நடிகர் தனுஷ், நஸ்ரியா நசீம் நடிப்பில் உருவாகியுள்ள படம் நய்யாண்டி. இப்படத்தை களவாணி, வாகை சூடவா ஆகிய படங்களை இயக்கிய சற்குணம் இயக்கியுள்ளார். இப்படத்தில் நஸ்ரியா சம்பந்தப்பட்ட காட்சி ஒன்றை இயக்குனர் ஆபாசமாக படம் பிடித்துவிட்டதாக கூறி நஸ்ரியா இயக்குனர் மீதும் படத்தின் தயாரிப்பாளர் மீதும் பரபரப்பு குற்றச்சாட்டு கூறினார்.

இந்நிலையில் நேற்று சென்னை காவல்துறை ஆணையர் ஜோர்ஜிடம் நஸ்ரியா நேரில் சென்று இயக்குனர் சற்குணம் மீதும் தயாரிப்பாளர் சந்திரசேகர் மீதும் புகார் மனு ஒன்றை கொடுத்துள்ளார். அந்த புகார் மனுவில் கூறியிருப்பதாவது..

நான் நய்யாண்டி படத்தில் நடித்துள்ளேன். இப்படம் வருகிற 11ம் திகதி வெளியாகவிருக்கிறது. நான் கேரளா மாநிலம் திருவனந்தபுரத்தில் முஸ்லீம் சமுதாயத்தில் பிறந்தவள். நான் மலையாளம் மற்றும் தமிழில் சிறந்த கதாபாத்திரங்களை தேர்வு செய்து நடித்து வருகிறேன்.

சமீபத்தில் நய்யாண்டி படத்தின் டிரைலர் வெளியிடப்பட்டது. அந்த டிரைலரை யூடியூப்பில் பார்த்த எனக்கு அதிர்ச்சி ஏற்பட்டது. நான் நடித்த பாடல் காட்சியின் மத்தியில் வேறு நடிகையை வைத்து டூப் போட்டு ஆபாசமாக நடிக்க வைத்துள்ளனர்.

படத் தயாரிப்பின்போது இந்தக் காட்சியில் நடிக்க நான் மறுத்துவிட்டேன். என்னுடைய குடும்பத்துக்கும், நான் சார்ந்த சமுதாயத்திற்கும் அவமானம் என்பதால் நான் இந்த காட்சியில் நடிக்கவில்லை. ஆனால் படத்தின் டிரைலரில் என்னை ஆபாசமாக காட்டியிருக்கிறார்கள்.

அதன்பின்னர் இயக்குனர் சற்குணத்தை தொடர்புகொண்டு இதுபற்றி கேட்டேன். ஆனால் அவர் என்னையும், என் குடும்பத்தினரையும் தகாத வார்த்தைகளால் திட்டினார். மேலும், இதுபற்றி புகார் கொடுக்கக்கூடாது எனவும் மிரட்டினார். இதையடுத்து, தயாரிப்பாளர் கதிரேசனை தொடர்புகொள்ள முயன்றேன். ஆனால் அவர் என்னுடன் பேச மறுத்துவிட்டார்.

இப்படத்தில் இதுபோன்று மேலும் சில டூப் காட்சிகளை எனக்குத் தெரியாமலேயே சேர்த்திருப்பார்கள் என கவலையாக உள்ளது. இந்த சூழ்நிலையில் படம் 11ம் திகதி வெளியாகவுள்ளது. அதற்கு முன்னர் இந்த படத்தை எனக்கு போட்டுக் காட்ட படக்குழுவினருக்கு தாங்கள் வலியுறுத்த வேண்டும். அவர்கள் மறுத்தால் படத்தை வெளியாவதை தடுத்து நிறுத்த வேண்டும். என்று அந்த மனுவில் கூறியுள்ளார்.

நடிகை அனுஷ்காவுக்கு திருமண ஏற்பாடுகள் நடக்கிறது. இதனால் புதுப்படங்களில் நடிப்பதை நிறுத்தி உள்ளார். திருமணத்துக்கு பின் சினிமாவை விட்டு விலக முடிவு செய்துள்ளதாக கூறப்படுகிறது.

அனுஷ்காவுக்கு 31 வயது ஆகிறது. இதனால் பெற்றோர் மாப்பிள்ளை பார்க்க ஆரம்பித்துள்ளனர். ஏற்கனவே நாகார்ஜுனாவையும் அனுஷ்காவையும் இணைத்து கிசுகிசுக்கள் பரவின. இருவரும் அதை மறுத்தார்கள்.

ஆர்யாவுடனும் இணைத்து பேசப்பட்டார். இருவரும் இரண்டாம் உலகம் படத்தில் ஜோடியாக நடிக்கின்றனர். அப்போது நெருக்கம் ஏற்பட்டதாக கூறப்பட்டது. ஆனால் ஆர்யா இதனை மறுத்தார்.

தற்போது சினிமாவில் இல்லாதவரை திருமணம் செய்ய அனுஷ்கா முடிவு செய்துள்ளதாகவும் தகுதியான மாப்பிள்ளையை பெற்றோர் தேடுவதாகவும் தகவல் வெளியாகியுள்ளது.

தற்போது தெலுங்கில் ருத்ரமாதேவி, பாகுபாலி ஆகிய இரு படங்களில் அனுஷ்கா நடித்து வருகிறார். இந்த படங்களை முடித்து விட்டு திருமணம் செய்து கொள்கிறார். உத்தம வில்லன் படத்தில் கமல் ஜோடியாக நடிக்க அனுஷ்காவுக்கு வாய்ப்பு வந்தது. திருமணத்துக்காக அப்படத்தில் நடிக்க மறுத்துவிட்டார்.

தெலுங்கு நடிகர் டாக்டர் ராஜசேகரனின் மனைவி நடிகை ஜீவிதா, பரந்தாமரெட்டி என்பவரிடம் 34 லட்சம் கடனாக வாங்கினார். 3 மாதங்களில் திருப்பிக்கொடுப்பதாக கூறிய ஜீவிதா, பணத்தை கொடுக்கவில்லை.

அவர் ஏற்கனவே கொடுத்த காசோலையை பரந்தாமரெட்டி வங்கியில் போட்டபோது, அது பணம் இல்லாமல் திரும்பிவிட்டது. இதனால் பரந்தாமரெட்டி பொலீசில் புகார் செய்தார். நீதிமன்றம் இரு முறை சம்மன் அனுப்பியும் ஜீவிதா நீதிமன்றத்தில் ஆஜராகவில்லை.

இதனால் ஜீவிதாவுக்கு நேற்று ஐதராபாத் நீதிமன்றம், ஜாமீனில் வெளிவர முடியாத பிடிவாரண்டை பிறப்பித்தது. நடிகை ஜீவிதாவை கைது செய்து நீதிமன்றத்தில் ஆஜர்படுத்துமாறு பொலீசுக்கு நீதிபதி உத்தரவிட்டார்.

கோவாவில் நடைபெறும் சர்வதேச திரைப்பட விழாவில் சிறப்பு விருந்தினராக பங்கேற்க ரஜினிக்கு அழைப்பு விடுக்கப்பட்டு உள்ளது.

கோவாவில் நடக்கும் சர்வதேச பட விழா 2004ம் ஆண்டில் இருந்து வருடம் தோறும் விமரிசையாக கொண்டாடப்பட்டு வருகிறது. ஒவ்வொரு தடவையும் இந்தியாவில் உள்ள பிரபல நடிகர் ஒருவரை இவ்விழாவுக்கு சிறப்பு விருந்தினராக அழைப்பது வழக்கம்.

கடந்த வருடம் இந்தி நடிகர் அக்சய்குமார் பங்கேற்றார். இந்த வருடம் கோவா படவிழா அடுத்த மாதம் 20ம் திகதி ஆரம்பமாகின்றது. இதில் சிறப்பு விருந்தினராக கலந்து கொண்டு விழாவை துவக்கி வைக்குமாறு வேண்டுகோள் விடுத்து ரஜினிக்கு அழைப்பு அனுப்பப்பட்டு உள்ளதாக விழா அமைப்பாளர் விஷ்ணுவாக் தெரிவித்தார். ரஜினி பங்கேற்பது பெருமை அளிப்பதாக இருக்கும் என்றும் தெரிவித்தார்.