நடிகை ஸ்ரீதேவி கணவர் போனிகபூர் மற்றும் மகள்களுடன் அமெரிக்கா சென்று இருந்தார். அங்கு சில நாட்கள் ஓய்வு எடுத்து விட்டு இந்தியா திரும்ப தயாரானார். அப்போது திடீரென கீழே தவறி விழுந்தார். இதில் அவருக்கு காயம் ஏற்பட்டது.

வலது கால் மூட்டிலும் பலத்த அடிப்பட்டது. வலியால் நடக்க முடியாமல் அவதிப்பட்டார். இதையடுத்து பயணத்தை இரத்து செய்து விட்டு வைத்தியசாலையில் அனுமதித்தனர்.

அவருக்கு சிகிச்சை அளிக்கப்படுகிறது. எம்.ஆர்.ஐ. ஸ்கேன் எடுத்து பார்க்கப்பட்டுள்ளது. சில நாட்கள் வைத்தியசாலையிலேயே இருப்பார் என தெரிகிறது. ஸ்ரீதேவியின் 50வது பிறந்த நாளை அடுத்த மாதம் 13ம் திகதி மும்பையில் பிரமாண்டமாக கொண்டாட போனிகபூர் திட்டமிட்டு இருந்தார்.

ஸ்ரீதேவி வைத்தியசாலையில் இருப்பதால் விழாவை இரத்து செய்யலமா என்று யோசிக்கிறாராம்.

நடிகை நக்மா மீண்டும் திரையுலகில் தனது நடிப்புத் திறமையினை நிரூபிக்க வருவதாக தகவல்கள் வெளியாகியுள்ளன.
1990களில் பாட்ஷா, பிஸ்தா, மேட்டுக்குடி போன்ற பல படங்களில் நடித்தவர் நக்மா.

பின்பு நடிப்பை குறைத்துக்கொண்டு அரசியல் பக்கம் தலைகாட்டினார். ஆனால் அரசியல் பெரிய அளவில் கைகொடுக்காததால் மீண்டும் சினிமா பக்கம் தலை நீட்டுகிறார்.

தற்போது டோலிவுட் இயக்குனர் தேஜா தன் படத்தில் நடிக்க நக்மாவிடம் கால்ஷீட் கேட்டிருக்கிறாராம்.

அவர் இன்னும் ஒப்பந்தத்தில் கையெழுத்து போடாவிட்டாலும் நடிப்பதற்கான பச்சை கொடி காட்டியுள்ளாராம்.

நடிகர் பரத்தும் நடிகை ஷம்முவும் காதலிப்பதாகவும், விரைவில் திருமணம் செய்யவிருப்பதாகவும் செய்திகள் வெளியாகியுள்ளன.
சமீபத்தில் நடிகர் பரத் விரைவில் திருமணம் செய்யவிருப்பதாக அறிவித்திருந்தார்.

எனவே, பரத்துடன் இரண்டு படங்களில் இரண்டாவது நாயகியாக நடித்த அமெரிக்கா வாழ் தமிழ் நடிகையான ஷம்முவைத்தான் திருமணம் செய்துகொள்ளப் போகிறார் என்று கூறப்படுகிறது.
நடிகை ஷம்மு பிரகாஷ்ராஜ் தயாரித்து, நடித்த காஞ்சிவரம் படத்தின் மூலம் தமிழ் சினிமாவுக்கு அறிமுகமானார்.

அதன்பிறகு தமிழில் பல படங்களில் நடித்துள்ளார். பரத்துடன் இணைந்து இரண்டு படங்களில் நடித்துள்ளார். பரத்துடன் நடித்தபோது இவர்களிடைய காதல் தொற்றிக் கொண்டதாம். பின்னர், ஷம்முவுக்கு படவாய்ப்பு இல்லாமல் போகவே, அமெரிக்காவுக்கு பறந்து போனார்.

இருந்தாலும் இவர்களிடையே இருந்த காதல் குறையவில்லையாம். இருவரும் தொடர்பிலேயே இருந்து வந்துள்ளார்கள். இந்நிலையில் பரத் திருமணம் செய்து கொள்ளப் போகிறேன் என்றதும், மணப்பெண் ஷம்முவாகத்தான் இருக்கும் என கூறப்படுகிறது.

இதற்கு ஒரு காரணமும் கூறப்படுகிறது. அதாவது, பரத்தின் நண்பர்கள் ஷம்முவை அண்ணி, அண்ணி என்றுதான் அழைப்பார்களாம். ஆகையால் இருவீட்டாரும் கூட, சீக்கிரமாகவே பரத்துக்கும், ஷம்முவுக்கு இடையிலான காதலுக்கு முற்றுப்புள்ளி வைத்து திருமண திகதியை அறிவிக்க வாய்ப்பிருக்கிறது என்றும் கூறப்படுகிறது.

அஜீத், ஆர்யா, நயன்தாரா நடிப்பில் உருவாகியிருக்கும் “ஆரம்பம்” திரைபடத்தின் படப்பிடிப்பு முடிவடைந்து திரைக்கு வர தயார் நிலையில் உள்ளது. இதுவரை இப்படம் குறித்து படக்குழுவினர் யாருமே வாய்திறக்கவே இல்லை. இந்நிலையில் முதல்முறையாக இப்படத்தின் இயக்குனர் விஷ்ணுவர்தன் படத்தின் முக்கிய அம்சங்கள் குறித்து விவரித்துள்ளார். அதன் விபரம் வருமாறு..

“ஆரம்பம்” என்ற தலைப்பு எல்லோரையும் கவர்ந்துள்ளது. இந்த தலைப்புக்கான தாமதம் திட்டமிடப்பட்டது அல்ல. ஆனால் இந்த வரவேற்பு கிடைக்க அந்த தாமதமும் ஒரு காரணம் என்பதும் மகிழ்ச்சிக்குரிய விஷயம்தான். இது ஒரு போராட்ட குணமுள்ள ஒரு தனி மனிதனின் கதை. கதையில் வரும் மற்ற கதாபாத்திரங்கள் அந்த பிரதான சூரியனை சுற்றி வரும் கோள்கள்தான்.

மங்காத்தா படத்தில் நடித்தது போன்றே இந்த படத்திலும் அஜீத் நரை கலந்த தலை முடியுடன்தான் நடிக்கிறார். மங்காத்தா படத்துக்கு முன்னரே அஜீத்திடம் என் படத்துக்கு இந்த கெட்டப்தான் வேண்டும் என்று கேட்டிருந்தேன் ஆனால் வெங்கட்பிரபு முந்திக் கொண்டார்.

இந்த ஸ்டைல் அவர் .அளவுக்கு வேறு யாருக்காவது அமைந்து இருக்குமா என்றால் சந்தேகமே. இது விறுவிறுப்பான வேகமான படம். எங்களது கூட்டணியில் உருவான பில்லா படத்தை விட பல மடங்கு வேகமாக இருக்கும். அஜீத் ரசிகர்களை மட்டுமின்றி எல்லா தரப்பு ரசிகர்களையும் கவரும் படமாக இருக்கும் என்பது நிச்சயம்.

இவ்வாறு விஷ்ணுவர்தன் கூறினார்