ரஷ்யர்களின் ரத்தத்தை உறிஞ்ச வந்துள்ள புதிய அட்டையாகத்தான் இங்கிலாந்து இளவரசர் வில்லியமுக்குப் பிறந்த குழந்தையை நான் பார்க்கிறேன். இந்தக் குழந்தையை நான் வெறுக்கிறேன் என்று கடுமையாக பேசியுள்ளார் ரஷ்யாவின் எதிர்க்கட்சித் தலைவர் விலாடிமிர் ஜிரினோவ்ஸ்கி.

ரஷ்யர்களின் ரத்தத்தை மேலும் உறிஞ்சுவதற்காகத்தான் இந்தக் குழந்தை பிறந்துள்ளதாகவும் அவர் வர்ணித்துள்ளார். ரஷ்ய அரசியலில் கரடு முரடான அரசியல்வாதியாக வலம் வரும் ஜிரினோவ்ஸ்கி இப்படிப் பேசியுள்ளது சலசலப்பை ஏற்படுத்தியுள்ளது.

இதுகுறித்து ஜிரினோவ்ஸ்கி கூறுகையில் 21ம் நூற்றாண்டின் மத்தியில் ரஷ்யாவின் ரத்தத்தை உறிஞ்சிக் குடிக்கும் குழந்தையாக இது இருக்கப் போகிறது. எனவே இதன் பிறப்பை ரஷ்யர்கள் கொண்டாடக் கூடாது, வரவேற்கக் கூடாது.

இந்தக் குழந்தை பிறப்பு குறித்து நான் கவலைப்படவே இல்லை. இது ரஷ்யர்களை அழிக்க வந்துள்ள குழந்தை. ரஷ்யாவை அழித்தவர்கள் இங்கிலாந்துக்காரர்கள். எனவேதான் இந்தக் குழந்தையின் பிறப்பை எங்களால் கொண்டாட முடியவில்லை. எங்களது ரத்தத்தைக் குடிக்க வந்திருக்கும் புதிய அட்டையாகத்தான் இந்தக் குழந்தையை நான் பார்க்கிறேன் என்றார் அவர்.

ஆனால் வில்லியமுக்குப் பிறந்த குழந்தையை வரவேற்றுள்ளது ரஷ்ய அரசு. இதுதொடர்பாக வில்லியமின் பாட்டியான ராணி எலிசபெத்துக்கு ரஷ்ய அரசு வாழ்த்தையும் தெரிவித்துள்ளது.

இங்கிலாந்து மற்றும் ரஷ்ய ராஜ குடும்பங்களுக்கு இடையே முன்பு உறவு இருந்தது. இங்கிலாந்து மன்னர் ஐந்தாம் ஜோர்ஜ் மன்னர் மூலமாக வந்த உறவு இது. இவர் இரண்டாம் ஜோர் மன்னன் நிக்லஸின் ஒன்று விட்ட சகோதரர் ஆவார்.

1917ம் ஆண்டு ரஷ்யாவில் ரோமனோவ் வம்சம் அழிந்ததற்குக் காரணமே ஐந்தாம் ஜோர்ஜ் மன்னர்தான் என்பது பல ரஷ்யர்களின் குற்றச்சாட்டாகும். 2ம் ஜோர் மன்னன் நிக்லஸ் அந்த சமயத்தில் ரமனோவ் வம்சத்தின் ஆட்சியை எடுத்து நடத்த முடியாத நிலையில் இருந்தார்.

இதையடுத்து தனது சகோதரரான இங்கிலாந்தின் இளவரசர் மிக்கேல் அலெக்சாண்ட்ரோவிச்சிடம் ஆட்சியை ஒப்படைத்தார். அதன் பிறகு ஆளுநரை நியமித்தார் மிக்கேல். அத்தோடு ரோமனோவ் வம்த்தின் ஆட்சி முடிவுக்கு வந்தது என்பது வரலாறு.

அப்பிள் நிறுவனத்தின் ஐடியூன் சேவைக்கு சுமார் 3000 டொலர்களை செலுத்த வேண்டிய நிலை ஏற்பட்டதால் இரண்டு குழந்தைகளின் தாயான பவுலா மார்னர் அதிர்ச்சி அடைந்துள்ளார்.
அத்துடன் அயலவர்களை பிரமிப்படையச் செய்துள்ளார்.

கனடாவை சேர்ந்த இவர் எந்தவொரு கணனி அப்பிளிக்கேஷன்களையும் பணம் கொடுத்து வாங்கக்கூடாது என்று தனது பிள்ளைகளுக்கு கண்டிப்பாக தெரிவித்துள்ளதுடன் அயலவர்களுக்கும் இதுபற்றி தெரிவித்துள்ளாராம்.

இங்கிலாந்திற்கு சுற்றுலா ஒன்றிற்கு சென்ற வேளையில் தனது மகன்மார் இருவரையும் ஐபொட், ஐபேட் என்பவற்றினை பயன்படுத்தி இலவசமாக கிடைக்கும் ஹேம்களை விளையாட அனுமதித்துள்ளார்.

இதேவேளை 7 வயதான குழந்தைகள் இருவரும் தம்மை அறியாமலேயே சில அப்பிளிக்கேஷன்களை தரவிறக்கம் செய்வதற்கு பணம் செலுத்துவதற்கு அனுமதி அளித்துள்ளனர்.

சுற்றுலாவை முடித்துக்கொண்டு மீண்டும் கனடாவிற்கு திரும்பிய பவுலாவுக்கு அதிர்ச்சி காத்திருந்தது.
அதாவது, ஐடியூனில் அப்பிளிக்கேஷன்களை 3000 டொலர் பணம் செலுத்தி தரவிறக்கம் செய்தமைக்கான பற்றுச்சீட்டு அனுப்பப்பட்டிருந்தது.

ஜப்பானில் ரயில் பெட்டியில் இருந்து இறங்கும் போது ரயில் பெட்டிக்கும் பிளாட்பாரத்தும் இடையில் பெண் ஒருவர் சிக்கிக் கொண்டார். இதனையடுத்து சக பயணிகள் ரயில் நிலைய அதிகாரிகளுக்கு தகவல் தெரிவித்தனர்.

உடனே விரைந்து வந்த ரயில் நிலைய அதிகாரிகள் சக பயணிகளின் உதவியுடன் குறித்த பெண்ணை உயிருடன் மீட்டனர். 32 டன் எடையுள்ள ரயில் பெட்டியை 40 பயணிகளும், சக ரயில்வே ஊழியர்களும் சேர்ந்து சாய்த்து குறித்த பெண்ணை ரயில் அடியில் இருந்து பிளாட்பாரத்துக்கு இழுத்தனர்.

கடுமையான போராட்டத்திற்கு பின் பெண் எவ்வித பாதிப்புமின்றி மீட்கப்பட்டார்.இதனால் 8 நிமிடம் ரயில் தாமதமாக புறப்பட்டுச் சென்றது குறிப்பிடத்தக்கது.

பாகிஸ்தானில் பிறந்து, தற்போது இங்கிலாந்தில் வாழ்ந்து வந்த சாண்ட் கவுர் பஜ்வா என்ற 115 வயது மூதாட்டி கடந்த வெள்ளியன்று இயற்கை எய்தினார். இங்கிலாந்தின் அதிகூடிய வயதுப் பெண்மணியான இவர், இரண்டு உலகப்போர்களைப் பார்த்துள்ளாராம்.

சாண்ட் கவுர் பஜ்வா 1898ம் ஆண்டு ஜனவரி 1ம்திகதி தற்போது பாகிஸ்தானில் உள்ள குஜராத் பகுதியில் பிறந்தார். 1960ம் ஆண்டு இங்கிலாந்துக்கு குடி பெயர்ந்த இவர், இங்கிலாந்தின் வயது மூத்த பெண்மணி என அதிகாரப்பூர்வமாக அறிவிக்கப்பட்டமை குறிப்பிடத்தக்கது.

உலகளவில் வயது முதிர்ந்த இரண்டாவது பெண்மணி இவர்.16 வயதில் மணமுடிக்கப்பட்ட பஜ்வா சிறு வயதிலேயே பெற்றோரை இழந்தவர்.
தனது மூத்த சகோதரியால் வளர்க்கப்பட்டார். நான்கு குழந்தைகளுக்கு தாயான நிலையில் மணமான ஆறு வருடங்களிலேயே பஜ்வாவின் கணவர் காலமானார்.

1972ம் ஆண்டு இவரது மகள் எதிர்பாராவிதமாக மரணமடைந்த போது இவருக்கு வயது 74. ஆனால், அந்த தள்ளாத வயதிலும் தனது பேரக்குழந்தைகளை எடுத்து பராமரித்து வளர்க்கத் தொடங்கினார்.
அதில் இரட்டைக் குழந்தைகளான பேரன்களின் வயது அப்போது 6 ஆகும். எங்கள் பாட்டியின் உடல் மற்றும் உள்ள உறுதிதான் அவரை இத்தனை நாள் வாழ வைத்தது.

அவரைப் போன்ற பெண்மணியை பார்ப்பது மிகவும் அரிது என அவரது பேரன்கள் மற்றும் கொள்ளுப் பேரன்கள் அவரைப் புகழ்ந்து பேசுகின்றனர்.
தற்போது, இவருக்கு 12 பேரப்பிள்ளைகளும், 28 கொள்ளுப் பேரப்பிள்ளைகளும் உள்ளனராம்.

வயோதிபம் காரணமாக கடந்த வெள்ளியன்று இயற்கை எய்திய இப்பாட்டியின் இறுதிச்சடங்கை சிறப்பாக செய்து முடிக்க உறவினர்கள் திட்டமிட்டிருக்கிறார்களாம். தன் மகள் மற்றும் மருமகனோடு 1966ம் ஆண்டு லண்டனில் குடியேறிய பஜ்வா தனது இறுதிமூச்சை அங்கேயே விட்டுள்ளார்.