கிழக்கு சீனக்கடல் பகுதியை வான் பாதுகாப்பு மண்டலமாக சீனா அறிவித்திருப்பதை அங்கீகரிக்க மாட்டோம் அமெரிக்க துணை ஜனாதிபதி ஜோ பிடன் திட்டவட்டமாக தெரிவித்துள்ளார்.

சீனா சென்றுள்ள ஜோ பிடன் ஜீ ஜின்பிங்கை புதன்கிழமை இரவு சந்தித்துப் பேசினார். இதன் போது அமெரிக்காவின் நிராகரிப்பு விடயத்தை தெரிவித்துள்ளார். இதுகுறித்து பின்னர் அமெரிக்க அரசு தரப்பில் வெளியிடப்பட்ட அறிக்கையில்..

சீனாவின் அறிவிப்பால் ஏற்பட்டுள்ள பதற்றத்தை தணிக்க அந்நாடு நடவடிக்கைகள் எடுக்க வேண்டும் என்று ஜோ பிடன் தெரிவித்ததாக குறிப்பிடப்பட்டுள்ளது.

இந்த விவகாரத்தில் சீனாவின் நிலைப்பாடு மற்றும் கிழக்கு சீனக் கடல் பகுதியில் நிலவும் எல்லைத் தகராறுகள் குறித்து ஜோ பிடனிடம் ஜின்பிங் தெரிவித்ததாகவும் அந்த அறிக்கையில் கூறப்பட்டுள்ளது.

கிழக்கு சீனக் கடல் பகுதியில் உள்ள தீவுகள் தொடர்பாக சீனா, ஜப்பான் மற்றும் தென் கொரியா நாடுகளிடையே கருத்து வேறுபாடுகள் நிலவி வருகின்றன.

அந்தக் கடல் பகுதியை தனது வான் பாதுகாப்பு மண்டலமாக சீனா தன்னிச்சையாக அறிவித்ததால் அந்நாட்டுக்கும் ஜப்பான் மற்றும் தென்கொரியா நாடுகளுக்கும் இடையே பதற்றம் நிலவி வருவது குறிப்பிடத்தக்கது.

கப்பல்கட்டும் விடயம் சம்பந்தமான இரகசியத் தகவல்களை சீனாவுக்கு அனுப்ப முயற்சித்தார் என்ற குற்றச்சாட்டில் கிங் குண்டின் ஹோங் என்ற கனடா நபர் பொலிசாரினால் கைது செய்யப்பட்டுள்ளார்.

இந்த வழக்கில் கைதுசெய்யப்பட்ட அவர் நீதிமன்றத்தில் ஆஜர்படுத்தப்பட்டார். நீதிமன்றின் வெளியே ஊடகங்களுக்கு தகவல் வழங்கிய அவரது வழக்கறிஞரான ஜோன் லீ, ஜாமின் கோரிய விடயம் சம்பந்தமான வழக்கு தள்ளிவைக்கப்பட்டுள்ளது எனத் தெரிவித்தார்.

53 வயதான கிங் குண்டின் ஹோங் சிறிது நேரம் தனது வழக்கறிஞருடன் உரையாடியதாகவும் தெரியவருகிறது. மேலும் இவருக்கு எதிராக பாதுகாப்பு தகவல் சட்டத்தின்கீழ் குற்றம் சுமத்தப்பட்டுள்ளதாக தெரிவிக்கப்படுகிறது.

இவருக்கு எதிரான இந்த குற்றம் நிரூபிக்கப்படும் பட்சத்தில் அவருக்கு ஆயுள் தண்டனை விதிக்கப்படுவதற்கான சாத்தியக்கூறுகள் இருப்பதாக எதிர்பார்க்கப்படுகிறது.

ஆனால் இவரது வழக்கறிஞர் இவர் எவ்வாறான குற்றச் சாட்டுக்களை எதிர்நோக்கியுள்ளார், தான் எந்த குற்றச்சாட்டுக்கு எதிராக வாதடுகிறார் என்பது குறித்த தகவல்களை ஊடகங்களிடம் தெரிவிக்கவில்லை..

பிரான்ஸ் நாட்டில் விபசார தொழில் கொடிகட்டி பறந்து வந்தது. இதற்கு எந்த கட்டுப்பாடும் இல்லாமல் இருந்தது.இதனால் பல்வேறு பிரச்சினைகள் ஏற்பட்டன. இந்தநிலையில், இதை கட்டுப்படுத்துவதற்காக முதன்முதலாக சட்டம் கொண்டுவரப்பட்டுள்ளது.

அதன்படி விபசார தொழிலுக்கு அங்கு தடை விதிக்கப்பட்டிருக்கிறது. இந்த சட்டத்துக்கு பாராளுமன்றத்தில் வாக்கெடுப்பு மூலம் ஒப்புதல் பெறப்பட்டுள்ளது. அடுத்ததாக மேல்சபையில் ஒப்புதல் பெறவேண்டும். அதன்பிறகு சட்டம் அமுலுக்கு வரும்.

இந்த சட்டத்தின்படி விபசார தொழிலில் ஈடுபடுபவர்கள் குறிப்பிட்ட அளவு அபராதம் செலுத்த வேண்டும். தொடர்ந்து இதில் ஈடுபட்டு வந்தால் அவர்கள் அபராதம் பலமடங்கு அதிகரிக்கப்படும்.

மறைந்த இங்கிலாந்து இளவரசி டயானா பிரபலமான கவுன் உடை ஒன்றை உடுத்தி வந்தார். இந்த உடையை டேவிட், எலிசபெத் இமானுவேல் ஆகியோர் வடிவமைத்து இருந்தனர்.

இந்த உடையில் வைரம், கிரிஸ்டல், தங்கம், முத்து போன்றவை சேர்க்கப்பட்டிருந்தது. ஜேம்ஸ்பாண்டின் இன் தி லிவிங் டே லைட்ஸ் என்ற படம் வெளிவந்தபோது அதன் அறிமுக நிகழ்ச்சியில் டயானா கலந்து கொண்டார். அப்போது இந்த உடையை தான் உடுத்தினார்.

இதுபோல் பல நிகழ்ச்சிகளிலும் இந்த உடையை அணிந்து வந்தார். அப்போது பிரபலமாக இருந்தது. இந்த ஆடையை லண்டனில் உள்ள ஏல நிறுவனம் ஒன்று ஏலத்துக்கு விட்டது. அதை ஒருவர் 1கோடியே 2 லட்சத்துக்கு ஏலம் எடுத்துள்ளார்.

அட்லாண்டிக் பெருங்கடலில் கடந்த மே மாதம் வீசிய பலத்த காற்றினால் நைஜீரியா அருகே சென்ற விசைப்படகு ஒன்று தலைகீழாக கவிழ்ந்து கடலுக்கு அடியில் சென்றுவிட்டது.

இதில் இருந்த 12 பேரும் அப்போது தண்ணீருக்குள் மூழ்கினர். இதையடுத்து நீர்மூழ்கி மீட்புக் குழுவினர் அப்பகுதியில் தேடுதல் வேட்டையை தொடங்கினர்.

அப்போது தண்ணீரில் மூழ்கி இறந்துபோன 4 பேரின் உடல்களை மீட்டனர். மற்றவர்கள் அனைவரும் இறந்து இருக்க கூடும் என்ற நம்பிய நிலையில் மூன்றாவது நாளும் நீர்மூழ்கி வீரர்கள் கடலுக்குள் தேடினர். அப்போது கடலுக்கு அடியில் 100 அடி ஆழத்திற்குள் கிடந்த படகில் ஒரு கை மட்டும் தெரிவதை நீர் மூழ்கி வீரர் ஒருவர் கண்டார்.

உடனே அந்த கையை அந்த வீரர் பிடித்து இருக்கிறார். அப்போது அந்த கையானது வீரரின் கையை இறுக பற்றிக்கொண்டது. இதனால் அந்த வீரர் பயமும் அதிர்ச்சியும் அடைந்தார்.

இருப்பினும் தைரியத்தை வரவழைத்துக்கொண்ட அவர் தனது பணியை தொடர்ந்தார். அப்போது தனது கையை பிடித்தது உயிர் பிழைத்த நைஜீரிய சமையல் கலைஞர் ஹாரிசன் ஓட்ஜெக்பா ஓக்னெ என்பது தெரியவந்தது.

அதிர்ஷ்டவசமாக உயிர்பிழைத்த அவர் பத்திரமாக மீட்கப்பட்டு வெதுவெதுப்பான நீரில் வைக்கப்பட்டும் போதுமான ஒக்ஸிஜன் கொடுக்கப்பட்டும் காப்பாற்றப்பட்டார். இதுகுறித்து ஓக்னே கூறியதாவது..

விபத்து நடந்த போது கழிவறையில் இருந்த நான் அருகிலிருந்த 4 அடி நீளமுள்ள காற்றடைத்த பைக்குள் புகுந்துகொண்டேன். மூன்று நாட்களாக தண்ணீருக்கு அடியில் மை இருட்டில் உயிருக்காக போராடிக் கொண்டிருந்தேன்.

அதிலிருந்த கொஞ்ச காற்றையும் கிடைத்த ஒரு பாட்டில் கோக்கையும் குடித்து சாகப்போகிறோம் என்று எண்ணி பைபிள் வாசகங்களை கூறிக்கொண்டு இருந்தேன். உறையும் குளிரில் கால் சட்டையுடன் மரண பீதியில் இருந்த நான் இறைவா என்னை காப்பாற்று என்று கூறிக்கொண்டே இருந்தேன்.

அப்போது ஒரு கை என்னை பிடிப்பதை உணர்ந்தேன். பிறகு அது நீச்சல் வீரரின் கை என்பதை கண்டு மிகுந்த சந்தோஷமடைந்தேன். பிறகு அவர்கள் என்னை அங்கிருந்து காப்பாற்றினர்கள். அவர்களுக்காக எனது வாழ்நாள் முழுவதும் நன்றி செலுத்துவேன். இவ்வாறு ஓக்னே கூறினார்.

இச்சம்பவம் நடந்து ஆறு மாதங்கள் கடந்த நிலையில் இந்த தகவலும் இதுகுறித்த வீடியோ காட்சிகளும் தற்போது இணையதளத்தில் வெளியிடப்பட்டுள்ளன.