கல்விப் பொதுத் தராதார உயர்தரப் பரீட்சைக்கு தோற்றிய மாணவர்களில் 100 பேரின் பெறுபேறுகளின் மாற்றம் ஏற்பட்டுள்ளது.

கடந்த 2015ஆம் ஆண்டு ஆகஸ்ட் மாதம் கல்விப் பொதுத் தராதர உயர்தரப் பரீட்சையில் தோற்றிய மாணவர்களின் பெறுபேறுகள் வெளியிடப்பட்டன.

சுமார் மூன்று லட்சம் மாணவர்கள் பரீட்சைக்கு தோற்றியிருந்தனர். இவர்களில் 61,106 பரீட்சார்த்திகள் பரீட்சை பெறுபேறுகளை மீள் மதிப்பீடு செய்யுமாறு கோரி விண்ணப்பம் செய்திருந்தனர்.

இவ்வாறு மீள்மதிப்பீடு செய்ய கோரி விண்ணப்பித்த 100 பரீட்சார்த்திகளின் பெறுபேறுகளில் மட்டும் மாற்றம் ஏற்பட்டுள்ளதாக பரீட்சைகள் ஆணையாளர் எம்.என்.ஜே.புஸ்பகுமார கொழும்பு பத்திரிகையொன்றுக்குத் தெரிவித்துள்ளார்.

 
பேசாலை உதயபுரத்தை சேர்ந்த 5ம் ஆண்டு சிறுமி பாலியல் துஸ்பிரயோகத்தற்கு உட்படுத்தியமைக்கு எதிராக குறித்த கிராம மக்கள் இன்று ஆர்ப்பாட்டம் ஒன்றை முன்னெடுத்தனர். அதிகாலை 4 மணிமுதல் வங்காலைபாடு சந்தியில் வீதிதடைகள் ஏற்படுத்தபட்டு, ஆர்ப்பாட்டத்தில் ஈடுபட்டனர்.

சம்பவ இடத்திற்கு சென்ற நாடாளுமன்ற உறுப்பினர் இ.சாள்நிமலநாதன் பாதிக்கப்பட்ட கிராம மக்களின பிரச்சினைகள் தொடர்பாக கேட்டு அறிந்து கொண்டதுடன், சம்பந்தபட்ட அதிகாரிகளிடம் தொடர்புகொண்டு விடயம் தொடர்பாக அறிவித்ததுடன் மக்களையும் சமரச படுத்தும் முயற்சியில் ஈடுபட்டார்.

இன்று சனிக்கிழமை அதிகாலை பாலியல் துஸ்பிரயோகத்தில் ஈடுபட்டதாக தெரிவிக்கும் நபருக்கு கடுமையான தண்டனை வழங்கபட வேண்டும்.

பெண்கள், சிறுவருக்கு எதிராக நடைபெறும் துஸ்பிரயோகங்களை தடுப்பதுடன் பாதிக்கப்பட்ட உதயபுரம் சிறுமிக்கு நீதிகிடைக்க வேண்டும் என ஆர்ப்பாட்டத்தில் ஈடுபட்டோர் கோஷங்களை எழுப்பினர்.

சம்பவம் தொடர்பாக தெரியவருவதாவது..

உதயபுரம் கிராமத்தை சேர்ந்த துள்ளுகுடியிருப்பு சென்.மேரிஸ் பாடசாலையின் 5ம் ஆண்டு மாணவி ஒருவர் தனியார் வகுப்பிற்கு பேசாலை 5ம் வட்டாரத்திலுள்ள வீடோன்றில் டியூசன் வகுப்பிற்கு சென்றுவந்துள்ளார்.

இந்நிலையில் நேற்று வெள்ளிக்கிழமை மாலை 4 மணிக்கு குறித்த டியூசன் வகுப்பிற்கு சென்றிருந்தபோது அங்கு ஆசிரியர் இருந்திருக்கவில்லை.

இந்நிலையில் சிறுமி அப்பகுதியில் நின்றுள்ளார். அதனை அவதானித்த குறித்த டியூசன் ஆசிரியரின் வீட்டிற்கு அருகிலுள்ள இளைஞன் ஒருவர் குறித்த சிறுமியின் பக்கத்திலுள்ள அவரது வீட்டிற்கு சிறுமியை ஏமாற்றி அழைத்து சென்றுள்ளார்.

குறித்த இளைஞனின் சொந்த விடான பாழடைந்த வீட்டிற்கு சென்று பாலியல் துஸ்பிரயோகத்தில் ஈடுபட்டுள்ளார். இதனை அடுத்து அங்கிருந்து தப்பித்துள்ள சிறுமி அருகிலுள்ள கடை ஒன்றிற்கு ஓடிசென்று தனக்கு நடந்தவிடயம் தொடர்பாக தெரிவித்துள்ளார்.

பின்னர் சிறுமியின் பெற்றோருக்கு தகவல் வழங்கப்பட்டு அதனுடாக சிறுமியின் பெற்றோர் பேசாலை பொலிஸ் நிலையத்தில் முறையிட்டுள்ளனர். துஸ்பிரயோகத்திற்கு உட்படுத்தியதாக தெரிவிக்கப்படும் சந்தேக நபரை பொலிசார் நேற்று இரவு கைது செய்துள்ளனர்.

சந்தேக நபருக்கு எதிராக கடுமையான சட்டநடவடிக்கை எடுக்கப்படவேண்டும் என கோரி வங்காலை பாடு சந்தியில் அதிகாலை 4 மணிமுதல் வீதிதடைகள் ஏற்படுத்தி மக்கள் ஆர்ப்பாட்டத்தில் ஈடுபட்டனர்.

இந்நிலையில் நாடாளுமன்ற உறுப்பினர் சாள்ஸ் நிமலநாதன் மற்றும் அங்கு வந்திருந்த பொலிசார் சமரசப் படுத்தி வீதித் தடையை அகற்றுமாறு தெரிவித்தனர்.

ஆனால் ஆர்ப்பாட்டகாரர்கள் குறித்தபகுதிக்கு சிறுவர் நன்நடத்தை பிரிவு அதிகாரி மற்றும் பகுதி கிராமசேவகருக்கு ஆர்ப்பாட்டம் தொடர்பாக தகவல் வழங்கியும் அவர்கள் வராததை ஆட்சேபித்து தொடர்ந்து ஆர்ப்பாட்டத்தில் ஈடுபட்டதுடன்.

வாகன போக்குவரத்திற்கு இடையூறு விளைவித்திருந்தனர். ஆதனால் தலைமன்னார் பிரதான வீதியூடாக பயணித்த அனைத்து வாகனங்களும் செல்லமுடியாமல் போக்குவரத்து நெரிசல் ஏற்பட்டது.

இதனிடையே அங்குவந்த கிராசேவகர் மற்றும் நாடாளுமன்ற உறுப்பினர் பொலிசாரும் ஆர்ப்பாட்டகாரர்களிடம் சமரபேச்சு நடத்தபட்டு குறித்த பாலியல் துஸ்பிரயோக சந்தேக நபருக்கு கடுமையான தண்டனை வழங்க ஏற்பாடு செய்வதாக உறுதியளித்ததை அடுத்து ஆர்ப்பாட்டக்காரர்கள் கலைந்து சென்றனர்.

மஹியங்கனை – சேனார பிரதேசத்தில் சட்டவிரோதமாக தயாரிக்கப்பட்ட மதுபான நிலையத்தை முற்றுகையிடச் சென்ற பொலிஸ் அதிகாரி ஒருவரின் காதை நபர் ஒருவர் கடித்துள்ளதாக பொலிஸார் தெரிவித்துள்ளனர்.

குறித்த சம்பவம் நேற்று இரவு இடம்பெற்றுள்ளதாக பொலிஸார் குறிப்பிட்டுள்ளனர். பொலிஸாரின் காதை கடித்த நபர் தப்பியோடி உள்ளதாக மேலும் தெரிவிக்கப்படுகின்றது.

இந்த சம்பவத்தில் காயமடைந்த பொலிஸ் உத்தியோகத்தர் மஹியங்கனை வைத்தியசாலையில் அனுமதிக்கப்பட்டுள்ளதாக வைத்தியசாலை வட்டாரங்கள் கூறியுள்ளன.

தப்பியோடிய சந்தேக நபரினை தேடும் நடவடிக்கை ஆரம்பிக்கப்பட்டுள்ளதாகவும், சட்டவிரோத மதுபான மோசடி தொடர்பாக மேலதிக விசாரணைகள் மேற்கொள்ளப்படுவதாகவும் பொலிஸார் தெரிவித்துள்ளனர்.

பெரும்கடல் வளத்தைக்கொண்டுள்ள முல்லைத்தீவு நகரில் மீன் விலை அதிகமாக காணப்படுகின்றது. இதனால் வறுமைக்கோட்டின் கீழ்வாழும் மக்கள் பெரிதும் பாதிக்கப்படுகின்றனர்.

பெண்தலைமை தாங்கும், 7 அங்கத்தவரை கொண்ட ஒரு குடும்பத்துப் பெண் இன்று காலை 400 கிராம் மீனை 160 ருபாய் விலை கொடுத்து வாங்கிச்சென்றதை அவதானிக்க முடிந்தது.

இது தொடர்பாக குறித்த பெண்ணிடம் வினவியபோது, தங்கள் குடும்பத்தில் 4 சிறியவர்களும் ஒரு முதியவரும், அடங்குகின்றார்கள்.

400கிராம் மீனை துண்டுகளாக வெட்டினால் 50 கிராம் கழிவாகிவிடும். மீதி 350 கிராம் மீன்துண்டுகளை பகிர்ந்துண்பதாகவும், ஆடைகள் தைப்பதன் மூலம் ஒரு நாளைக்கு சராசரி 250 ருபாய் வருமானத்தை தான் பெற்றுக்கொள்வதாகவும் அவர் கவலையுடன் குறிப்பிட்டுள்ளார்.

முந்தளம், ரத்மல்கஸ்வெவ பிரதேசத்தில் துப்பாக்கியால் சுட்டு ஒருவர் கொலை செய்யப்பட்டுள்ளார்.

துப்பாக்கிச் சூட்டுக்கு இலக்கான நபர் பலத்த காயங்களுடன் புத்தளம் வைத்தியசாலையில் அனுமதிக்கப்பட்ட பின்னர் உயிரிழந்ததாக பொலிஸார் தெரிவித்தனர்.

மஹகும்புக்கடவல, ஜயராஜபுர பிரதேசத்தைச் சேர்ந்த 32 வயதுடைய ஒருவர் என்று தெரிவிக்கப்பட்டுள்ளது.

சடலம் புத்தளம் வைத்தியசாலையில் பிரேத அறையில் வைக்கப்பட்டுள்ளதுடன், மரண விசாரணைகள் இன்று இடம்பெறவுள்ளன.

துப்பாக்கிச் சூடு நடத்திய சந்தேகநபர் இதுவரை அடையாளம் காணப்படவில்லை என்று முந்தளம் பொலிஸார் தெரிவித்தனர்.

இதுதவிர, ஊரகஸ்மங்ஹந்திய, பெலிகஸ்வெல்ல பிரதேசத்தில் கூரிய ஆயுதங்களால் தாக்கப்பட்டு நபர் ஒருவர் கொலை செய்யப்பட்டுள்ளார்.

உயிரிழந்தவர் அதே பிரதேசத்தைச் சேர்ந்த 36 வயதுடைய ஒருவர் என்று பொலிஸார் தெரிவித்தனர்.

பஸ் வண்டியின் மிதிபலகையில் நின்றுகொண்டு பயணம் செய்த 82 வயதுடைய நபர் ஒருவர் கீழே விழுந்து உயிரிழந்துள்ளார்.லத்துவ – வெலிமட வீதியில் அம்பகஸ்தோவ சந்தி பிரதேசத்தில் இந்த சம்பவம் இடம்பெற்றுள்ளதாக பொலிஸார் தெரிவித்தனர்.

சம்பவம் தொடர்பில் பஸ் வண்டியின் சாரதி கைது செய்யப்பட்டுள்ளதாக ஊவபரணகம பொலிஸார் தெரிவித்தனர்.

இதற்கிடையில் தங்காளை – மாத்தறை பிரதான வீதியில் பெலியத்த பிரதேசத்தில் பஸ் ஒன்று மோதியதில் 72 வயதுடைய பெண்ணொருவர் உயிரிழந்துள்ளார்.

விபத்துக்கு காரணமான பஸ் வண்டி தப்பிச் சென்றுள்ளதாக பொலிஸார் தெரிவித்தனர்.