்திரங்களை தேர்வு செய்து நடிக்கப் போவதாகவும் ரம்பா தெரிவித்துள்ளார். தமிழ் மட்டுமல்லாது தெலுங்கிலும் ஒரு படத்தின் மூலம் ரீ-என்ட்ரி கொடுக்கவிருக்கிறாராம். ரம்பா நடிக்கவிருக்கும் படங்கள் பற்றிய விவரங்கள் ஏதும் தெரியவில்லை.

சினிமா படங்களை விளம்பரப்படுத்தும் நிகழ்ச்சிகள் மற்றும் பாடல் சி.டி. வெளியீட்டு விழாக்களுக்கு வர மறுக்கும் நடிகைகளுக்கு சம்பளத்தில் குறிப்பிட்ட அளவு பிடித்தம் செய்ய தமிழ் திரைப்பட தயாரிப்பாளர் சங்கம் முடிவு செய்துள்ளது. இதனால் முன்னணி நடிகைகள் பலர் கலக்கத்தில் உள்ளனர்.

கோடிகளை கொட்டி படம் எடுக்கும் தயாரிப்பாளர்கள் அந்த படங்களை விளம்பரபடுத்த நடிகர், நடிகைகளை வைத்து பத்திரிகையாளர் மற்றும் ஊர் ஊராக அவர்களை அழைத்து போய் ரசிகர்களை சந்திக்க வைத்தல் போன்றவற்றை நடத்துவது உண்டு. ஆனால் இவற்றில் நடிகர்கள் மட்டும்தான் பங்கேற்கின்றனர். நடிகைகள் வருவது இல்லை.

பொதுவாக நடிகைகள் டப்பிங் பேசுவதற்கு முன்புதான் முழு சம்பளத்தையும் செட்டில் செய்வது வழக்கம். ஆனால் தமிழில் டப்பிங் பேச தெரியாத கதாநாயகிகள் படப்பிடிப்பு இறுதி நாளில் நிலுவை சம்பளம் முழுவதையும் வசூலித்து வருகிறார்கள். அதன் பிறகு அவர்களை படங்கள் விளம்பர நிகழ்ச்சிகளுக்கு பிடிக்க முடிவதில்லை. இசை வெளியீட்டு விழாக்களுக்கும் வருவது இல்லை.

அப்படிப்பட்ட நடிகைகளுக்கு சம்பளத்தை முன் கூட்டியே கொடுக்காமல் சுமார் 20 சதவீதம் வரை பிடித்தம் செய்து வைத்துக் கொள்வது என்று தயாரிப்பாளர்கள் முடிவு செய்துள்ளதாக தகவல் வெளியாகியுள்ளது.

இந்த நடிகைகள் பட்டியலில் நயன்தாரா, திரிஷா, ஹன்சிகா, அனுஷ்கா, டாப்சி, லட்சுமி மேனன், நஸ்ரியா என பல நடிகைகள் வருகிறார்கள். இவர்களுக்கு தயாரிப்பாளர் சங்கத்தின் புதிய முடிவு சிக்கலை ஏற்படுத்தும் என கூறப்படுகிறது.

தமிழ் திரைப்பட தயாரிப்பாளர் சங்கத்தின் செயற்குழு கூட்டம் இன்று மாலை சங்க அலுவலகத்தில் நடக்கிறது. இக்கூட்டத்துக்கு தயாரிப்பாளர் சங்க தலைவர் கேயார் தலைமை தாங்குகிறார். துணைத் தலைவர்கள் டி.ஜி. தியாகராஜன், சுபாஷ் சந்திரபோஸ், செயலாளர்கள் டி.சிவா, ஞானவேல்ராஜா, மற்றும் 21 செயற்குழு உறுப்பினர்கள் இக்கூட்டத்தில் பங்கேற்கிறார்கள். இதில் நடிகைகளுக்கு சம்பளத்தை குறைப்பது குறித்து ஆலோசித்து முடிவு எடுக்கப்பட உள்ளது.

2011ல் ஸ்ரீராமாஜ்ஜியம் தெலுங்கு படத்தில் நடித்து விட்டு சினிமாவுக்கு முழுக்கு போட்டார். படப்பிடிப்பின் கடைசி நாளில் கண்ணீரோடு விடை பெற்றார். அதன் பிறகு திருமணத்துக்கான தடபுடல் ஏற்பாடுகள் நடந்தன.

ஆனால் திடீரென அந்த திருமணம் ரத்தாகி இரண்டு வருட இடைவெளிக்கு பிறகு மீண்டும் தமிழில் ராஜா ராணி படத்தில் நடித்தார். ரசிகர்கள் பழைய மாதிரி ஏற்பார்களா, என்று சந்தேகம் அவருக்கு இருந்தது. ஆனால் படம் வெற்றிகரமாக ஓடி நயன்தாராவை திரும்பவும் உச்சத்தில் தூக்கி வைத்தது.

அடுத்து அஜித் ஜோடியாக நடிக்கும் ஆரம்பம் படம் தீபாவளிக்கு வர இருக்கிறது. அதைத்தொடர்ந்து உதயநிதி ஸ்டாலின் ஜோடியாக நடிக்கும் இது கதிர்வேலன் காதலி படம் வருகிறது. தமிழ், தெலுங்கில் தயாராகும் அனாமிகா படத்தில் கர்ப்பிணி வேடத்தில் வருகிறார். அதன் படப்பிடிப்பும் இறுதி கட்டத்தில் உள்ளது.

இந்த நிலையில் ஜெயம் ரவி ஜோடியாக நடிக்கவும் தற்போது ஒப்பந்தமாகியுள்ளார். இந்த படத்தை ஜெயம் ராஜா இயக்குகிறார். இதன் படப்பிடிப்பு அடுத்த மாதம் தொடங்க உள்ளது. முன்னணி நடிகைகள் பலர் இரண்டாவது ரவுண்டில் காணாமல் போகி உள்ளனர்.

மீண்டும் நடிக்க விரும்பினாலும் அக்கா, அண்ணி வேடங்களே வந்தன. இவர்களுக்கு மத்தியில் நயன்தாராவின் வளர்ச்சி திரையுலகினரை ஆச்சரியப்படுத்தி உள்ளது. காதலில் தோற்றாலும் சினிமாவில் ஜெயித்து வருகிறார்.

நடிகை பாவனாவுக்கு விரைவில் திருமணம் நடைபெற உள்ளது. இவருக்கு தற்போது 27 வயது ஆகிறது. எனவே திருமணத்துக்கு தயாராகிறார். இதுகுறித்து பாவனா கூறியதாவது..

எனக்கு இந்த வருடம் இறுதியில் அல்லது அடுத்த வருடம் திருமணம் நடக்கும். எப்போது நடக்கும் என்பதை குறிப்பிட்டு சொல்ல முடியாது. திருமணம் என்பது வாழ்க்கையில் முக்கிய நிகழ்வு. வாழ்க்கை பூரா தொடர்ந்து வரக்கூடியது.

எனவே இதில் அவசரப்பட்டு எந்த முடிவும் எடுக்க முடியாது. எனவே திருமணத்தை எச்சரிக்கை உணர்வோடு அணுகுவேன்.
என் நண்பர்கள் எல்லோருக்கும் திருமணம் முடிந்துவிட்டது. இந்திப்பட உலகில் நான் இருந்தபோது யாருமே என்னிடம் உங்களுக்கு எப்போது திருமணம் என்று கேட்டது இல்லை.

என் வயதுள்ள பலர் அங்கு முன்னணி நடிகைகளாக உள்ளனர். 30 வயதுள்ள நடிகைகள் கூட அங்கு திருமணம் பற்றி சிந்திப்பது இல்லை. எனக்கு நல்ல மாப்பிள்ளை அமைந்தால் நிச்சயம் திருமணம் செய்து கொள்வேன் என்று கூறினார்.