வவுனியாவில் அமைச்சர் டக்ளஸ் தேவானந்தா : “இலங்கையின் நலனில் இருந்து தான் முடிவுகளை எடுப்போம்”!!

வெளிநாடுகளுடனான தொடர்பின் போது எங்களது நாட்டு நலன்களில் இருந்து கொண்டு அந்த முடிவுகளை எடுப்போம் என கடற்தொழில் துறை அமைச்சர் டக்ளஸ் தேவானந்தா தெரிவித்துள்ளார்.

வவுனியா, மன்னார் வீதியில் வன்னி மாவட்ட அபிவிருத்திக் குழு இணைத் தலைவர் பாராளுமன்ற உறுப்பினர் கு.திலீபன் உடன் இணைந்து அபிவிருத்திக் குழு இணைத் தலைவர் அலுவலகத்தை திறந்து வைத்த பின் ஊடகங்களுக்கு கருத்து தெரிவித்த போதே இவ்வாறு தெரிவித்தார். அவர் மேலும் தெரிவிக்கையில்,

உலகை அச்சுறுத்தும் கொரோனா இலங்கையிலும் பாதிப்பை ஏற்படுத்தியுள்ளது. ஜனாதிபதி கோட்டபாய ராஜபக்ஸவின் தலைமைத்துவத்திலும், பிரமதர் மஹிந்த ராஜபக்ஸவின் வழிகாட்டலிலும் முதல் கட்டத்தை வெற்றிகரமாக எதிர்கொண்டோம்.

அவர்கள் மீது இருந்த நம்பிக்கையாலும், பாதிப்புர்க்கள் குறைவாக இருந்தமையாலும் மக்கள் கவனயீனமாக இருந்து விட்டார்கள். இனி வரும் காலத்தில் இன்னும் கூடிய நடவடிக்கைகள் எடுத்து கொரோனாவை நிச்சயம் நாங்கள் கட்டுப்படுத்துவோம.

அதேநேரம் பாதிப்புக்குள்ளானவர்கள் அதில் இருந்து மீண்டு எழும் வகையிலும் நாம் பல திட்டங்களை முன்வைத்துள்ளோம்.
இதன்போது, அமெரிக்கா மற்றும் சீனா நாட்டு இராஜதந்திரிகள் இங்கு வந்து சென்றுள்ளமை தொடர்பில் ஊடகவியலாளர் ஒருவர் கேள்வி எழுப்பிய போது,

ஒவ்வொரு நாடுகளும் தமது நாட்டு நலன்களில் இருந்து கொண்டு தான் முடிவுகளை எடுப்பார்கள். அதேபோல் எமது நாடும் எங்களது நாட்டு நலன்களில் இருந்து கொண்டு அந்த முடிவுகளை எடுப்போம்.

எங்களைப் போன்ற நாடுகள் அபிவிருத்தி அடைந்த நாடுகளின் உதவிகளை எதிர்பார்த்திருக்கின்றன. எமது மக்களினதும், நாட்டினதும் நலன்களை முன்னிறுத்தியே உதவிகளைப் பெற்றுக் கொள்வோம்.

எமது நாட்டு ஜனாதிபதி மற்றும் பிரதமர் ஆகியோர் கடந்த கால ஆட்சியாளர்களைப் போல் அல்லாது எமது நாட்டு நலன்களை முன்னிறுத்தி தனித்துவமாவே செயற்படுவர் எனத் தெரிவித்தார்.

வவுனியா புளியங்குளத்தில் கைது செய்யப்பட்ட பூசகர் உள்ளிட்ட 15 பேருக்கும் சுய தனிமைப்படுத்தல்!!

புளியங்குளத்தில்..

வவுனியா, புளியங்குளம், பழையவாடி கிராமத்தில் வழிபாட்டில் ஈடுபட்ட நிலையில் பொலிசாரால் கைது செய்யப்பட்ட பூசகர் உள்ளிட்ட 15 பேரும் இன்று சுய தனிமைப்படுத்தப்பட்டுள்ளனர்.

கொவிட் – 19 தாக்கம் அதிகரித்து வரும் நிலையில் சுகாதார வழிமுறைகளைப் பின்பற்றாது வெளி மாவட்டவர்களுடன் இணைந்து வவுனியா, புளியங்குளம், பழையவாடி கிராமத்தில் உள்ள சிவ நாகதம்பிரான் ஆலயத்தில் வழிபாட்டில் ஈடுபட்டதாக நேற்று (31.10) பூசகர் உள்ளிட்ட 15 பேர் பொலிசாரால் கைது செய்யப்பட்டனர்.

குறித்த நபர்களிடம் தனிமைப்படுத்தல் சட்ட மீறலின் கீழ் வாக்கு மூலத்தைப் பெற்ற பொலிசார் கடும் எச்சரிக்கையின் 15 பேரையும் விடுவித்தனர். அத்துடன் குறித்த 15 பேரையும் அவர்களது வீடுகளில் சுய தனிமைப்படுத்தும் நடவடிக்கை சுகாதார பரிசோதகர்களால் மேற்கொள்ளப்பட்டது.

அந்தவகையில், கனகராயன்குளம் பகுதியில் இருவரும், வவுனியாவில் 8 பேரும், புளியங்குளத்தில் 5 பேரும் இவ்வாறு சுய தனிமைப்படுத்தலுக்கு உள்ளாக்கப்பட்டுள்ளனர்.

வவுனியா மாவட்ட அபிவிருத்திக் குழு இணைத்தலைவரின் அலுவலகம் திறந்து வைப்பு!!

வவுனியா மாவட்ட அபிவிருத்திக் குழு..

வவுனியா மாவட்ட அபிவிருத்திக் குழு இணைத்தலைவரின் அலுவலகம் கடற்தொழில் துறை அமைச்சர் டக்ளஸ் தேவானந்தாவினால் திறந்து வைக்கப்பட்டது.

வவுனியா, மன்னார் வீதியில் காமினி மகாவித்தியாலயத்திற்கு அருகாமையில் உள்ள இவ் அலுவலகத் திறப்பு விழா வவுனியா மாவட்ட அபிவிருத்திக் குழு இணைத்தலைவரும், வன்னி மாவட்ட பாராளுமன்ற உறுப்பினருமான கு.திலீபன் தலைமையில் இடம்பெற்றது.

பௌத்த மத குருமார்களின் ஆசிர்வாதத்துடன் இடம்பெற்ற இத் திறப்பு விழா நிகழ்வில் விளையாட்டு துறை மற்றும் இளைஞர் விவகார அமைச்சர் நாமல் ராஜபக்ஸவின் வன்னிக்கான இணைப்பாளர் பாலித, முன்னாள் பிரதி அமைச்சர் சுமதிபால, மாவட்ட அரச அதிபர் சமன்பந்துல சேன, மேலதிக அரசாங்க அதிபர் தி.திரேஸ்குமார்,

பிரதேச செயலாளர்களான இ.பிரதாபன், க.சிவகரன், ந.கமலதாசன், ஜனக்க, சிரேஸ்ட பொலிஸ் அத்தியட்சகர் சில்வா, வவுனியா உதவி பொலிஸ் அத்தியட்சகர் எம்.எஸ்.பி.மல்வலகே, வவுனியா பொலிஸ் நிலைய பொறுப்பதிகாரி மானாவடு, அரச அதிகாரிகள், கட்சி உறுப்பினர்கள் எனப் பலரும் கலந்து கொண்டனர்.

இலங்கையில் 21ஆவது கொரோனா மரணம் : தொடரும் மரணங்கள்!!

கொரோனா..

இலங்கையில் 21ஆவது கொரோனா மரணம் ஏற்பட்டுள்ளதாக அரசாங்க தகவல் திணைக்களம் தெரிவித்துள்ளது. நேற்றைய தினம் வெலிசர வைத்தியசாலையில் குறித்த மரணம் ஏற்பட்டுள்ளது.

உயிரிழந்தவர் 40 வயதுடைய ஆண் எனவும் அவர் மஹர பிரதேசத்தை சேர்ந்தவர் என குறிப்பிடப்படுகின்றது. அதிக இரத்த அழுத்தம் மற்றும் சுவாசம் தொடர்பான பிரச்சினை காரணமாக கடந்த 23ஆம் திகதி அவர் வைத்தியசாலையில் அனுமதிக்கப்பட்டார்.

முதலாவது PCR பரிசோதனையில் அவர் கொரோனா தொற்றாளர் இல்லை என தெரியவந்துள்ளது. எனினும் நேற்று உயிரிழந்த பின்னர் மேற்கொள்ளப்பட்ட PCR பரிசோதனையில் அவர் கொரோனா தொற்றாளர் என உறுதிப்படுத்தப்பட்டுள்ளதாக தொற்று நோய் விஞ்ஞான பிரிவு தெரிவித்துள்ளது.

இந்தத் தகவல்கள் சற்று முன்னர் அரச தகவல் திணைக்களம் வெளியிட்ட அறிக்கையில் குறிப்பிடப்பட்டுள்ளது.

பிரசவ வலிக்கு பயந்து 5 மாத கர்ப்பிணிப் பெண் எடுத்த விபரீத முடிவு : சோகத்தில் குடும்பம்!!

சுஷ்மிதா..

தமிழகத்தில், பிரசவ நேரத்தில் வலி அதிகமாக இருக்குமோ என்று எண்ணி 5 மாத கர்ப்பிணி பெண் மண்எண்ணெய் ஊற்றி த ற் கொ லை செ ய் து கொ ண்ட சம்பவம் பெரும் சோகத்தை ஏற்படுத்தியுள்ளது.

சென்னை புதுவண்ணாரப்பேட்டையை சேர்ந்தவர் நாகராஜ். கார்பெண்டர் வேலை செய்து பவரும் இவருக்கு சுஷ்மிதா என்ற மனைவி உள்ளார். சுஷ்மிதா தற்போது ஐந்து மாத கர்ப்பிணியாக இருந்தார். கர்ப்பமான சமயத்தில் இருந்தே சுஷ்மிதாவுக்கு வயிற்று வலி அடிக்கடி வந்துள்ளது.

இதை பற்றி வீட்டில் இருப்பவர்களிடம் சொல்லவும், இந்த மாதிரி நேரததில் அப்படித்தான் இருக்கும், கொஞ்சம் பொறுத்து கொள்ளும்படியும் ஆறுதல் தெரிவித்துள்ளனர்.

ஆனால் பிரசவ வலிக்கு பயந்துபோன சுஷ்மிதா, சம்பவத்தன்று அதே பகுதியில் உள்ள தன்னுடைய அம்மா வீட்டுக்கு சென்றார். பிறகு அங்கிருந்த ஒரு அறைக்குள் நுழைந்து திடீரென தனது உடலில் மண்ணெண்ணையை ஊற்றி கொண்டு தீ வைத்து கொண்டார்.

உடல் முழுவதும் தீப்பிடித்து கொண்டு பற்றி எரிந்தது. வலி தாங்காமல் சுஷ்மிதா அலற, அவரது சத்தம் கேட்டு குடும்பத்தினரும், அக்கம்பக்கத்தினரும ஓடிவந்தனர்.

நெருப்பில் வெந்து கொண்டிருந்த மகளை மீட்டு கீழ்ப்பாக்கம் அரசு மருத்துவமனையில் சேர்த்தனர். இருப்பினும் மருத்துவர்கள் போராடியும் சுஷ்மிதாவை காப்பாற்ற முடியவில்லை. சிகிச்சை பலனின்றி இறந்துவிட்டார். இதுகுறித்து புதுவண்ணாரப்பேட்டை பொலிசார் வழக்குப்பதிவு செய்து விசாரித்து வருகின்றனர்.

4 ஆண்டு காதல் : காதலனின் முடிவால் பரிதாபமாக உயிரைவிட்ட இளம் பெண்!!

ஜாய்ஸ் பிரியா..

தமிழகத்தில் இளம் பெண் ஒருவர் காதலன் திருமணம் செய்ய மறுத்ததால், மனமுடைந்து த ற் கொ லை செ ய் து கொண்ட சம்பவம் குடும்பத்தினரிடையே பெரும் சோ கத்தை ஏற்படுத்தியுள்ளது.

திருப்பத்தூர் மாவட்டம் ஆம்பூர் அடுத்த சின்னவரிகம் பகுதியை சேர்ந்த தம்பதி பன்னீர்-மரியா. இவர்களுக்கு ஜாய்ஸ் பிரியா என்ற மகள் இருந்தார்.

ஜாய்பிரியா சென்னையில் உள்ள தனியார் மருத்துவமனையில் ஆபரேஷன் தியேட்டரில் தொழில்நுட்ப வல்லுனராக பணிபுரிந்து வந்தார். இவரும் பெரியவரிகம் பகுதியை சேர்ந்த பரத் என்ற இளைஞரும் கடந்த 4 ஆண்டுகளாக காதலித்து வந்துள்ளனர்.

இந்நிலையில், பரத், ஜாய்ஸ் பிரியாவை திருமணம் செய்துகொள்ள மறுத்ததாக கூறப்படுகிறது. இதனால் மனமுடைந்த ஜாய்ஸ் பிரியா தனது வீட்டில் தூ க் கி ட் டு த ற் கொ லை செ ய் து கொ ண்டார்.

இதுகுறித்து தகவலறிந்து வந்த உமராபாத் பொலிசார் இ றந்தவரின் உ ட லை கைப்ப ற்றி பி ரேத ப ரிசோ தனைக்காக அரசு மருத்துவமனைக்கு அனுப்பி வைத்தனர். இதுகுறித்து வழக்குப்பதிவு செய்து விசாரணை மேற்கொண்டனர்.

தனது மகளை 4 ஆண்டுகளாக காதலித்து திருமணம் செய்ய மறுத்த இளைஞர் பரத் மீது நடவடிக்கை எடுக்ககோரி ஜாய்ஸ் பிரியாவின் தந்தை பன்னீர் காவல் நிலையத்தில் புகார் அளித்துள்ளார். அதன்பேரில் பொலிசார் தலைமறைவான பரத்தை தேடி வருகின்றனர்.

 

ஒருவர் தும்மினால் கொரோனா வைரஸ் துகள்கள் மில்லியன் கணக்கானவையாக பரவும் அபாயம்!!

கொரோனா வைரஸ்..

கொவிட்-19 வைரஸ் தொற்று நாடு முழுவதிலும் பரவக்கூடிய அபாயம் காணப்படுவதாக சுகாதார அமைச்சின் செயலாளர் மேஜர் ஜெனரல் நிபுணத்துவ மருத்துவர் சஞ்சீவ முணசிங்க தெரிவித்துள்ளார். கொவிட்-19 நோய்த் தொற்று நிலைமைகள் குறித்து விளக்கம் அளித்த போது அவர் இதனைத் தெரிவித்துள்ளார்.

மார்ச் மாதம் பரவிய வைரஸ் தொற்றின் போது ஒருவர் தும்மினால் நூற்றுக்கான வைரஸ் துகள்கள் பரவியிருந்தால் இம்முறை இந்த வைரஸ் துகள்களின் எண்ணிக்கை மில்லியன் கணக்கானவையாக பரவும் அபாயம் உண்டு என தெரிவித்துள்ளார்.

ஏதேனும் நோய்கள் உள்ளவர்கள், வயது முதிர்ந்தவர்கள் மிகவும் அவதானமாக இருக்க வேண்டியது இன்றியமையாதது என அவர் சுட்டிக்காட்டியுள்ளார்.

எவ்வளவு முடியுமோ அவ்வளவு வீடுகளிலேயே இருப்பது மிகவும் உசிதமானது எனவும், இதன் மூலம் வைரஸ் தொற்று நாடு முழுவதிலும் பரவுவதனை தடுக்கக்கூடிய சாத்தியம் காணப்படுகின்றதெனவும் அவர் சுட்டிக்காட்டியுள்ளார்.

நோய் அறிகுறிகள் காணப்பட்டால் கூடிய சீக்கிரம் வைத்தியசாலைக்கு அறிவித்து பரிசோதனை செய்து கொள்ள வேண்டுமெனவும், அங்கும் இங்கும் செல்வதனை தவிர்த்துக் கொள்ள வேண்டுமெனவும் அவர் வலியுறுத்தியுள்ளார்.

 

வவுனியா கண்டி வீதியில் புதிதாக அமுல்படுத்தப்படும் போக்குவரத்து நடைமுறை!!

போக்குவரத்து நடைமுறை..

வவுனியா கண்டி வீதியில் அதிகரித்து வரும் வீதி விபத்துக்களை கட்டுப்படுத்தும் முகமாக வவுனியா போக்குவரத்து பொலிஸாரினால் புதிய நடைமுறை அமுல்படுத்தப்பட்டுள்ளது.

வவுனியா மணிக்கூட்டு கோபுர சந்தியிலிருந்து வன்னி மாவட்ட பிரதி பொலிஸ் மா அதிபர் காரியாலயம் வரையிலான பகுதியில் தினசரி 3க்கு மேற்பட்ட விபத்துக்கள் இடம்பெறுகின்றன.

இதனையடுத்து அதனை கட்டுப்படுத்தும் முகமாக வவுனியா போக்குவரத்து பொலிஸ் நிலைய பொறுப்பதிகாரி காமினி திஸாநாயக்க ஆலோசனைக்கமைய கண்டி வீதியில் புதிய நடைமுறை அமுல்படுத்தப்பட்டுள்ளது.

வவுனியா மணிக்கூட்டு கோபுர சந்தியிலிருந்து வன்னி மாவட்ட பிரதி பொலிஸ் மா அதிபர் காரியாலயம் வரையிலான வீதிப்பகுதியில் வாகனம் முந்திச்செல்ல தடை விதிக்கப்பட்டு சுமார் 1கிலோ மீற்றர் தூரத்திற்கு வீதியில் தொடர் வெள்ளைக்கோடு இடப்பட்டுள்ளது.

அத்துடன் அதிக விபத்துக்கள் இடம்பெறும் இடம் அவதானமாக வாகனத்தினை செலுத்தவும் என்ற வாசகத்தை தாங்கிய விளம்பர பலகையும் வைக்கப்பட்டுள்ளது.

 

வவுனியாவில் குளத்திலிருந்து மீட்கப்பட்ட ஆயுதங்கள்!!

குளத்திலிருந்து..

வவுனியா பொன்னரசங்குளம் ஈச்சங்குளம் குளப்பகுதியில் இருந்து துப்பாக்கி மற்றும் கைக்குண்டுகளை பொலிசார் இன்று (01.11.2020) காலை மீட்டுள்ளனர்.

குறித்த பகுதியில் ஆயுதங்கள் இருப்பதாக தேசிய புலனாய்வுபிரிவிற்கு கிடைத்த தகவலிற்கமைய நீதிமன்ற அனுமதியுடன் அப்பகுதிக்கு சென்ற வவுனியா பொலிசார் மண் அகலப்பயன்படும் இயந்திரம் மூலம் நிலத்தை தோண்டி தேடுதலில் ஈடுபட்டனர்.

இதன்போது மண்ணில் புதையுண்ட நிலையில் காணப்பட்ட ரி56 ரக துப்பாக்கி மற்றும் 6 கைக்குண்டுகள் ,மற்றும் இரண்டு மகசின்களை பொலிசார் மீட்டனர். மீட்கப்பட்ட கைக்குண்டுகள் விசேட அதிரடிபடையினரால் செயலிழக்கச் செய்யப்பட்டமையும் குறிப்பிடத்தக்கது.

ஊரடங்கு தொடர்பில் வெளியான செய்தி!!

ஊரடங்கு தொடர்பில்..

மேல் மாகாணத்தில் அமுல்படுத்தப்பட்டுள்ள தனிமைப்படுத்தல் ஊரடங்கு சட்டம் எதிர்வரும் 9 ஆம் திகதி அதிகாலை 5 மணி வரை நீடிக்கப்படவுள்ளதாக இராணுவ தளபதி லெப்டினன் ஜெனரல் சவேந்திர சில்வா தெரிவித்துள்ளார்.

கொவிட் 19 பரவலை கட்டுப்படுத்தும் செயலணியில் தற்போது இடம்பெற்று வரும் ஊடக சந்திப்பில் கலந்து கொண்ட போதே அவர் இதனைக் குறிப்பிட்டுள்ளார்.

இரத்தினபுரி மாவட்டத்தில் எஹலியகொடை மற்றும்; குருநாகல் மாவட்டத்தில் குளியாபிட்டிய ஆகிய காவல்துறை அதிகார பிரதேசங்களிலும் தனிமைப்படுத்தல் ஊரடங்கு சட்டம் எதிர்வரும் 9 ஆம் திகதி அதிகாலை 5 மணி வரை அமுல்படுத்தப்பட்டுள்ளதாக அவர் குறிப்பிட்டுள்ளார்.

வவுனியா வைத்தியசாலையில் இருந்து இரு வைத்தியர் மற்றும் 10 தாதியர்களை பொலனறுவை கொரோனா வைத்தியசாலைக்கு வருமாறு அழைப்பு!!

வவுனியா வைத்தியசாலையில் இருந்து இரு வைத்தியர் மற்றும் 10 தாதியர்களை பொலனறுவை கொரோனா வைத்தியசாலைக்கு கடமைக்கு வருமாறு சுகாதார அமைச்சினால் அறிவுறுத்தல் வழங்கப்பட்டுள்ளது.

வவுனியா வைத்தியசாலையில் வைத்தியர்கள், தாதியர்கள் பற்றாக்குறையாகவுள்ளனர். இவ்வாறான நிலையில் பொலநறுவையில் உள்ள கொரோனா நோயாளர் வைத்தியசாலைக்கு வவுனியா வைத்தியசாலையில் இருந்து வைத்தியர், தாதியர்களை அவசரமாக அழைக்கப்பட்டுள்ளனர்.

வவுனியா வைத்தியசாலையில் இருந்து இரு வைத்தியர், 10 தாதியர்கள் பொலநறுவையில் உள்ள கொரோனா வைத்தியசாலைக்கு இவ்வாறு அழைக்கப்பட்டுள்ளனர்.

இவர்கள் 14 நாட்கள் அங்கு கடமை புரிந்த பின்பு, 14 நாட்கள் சுய தனிமைப்படுத்தலுக்கு உள்ளாக்கப்படுவர். இவர்கள் மீண்டும் வவுனியா வைத்தியசாலைக்கு வந்த பின்னர் அடுத்த குழு செல்ல வேண்டும் என தெரிவிக்கப்பட்டுள்ளது.

வவுனியா கூமாங்குளம் இளைஞரின் கொரோனா தொற்று பீ.சி.ஆர் முடிவுகள் வெளியாகியது!!

வவுனியா கூமாங்குளம் பகுதியைச் சேர்ந்த இளைஞர் ஒருவர் நேற்று முன்தினம் (30.10.2020) கொரோனா தொற்று சந்தேகத்தில் வவுனியா வைத்தியசாலையில் அனுமதிக்கப்பட்டு பிசீஆர் பரிசோதனை மேற்கொள்ளப்பட்டது.

அதன்முடிவு நேற்று (31.10) இரவு வெளியாகிய நிலையில் பிசீஆர் பரிசோதனையில் கொரோனா தொற்று இல்லை என வெளியாகியுள்ளதாக வவுனியா வைத்தியசாலையின் பணிப்பாளர் தெரிவித்துள்ளார்.

குறித்த நபர் அண்மையில் கொழும்பு சென்று வந்திருந்தமையினால் தனிமைப்படுத்தப்பட்டு பிசீஆர் பரிசோதனை மேற்கொள்ளப்பட்டது குறிப்பிடத்தக்கது

இலங்கையின் நேற்று மட்டும் 633 பேருக்கு கொரோனா தொற்று உறுதி!!

கொரோனா தொற்று..

இலங்கைக்குள் நேற்று மாத்திரம் 633 கொரோனா தொற்றாளிகள் கண்டறியப்பட்டனர். முன்னதாக நேற்று மாலை 314 தொற்றாளிகள் கண்டறியப்பட்டதாக அறிவிக்கப்பட்டது.

இதில் 55 பேர் தனிமைப்படுத்தல் நிலையங்களில் இருந்தும் 259 பேர் தொற்றாளிகளின் இணைப்புக்களில் இருந்து கண்டறியப்பட்டதாக தெரிவிக்கப்பட்டது. இதனையடுத்து நேற்று இரவில் மேலும் 319 தொற்றாளிகளின் அறிக்கை வெளியானது.

இதில் 83 பேர் தனிமைப்படுத்தல் நிலையங்களில் இருந்தும் 236 பேர் தொற்றாளிகளின் தொடர்புகளில் இருந்தும் கண்டறியப்பட்டதாக அறிவிக்கப்பட்டது.

இதனையடுத்து நாட்டுக்குள் கொரோனா தொற்றாளிகளின் மொத்த எண்ணிக்கை 10424ஆகஉயர்ந்துள்ளது. 6123 பேர் மருத்துவமனைகளில் சிகிச்சைகளுக்காக அனுமதிக்கப்பட்டுள்ளனர். 4282பேர் தொற்றில் இருந்து முழுமையாக குணமடைந்துள்ளனர்.

வட மாகாணத்தில் 9 பேருக்கு கொரோனா உறுதி : வைத்தியர் த.சத்தியமூர்த்தி!!

கொரோனா..

யாழ்ப்பாண மாவட்டத்தில் 6 பேருக்கும், முல்லைத்தீவு மாவட்டத்தில் 3 பேரும் என வடக்கு மாகாணத்தில் 9 பேருக்கு கொரோனா வைரஸ் உள்ளமை உறுதிசெய்யப்பட்டுள்ளது.

யாழ். மாவட்டத்தின் வேலணை சுகாதார மருத்துவ அதிகாரி பிரிவில் 3 பேருக்கும், உடுவில் மருத்துவ அதிகாரி பிரிவில் 2 பேருக்கும், யாழ். மாநகர சுகாதார மருத்துவ அதிகாரி பிரிவில் ஒருவருக்கும் தொற்று உள்ளமை உறுதி செய்யப்பட்டுள்ளது.

யாழ். போதனா வைத்தியசாலைப் பணிப்பாளர் மருத்துவர் த.சத்தியமூர்த்தி இதனை தெரிவித்துள்ளார். யாழ்ப்பாணம் – உடுவிலில் தாய் மற்றும் 10 அகவையைக்கொண்ட மகளுக்கும் கொரோனா வைரஸ் தொற்று உறுதி செய்யப்பட்டுள்ளது.

கொழும்பு – மாளிகாவத்தையில் வசிக்கும் பெண் தனது மகளுடன், உடுவில் அம்பலவாணர் வீதியில் உதயசூரியன் சந்தியில் வசிக்கும் தனது தாயாரின் வீட்டில் வந்து தங்கியிருந்த வேளை பொதுச் சுகாதாரப் பரிசோதகரால் தனிமைப்படுத்தப்பட்டனர்.

அவர்களிடம் நேற்று முன்தினம் மாதிரிகள் பெறப்பட்டன. அவை பி.சி.ஆர் பரிசோதனைக்கு உட்படுத்தப்பட்ட நிலையில் நேற்றிரவு அவர்கள் இருவருக்கும் கொரோனா தொற்று உள்ளமை உறுதிப்படுத்தப்பட்டுள்ளது.

மாளிகாவத்தையில் வர்த்தகத்தில் ஈடுபடும் கணவருக்கு கொரோனா வைரஸ் தொற்று உள்ளமை கண்டறியப்பட்டு சிகிச்சையளிக்கப்பட்டு வரும் நிலையிலேயே பெண் தனது மகளுடன் உடுவிலில் உள்ள தாயார் வீட்டுக்கு வந்து தங்கியுள்ளனர். இந்த நிலையில் கொரோனா தொற்றால் பாதிக்கப்பட்ட பெண்ணின் தந்தை, தாயார் மற்றும் சகோதரி தொடர்ந்து தனிமைப்படுத்தப்பட்டுள்ளனர்.

அவர்கள் மூவருக்கும் பி.சி.ஆர் பரிசோதனை நடத்த நடவடிக்கை எடுக்கப்பட்டுள்ளதாக அதிகாரிகள் தெரிவித்தனர். கொழும்பு – வெள்ளவத்தையில் இயங்கும் விருந்தக உரிமையாளருக்கு கொரோனா தொற்று உறுதிப்படுத்தப்பட்டது.

இந்தநிலையில் அங்கு பணியாற்றிய புங்குடுதீவைச் சேர்ந்த இருவர், வேலணையில் ஒருவர் மற்றும் யாழ்ப்பாணத்தில் ஒருவர் என்று நான்கு பேருக்கு கொரோனா தொற்று உறுதிப்படுத்தப்பட்டுள்ளது.

 

லொறி மோதியதில் தூக்கி வீசப்பட்ட சிறுவன் வைத்தியசாலையில்!!

விபத்து..

திருகோணமலை – ஹொரவபொத்தானை பிரதான வீதியின் நொச்சிகுளம் பகுதியில் இடம்பெற்ற விபத்தில் சிறுவனொருவன் படுகாயமடைந்துள்ளார். குறித்த விபத்துச் சம்பவம் நேற்று (30.10.2020) பிற்பகல் இடம்பெற்றுள்ளதாக பொலிஸார் தெரிவித்துள்ளனர்.

திருகோணமலையிலிருந்து மணல் ஏற்றிக்கொண்டு அநுராதபுரம் சென்ற லொறியொன்று சிறுவன் பயணித்த துவிச்சக்கரவண்டியுடன் மோதிய நிலையில் சிறுவன் கானிற்குள் தூக்கி வீசப்பட்டதில் காயமடைந்துள்ளார்.

இதேவேளை சிறுவனை காப்பாற்ற முற்பட்ட லொறியின் சாரதி லொறியை மறுபக்கம் திருப்பியமையினால் லொறியும் வீதியை விட்டு விலகி விபத்துக்குள்ளாகியுள்ளது.

சம்பவத்தில் காயமடைந்த சிறுவன் மஹதிவுல்வெவ பிரதேச வைத்தியசாலையில் அனுமதிக்கப்பட்டு மேலதிக சிகிச்சைக்காக திருகோணமலை பொது வைத்தியசாலைக்கு மாற்றப்பட்டுள்ளார்.

விபத்தில் மஹதிவுல்வெவ – புபுதுபுர பகுதியைச் சேர்ந்த மதுரங்க மலித் (15 வயது) என்ற சிறுவனே காயமடைந்துள்ளார். சாரதிக்கு ஏற்பட்ட தூக்க கலக்கமே விபத்திற்கு காரணம் என தெரிவிக்கப்படும் நிலையில் சம்பவம் தொடர்பில் ஹோமாகம பகுதியைச் சேர்ந்த 40 வயதுடைய சாரதியே கைது செய்யப்பட்டுள்ளார்.

விபத்து தொடர்பான மேலதிக விசாரணைகளை மொரவெவ பொலிஸார் மேற்கொண்டு வருகின்றமை குறிப்பிடத்தக்கது.

வவுனியா பொது சுகாதார பரிசோதகர்களுக்கு மோட்டார் சைக்கிள்கள் வழங்கி வைப்பு!!

மோட்டார் சைக்கிள்கள்..

கொவிட் -19 தொற்று கட்டுப்பாட்டு நடவடிக்கையை துரிதப்படுத்தும் முகமாக வவுனியா மாவட்ட சுகாதார பரிசோதகர்களுக்கு மோட்டார் சைக்கிள்கள் வழங்கி வைக்கப்பட்டது.

மாவட்ட பிராந்திய சுகாதார சேவைகள் திணைக்களத்தில் நேற்று (30.10.2020) இந்நிகழ்வு இடம்பெற்றது.

கொவிட்-19 நோய் தொற்றை தடுக்கும் வகையில் தமது உயிரைப் பணயம் வைத்து அர்ப்பாணிப்புடன் செயலாற்றும் பொது சுகாதார பரிசோதர்களுக்கு அரசாங்கத்தின் திட்டத்திற்கு அமைவாக மத்திய வங்கியின் நிதி உதவியில் சுகாதார அமைச்சினால் தெரிவு செய்யப்பட்ட பொது சுகாதார பரிசோதகர்களுக்கும் மோட்டார் சைக்கிள்கள் வழங்கி வைக்கப்பட்டு வருகின்றது.

அதனடிப்படையில் வவுனியாவில் தெரிவு செய்யப்பட்ட 12 சுகாதார பரிசோதகர்களுக்கு இவ்வாறு மோட்டார் சைக்கிள்கள் வழங்கி வைக்கப்பட்டது. 3 இலட்சத்து 80 ஆயிரம் ரூபாய் பெறுமதியான அப்பாச்சி ரக மோட்டர் சைக்கிள்களே இவ்வாறு வழங்கி வைக்கப்பட்டன.

வவுனியா பிராந்திய சுகாதார சேவைகள் பணிப்பாளர் எம்.மகேந்திரன், தொற்று நோயியல் வைத்திய நிபுணர் எஸ்.லவன், ஆகியோரினால் இவ் மோட்டார் சைக்கிள்கள் சுகாதார பரிசோதகர்களிடம் கையளிக்கப்பட்டது.

இந்நிகழ்வில் வைத்தியர்கள், பிராந்திய சுகாதார சேவைகள் திணைக்கள உத்தியோகத்தர்கள், பொது சுகாதார பரிசோதகர்கள் எனப் பலரும் கலந்து கொண்டனர்.