மனைவி மீது எழுந்த சந்­தே­கத்தின் கார­ண­மாக மனை­வியின் பிறப்­பு­றுப்பை நெருப்­பினால் சுட்­டுப்­பொ­சுக்­கிய கணவர் ஒரு­வரை அகு­ரெஸ்ஸ பொலிஸார் கைது செய்­துள்­ளனர்.

இரண்டு பிள்­ளை­களின் தாயான இப்பெண் மீது அவ­ரது கண­வ­ருக்கு அதீத சந்­தேகம் ஏற்­பட்­ட­மையால் இரு­வ­ருக்­கி­டையில் தொடர்ந்தும் சண்டை, சச்­ச­ர­வுகள் ஏற்­பட்டு வந்­துள்­ளன.

சம்­பவ தினத்­தன்று காலை சந்­தே­க­நபர், தனது பிள்­ளைகள் இரு­வ­ரையும் பாட­சா­லையில் விட்­டு­விட்டு வீடு திரும்­பி­யி­ருந்த போது வீட்டு வாசலை சுத்தம் செய்­து­கொண்­டி­ருந்த மனை­வியை சந்­தேக கண்­கொண்டு பார்த்­த­துடன் அவர் மீது தாக்­குதல் நடத்­தி­ய­துடன் நிர்­வாண­மாக்கி விறகு கட்­டையை எடுத்து பிறப்­பு­றுப்பில் சூடு வைத்­துள்ளார்.

அதன்­போது, தனது கண­வனின் பிடி­யி­லி­ருந்து தப்­பிச்­சென்ற அப்பெண் அக்கு­ரெஸ்ஸ பொலிஸ் நிலை­யத்­துக்கு சென்று தனது கண­வரின் பெயரில் முறைப்­பாடு செய்­துள்ளார்.

பின்னர் அவரை பொலிஸார் வைத்திய ­சா­லையில் அனு­ம­தித்­துள்­ளனர். இச்­சம்­பவம் தொடர்பில் பெண்ணின் கணவர் கைது செய்யப்பட்டுள்ள அதேவேளை, அக்குரெஸ்ஸ பொலிஸார் மேலதிக விசாரணைகளை மேற்கொண்டுவருகின்றனர்.

மன்­னா­ரி­லி­ருந்து இடம்­பெ­யர்ந்த முஸ்லிம் மாண­வியின் இடை­நி­றுத்தி வைக்­கப்­பட்­டுள்ள க.பொ.த. உயர்­தர பரீட்சை பெறு­பே­று­களை உட­ன­டி­யாக வெளி­யி­டு­மாறு பிர­தம நீதி­ய­ரசர் பிரசாத் டெப் உத்­த­ர­விட்­டுள்ளார்.

சிரேஷ்ட சட்­டத்­த­ரணி எம்.நிஸாம் காரி­யப்பர் ஊடாக குறித்த மாணவி உச்ச நீதி­மன்­றத்தில் தாக்கல் செய்­தி­ருந்த மனு நேற்று திங்­கட்­கி­ழமை விசா­ர­ணைக்கு எடுத்துக் கொள்­ளப்­பட்­ட­போதே பிர­தம நீதி­ய­ரசர் இந்த உத்­த­ரவைப் பிறப்­பித்­துள்ளார்.

சிரேஷ்ட சட்­டத்­த­ரணி எம்.நிஸாம் காரி­யப்பர் இம்­மனு மீதான வாதத்­தின்­போது குறிப்­பி­டு­கையில், இம்­மா­ணவி மன்னார் மாவட்­டத்தில் பிறந்து, அங்­கி­ருந்து இடம்­பெ­யர்ந்த நிலையில் அநு­ரா­த­புரம் மாவட்­டத்தில் தரம் ஐந்து வரை கல்வி கற்­றுள்­ள­துடன் பின்னர் கொழும்பு மாவட்­டத்தில் கல்­வியைத் தொடர்ந்து அங்­கேயே க.பொ.த. சாதா­ரண தரப் பரீட்­சையை எழு­தி­யி­ருக்­கிறார்.

பின்னர் இம்­மா­ண­வியின் பெற்றோர் மன்­னாரில் மீளக்­கு­டி­யே­றி­ய­தனால் இவர் மன்­னாரில் க.பொ.த. உயர்­தரப் படிப்பை மேற்­கொள்ள முயற்­சித்த போதிலும் அங்கு வச­தி­யீனம் கார­ண­மாக அனு­ரா­த­புரம் மாவட்­டத்­தி­லுள்ள பாட­சாலை ஒன்றில் சேர்ந்து கல்வி கற்­றுள்ளார்.

இதன் நிமித்­தமே இம்­மா­ணவி கடந்த 2016ஆம் ஆண்டு அநு­ரா­த­புரம் மாவட்­டத்­தி­லி­ருந்து க.பொ.த. உயர்­தரப் பரீட்­சைக்கு தோற்­றி­யி­ருக்­கிறார்.

எனவே பிறி­தொரு மாவட்­டத்தில் பரீட்­சைக்கு தோன்­றினார் எனத் தெரி­வித்து, இவ­ரது பரீட்சைப் பெறு­பே­றுகள் இடை­நி­றுத்தி வைக்­கப்­பட்­டி­ருப்­ப­தா­னது அநீதி என்­ப­துடன் இவ­ரது அடிப்­படை உரி­மையை மீறு­கின்ற செய­லு­மாகும் என சுட்­டிக்­காட்­டி­யி­ருந்தார்.

இந்த விவா­தத்தை செவி­ம­டுத்த பிர­தம நீதி­ய­ரசர் பிரசாத் டெப், குறித்த மாண­வியின் க.பொ.த. உயர்­தரப் பரீட்சை பெறு­பே­று­களை உட­ன­டி­யாக வெளி­யிட்டு அவ­ரது பாட­சா­லைக்கு அனுப்பி வைக்­கு­மாறு பரீட்­சைகள் ஆணை­யா­ள­ருக்கு உத்­த­ர­விட்­ட­துடன் இம்­மா­ண­விக்கு எந்த மாவட்­டத்­தி­லி­ருந்து பல்­க­லைக்­க­ழக அனு­ம­தியை வழங்க வேண்டும் என தீர்­மா­னித்துக் கொள்­ளு­மாறும் அறி­வித்தார்.

இவ்­வ­ழக்கின் மனு­தாரர் சார்பில் சிரேஷ்ட சட்­டத்­த­ரணி எம்.நிஸாம் காரி­யப்­ப­ருடன் சட்­டத்­த­ரணி எம்.எம்.நவாஸ் ஆஜ­ரா­கி­யி­ருந்தார்.  பிர­தி­வா­திகள் சார்பில் சிரேஷ்ட சட்­டத்­த­ரணி பி.சுரேகா ஆஜராகியிருந்தார்.

இரத்தினபுரி – கிரியெல்ல, பஹலகம பகுதியில் மனைவியை தாக்க முயன்ற கணவர் ஒருவர் உயிரிழந்துள்ளார். குறித்த கணவன், மனைவிக்கு இடையில் ஏற்பட்ட மோதல் காரணமாக கணவன் மனைவியை தாக்க முயன்றுள்ளார்.

இந்நிலையில் குறித்த இடத்திலிருந்த அயலவர்கள் குறித்த கணவனை தாக்கியதில் அவர் உயிரிழந்துள்ளார். உயிரிழந்தவர் 23 வயதுடைய அதே பகுதியைச் சேர்ந்தவரென தெரிவிக்கப்பட்டுள்ளது.

இந்நிலையில் சம்பவம் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.

மீகஹதென்னயில் நேற்று இடம்பெற்ற கோரவிபத்தொன்றில் காதலர்கள் இருவரும் உயிரிழந்துள்ளதாக தெரிவிக்கப்படுகின்றது. மீகஹதென்ன, நெளுஹேன பகுதியில் நேற்று மாலை இடம்பெற்ற விபத்தில் இவர்கள் உயிரிழந்துள்ளனர்.

ஹொரவெல நோக்கி பயணித்த மோட்டார் சைக்கிள் எதிர்பக்கத்தில் வந்த டிப்பென்டர் வாகனத்துடன் மோதுண்டதில் இந்த விபத்து ஏற்பட்டுள்ளது.

விபத்தில் படுகாயமடைந்த இளைஞர் ஸ்தலத்தில் உயிரிழந்துள்ளார். விபத்தில் காயமடைந்த யுவதியை நாகொட வைத்தியசாலையில் அனுமதிக்கப்பட்டதன் பின்னர் உயிரிழந்துள்ளார்.

பெலவத்தை பிரதேசத்தை சேர்ந்த 26 வயதான தனுஜ குடாஆராச்சி என்ற இளைஞம், மீகாஹதென்ன பிரதேசத்தை சேர்ந்த அவரது காதலியான 21 வயதான யுவதியுமே இவ்வாறு உயிரிழந்துள்ளனர்.

விபத்தினால் இருவரது நண்பர்களும் சோகத்தில் உள்ளதாகவும், பேஸ்புக் பக்கம் முழுவதும் அவர்களது சோகத்தை வெளிப்படுத்தியுள்ளனர்.

முகநூலில் அறிமுகமான அக்கா, தங்கையின் வாழ்வை சீரழித்த இளைஞர்கள் இருவர் விளக்கமறியலில் வைக்கப்பட்டுள்ளனர்.

வெல்லம்பிட்டி, வடுகொடவத்தை பிரதேசத்தை சேர்ந்த ரசாஞ்சன என்ற ஜனக்க சுதர்ஷன மற்றும் ஜேசுபால என்ற தில்ஷான் ஆகிய இளைஞர்களே இவ்வாறு விளக்கமறியலில் வைக்கப்பட்டுள்ளனர். இது குறித்து தெரியவருவதாவது,

முகநூலில் அறிமுகமான அக்கா மற்றும் தங்கையின் நிர்வாணப் படங்களை இணையத்தளத்தில் வெளியிடப் போவதாக கூறி இரண்டு இளைஞர்கள் அவர்களை பாலியல் துஷ்பிரயோகத்திற்கு உட்படுத்தியுள்ளனர்.

இந்நிலையில் கைது செய்யப்பட்டு நீதிமன்றத்தில் முன்னிலைப்படுத்தப்பட்ட குறித்த இரண்டு இளைஞர்களையும் எதிர்வரும் 23 ஆம் திகதி வரை விளக்கமறியலில் வைக்குமாறு கொழும்பு பிரதான நீதவான் லால் ரணசிங்க பண்டார உத்தரவிட்டுள்ளார்.

பாதிக்கப்பட்ட பெண்கள் குற்றப் புலனாய்வு திணைக்களத்தில் செய்த முறைப்பாட்டுக்கு அமைய இவர்கள் கைது செய்யப்பட்டுள்ளனர்.

பிறந்த நாள் பரிசாக தந்தை வழங்கிய நவீன தொலைபேசியில் முகநூலை பயன்படுத்திய போது முதல் பெண்ணுக்கு ஒரு இளைஞன் அறிமுகமாகியுள்ளார்.

இளைஞனின் கோரிக்கைக்கு அமைய பெண் தனது நிர்வாணப் புகைப்படத்தை வழங்கியுள்ளார். அதனை இணையத்தளத்தில் பதிவேற்ற போவதாக கூறி அச்சுறுத்தி பணத்தையும் பெற்றுள்ளதாக குற்றப் புலனாய்வு திணைக்கள அதிகாரிகள் நீதிமன்றத்தில் தெரிவித்தனர்.

இதனையடுத்து பெண்ணின் தங்கையுடன் உரையாடியுள்ள சந்தேக நபர் அக்காவின் புகைப்படத்தை இணையத்தளத்தில் பதிவேற்ற போவதாக கூறியுள்ளார்.

அக்காவை காப்பற்ற முன்வந்த தங்கையை கிரிபத்கொட பிரதேசத்தில் உள்ள விடுதி ஒன்றுக்கு அழைத்துச் சென்று இரு இளைஞர்கள் பாலியல் வல்லுறவுக்கு உட்படுத்தியுள்ளதாக விசாரணைகளில் தெரியவந்ததாக அதிகாரிகள் கூறியுள்ளனர்.

இது தொடர்பாக மேலதிக விசாரணைகளை மேற்கொள்வதாக கூறிய குற்றப் புலனாய்வு திணைக்கள அதிகாரிகளின் கோரிக்கையை ஏற்றுக்கொண்ட நீதவான், சந்தேக நபர்களை விளக்கமறியலில் வைக்குமாறு உத்தவிட்டதுடன் விசாரணைகளின் முன்னேற்றத்தை நீதிமன்றத்திற்கு தெரியப்படுத்துமாறு உத்தரவிட்டுள்ளார்.

தான் வடிவமைத்த ஏவுகணைக்கு “அகரன்” என்று தமிழில் பெயர் சூட்டியுள்ள ஈழத்தமிழர் ஒருவர் குறித்து தகவல் வெளியாகியுள்ளது.

அமெரிக்காவில் விண்பொறியியல் ஆய்வுக்கல்வி மாணவர் ர.ரணேந்திரன் தனது கற்கை நெறி திட்டத்திற்காக வடிவமைத்த ஏவுகணை ஒன்றுக்கே “அகரன்” என பெயரிட்டுள்ளார்.

இது குறித்த செய்திகளும், காணொளிகளும் சமூக வலைதளங்களில் வைரலாக பரவி வருகின்றமை குறிப்பிடத்தக்கது. அத்துடன், இவரின் திட்டத்திற்கு பலரும் பாராட்டு தெரிவித்துள்ளமை குறிப்பிடத்தக்கது.