அட்டகத்தி படத்தை இயக்கியவர் ரஞ்சித். அடுத்து கார்த்தி நடிக்கும் படத்தை இயக்குகிறார். இப்படத்துக்கு காளி என பெயர் வைப்பதாக தகவல் வெளியானது. ஆனால் இப்படத்தின் தொடக்க விழாவின்போது டைட்டில் வைக்காமல் ஷூட்டிங் தொடங்கப்பட்டது. ‘காளி பட டைட்டில் வைக்காமல் இயக்குனர் பின்வாங்கியது ஏன்? என்று விசாரித்தபோது பரபரப்பான தகவல்கள் வெளியாகின.

‘காளி என்பது கடவுள் பெயர். சரஸ்வதி சபதம், திருவிளையாடல் என சில பக்தி பட டைட்டில்களை வைத்தபோது எதிர்ப்பு கிளம்பியது. அதுபோல் இதற்கும் எதிர்ப்பு கிளம்பிவிடக்கூடாது என்று எண்ணினர். அது மட்டுமே காரணம் கிடையாது. இன்னொரு காரணமும் உள்ளது.

ரஜினி நடித்த ‘நான் மகான் அல்ல என்ற டைட்டிலை தன் பட தலைப்பாக வைத்து கார்த்தி நடித்திருக்கிறார். ‘மூன்றுமுகம் படத்தில் ரஜினியின் அதிரடி போலீஸ் கேரக்டரான ‘அலெக்ஸ் பாண்டியன் என்ற கதாபாத்திரத்தின் பெயரையும் தனது பட தலைப்பாக வைத்து கார்த்தி நடித்தார். ஆனால் நான் மகான் அல்ல ஓடிய அளவிற்கு அலெக்ஸ்பாண்டியன் ஓடவில்லை. எனவே கதையும் நடிப்பும் நன்றாக இருந்தாலே போதும், படம் ஓடிவிடும். ரஜினி தலைப்பு தேவயில்லை என்று முடிவு செய்துவிட்டார்.

மீண்டும் ரஜினி சம்பந்தப்பட்ட பட டைட்டிலாக வைத்தால் அவரையே ரிப்பீட் செய்வதுபோல் இருக்கும் என்று சிலர் கருத்து தெரிவித்தனர். இதையெல்லாம் கருத்தில் கொண்டே பட டைட்டிலை மாற்ற கார்த்தியும் இயக்குனரும் முடிவு செய்திருக்கிறார்களாம். ரஜினி தலைப்பு இல்லாமலும் தன்னால் வெற்றிப்படம் கொடுக்க முடியும் என நிரூபிக்க கார்த்தி களம் இறங்கிவிட்டார்.

ஐ படப்பிடிப்பில் படுபிஸியாக இருந்த எமி ஜாக்சனுக்கு புத்துணர்ச்சி பெறுவதற்காக ஷங்கர் மூன்று நாட்கள் விடுமுறை அளித்தாராம். அந்த விடுமுறையாக ஜாலியாக அனுபவைக்க எமி ஜாக்சன் தன் பள்ளித்தோழிகளுடன் கேரளாவில் உள்ள யானைகள் சரணாலத்திற்கு சென்று மூன்று நாட்களும் யானைகளோடு ஜாலியாக இருந்ததாக கூறப்படுகிறது.

கேரளா மற்றும் கொடநாட்டில் உள்ள Kodanad Elephant Sanctuary சென்று, அங்கிருந்த யானைகளுக்கு உணவுகள் கொடுத்து சந்தோஷமாக அனுபவித்தாராம். அந்த மூன்று நாட்கள் ஆபிரிக்காவில் உள்ள காட்டுப்பகுதியில் இருந்தது போன்ற உணர்வு ஏற்பட்டதாக கூறும் எமி, இனிமேல் நேரம் கிடைக்கும்போதெல்லாம் தவறாமல் இந்த காட்டுப்பகுதிக்கு வருவேன் என அங்கிருந்த ஊழியர்களிடம் கூறியுள்ளார்.

மேலும் எமி ஜாக்சன், பிரிட்டனில் உள்ள யானைகளின் தந்தங்களை பாதுகாக்கும் டிரஸ்ட் ஒன்றில் உறுப்பினராக இருக்கின்றாராம். அவ்வப்போது அந்த டிரஸ்டுக்கு பண உதவியும் அளித்து வருகிறாராம். இந்த டிரஸ்டில் இங்கிலாந்து இளவரசர் வில்லியம்ஸ்ஸும் உறுப்பினராக உள்ளார் என்பது குறிப்பிடத்தக்கது.

ஸ்ருதியை நினைத்து சரிகா கவலை அடைந்துள்ளார். கமலை விட்டு பிரிந்த சரிகா மும்பையில் வசிக்கிறார்.

அவருடன் இளைய மகள் அக்ஷரா தங்கி இருப்பதுடன் நடிப்பு மற்றும் இயக்கத்தில் கவனம் செலுத்தி வருகிறார்.

இதேபோல் மூத்த மகள் ஸ்ருதி மும்பையில் தனியாக வீடு எடுத்து தங்கியிருப்பதுடன் கைநிறைய படங்களை ஒப்புக்கொண்டு ஓய்வில்லாமல் நடித்து வருகிறார்.

ஹிந்தி மற்றும் தென்னிந்திய மொழிப் படங்கள் என மாறி மாறி நடிக்கும் ஸ்ருதி இடைவிடாமல் ஊர் ஊராக பறந்த வண்ணம் இருக்கிறார். தவிர அவர் நடித்து அடுத்தடுத்து சமீபத்தில் திரைக்கு வந்த டி டே, ரமய்யா வஸ்தாவய்யா ஆகிய படங்களின் புரமோஷனுக்காக பல்வேறு நிகழ்ச்சிகளில் பங்கேற்றார்.

இப்படி ஸ்ருதி பிஸியாக இருப்பதை எண்ணி ஒருபுறம் சரிகா சந்தோஷம் அடைந்தாலும், மறுபுறம் ஓய்வில்லாமல் அவர் உழைப்பதால் உடல்நிலை பாதிக்குமே என்று கவலை அடைந்திருக்கிறார்.

இது பற்றி ஸ்ருதியிடம் பேசிய சரிகா, உன்னை நீயே வருத்திக்கொள்ளும் அளவுக்கு படங்களை ஒப்புக்கொண்டு ஓய்வே எடுக்காமல் இருக்கிறாய். குறைந்த பட்சம் 10 நாட்களாவது ஓய்வு எடு என்று கேட்டுக்கொண்டிருக்கிறார்.

ஆனால் ஸ்ருதியோ 2 நாட்கள் கூட ஓய்வு எடுக்க இயலாத நிலையில் இருப்பதாக சொன்னாராம்.

தமிழ், தெலுங்கு, மலையாள மொழி படங்களில் பிசியாக நடிக்கிறார் அமலாபால். தலைவா படத்துக்கு பின் சம்பளம் உயர்ந்துள்ளது. சக நடிகைகள் போட்டியை சமாளிக்க கவர்ச்சிக்கும் மாறியுள்ளார். மலையாள படமொன்றில் இதுவரை இல்லாத அளவுக்கு ஆடை குறைப்பு செய்து கவர்ச்சியாக தோன்ற சம்மதித்துள்ளார்.

இதில் அமலாபால் ஜோடியாக நிவின்பாலி நடிக்கிறார். இவர் தமிழில் ‘நேரம்’ படத்தில் நடித்தவர். அடுத்து மம்முட்டி, மோகன்லால் படங்களில் நடிக்கவும் வாய்ப்பு தேடுகிறார். அமலாபால் அளித்த பேட்டி வருமாறு:–

நான் நிறைய கேரக்டர்களில் நடித்து விட்டேன். டாக்டர்,வக்கீல், ஆசிரியை வேடங்களில் வந்துள்ளேன். அடுத்து இதுவரை செய்யாத கதாபாத்திரங்களில் நடிக்க ஆசை. இளவரசியாக நடிக்க விருப்பம் உள்ளது. துணிச்சலான சாகசங்கள் எனக்கு பிடிக்கும். சினிமா வாழ்க்கையில் நடிகை ஸ்ரீதேவி கையால் விருது வாங்கியது மறக்க முடியாதது. ரொம்ப சந்தோஷப்பட்டேன். ஒவ்வொரு வரும் பிரபலமானவர்களை தங்கள் வழிகாட்டிகளாக எடுத்துக் கொண்டு வாழ்கிறார்கள்.

என்னை பொறுத்த வரை பெற்றோரைத்தான் முன் மாதிரியாக கொண்டு செயல்படுகிறேன். அவர்கள் எனக்கு ரொம்ப உறுதுணையாக இருக்கிறார்கள். பெண்களுக்கு மரியாதை கொடுப்பவர்களை தான் சிறந்த ஆண்களாக கருதுவேன். தன்னம்பிக்கை செயல் திறனும் இருக்க வேண்டும்.

இவ்வாறு அமலாபால் கூறினார்.

தமிழகத்தில் சென்ற ஆட்சியில் தமிழில் படத்துக்கு பெயர் வைத்தாலே வ‌ரிச்சலுகை கிடைத்துவிடும். இந்த அரசு பதவியேற்றதும் அதில் சில மாற்றங்களை செய்தது.

தமிழில் பெயர் இருப்பதுடன் யு சான்றிதழும் பெற்றிருக்க வேண்டும். நல்ல முடிவு. ஆனால் அடுத்து ஒரு வாசகத்தையும் தனது வசதிக்காக சேர்த்துக் கொண்டது. தமிழ் கலாச்சாரத்தை பிரதிபலிப்பதாக இருக்க வேண்டும்.

தமிழ் கலாச்சாரத்தை பிரதிபலிக்கிறதா இல்லையா என்பதை யார் தீர்மானிப்பது? இந்த ஆயுதத்தை வைத்துதான் தமிழக அரசு எதி‌ரிகளை வீழ்த்தி வருகிறது.

உதயநிதி ஸ்டாலின் தயா‌ரித்து நடித்த ஒரு கல் ஒரு கண்ணாடி படத்துக்கு யு சான்றிதழ் கிடைத்தும் வ‌ரிச்சலுகை அளிக்கவில்லை. படத்தை இதோ பார்க்கிறோம் அதே பார்க்கிறோம் என்று இழுத்தடித்தே ஊத்தி மூடினார்கள்.

அதேநேரம் பா‌ரில் தாலி கட்டும் 3 படத்துக்கு வ‌ரிச்சலுகை அளிக்கப்பட்டது. உதயநிதியின் ரெட் ஜெயண்ட் தயா‌ரிக்க, அவரது மனைவி கிருத்திகா இயக்கத்தில் வணக்கம் சென்னை படம் இன்று வெளியாகியிருக்கிறது.

தமிழில் பெயர், யு சான்றிதழ் என எல்லா தகுதிகளும் இருந்தும் வ‌ரிச்சலுகை கிடையாது என மாநில அரசின் வ‌ரிச்சலுகைக்குழு தெ‌ரிவித்திருக்கிறது. இதனை எதிர்த்து நீதிமன்றத்துக்கு போயிருக்கிறார் உதயநிதி.