வவுனியா பிரதேச செயலாளர் பிரிவுக்குட்பட்ட நெளுக்குளம் கிராம சேவையாளர் பிரிவில் கடந்த பல மாதங்களாக நிரந்தர கிராம சேவையாளர் இன்மையினால் அப்பகுதி மக்கள் பல்வேறு இன்னல்களுக்கு முகங்கொடுத்திருந்த நிலையில் தற்போது அப்பகுதிக்கு நிரந்தர கிராம சேவையாளர் நியமிக்கப்பட்டுள்ளார்.
நெளுக்குளம் கிராமசேவையாளராக கடமையாற்றிய பெண் கிராம சேவையாளர் ஒருவருக்கு கடந்த பல மாதங்களுக்கு முன்னர் வேறு பகுதிக்கு இடமாற்றம் வழங்கப்பட்டிருந்தது.
அதன் பின்னர் குறித்த கிராம சேவையாளர் பிரிவில் பதில் கிராம சேவையாளராக பலர் கடமையாற்றியிருந்த போதிலும் அவர்களிடமிருந்து சேவைகளை பெற்றுக்கொள்வதில் அப்பகுதி மக்கள் பல்வேறு இன்னல்களுக்கு முகங்கொடுத்திருந்தனர்.
இவ்விடயம் தொடர்பில் அப்பகுதி மக்களினால் வவுனியா பிரதேச செயலாரிடம் விடுத்த கோரிக்கைக்கமைய நெளுக்குளம் கிராம சேவையாளர் பிரிவுக்கு நிரந்தர கிராம சேவையாளராக சாந்தரூபன் இன்று(03.11.2020) காலை அவரது கடமைகளை பொறுப்பேற்றார்.
மேலும் நெளுக்குளம் கிராம சேவையாளர் பிரிவில் கடமையாற்றிய அபிவிருத்தி உத்தியோகத்தரும் இடமாற்றம் செய்யப்பட்டு புதிய அபிவிருத்தி உத்தியோகத்தராக அருள்மொழி என்பவரும் இன்று அவரது கடமைகளை பொருப்பேற்றனர்.
நெளுக்குளம் கிராம சேவையாளர் பிரிவுக்குட்பட்ட மக்களின் நன்மையினை கருத்தில் கொண்டு செயற்பட்ட பிரதேச செயலாளருக்கு மக்கள் நன்றிகளை தெரிவித்துள்ளனர்.
கொரோனா தாக்கத்தில் இருந்து விடுபட அருளாசி வேண்டி வவுனியாவில் விசேட பிரார்த்தனை ஒன்று இன்று(03.11.2020) காலை இடம்பெற்றது.
இலங்கை ஜனநாயக சோசலிச குடியரசின் பிரதமரின் வழிகாட்டுதலின் கீழ் புத்தசாசன, சமய மற்றும் கலாசார அலுவல்கள் அமைச்சின் அறிவுறுத்தலுக்கு அமைவாக, இந்து சமய, கலாசார அலுவல்கள் திணைக்களத்தினால், இலங்கைத் திருநாட்டில் வாழுகின்ற மக்கள் அனைவரும் கொரோனா வைரஸ் தாக்கத்திலிருந்து மீள்வதற்காக,
அருளாசி வேண்டி நாடு முழுவதிலும் உள்ள இந்து ஆலயங்களில் விசேட பிரார்த்தனை வழிபாடுகளில் ஈடுபடுமாறு வேண்டுகோள் விடுக்கப்பட்டுள்ளது.
இதனடிப்படையில் வவுனியா வைரவபுளியங்குளம் ஆதி விநாயகர் ஆலயத்தில் ஆலயத்தின் பிரதமகுரு வி.என்.சர்மா தலைமையில் இவ் விசேட பூஜை வழிபாடு இடம்பெற்றது.
இதன்போது நாட்டின் ஜனாதிபதி மற்றும் பிரமர் ஆகியோருக்கு ஆசி வேண்டியும், கொரோனா தாக்கத்தில் இருந்து நாட்டையும், நாட்டு மக்களையும் காத்து, அவர்களுக்கு நீண்ட ஆயுள் வேண்டியும் இந்த விசேட பிரார்த்தனை இடம்பெற்றது. விநாயகப் பெருமானுக்கு தீபமேற்றி மலர்தூவி இதன்போது வழிபாடு மேற்கொள்ளப்பட்டது.
கொரோனா வைரஸ் தொற்றுவதற்கு வயது வித்தியாசம் தாக்கம் செலுத்தாதென சுகாதார மேம்பாட்டு பணியகத்தின் பணிப்பாளர் விசேட வைத்தியர் பாலித கருணாபிரேம தெரிவித்துள்ளார்.
இன்று காலை ஊடகமொன்றுக்கு கருத்து வெளியிடும் போதே அவர் இவ்வாறு குறிப்பிட்டுள்ளார். எனினும் கொரோனா தொற்றுக்குள்ளானதன் பின்னர் இளைஞர்களை விடவும் வயோதிபர்களுக்கு 30 மடங்கு அதிக ஆபத்து உள்ளதென அவர் கூறியுள்ளார்.
நாட்பட்ட நோய் காரணமாக அதன் பாதிப்பு மேலும் அதிகமாகும் என அவர் குறிப்பிட்டுள்ளார். பத்தாயிரத்திற்கும் அதிக வைரஸ் வகையில் அதிக பரவல் ஆபத்தை கொண்ட வைரஸ் தற்போது இலங்கையில் பரவியுள்ளதாக சுகாதார மேம்பாட்டு பணியகத்தின் இயக்குநர் குறிப்பிட்டுள்ளார்.
வீட்டை விட்டு வெளியே பயணிக்கும் நபர்கள் மிகவும் பொறுப்புடன் செயற்பட வேண்டும் என அவர் கூறியுள்ளார். மக்கள் ஒன்றுகூடும் சந்தர்ப்பங்களை முடிந்தளவு குறைத்துக் கொள்வதற்கு நடவடிக்கை எடுக்குமாறு அவர் மேலும் தெரிவித்துள்ளார்.
வட மாகாணத்தில் கொரோனா தொற்று ஆரம்பித்த மார்ச் மாதத்தில் இருந்து நேற்று வரை 59 கொரோனா தொற்றாளர்கள் இனங்காணப்பட்டுள்ளதாக வடக்கு மாகாண சுகாதார பணிப்பாளர் ஆ.கேதீஸ்வரன் தெரிவித்துள்ளார்.
வடக்கு மாகாணத்தின் தற்போதைய நிலவரம் தொடர்பில் கருத்து வெளியிடும்போதே அவர் மேற்கண்டவாறு குறிப்பிட்டார். மேலும் தெரிவிக்கையில்,
மார்ச் முதல் செப்டம்பர் வரையான காலப்பகுதியில் 18 தொற்றாளர்களும், ஒக்டோபர் மாதத்தில் 41 தொற்றாளர்களும் இனங்காணப்பட்டுள்ளனர்.
இவர்களில் யாழ்ப்பாண மாவட்டத்தில் ஒக்டோபர் மாதத்தில் 15 தொற்றாளர்களும், வவுனியா மாவட்டத்தில் 14 தொற்றாளர்களும், மன்னார் மாவட்டத்தில் 10 தொற்றாளர்களும், முல்லைத்தீவில் 2 தொற்றாளர்களும் அடையாளம் காணப்பட்டுள்ளனர்.
கடந்த இரண்டு நாட்களில் வடக்கு மாகாணத்தில் புதிதாக எவருக்கும் தொற்று கண்டறியப்படவில்லை. யாழ்ப்பாணம் போதனா வைத்தியசாலையில் நேற்று முன்தினம் 378 பேரிடம் பி.சி.ஆர் பரிசோதனை மேற்கொள்ளப்பட்டது.
நேற்று 385 பேரிடம் பி.சி.ஆர் பரிசோதனை மேற்கொள்ளப்பட்டுள்ளது. இவ்விரு நாள் பரிசோதனையின் போதும் தனிமைப்படுத்தல் முகாம்களில், சிகிச்சை நிலையங்களில் இருந்தவர்கள் சிலருக்கு மட்டுமே கொரோனா தொற்று உறுதிப்படுத்தப்பட்டிருக்கிறது.
வடமாகாணத்தில் புதிதாக எவருக்கும் தொற்று உறுதிப்படுத்தப்படவில்லை. இருந்தாலும் கடந்த வாரத்தில் இனங்காணப்பட்ட நோயாளர்களுடன் நேரடி தொடர்பில் இருந்தவர்களை இனங்கண்டு அவர்களை தனிமைப்படுத்தி அவர்களுக்கான பரிசோதனைகளையும் தற்போது மேற்கொண்டு வருகின்றோம்.
மேலும் வட மாகாணத்தை பொறுத்த வரைக்கும் தற்போது யாழ். மாவட்டத்திலுள்ள யாழ்ப்பாணம் மாநகரசபைக்குட்பட்ட பாசையூர் மேற்கு திருநகர் கிராமங்கள், அதேபோல கரவெட்டி ராஜகிராமம் பிரிவிலும் 4 கிராமங்கள் தனிமைப்படுத்தப்பட்டுள்ளன.
மேலும் மருதங்கேணி கொரோனா சிகிச்சை நிலையம் கடந்த 19ம் தேதி முதல் இயங்க ஆரம்பித்திருந்தது. 50 நோயாளிகள் சிகிச்சை பெற்று வந்திருந்தார்கள்.
இவர்களில் முதலாவது தொகுதியாக 16 பேர் இரண்டு வார கால சிகிச்சை நிறைவு செய்து நேற்று தங்களுடைய வீடுகளுக்கு அனுப்பி வைக்கப்பட்டுள்ளார்கள்.
அதேபோல கிளிநொச்சியில் கிருஸ்ணபுரத்திலும், முல்லைத்தீவு மாங்குளத்திலும் இந்தவாரத்தில் சிகிச்சை நிலையங்கள் இயங்க ஆரம்பிக்கும் என எதிர்பார்க்கப்படுகிறது.
தற்போது இலங்கை முழுவதும் இந்த கொரோனா தொற்று மிக தீவிரமாக பரவி வருவதை நாங்கள் அவதானிக்கக்கூடியதாக உள்ளது. தற்போது பரவி வருகின்ற இந்த வைரஸ் மிகவும் வீரியம் மிக்கது. அதன் நோயின் தாக்கமும் அதிகமாக காணப்படுகிறது.
எனவே பொதுமக்கள் இந்த தொற்று பரவலில் இருந்து தங்களை பாதுகாத்துக் கொள்வதற்கு இரண்டு விடயங்களை கட்டாயமாகக் கடைப்பிடிக்க வேண்டும். இயலுமான வரை ஒன்று கூடுவதை தவிர்த்துக்கொள்ள வேண்டும்.
அதற்காக கடந்த வாரம் யாழ் மாவட்ட அரசாங்க அதிபர் தலைமையில் நடைபெற்ற செயலணி கூட்டத்தின்போது பொதுமக்களின் நடமாட்டங்களை கட்டுப்படுத்துவதற்கான பல தீர்மானங்கள் மேற்கொள்ளப்பட்டுள்ளன. அவற்றினை நாங்கள் இறுக்கமாக பின்பற்ற வேண்டும்.
அதாவது முகக்கவசம் மற்றும் சமூக இடைவெளி மற்றும் கை கழுவுதல் போன்ற சுகாதார பாதுகாப்பு நடைமுறைகளை பின்பற்றினால் இந்த கொரோனா தொற்று பரம்பலை கட்டுப்படுத்தகூடியதாக இருக்கும் என குறிப்பிட்டுள்ளார்.
இலங்கையில் முதன்முறையாக அன்டிவைரல் மைக்ரோ மற்றும் நானோ துகள்களால் ஆன முகக்கவசம் ஒன்றை பேராதனைப் பல்கலைக்கழகத்தைச் சேர்ந்த பேராசிரியர்கள் குழுவினரால் தயாரிக்கப்பட்டுள்ளது.
பொதுவாக முகக்கவசத்தில் ஏற்படும் தொற்றுக்களைத் தடுக்கும் வகையில் இந்த முகக்கவசம் தயாரிக்கப்பட்டுள்ளது. மேலும், இந்த முகக்கவசத்தில் மூன்று வடிப்பான்களைக் கொண்டுள்ளது.
குறித்த முகக்கவசத்தை 20 முறை பயன்படுத்தலாம் மற்றும் ஒரு மாதத்திற்குக் கழுவாமல் பயன்படுத்தலாம். இந்நிலையில் நேற்றைய தினம் வர்த்தக அமைச்சர் பந்துல குணவர்தனவுக்கு குறித்த முகக்கவசத்தை வழங்கியமை குறிப்பிடத்தக்கது.
வளிமண்டலத்தில் தூசு துகள்கள் அதிகரித்துள்ளமையினால் சிறுவர்களுக்கு பாதிப்புகள் ஏற்பட கூடும் சிறுவர் நோய் தொடர்பான விசேட வைத்தியர் தீபால் பெரேரா தெரிவித்துள்ளார். இலங்கைக்கு அண்மைய நாடான இந்தியாவில் ஏற்பட்ட வளி மாசடைவு காற்று மூலம் இலங்கை வளிமண்டல எல்லைப் பகுதியில் நுழைந்துள்ளது.
இதன் காரணமாக இலங்கையைச் சுற்றியுள்ள வளிமண்டலத்தில் தூசு துகள் அளவு அதிகரித்துள்ளது. இதனால் இந்த நாட்களில் சிறுவர்களுக்கு இளைப்பு அதிகரித்தால் உடனடியாக பொருத்தமான வைத்தியரிடம் பிள்ளைகளை கொண்டு செல்வதற்கு நடவடிக்கை மேற்கொள்ள வேண்டும்.
அத்துடன் குழந்தைகள் மற்றும் சிறுவர்களுக்கு சுவாச பிரச்சினை ஒன்று ஏற்பட்டாலும் வைத்தியரிடம் கொண்டு செல்ல வேண்டும் என அவர் நாட்டு மக்களிடம் கேட்டுள்ளார்.
இலங்கையில் கொரோனாவினால் மேலும் இரண்டு மரணங்கள் சம்பவித்துள்ளதாக சுகாதார பிரிவு உறுதி செய்துள்ளது. கொரோனா வைரஸ் தொற்றுக்குள்ளான நிலையில் கொழும்பு தேசிய வைத்தியசாலையில் அனுமதிக்கப்பட்டிருந்த,
இரு பெண்கள் உயிரிழந்துள்ளதாக சுகாதார பிரிவு உறுதி செய்துள்ளது. அதற்கமைய இலங்கையில் ஏற்பட்ட கொரோனா மரணங்களின் எண்ணிக்ககை 23 ஆக உயர்வடைந்துள்ளது.
கொட்டாஞ்சேனை பிரதேசத்தை சேர்ந்த 68 வயதுடைய பெண் ஒருவரும் கிராண்ட்பாஸ் பிரதேசத்தை சேர்ந்த 61 வயதுடைய பெண் ஒருவரும் இவ்வாறு உயிரிழந்துள்ளளதாக குறிப்பிடப்படுகின்றது.
வவுனியா, ஓமந்தைக் காட்டுப் பகுதியில் இலங்கைக்கே உரித்தான அரிய வகை அரணை இனம் ஒன்று அவதானிக்கப்பட்டுள்ளது. ஓமந்தைக் காட்டுப் பகுதிக்கு கடந்த வாரம் சென்ற ஒருவர் Dasia halianus என்ற இலங்கைக்கே உரித்தான அரணை இனம் ஒன்றை மரத்தில் அவதானித்த நிலையில் அதனை புகைப்படம் எடுத்துள்ளார்.
இலங்கைக்கு மட்டுமே உரித்தான தாசியா ஹாலியானஸ் Dasia halianus எனும் உயிரியல் பெயருள்ள இந்த தனித்துவ அரணை இனம் வன்னிக் காடுகளில் இருந்து வந்துள்ள போதும், மிக அரிய வகை உயிரினமாகவே உள்ளது. பெரும்பாலும் மரங்களில் இவ் உயிரினம் வாழ்ந்து வருகின்றது.
நாட்டின் ஒரு அரியவகை உயிரினமாக இது இருப்பதானால் 1970 ஆம் ஆண்டுகளில் வெளி வந்த இலங்கையின் இரண்டு ரூபாய் நாணயத்தாளில் இதன் படம் காணப்படுவதை அவதானிக்கலாம். தற்போது இந்த அரிய வகை அரணை இனத்தின் புகைப்படம் சமூக வலைத்தலத்தில் வைரலாக பரவி வருகிறது.
பெரும்பாலும் மரங்களிலேயே வாழும் இந்த உயிரினம் அண்மையில் வவுனியா – ஓமந்தைக் காட்டில் கண்டுப்பிடிக்கப்பட்டது. இந்த அரியவகை உயிரினம் முன்னதாக மேற்கு தொடர்ச்சி மலையிலும் காணப்படுவதாக கருதப்படுகின்றது.
எனினும் அங்கு காணப்பட்ட இதுபோன்ற உயிரினங்களை வகைப்பிரித்து ஆய்வு செய்த முடிவில் இது இலங்கைக்கு மட்டும் உரித்தானது என உறுதிப்படுத்தப்பட்டது. சுமார் 8 செ.மீ நீளமுடைய இந்த தனித்துவம் மிக்க உயிரினம் மற்றைய அனைத்து சகோதர இனங்களிடமிருந்தும் வேறுபட்டது.
உடலின் நடுப்பகுதியில் (22-24) குறைந்த எண்ணிக்கையிலான வரிசைகள் மற்றும் விரிவாக்கப்பட்ட முதுகெலும்பு வரிசை செதில்களும் உள்ளன. இந்த உயிரினம் பல்லேகம, தம்புல்ல, பொலன்னறுவ, பக்கமுன, ஹொரன, அனுராதபுரம், கம்பஹா மற்றும் யாழ்ப்பாணம் உள்ளிட்ட மாவட்டங்களில் வறண்ட மண்டலத்திலிருந்து அரிதாக அறியப்பட்டவை.
இந்த உயிரினம் அரிதாக காணப்பட்ட நிலையில் 1970 ஆம் ஆண்டு இலங்கை மத்திய வங்கியினால் வெளியிடப்பட்ட 2 ரூபாய் நாணயத்தாளில் இடம்பிடித்திருந்தமை குறிப்பிடத்தக்கது.
வவுனியா உமாமகேஸ்வரன் சந்தியில் வேகமாக வந்த மோட்டார் சைக்கிள் ஒன்று வேக கட்டுப்பாட்டை இழந்து கடை ஒன்றிற்குள் புகுந்து மோதி விபத்துக்குள்ளானது.
வவுனியா ஹொரவப்பொத்தான வீதியை நோக்கி கோவில்குளம் உமாமகேஸ்வரன் வீதியால் வேகமாக வந்த மோட்டார் சைக்கிள் ஒன்று தனது வேகக் கட்டுப்பாட்டை இழந்து நேரே இருந்த பலசரக்குக் கடை ஒன்றிற்குள் புகுந்து மோதி விபத்துக்குள்ளானதில் ஒருவர் சிறிய காயத்திற்குள்ளாகியுள்ளார்.
இவ்விபத்தானது இன்று (02) மாலை 6 மணியளவில் இடம்பெற்றது. குறித்த விபத்தின் காரணமாக மோட்டார் சைக்கிள் சிறிய சேதத்திற்கு உள்ளானதுடன், வர்த்தக நிலையத்தின் பொருட்கள், கண்ணாடிகள் உடைந்து சேதத்திற்குள்ளாகியுள்ளது.
சம்பவ இடத்திற்கு வருகை தந்த வவுனியா போக்குவரத்து பொலிசார் விசாரணை மேற்கொண்டு மோட்டார் வண்டியை செலுத்தியவர் ம து போ தை யி ல் இருக்கலாம் என்ற சந்தேகத்தில் குறித்த நபரை கைது செய்து,
விபத்து ஏற்படுத்திய மோட்டார் வண்டியையும் கைப்பற்றி பொலிஸ் நிலையம் எடுத்துச் சென்றதுடன் மேலதிக விசாரணைகளை மேற்கொண்டுள்ளனர்.
மோட்டார் சைக்கிள் வேகக் கட்டுப்பாட்டை இழந்து கடைக்குள் சென்று மோதி விபத்துக்குள்ளானதால் அப்பகுதியில் சிறிது நேரம் பரபரப்பு ஏற்பட்டது.
பாடசாலை மூன்றாம் தவணை ஆரம்பம் தொடர்பில் கல்வி அமைச்சு விசேட அறிவிப்பு ஒன்றை வெளியிட்டுள்ளது. பாடசாலைகள் மூன்றாம் தவணைக்காக எதிர்வரும் 9ம் திகதி ஆரம்பிக்கப்படும் என முன்னதாக அறிவிக்கப்பட்டிருந்தது.
எனினும் நாட்டில் நிலவி வரும் கொவிட்-19 வைரஸ் தொற்று தாக்கம் காரணமாக 9ம் திகதி ஆரம்பிக்கப்படாது என அறிவிக்கப்பட்டுள்ளது.
இதன்படி பாடசாலைகளை மூன்றாம் தவணைக்காக ஆரம்பித்தல் இரண்டு வாரங்களுக்கு ஒத்தி வைக்கப்படுகின்றது. பாடசாலை விடுமுறை இரண்டு வாரங்களுக்கு மேலும் நீடிக்கப்படுவதாக கல்வி அமைச்சின் செயலாளர் அலுவலகம் அறிவித்துள்ளது.
இந்தியாவில் முதலாம் ஆண்டு திருமண நாளை கணவருடன் சேர்ந்து கொண்டாட சென்ற இளம்பெண் சாலை விபத்தில் உ யிரிழந்த சம்பவம் சோகத்தை ஏற்படுத்தியுள்ளது.
கேரளாவை சேர்ந்தவர் சுதீஷ். இவருக்கும் அஞ்சு தேவ் (26) என்ற பெண்ணுக்கும் ஓராண்டுக்கு முன்னர் திருமணம் நடைபெற்றது.
இந்த நிலையில் இரு தினங்களுக்கு முன்னர் இருவருக்கும் முதலாம் ஆண்டு திருமண நாள் வந்தது.
அஞ்சு சில மாதங்களாக தனது பெற்றோர் வீட்டில் வசித்து வந்த நிலையில் திருமண நாளை கொண்டாட கணவர் வீட்டுக்கு செல்ல முடிவு செய்தார். அதன்படி திருமண நாள் கொண்டாட்ட ஏற்பாடுகள் அனைத்தையும் சுதீஷ் செய்திருந்தார்.
இந்த நிலையில் அஞ்சு தனது பெற்றோர் மற்றும் சகோதரருடன் காரில் கணவர் வீட்டுக்கு சென்று கொண்டிருந்தார். அப்போது நெடுஞ்சாலையில் கார் சென்று கொண்டிருந்த போது வேகமாக வந்த லொறி மீது மோதியது.
இதில் அஞ்சு இரத்த வெள்ளத்தில் சம்பவ இடத்திலேயே உயிரிழந்த நிலையில் மற்ற மூவரும் காயங்களுடன் மருத்துவமனையில் சேர்க்கப்பட்டனர்.
நேரம் போய் கொண்டே இருந்த நிலையில் மனைவி ஏன் இன்னும் வரவில்லை என்ற யோசனையில் சுதீஷ் இருந்த போது அவருக்கு பொலிசார் போன் செய்தனர்.
போனில் அஞ்சு உயிரிழந்த செய்தியை சொன்ன போது சுதீஷ் அதிர்ச்சியில் உறைந்தார். இதையடுத்து அஞ்சுவின் சடலத்தை பிரேத பரிசோதனைக்காக அனுப்பிய பொலிசார் விபத்து தொடர்பாக விசாரணை நடத்தி வருகின்றனர்.
தமிழகத்தின் கன்னியாகுமரி மாவ ட்டத்தில் இ ரு ம கள்களைக் கொ ன் று தா யா ர் த ற் கொ லை செ ய் து கொ ண்ட ச ம்பவம் அ திர்ச் சியை ஏ ற்படுத்தியு ள்ளது.
கன்னியாகுமரி மாவட்டம் நாகர்கோவில் நெசவாளர் காலனியைச் சேர்ந்தவர் 31 வயதான ரஞ்சித் குமார். மருந்து நிறுவன பிரதிநிதியாக பணியாற்றி வந்த இவருக்கும் அதே பகுதியைச் சேர்ந்த ராசி(28) என்பவருக்கும் கடந்த 6 ஆண்டுகளுக்கு முன்பு திருமணம் நடந்தது.
இவர்களுக்கு அட்சயா (5)அனுசுயா (3) ஆகிய 2 பெ ண் கு ழந்தைகள் இருந்தனர். இந்த நிலையில் ரஞ்சித் குமார் உடல்நலக் குறைவால் கடந்த ஆண்டு ம ரணமடைந்தார்.
இதனால் ராசி தனது கு ழந்களுடன் தனியே வசித்து வந்தார். க ணவர் இ றந்த து யரத்திலிருந்து மீள முடியாமல் ராசி ம னம் உ டைந்த நிலையில் சோ கத்துடன் இருந்து வந்தார்.
இந்த நிலையில் திங்கள்கிழமை காலை ராசி தனது இரு கு ழந்தைகளுக்கும் தூ க்க மா த்திரை கொ டுத்து வி ட்டு தா னும் தூ க்க மா த்திரையை சாப்பிட்டார்.
மேலும் ராசி தனது உ டலில் ம ண்ணெ ண்ணெய் ஊ ற்றி தீ வை த்துக்கொ ண்டார். அ வரது அ லறல் ச த்தம் கேட்டு அருகிலிருந்த வீட்டினர் சென்று பார்த்த போது ராசியும் அ வரது கு ழந்தைகளும் ச டலமாக கி டந்தது தெரிந்தது.
இச்சம்பவம் குறித்து தகவலறிந்த நேசமணி நகர் காவல்துறையினர் சம்பவ இடத்துக்கு சென்று சடலங்களை மீ ட் டு ப ரிசோத னைக்காக அரசு மருத்துவமனைக்கு அனுப்பி வைத்தனர்.
கணவரை இழந்த பெண், தனது ம கள்கள் இ ருவரையும் கொ ன்றுவி ட்டு தா னும் த ற் கொ லை செ ய் து கொ ண்ட ச ம்பவம் அப்பகுதியில் சோ கத்தை ஏற்படுத்தியுள்ளது.
தமிழகத்தில் தாலி கட்டும் நேரத்தில் மணப்பெண் திருமணத்தை நிறுத்திய சம்பவத்தில் அதிரடி திருப்பம் ஏற்பட்டுள்ளது. நீலகிரி மாவட்டத்தை சேர்ந்த ஆனந்த்துக்கும், பிரியதர்ஷினிக்கும் சில தினங்களுக்கு முன்னர் திருமணம் நடத்த ஏற்பாடு செய்யப்பட்டிருந்தது.
மணமக்கள் மணக்கோலத்தில் மேடையில் வீற்றிருந்தனர். படுகர் இன மரபுப்படி, மணமேடையில் மணப்பெண் 3 முறை சம்மதம் தெரிவித்த பின்பே தாலிகட்ட வேண்டும்.
அதன்படி சம்மதம் கேட்டபோது மௌனம் காத்த பிரியதர்ஷினி, மூன்றாவது முறை கேட்கையில் சம்மதமில்லை என்று கூறி, ஆனந்தின் கைகளை தடுத்தார்.
தான் விரும்பும் ஒருவர், ஒரு மணி நேரத்தில் வந்து விடுவார் என்று கூறிய அவர் அதுவரை பொறுங்கள் என கூறி, எழுந்து அங்கிருந்து செல்ல முற்பட்டார்.
இதை மறுத்து தடுத்த பிரியதர்ஷினியின் உறவினர்கள், அவரை தாக்க முற்பட்டனர். இவை ஒருபுறம் நடக்க மாப்பிள்ளைக் கோலத்திலிருந்த ஆனந்தோ, செய்வதறியாமல் சங்கடத்தில் தவித்தார்.
இந்நிலையில் மணப்பெண்ணை அவரது பெற்றோர் வீட்டில் இருந்து வெளியேற்றியதாகவும், அவர் காதலனை தேடி சென்னை வந்தததாகவும் தகவல் பரவியது. இந்நிலையில், தான் எங்கும் செல்லவில்லை, தனது பெற்றோருடன் தான் இருப்பதாக அப்பெண் விளக்கம் அளித்து ஆடியோ வெளியிட்டுள்ளார்.
அதில், தனக்கு நிச்சயிக்கப்பட்ட இளைஞர் மீது பல்வேறு தவறான தகவல்கள் வந்ததாகவும் அதனாலேயே பொய் கூறி திருமணத்தை நிறுத்தியதாகவும் கூறியுள்ளார். மேலும் தான் பெற்றோருடன் இருக்கும் புகைப்படத்தையும் அவர் வெளியிட்டு சர்ச்சைக்கு முற்றுபுள்ளி வைத்துள்ளார்.
வவுனியா மாவட்டத்தில் 347 குடும்பங்களைச் சேர்ந்த 863 பேர் சுய தனிமைப்படுத்தப்பட்டுள்ளதாக பிராந்திய சுகாதார சேவைகள் பணிப்பாளர் எம்.மகேந்திரன் தெரிவித்துள்ளார்.
வவுனியா மாவட்டத்தில் கொவிட் 19 தாக்கம் மற்றும் தற்போதைய நிலமை தொடர்பில் மாவட்ட செயலகத்தில் இடம்பெற்ற கலந்துரையாடலின் போதே இவ்வாறு தெரிவித்தார். இதன்போது அவர் தெரிவித்ததாவது,
வவுனியா வடக்கு நெடுங்கேணி பகுதியில் வீதி அபிவிருத்தி நடவடிக்கையில் ஈடுபட்ட 14 பேருக்கு கொரோனா தொற்று ஏற்பட்டுள்ளதையடுத்து அவர்களுடன் வேலை செய்த மற்றும் தொடர்புகளை பேணியவர்கள்,
பிற மாவட்டங்களில் உள்ள கொரோனா தொற்றாளர்கள் சென்று வந்த இடங்களுக்கு சென்று வந்தோர் என 347 குடும்பங்களைச் சேர்ந்த 863 பேர் சுய தனிமைப்படுத்தப்பட்டுள்ளனர்.
அந்தவகையில், வவுனியா வடக்கில் 182 குடும்பங்களைச் சேர்ந்த 470 பேரும், செட்டிகுளம் பகுதியில் 12 குடும்பங்களைச் சேர்ந்த 38 பேரும், வவுனியாவில் 153 குடும்பங்களைச் சேர்ந்த 355 பேரும் இவ்வாறு சுய தனிமைப்படுத்தப்பட்டுள்ளனர் எனத் தெரிவித்தார்.
இலங்கையில் இரண்டாவது முறையாக பரவி வரும் கொரோனா வைரஸ் வகையானது மிக வேகமாக பரவக் கூடியது என ஆய்வில் தெரியவந்துள்ளது.
கடந்த முறை கொரோனா வைரஸ் பரவிய போது கொரோனா தொற்றாளர் ஒருவரின் தும்மல் மற்றும் இருமலில் இருந்து வெளியே எச்சிலில் ஒரு லட்சம் வைரஸ் இருந்திருக்குமாயின்,
அது தற்போது மில்லியன், பில்லியன் எண்ணிக்கையாக அதிகரித்துள்ளதாக சுகாதார அமைச்சின் செயலாளர் மேஜர் ஜெனரல் சஞ்ஜீவ முனசிங்க தெரிவித்துள்ளார். சுகாதார அமைச்சின் செயலாளர் நேற்று வெளியிட்டுள்ள விசேட அறிக்கையில் இதனை கூறியுள்ளார்.
நீரிழிவு, உயர் இரத்த அழுத்தம், சிறு நீரக நோய் போன்ற நோய்களால் பாதிக்கப்பட்டுள்ள நபர்களுக்கு கொரோனா வைரஸ் தொற்றும் ஆபத்து அதிகம் இருப்பதால், அவர்கள் மிகவும் கவனமாக இருக்க வேண்டும்.
ஊரடங்குச் சட்டம் அமுலில் உள்ள நேரத்தில் ஏதேனும் நோய் அறிகுறிகள் தென்பட்டால், 011-7966366 என்ற தொலைபேசி இலக்கத்துடன் தொடர்பு கொண்டு அறிவிக்குமாறும் சுகாதார அமைச்சின் செயலாளர் கேட்டுக்கொண்டுள்ளார்.
கொரோனா தொற்றுக்குள்ளான இளம் பெண் ஒருவரை வைத்தியசாலைக்கு அழைத்து செல்லும் போது அந்த பெண்ணுக்கு ஊ கூச்சலிட்டு தகாத வார்த்தையால் திட்டி குழப்பம் ஏற்படுத்திய நபர் தொடர்பில் செய்தி வெளியாகியுள்ளது.
வத்தளை பிரதேசத்தை சேர்ந்த இளம் பெண் ஒருவரே இந்த சம்பவத்திற்கு முகங்கொடுத்துள்ளார். தொழிற்சாலையில் பணியாற்றிய நிலையில் மேற்கொள்ளப்பட்ட PCR பரிசோதனையில் குறித்த பெண்ணுக்கு கொரோனா வைரஸ் தொற்று உறுதியாகியுள்ளது.
நேற்று இரவு அவரை வைத்தியசாலையில் அனுமதிப்பதற்காக அம்பியுலன்ஸ் வந்த சந்தர்ப்பத்தில், அயலவர் ஒருவர் “அவர் பெண் பல இடங்களுக்கு சுற்றி திரிந்து கொரோனா தொற்றுக்குள்ளாகியுள்ளார் என கூறி தகாத வார்த்தைகளால் திட்டியுள்ளார். அத்துடன் ஊ கூச்சலிட்டுள்ளார்.
இந்த நபர் இலங்கையின் சமாதான நீதவான்களில் ஒருவராகும் என குறிப்பிடப்படுகின்றது. இளம் பெண்ணை அழைத்து செல்ல வந்த ஏனைய அதிகாரிகள் இந்த சம்பவத்திற்கு கடும் எதிர்ப்பு வெளியிட்டுள்ளனர்.
தொற்றாளர்களை அவமதிக்க வேண்டாம். உயர் பதவியில் இருந்துக் கொண்டு இவ்வாறு செயற்படுவதென்பது அருவருக்கதக்க ஒரு விடயமாகும் என அதிகாரிகள் கூறியுள்ளனர்.