இரண்டாவது T20 போட்டியில் இலங்கை அபார வெற்றி!

slஇலங்கை மற்றும் நியூசிலாந்து அணிகளுக்கு இடையிலான இரண்டாவதும் இறுதியுமான ருவென்டி ருவென்டி கிரிக்கெட் போட்டியில் இலங்கை அணி வெற்றிபெற்றுள்ளது.

கண்டி பல்லேகல மைதானத்தில் இடம்பெற்ற இப்போட்டியின் நாணயச் சுழற்சியில் வென்ற இலங்கை அணி களத்தடுப்பை தெரிவு செய்தது.

அதன்படி முதலில் துடுப்பெடுத்தாடிய நியூசிலாந்து அணி 20 ஓவர்கள் நிறைவில் 7 விக்கெட்களை இழந்து 142 ஓட்டங்களைப் பெற்றது.

இதில் நியூசிலாந்து சார்பில் ரொஞ்சி 34 ஓட்டங்களையும் டேவிச் 30 ஓட்டங்களையும் பெற்றனர்.

பதிலுக்கு துடுப்பெடுத்தாடிய இல்கை அணி 17.5 ஓவர்களில் 2 விக்கெட்களை இழந்து 143 ஓட்டங்களைப் பெற்று 8 விக்கெட்களால் வெற்றிபெற்றது. இலங்கை அணி சார்பில் ஜனித் பிரேரா 57 ஓட்டங்களையும் தில்ஷான் 59 ஓட்டங்களையும் பெற்றனர்.

இதன்படி இரண்டு போட்டிகள் கொண்ட ருவென்டி ருவென்டி தொடரை இலங்கை ஒன்றுக்கு பூச்சியம் என்ற கணக்கில் வென்றுள்ளது. முதல் போட்டி மழை காரணமாக கைவிடப்பட்டமை குறிப்பிடத்தக்கது.

ஒருநாள் போட்டிகளில் விரைவாக 5000 ரன்களை கடந்து கோலி சாதனை..!

kohliஇந்திய அணியின் அதிரடி பேட்ஸ்மேன் விராட் கோலி, சர்வதேச ஒருநாள் போட்டிகளில் விரைவாக 5000 ரன்களைக் கடந்து புதிய சாதனையை எட்டினார்.

வெஸ்ட் இண்டீஸ் அணிக்கு எதிராக கொச்சியில் இன்று நடைபெற்ற ஒருநாள் கிரிக்கெட் போட்டியில் 86 ரன்களைக் கடந்தார் விராட் கோலி. இதன்மூலம் 120 போட்டிகளில் விளையாடிய கோலி (114 இன்னிங்ஸ்) 5005 ரன்கள் அடித்துள்ளார். இதில் 17 சதம், 27 அரை சதம் அடங்கும்.

இதன்மூலம் விரைவில் 5000 ரன்களைக் கடந்து, வெஸ்ட் இண்டீஸ் வீரர் ரிர்ச்சர்ட்சின் சாதனையை கோலி சமன் செய்துள்ளார். ரிச்சர்ட்சும் 114 இன்னிங்சில் விளையாடி 1987ம் ஆண்டு 5000 ரன்னைக் கடந்தார். ஆனால் அவர் 126-வது போட்டியில் இந்த இலக்கை எட்டினார்.

இந்திய வீரர்களில் முன்னாள் கேப்டன் கங்குலி 131 போட்டிகள், 126 இன்னிங்சில் 5000 ரன்களை கடந்ததே இதற்கு முந்தைய சாதனையாக இருந்தது

க.பொ.த. உயர்­தரப் பரீட்சை பெறு­பே­று­! டிசம்பர் 24 க்கு முன் வெளிவரும் – பரீட்­சைகள் திணைக்­க­ளம்..!

doeகடந்த ஆகஸ்ட் மாதம் நடை­பெற்ற கல்விப் பொதுத் தரா­தர உயர்­தரப் பரீட்சை பெறு­பே­று­களை எதிர்­வரும் டிசம்பர் மாதம் 24ம் திக­திக்கு முன்னர் வெளி­யிட உத்­தே­சிக்­கப்­பட்­டுள்­ள­தாக இலங்கைப் பரீட்­சைகள் திணைக்­க­ளத்தின் ஆணை­யாளர் நாயகம் ஜயந்த புஷ்­ப­கு­மார அறிவித்துள்ளார்.

பரீட்சைப் பெறு­பே­று­களை குறித்த திக­திக்கு முன்னர் வெளி­யி­டு­வ­தற்கு உத்­தே­சிக்­கப்­பட்­டுள்ள நிலையில், அதற்­கான அவ­சி­ய­மான நட­வ­டிக்­கை­களை தாம­த­மின்றி மேற்­கொள்­ளு­மாறு பரீட்­சைகள் திணைக்­க­ளத்தின் உயர் அதி­கா­ரிகள் ஆணை­யாளர் நாய­கத்­தினால் பணிக்­கப்­பட்­டுள்­ளனர்.

இதற்­க­மைய, 10 ஆயிரம் மதிப்­பீட்­டா­ளர்கள் விடைத்தாள் மதிப்­பீட்டுப் பணியில் ஈடு­ப­டுத்­தப்­பட்டு வரு­கின்­றனர்.

கடந்த ஆகஸ்ட் மாதம் நடை­பெற்ற க.பொ.த. உயர்­தரப் பரீட்­சைக்கு நாட­ளா­விய ரீதியில் 2 இலட்­சத்து 92 ஆயி­ரத்து 704 பரீட்­சார்த்­திகள் தோற்­றினர்.

இவர்­களில் 2 இலட்­சத்து 35 ஆயி­ரத்து 318 பரீட்­சார்த்­திகள் பாட­சா­லை­க­ளி­லி­ருந்து தோற்றியதுடன், 45 ஆயிரத்து 240 பரீட்சார்த்திகள் தனிப்பட்ட ரீதியாகத் தோற்றியிருந்தமை குறிப்பிடத்தக்கது.

காதல் கணவனை கூலிப்படை வைத்து கொன்ற மனைவி..!

murderமதுரவாயல் அருகே ஆலப்பாக்கம் அஷ்டலட்சுமி நகரைச் சேர்ந்த எலக்ட்ரீஷியன் ராஜ்குமாரை (29) அவரது காதல் மனைவி வித்யா (27), கூலிப்படை உதவியுடன் கொலை செய்தது தெரிய வந்துள்ளது.

7 ஆண்டுகளுக்கு முன்பு காதல் திருமணம் செய்து கொண்ட ராஜ்குமார் – வித்யா தம்பதிக்கு 6 வயதில் பெண் குழந்தை உள்ளது. இதற்கிடையே வித்யாவுக்கு பெங்களூரில் பணியாற்றும் மணிகண்டனுடன் (28) பழக்கம் ஏற்பட்டது.

இவர்களது கள்ளக் காதலை கண்டித்த ராஜ்குமாரை கூலிப்படை வைத்து கொலை செய்ய இருவரும் திட்டமிட்டனர். அதன்படி இன்று காலை வீட்டுக்குள் புகுந்த 4 கூலிப்படையினர், ராஜ்குமாரை கழுத்தை அறுத்து கொலை செய்தனர்.

கொலை செய்த கொள்ளையர்கள் வாகனச் சோதனை சாவடியில் காவல்துறையிடம் சிக்கினர். சட்டையில் ரத்தக் கரை இருந்ததை அடுத்து அவர்களிடம் நடத்திய விசாரணையில், அவர்கள் கொலை செய்து விட்டு வந்தது தெரிய வந்தது.

இதற்கிடையே, நகைக்காக தனது கணவரை கொள்ளையர்கள் கொன்றுவிட்டதாக வீட்டில் ராஜ்குமாரின் உடல் அருகே வித்யா அழுது கொண்டிருந்தார். அப்போது, குற்றவாளிகளோடு காவல்துறையினர் வீட்டுக்கு வந்து, வித்யாவிடம் விசாரணை நடத்தி, அவரையும் கைது செய்தனர். தலைமறைவான மணிகண்டனை தேடி வருகின்றனர்.

தந்தையும் கொலை செய்யப்பட்டு, தாயும் கைதான நிலையில், குழந்தையின் நிலை பார்ப்போரை கலங்க வைத்தது.

21 பெண் நோயாளிகளுக்கு பாலியல் தொந்தரவு கொடுத்த மயக்க மருந்து நிபுணர்!

jorgeகனடா நாட்டின் டொராண்டோ நகரில் உள்ள நார்த் யார்க் பொது மருத்துவ மனையின் மயங்கமருந்து நிபுணராக ஜார்ஜ் தூட்நாட் கடந்த 2010ம் ஆண்டுவரை பணியாற்றினார். அப்போது வாயுப்பிடிப்பு மற்றும் மருந்துகளின் பக்க விளைவு காரணமாக உணர்வற்ற நிலையில் வரும் நோயாளிகளுக்கு அவர் சிகிச்சை அளித்துள்ளார்.

அப்போது மயங்கமருந்து நிபுணரான ஜார்ஜ், 21 பெண் நோயாளிகளிடம் மயங்கமருந்து சிகிச்சை அளித்து ஆபரேசன் செய்யும்போது, பாலியல் தொந்தரவு செய்துள்ளார் என்று குற்றம்சாட்டப்பட்டது. இதன் மீதான விசாரணை நேற்று ஒண்டாரியோ நீதிமன்றத்திற்கு வந்தது.

அப்போது பெண் நோயாளிகளை முத்தமிடல், கட்டிப்பிடித்தல், வாய்வழி செக்ஸ் வைத்துக்கொள்ளல் போன்ற நடவடிக்கைகளில் ஜார்ஜ் ஈடுபட்டார் என்று கூறப்பட்டது. நோயாளிகளால் நகர முடியாத நிலையில் இருந்தாலும், என்ன நடக்கிறது என்பதை அவர்களால் தெரிந்துகொள்ள முடிந்தது என்றும் அப்போது எடுத்துரைக்கப்பட்டது.

ஆனால், ஞாபக உணர்வை தூண்டும் விதத்தில் கொடுக்கப்பட்ட மயக்க மருந்துகளால்தான் அவர்கள் தெளிவான செக்ஸ் கனவுகளை பெற்றுள்ளனர் என்று மருத்துவர் தரப்பில் வாதாடப்பட்டது. ஆராய்ச்சியாளர்களும் மயக்க மருந்துகள் ஒரு மாயத்தோற்றத்தை கொடுக்க முடியும் என்று கூறினர். இதில் சம்பந்தப்பட்ட அனைத்து பெண்களும் ஒருவரை ஒருவர் தெரிந்தவரே அல்ல என்றும் அப்போது வாதிடப்பட்டது.

இதுதரப்பு வாதங்களையும் கேட்ட நீதிபதி, டேவிட் மிக்கோம்ப்ஸ், ஜார்ஜ் ஒரு அனுபவமிக்க மருத்துவர். ஆகையால் இதுபோன்று சிறிய தாக்குதல்களை அப்போது அவர் செய்திருக்க முடியும். மயக்க மருந்து எடுத்துக்கொண்ட நோயாளிகள் எதிர்ப்பு தெரிவிக்க முடியாது என்பதால் இந்த காரியங்களில் ஜார்ஜ் ஈடுபட்டுள்ளார் என்றே நான் கருதுகிறேன் என்று கூறினார். ஜார்ஜ் மீதான குற்றம் நிரூபிக்கப்பட்டதையடுத்து அவருக்கான தண்டனை அடுத்த மாதம் அறிவிக்கப்படும்.

வவுனியா கலைஞர்களின் பிரச்சினைகள் தொடர்பில் ஆராய்வு..!

வடமாகாண கல்விப் பண்பாட்டு அலுவல்கள் அமைச்சருக்கும் வவுனியா கலைஞர்களுக்கும் இடையில் வவுனியாவில் இன்று வியாழக்கிழமை சந்திப்பு நடைபெற்றது.

இதன்போது வவுனியா மாவட்டக் கலைஞர்கள் அரங்க செயற்பாடுகளில் எதிர்கொள்ளும் பிரச்சினைகள், பயிற்சிக்கூடங்கள் இன்மை, சிறந்த வசதிகளுடன் கூடிய மண்டம் இன்மை, அரசியல்வாதிகள் மற்றும் பிரமுகர்களின் வருகையின்போது பரதக்கலையை வீதியில் அரங்கேற்றுமாறு பணிக்கப்படுகின்றமை உள்ளிட்ட பல்வேறு பிரச்சினைகள் தொடர்பில் முன்வைக்கப்பட்டன.

மேலும் மத்திய, மாகாண மற்றும் இந்து கலாசார அமைச்சின் கீழ் செயற்படுவதாக மூன்று கலாசார உத்தியோகத்தர்கள் காணப்படுகின்மையால் ஏற்படும் முரண்பாடுகள், பிரதேச மற்றும் மாவட்ட கலாசார பேரவைகள் அரசு சார்ந்து காணப்படுவதால் கலைஞர்கள் எதிர்கொள்ளும் நடைமுறைச் சிக்கல்கள் போன்ற பிரச்சினைகளையும்; கலைஞர்கள் முன்வைத்தனர்.

இது தவிர வவுனியாவில் கலை இலக்கிய நண்பர்கள் வட்டம், தமிழ் மா மன்றம் ஆகிய மன்றங்களின் செயற்பாடுகள் தொடர்பிலும் விளக்கம் அளிக்கப்பட்டன.

கலை இலக்கிய நண்பர்கள் வட்டத்தின் ஏற்பாட்டில் வவுனியா சுத்தானந்த இந்து இளைஞர் சங்க மண்டபத்தில் கலாநிதி அகளங்கன் தலைமையில் இந்தச் சந்திப்பு நடைபெற்றது.

vavuniya1 vavuniya2 vavuniya3

பிரிட்டிஷ் அழகியுடன் விஜய்..!

vijayஜில்லா படத்தில் பிரிட்டிஷ் அழகியுடன் சேர்ந்து குத்தாட்டம் போடவுள்ளாராம் விஜய்.

பொங்கலுக்கு வெளியாகவிருக்கும் விஜய்யின் ஜில்லா படத்தின் படப்பிடிப்பு கிட்டத்தட்ட முடிவடையும் தருவாயில் உள்ளது.

மலையாள சூப்பர் ஸ்டார், காஜல் அகர்வால், பூர்ணிமா பாக்யராஜ் என நட்சத்திர பட்டாளமே களமிறங்கியுள்ள இப்படம் ரசிகர்கள் மத்தியில் மிகுந்த எதிர்பார்ப்பை ஏற்படுத்தியுள்ளது.

கடைசிகட்டமாக விஜய்யும் – பிரிட்டிஷ் மொடல் ஸ்கேர்லட் வில்சனும் இணைந்து ஆட்டம் போடும் பாடல் ஒன்றை படமாக்குகிறார்கள்.

டான்ஸில் பட்டையைக் கிளப்பும் விஜய்யும், அவருக்கு இணையாக ஆடும் திறமை பெற்ற ஸ்கேர்லட்டும் இணைந்து ஆடவிருக்கும் இப்பாடல் ரசிகர்களை திரையரங்குகளில் எழுந்து நின்று ஆட வைக்கும் என்கிறது ‘ஜில்லா’ டீம்.

ஏற்கனவே தெலுங்கில் யவடு, கமெராமேன் கங்காதோ ராம்பாபு, இந்தியில் ஷாங்காய் போன்ற படங்களில் ஆடி புகழந்தடைந்தவர் ஸ்கேர்லட் வில்சன்.

குடிகாரர்களைக் கையாள புதிய முறை..!

beerஹாலந்தின் தலைநகர் ஆம்ஸ்டர்டாமில் உள்ள பூங்காக்களில் வெட்டியாக மது அருந்திக்கொண்டும், சிகரெட் பிடித்துக்கொண்டும், பெண்களைக் கேலி செய்துகொண்டு பொழுது போக்கும் கும்பல் ஒன்று அரசு நிர்வாகத்திற்குத் தலைவலியைத் தந்து கொண்டிருந்தது. இவர்கள் வேலை எதுவும் செய்யாமல் வெட்டியாகச் சண்டையிட்டுக் கொண்டும், சத்தம் போட்டுக்கொண்டும் இருந்தார்கள்.

அரசு மற்றும் தனியார் நன்கொடைகள் மூலம் அங்கு இயங்கிவந்த ரெயின்போ அறக்கட்டளை திட்டத்தின் தலைவரான ஜெர்ரி ஆல்டர்மேன் இவர்களைக் கையாள ஒரு அருமையான திட்டத்தைச் செயலாற்றியுள்ளார்.

இதன்படி இந்தக் குடிகாரர்கள் அனைவரும் 10 பேர் கொண்ட இரண்டு குழுக்களாகப் பிரிக்கப்பட்டனர். இவர்கள் ஒவ்வொரு குழுவினரும் வாரத்தில் மூன்று நாட்கள் பூங்காக்களைச் சுற்றியுள்ள தெருக்களை சுத்தம் செய்யும் வேலையில் ஈடுபடுத்தப்படுகின்றனர்.

இதற்கு சம்பளமாக அவர்களுக்கு தினமும் 10 டாலர் பணமும், அரை பாக்கெட் சிகரெட்டும், ஐந்து பீர் கேன்களும் கொடுக்கப்படுகின்றன. மூன்று நாட்களுக்கு ஒரு குழு வீதம் அவர்கள் இந்தத் துப்புரவுப் பணியினை மேற்கொள்ளுகின்றனர்.

காலையில் இரண்டு பீர் கேன்களும், மதியம் இரண்டு கேன்களும் மாலை வேலை முடிந்து செல்லும்போது ஒரு கேனும் அவர்களுக்கு வழங்கப்படுகின்றது. அவர்கள் குடிக்கும் அளவும் ஜெர்ரியால் கண்காணிக்கப்படுகின்றது.

அவர் எங்காவது வெளியே சென்றால்கூட இவர்கள் தாங்கள் குடிக்கும் அளவுகளை சரியாக குறித்துத் தருகின்றார்கள் என்று அவர் கூறுகின்றார். இதன்மூலம் அவர்கள் மற்றவர்களுடன் எந்தப் பிரச்சினைக்கும் செல்லாமல் இருப்பதுமட்டுமின்றி துப்புரவுப் பணியும் ஒழுங்காக நடப்பதாக ஜெர்ரி தெரிவித்தார்.

சரியான நேரத்தில் உணவும், செய்யும் வேலைக்கு சம்பளமும் அவர்களுக்குத் தரப்படுகின்றது. சமூக விரோத நடத்தை கொண்ட மக்களை பயன்படுத்தும் இந்த நடைமுறை மற்ற நாடுகளில் அதிர்ச்சியை ஏற்படுத்தக்கூடும். ஆனால், ஹாலந்து நாட்டவர்களின் செயல்முறைக்குத் தக்க நடவடிக்கையாக இந்தத் திட்டம் வெற்றியைத் தேடித்தந்துள்ளது.

மாமியார் தொல்லையால் ஐஸ்வர்யா ராய் தனிக்குடித்தனம் செல்ல முடிவு..!

aishwaryaஅமிதாப், ஜெயா பச்சன் வீட்டிலிருந்து பிரிந்து தனிக்குடித்தனம் செல்ல விரும்புகிறாராம் ஐஸ்வர்யா ராய் பச்சன். காரணம் மாமியார் பிரச்சனை.

அதாவது மாமியார் ஜெயாபச்சன் ஐஸ்வர்யா ராயின் ஒவ்வொரு விஷயத்திலும் தலையிட்டு சுதந்திரத்தைக் காலி செய்கிறார் என்று அந்தச் செய்தியில் கூறப்பட்டுள்ளது.

ஜெயபச்சன் ஒன்றும் கொடுமைபடுத்தவில்லை. மாறாக ஐஸ்வர்யா ராய் சம்பந்தப்பட்ட ஒவ்வொரு சிறுவிஷயத்திலும் கூடுதலாக அக்கறை எடுத்துக் கொள்வது பெரும் இடைஞ்சலாக இருக்கிறது என்று ஐஸ் உணர்கிறாராம்.

இதனால் அபிஷேக் பச்சன், குழந்தை ஆரத்யாவுடன் தனியே செல்ல முடிவே எடுத்து விட்டதாக பறைசாற்றுகிறது அந்தப் பத்திரிக்கை.

ஜெயா பச்சன் போல் இல்லையாம் மாமனார் அமிதாபும் கணவர் அபிஷேக்கும்! ஐஸ்வர்யா ராயிற்கு இவர்கள் இருவரும் முழு சுதந்திரம் அளித்துள்ளார்களாம்.

பாலிவுட்டிற்கு மீண்டும் திரும்பியுள்ள ஐஸ்வர்யா ராய் அனைத்து விவரங்களையும் தன்னுடன் பகிர்ந்து கொள்ளவேன்டும் என்று மாமியார் ஜெயா பச்சன் நினைக்கிறாராம். இது பெரிய இடைஞ்சலாக உள்ளதாக ஐஸ் உணர்கிறார்.

ஓயாமல் அழுத குழந்தையை இணையத்தில் ஏலம் விட்ட தாய்..!

olxஇந்தியாவில் ஒளிபரப்பாகும் எந்த தொலைக்காட்சி சேனலை பார்த்தாலும் ´தேவை இல்லாத பொருளா…? ´ஓ.எல்.எக்ஸ்´ மே பேச்தோ..! என்ற விளம்பரங்கள் தொடர்ந்து வந்தபடியே உள்ளன.

இதே விளம்பரம் பிரேசில் நாட்டிலும் வெளியானதன் விளைவாக பெற்ற மகனை 430 டாலருக்கு புகழ்பெற்ற ஏல வலைதளமான ஓ.எல்.எக்ஸ்-ல் ஏலம் விட்ட தாயை போலீசார் வலைவீசி தேடி வருகின்றனர்.

அந்த ஆண் குழந்தையின் புகைப்படத்தையும் வெளியிட்டு, ´இவன் கொஞ்சம் கூட நிறுத்தாமல் தொடர்ந்து அழுதுக்கொண்டே இருப்பதால் என் தூக்கம் கெட்டுப் போகிறது. நான் வேலை செய்தால் தான் உயிர் வாழ முடியும். எனவே இவனை விற்றுவிட தீர்மானித்துள்ளேன்´ என்று அந்த பாசக்கார தாய் விளம்பரப்படுத்தியுள்ளாள்.

இந்த விளம்பரத்தை பார்த்த போலீசாரும், குழந்தைகள் பாதுகாப்பு அதிகாரிகளும் அந்த பெண்ணை பிடிக்க வலைவீசி தேடி வருகின்றனர்.

இந்த விளம்பரம் தொடர்பாக கருத்து கூறிய ஓ.எல்.எக்ஸ். இணையதளம் விற்பவர்களுக்கும், வாங்குபவர்களுக்கம் இடையே உள்ள வர்த்தக பரிமாற்றங்களில் நாங்கள் தலையிடுவதில்லை என ஒதுங்கிக் கொண்டது.

எனினும், தங்கள் இணையதளத்தின் கட்டுபாடுகளை மீறிய வகையில் அமைந்துள்ளதால் அந்த விளம்பரத்தை நீக்கி விட்டதாகவும் அறிவித்துள்ளது.

சிம்பு – நயன்தாரா ஜோடியை சேர்த்த பாலிவுட் காதல்..!

simbuசிம்புவும், நயன்தாராவும் ஜோடி சேர்ந்ததற்கு பிரபலமான முன்னாள் பாலிவுட் ஜோடியே காரணம் என்ற தகவல் கசிந்துள்ளது.

மீண்டும் இணையும் சிம்பு, நயன்தாரா ஜோடி குறித்து தமிழ் ரசிகர்களின் மத்தியில் இன்னும் ஆச்சர்யம் தீரவில்லை. ஆனால் நம்பித்தான் ஆகவேண்டும்.

பாண்டிராஜ் இயக்கிவரும் புதிய படத்தில் சிம்புவுடன், நயன்தாரா ஜோடியாக நடிக்க சம்மதித்திருப்பதை இயக்குனர் எப்படி சாதித்தார் என்றால் அது ஒரு பெரிய கதை.

படத்தில் இரண்டு ஹீரோயின்கள் என்றாலும் முக்கியமான ‘மயிலா’ என்ற கதாபாத்திரத்தில் நயன்தாரா நடித்தால் நன்றாக இருக்கும் என நினைத்தார்.

பாண்டிராஜ் சொன்ன கதையும், இந்த கதாபாத்திரமும் நயனுக்கு பிடித்துப்போனாலும் சிம்பு ஹீரோ என்றதும் முதலில் தயங்கியிருக்கிறார்.

ஆனால் பாண்டிராஜோ பாலிவுட் நட்சத்திரங்களான் ரன்பீர்கபூரும், தீபிகா படுகோனேவும் தங்களது காதல் முறிவுக்குப்பின்னும் கூட இணைந்து நடித்து வருவதை சுட்டிக்காட்டியுள்ளார்.

மேலும் இதனை தொழில் என்ற கண்ணோட்டத்தில் பார்த்தால் அங்கே வேறு சலனங்களுக்கு வாய்ப்பே இல்லை என்றும் எடுத்துக்கூற, அவர் அளித்த நம்பிக்கையில் சம்மதித்திருக்கிறாராம் நயன்தாரா.

இலங்கை ஜனநாயக நாடு என்பதற்கு வடக்கு தேர்தல் சான்று: வரவு-செலவு திட்ட உரையில் ஜனாதிபதி..!

budgetஇலங்கை ஜனநாயக சோஷலிஸ குடியரசின் 68 ஆவது வரவு- செலவுத் திட்டத்தை ஜனாதிபதியும் நிதியமைச்சருமான மகிந்த ராஜபக்ஷ நாடாளுமன்றத்தில் சமர்ப்பித்துள்ளார்.

அவர் சமர்ப்பித்த வரவு செலவுத் திட்டத்தில் வாசிக்கப்பட்டவை:

வெளிநாட்டு வேலைவாய்ப்பு வருமான 7000 மில்லியன் ரூபாவாக இருக்குமென எதிர்பார்க்கப்படுகின்றது. துணி இறக்குமதியை 6 வீதத்தால் அதிகரிக்க யோசனை மற்றும் கட்டுமான கைத்தொழில் மொத்த உள்நாட்டு உற்பத்தியில் 10 சதவீதமாக தற்போது உள்ளது.

வெளிநாட்டவர்கள் காணி கொள்வனவு செய்வதை முற்று முழுதாக நிறுத்த சட்டம் கொண்டுவரப்படும் என்பதுடன் வங்கிகளை நாங்கள் தனியார் மயப்படுத்தமாட்டோம்.

தனியார் மயப்படுத்தப்பட்ட நிறுவனங்கள் அரசுடமையாக்கப்பட்டு அதனூடாக அந்த நிறுவனங்களின் வருமானம் அதிகரிக்கப்பட்டு அந்த வருமானம் மக்களுக்கு பகிர்ந்தளிக்கப்பட்டது.அத்துடன் அரசாங்க தொழிலும் அதிகரிக்கப்பட்டுள்ளது.

வரவு-செலவுத்திட்ட பற்றாக்குறை 2016 ஆம் ஆண்டளவில் 3.6 வீதமாக குறைக்கப்படும். அத்துடன் அரச கடன் கொடுத்தலும் குறைக்கப்படும்.

நிவாரணத்தை வழக்கும் அரசாங்கம் என்றவகையில் வாகனங்கள், மதுபானங்கள் மற்றம் சிகரெட் ஆகியவற்றின் மீதான வரிகள் ஊடாக வருமானத்தை ஈட்டவேண்டியுள்ளது.

அத்துடன் தேசத்தை கட்டியெழுப்பும் வரி வங்கிகளுக்கும் அறிமுகப்படுத்தப்படும் என தெரிவிக்கப்பட்டது.

  • ஜனா­தி­பதி மஹிந்த ராஜ­பக்ச தலை­மை­யி­லான 8வது வரவு -செல­வுத்­திட்­டமே இன்று நிதி­ய­மைச்சர் என்ற ரீதியில் ஜனா­தி­பதி பாரா­ளு­மன்­றத்தில் சமர்ப்­பித்துள்ளார்.
  • நாம் மாகாண சபை தேர்தலை நடத்தி இலங்கையில் ஜனநாயகம் உள்ளது என்பதை நிரூபித்திருக்கிறோம்.
  • பொதுநலவாய மாநாட்டின் வெற்றி வெளிநாடுகள் நமக்குக் கொடுத்த அங்கீகாரமாகக் கருதுகிறேன்.
  • மகிந்த சிந்தனை மக்களின் அடிப்படை தேவைகளைப் பூர்த்தி செய்துள்ளது.
  • நாம் மாகாண சபை தேர்தலை நடத்தி இலங்கையில் ஜனநாயகம் உள்ளது என்பதை நிரூபித்திருக்கிறோம்.
  • எங்களுடைய பொருளாதாரம் வலுவான நிலையில் உள்ளது. நாட்டின் பொருளாதார வளர்ச்சி 7 வீதமாகும்.
  • கிராமிய மட்டத்தில் தொழில்புரியும் அரச உத்தியோகத்தர்கள் சிரமத்தின் மத்தியில் முன்னேற்றத்துக்காக உழைக்கிறார்கள்.
  • அரச வங்கிகளை ஒருபோதும் தனியார் மயப்படுத்த மாட்டேன்.
  • நாட்டின் பல்வேறு பகுதிகளிலும் உள்ள நீர்வழங்கல் திட்டங்களுக்காக 300 மில்லியன் டொலர்கள் செலவிடப்பட்டுள்ளன.
  • நாட்டை மீட்பதற்கும் மீள்குடியேற்றம்இ மீள்குடியேறிய மக்களின் புனர்வாழ்வுக்கும் அரச வருமானம் செலவிடப்பட்டது.
  • பயங்கரவாதத்திலிருந்து நாட்டை மீட்பதற்கும் மீள்குடியேற்றத்துக்கும் மீள்குடியேறிய மக்களின் புனர்வாழ்வுக்கும் அரச வருமானம் செலவிடப்பட்டது.
  • மதுபானம், சிகரட் மீதான அரச வரி வருமானம் குறைவடைந்துள்ளது.
  • வடக்கு கிழக்கில் பின்தங்கிய பிரதேசங்களில் நீர்வழங்கல், மின்சாரம் உள்ளிட்ட தேவைகளுக்கு 14 மில்லியன் ரூபா மேலதிகமாக செலவிடப்பட்டுள்ளது.
  • ஒரு லட்சம் பட்டதாரிகளுக்கு நியமனம் வழங்கியுள்ளோம்.
  • 25 வீதமாக உள்ள தொலைத்தொடர்பு வரியில் மாற்றம் ஏற்படுத்தப்படாது.
  • கடந்த காலங்களில் சுனாமி மற்றும் யுத்தம் ஆகியவற்றின்போது வெளிநாடுகள் நமக்கு பெரும் உதவி செய்துள்ளன.
  • 1557 சதுர கிலோ மீற்றர் நிலப்பகுதியில் கண்ணிவெடி அகற்றப்பட்டுள்ளது.
    63 வயதுக்கு மேற்பட்ட விவசாயிகளுக்கு ஓய்வூதியத்திட்டம்.
  • 8 வயதிற்கு மேற்பட்ட பெண்களுக்கு தொழில் முயற்சி உதவி.
  • 2014 ஆம் ஆண்டு முதல் விவசாய ஓய்வூதிய திட்டத்தை செயற்படுத்த வேண்டும். இதற்காக அரசாங்கம் 1000 மில்லியன் ரூபாவை முதலாக வழங்குகின்றது.
  • வடக்கு மற்றும் தெற்கு ஆகிய பகுதிகளில் குடிநீர் மற்றும் மின்சார நடவடிக்கைகளுக்கு 1400 மில்லியன் ரூபா.
  • மீன் உற்பத்தியை அதிகரிப்பதனூடாக ஏற்றுமதி வருமானத்தை அதிகரிக்கத் திட்டமிட்டுள்ளோம்.
    மிருக வைத்தியர்களுக்காக 7500 மாதாந்த கொடுப்பனவு.
  • சிறுதேயிலை செய்கையை ஊக்குவிக்க வருடாந்தம் ஏக்கருக்கு 5000 ரூபா வழங்கப்படும்.
  • அனைத்து கிராம சேவை பிரிவுகளிலும் சிறந்த 5 குடும்பங்களுக்கு 10 ஆயிரம் ரூபா கொடுப்பனவு.
  • உள்நாட்டு பால் உற்பத்தியை ஊக்குவிக்க 20 ஆயிரம் மாடுகள் இறக்குமதி செய்யப்படும்.
  • அனைத்து மாவட்டங்களுக்கு போஷாக்கு தொடர்பான ஆலோசனைகளுக்காக வைத்திய நிபுணர்கள் நியமிக்கப்படுவர்.
  • பின்தங்கிய பிரதேச போக்குவரத்து சேவைக்காக 300 மில்லியன் ரூபா ஒதுக்கீடு.
  • சிறு கைத்தொழில் முயற்சிகளில் ஈடுபடும் பெண்களுக்கு 250,000 ரூபா வரையிலான கடன் வசதி.
    2014 ஆம் ஆண்டில் பின்தங்கிய பகுதிகளில் 1000 பாலங்கள் அமைக்கப்படும்.
  • அங்கவீனமுற்றோரின் நலன் கருதி அவர்களுடைய சுயதிறன் வளர்ச்சி நிலையங்களுக்கு 100 மில்லியன் ஒதுக்கீடு.
  • கமநெகும மற்றும் கிராமபுற அபிவிருத்திகளுக்காக 4500 மில்லியன் ரூபா ஒதுக்கீடு.
  • யாழ்ப்பாணம், கண்டி, அனுராதபுரம், பதுளை, காலி ஆகிய பகுதி வைத்தியசாலைகளில் நவீன வைத்திய உபகரணங்களுடன் கூடிய வசதிகள் வழங்கப்படும்.
    கொழும்பு, களுபோவில, ராகம தேசிய வைத்தியசாலைகளில் வெளிநோயாளர் பிரிவை விருத்தி செய்வதற்கு சீனா 180 டொலர்களை வழங்க முன்வந்துள்ளது.
  • இலங்கை ஜனநாயக நாடு என்பதற்கு வடக்கு தேர்தல் சான்று : ஜனாதிபதி
  • இலங்கை ஒரு ஜனநாயக நாடு என்பதற்கு அண்மையில் நடைபெற்ற வடக்கு மாகாண சபைத் தேர்தல் சான்று வழங்கியதாக ஜனாதிபதி மகிந்த ராஜபக்ஷ தெரிவித்தார்.
  • நாடாளுமன்றத்தில் இன்று வரவு செலவுத் திட்டத்தை சமர்ப்பித்து முன்னர் உரையாற்றிய போதே அவர் இதனை குறிப்பிட்டார்.
  • வடக்கு மாகாண உட்பட மூன்று மாகாண மக்கள் இந்த வருடத்தில் தமது சொந்த பிரதிநிதிகளை செய்ய முடிந்தது.

கொழும்பில் கடந்த வாரம் நடைபெற்ற பொதுநலவாய நாடுகளின் மாநாட்டில் கலந்து கொள்ள வந்த தலைவர்களின் சிலர் இலங்கை மீது சுமத்திய குற்றச்சாட்டுக்கள் உண்மைக்கு மாறானது என்றும் ஜனாதிபதி குறிப்பிட்டார்.

முரளியின் கருத்தை முன்னிறுத்தி யாரும் அரசியல் செய்வதில் பிரயோஜனம் இல்லை – பிரபா கணேசன்..!

prabaஅண்மையில் முத்தையா முரளிதரன் ஊடகங்களுக்கு தெரிவித்திருந்த கருத்து பெரும் சர்ச்சையை கிளப்பியுள்ளது. இது எனக்கு ஆச்சரியத்தை கொடுக்கவில்லை. ஏனெனில் அவர் தமிழர் என்ற அடையாளத்தை எப்பொழுதும் வெளிப்படுத்தியதில்லை.

ஆகவே அவரது கருத்துகளை முன்னிறுத்தி யாரும் அரசியல் செய்வதில் பிரயோஜனம் இல்லை என ஜனநாயக மக்கள் காங்கிரஸ் தலைவரும் கொழும்பு மாவட்ட பாராளுமன்ற உறுப்பினருமான பிரபா கணேசன் ஊடகங்களுக்கு தெரிவித்துள்ளது.

மேலும் அவர் தெரிவித்ததாவது,

முத்தையா முரளிதரன் புகழின் உச்சகட்டத்தில் இருந்த பொழுது தன்னை ஒரு தமிழன் என்று சொல்லியதும் இல்லை. பொது இடங்களில் தமிழில் உரையாற்றியதும் இல்லை. ஆகவே அவருக்கு தமிழ் மக்களின் உணர்வுகளை புரிந்து கொள்ளக் கூடிய மனிதாபிமான சிந்தனையும் இல்லை. அரசாங்கத்தை திருப்திபடுத்துவதற்கான கருத்துக்களையே வெளியிட்டுள்ளார்.

இலங்கையில் காணாமல் போனோர் சம்பந்தமாக நீண்ட பட்டியல் ஒன்று உள்ளது. காணாமல் போனோரின் உறவினர்களது மன வேதனைகளை வார்த்தைகளால் மதிப்பிட முடியாது. 2006-2007ம் ஆண்டுகளில் காணாமல் போனவர்களின் உறவினர்களை 2007ம் ஆண்டிலே தலைநகரத்திற்கு அழைத்து வந்து மாபெரும் ஆர்ப்பாட்டங்களையும் போராட்டங்களையும் முன்னின்று நடத்தியுள்ளேன்.

ஆனால் அப்போராட்டங்களுக்கு நான் தலைமை தாங்காவிட்டாலும் சம்பந்தப்பட்ட உறவினர்களின் வேதனைகளை பல மணித்தியாலங்கள் அவர்களுடன் பேசி பகிர்ந்து கொண்டுள்ளேன். முத்தையா முரளிதரனின் கருத்துக்கள் மூலமாக அவர்கள் மனது எவ்வளவு புண்பட்டிருக்கும் என்பதை நான் அறிவேன். இவ்வாறானவர்கள் சம்பந்தமாக முரளிதரன் கருத்து வெளியிட்டிருப்பது முத்தையா முரளிதரன் சார்ந்த இந்திய வம்சாவளியி தமிழன் என்ற அடிப்படையில் அவர்களிடம் நான் மன்னிப்பு கேட்டுக்கொள்கின்றேன்.

காலங்காலமாக 2006ம் ஆண்டு முதல் காணாமல் போனவர்களின் உறவினர்களை அரசாங்கம் உதாசீனம் செய்து வருகின்றது. ஏனையோர் இவர்களை பகடைக்காய்களாக பாவித்து வருகின்றனர். காணாமல் போனவர்களின் உறவினர்களை வரவழைத்து நாட்டில் பல பாகங்களில் பல போராட்டங்களை நடத்தி அரசியல் விளம்பரங்கள் தேடிக் கொண்டவர்கள் காணாமல் போனவர்களின் ஒருவரையாவது கண்டு பிடித்து கொடுத்ததில்லை.

அது மட்டுமின்றி தன் போராட்டம் முடிந்த மறு நாள் கலந்து கொண்ட உறவினர்கள் நலமுடன் வீடு போய் சேர்ந்தார்களா என்று தெரிந்து கொள்வதில் கூட அக்கறை செலுத்துவது இல்லை என்ற கசப்பான உண்மையை நேரடியாக பார்த்து தெரிந்து கொண்டவன் நான்.

ஆகவே காணமல் போனவர்களை வைத்து அரசியல் செய்தவர்களதும் அவர்களின் மனதை புண்படுத்தும் விதத்தில் பேசிய முத்தையா முரளிதரனின் செயல்பாடுகளும் ஒன்றேயாகும். இனியாவது இவர்களின் உணர்வுகளில் தன் தமது இலாபத்திற்காக எவரும் அரசியல் செய்யக் கூடாது.

காணாமல் போனவர்களை ஒரு போதும் இந்த அரசாங்கம் மீட்டுக் கொடுக்கப் போவதும் இல்லை என்ற வேதனையான பக்கத்தையும் நான் அறிவேன். வடகிழக்கு பிரதேசத்தைச் சார்ந்த கே.பி போன்றவர்கள் தமிழ் மக்களுக்கு எதிராக இதை விட மோசமான கருத்துக்களை வெளியிட்டுள்ளார்கள்.

தமிழ் தேசிய கூட்டமைப்பு பாராளுமன்ற உறுப்பினர் செல்வம் அடைக்கலநாதன் முத்தையா முரளிதரன் மன்னிப்பு கேட்கா விட்டால் அவருக்கு எதிராக ஆர்ப்பாட்டம் நடத்தப் போவதாக தெரிவித்துள்ளார். அத்துடன் கே.பி போன்று தமிழ் மக்களுக்கு சேர்த்து எதிராக கருத்து தெரிவிப்பர்களுக்கும் எதிராக ஆர்ப்பாட்டத்தை மேற்கொள்ள வேண்டும்.

மனைவியை தீ வைத்துக் கொன்ற கணவருக்கு விளக்கமறியல்..!

arrestமனைவியை தீ வைத்துக் கொன்ற கணவர் ஒருவர் கைது செய்யப்பட்டு விளக்கமறியலில் வைக்கப்பட்டுள்ளார்.

அக்மீமன – தல்கஸ்யாய பகுதி வீடொன்றில் கடந்த 18ம் திகதி மாலை கணவன்-மனைவிக்கு இடையில் ஏற்பட்ட முறுகலை அடுத்து கணவனை பயமுறுத்தவென மனைவி தனது உடம்பில் மண்ணெண்னை ஊற்றிக் கொண்டுள்ளார்.

இந்த சந்தர்ப்பத்தில் தீப்பெட்டியை எடுத்த கணவர் மனைவிக்கு தீ வைத்துள்ளார்.

இதனால் கடும் எரிகாயங்களுக்கு உள்ளான மனைவி கராபிட்டி வைத்தியசாலையில் அனுமதிக்கப்பட்டு சிகிச்சைப் பெற்று வந்த நிலையில் நேற்று முன்தினம் இரவு உயிரிழந்துள்ளார்.

25 வயதுடைய சத்துரிக்கா என்ற பெண்ணே உயிரிழந்த நிலையில் அவரின் கணவரான 29 வயதுடைய சந்தேகநபர் கைது செய்யப்பட்டார்.

இந்நிலையில் நேற்றைய தினம் அவர் காலி நீதவான் நீதிமன்றில் ஆஜர் செய்யப்பட்ட போது எதிர்வரும் 2013-12-03ம் திகதி வரை விளக்கமறியலில் வைக்குமாறு உத்தரவு பிறப்பிக்கப்பட்டுள்ளது.

வவுனியா – கொழும்பு ரயிலில் மோதி ஒருவர் பலி..!

vavuniyaமிரிஹாகான பொதுச் சந்தைக்கு அருகில் ரயிலில் மோதி இனந்தெரியாத ஆண் ஒருவர் உயிரிழந்துள்ளார்.

நேற்றையதினம் வவுனியாவில் இருந்து கொழும்பு நோக்கி பயணித்த ரயிலில் மோதியே இவர் பலியாகியுள்ளதாக பொலிஸார் தெரிவித்துள்ளனர்.

உயிரிழந்தவர் 45 வயது மதிக்கத்தக்க 5.2 அடி உயரமுடையவர் என பொலிஸார் குறிப்பிட்டுள்ளனர்.

அடையாளம் காண்பதற்காக சடலம் மிரிகான வைத்தியசாலையில் வைக்கப்பட்டுள்ளது.

மிரிஹான பொலிஸார் சம்பவம் குறித்த மேலதிக விசாரணைகளை மேற்கொண்டு வருகின்றனர்.

ஈரான் மீது புதிய தடைகளை விதிக்க அவகாசம் வழங்கப்பட வேண்டும்: ஒபாமா..!

obamaஈரானுக்கு எதிராக புதிய தடைகள் விதிப்பதற்கு 6 மாத கால அவகாசம் வழங்குமாறு அமெரிக்க ஜனாதிபதி பராக் ஒபாமா கோரியுள்ளார்.

அமெரிக்க செனட் சபை உறுப்பினர்கள் ஈரானின் அணுத் திட்டத்திற்கு எதிராக தீர்மானம் மேற்கொண்டுள்ள நிலையிலேயே அமெரிக்க ஜனாதிபதி கால அவகாசத்தை கோரியுள்ளார்.

ஈரானின் அணுத்திட்டம் தொடர்பில் மேற்குலக நாடுகளின் தலைவர்கள் சந்தித்து கலந்துரையாடவுள்ள நிலையில் ஒபாமா இதனை குறிப்பிட்டுள்ளார்.

இணப்பாடொன்று எட்டப்படாத பட்சத்தில் தெஹ்ரான், யுரேனியம் செறிவாக்கும் நடவடிக்கையினை தொடர்ந்தும் முன்னெடுக்கும் என அமெரிக்கா குறிப்பிட்டுள்ளது.

இதேவேளை ஈரானுடனான அணுத் திட்டம் தொடர்பில் பிரித்தானிய பிரதமர் டேவிட் கெமரனுக்கும் ஈரான் ஜனாதிபதி ஹசன் ரொளஹானிக்கும் இடையில் பேச்சுவாரத்தை இடம்பெற்றுள்ளது.

1...4,4494,4504,451...4,739Page 4,450 of 4,739