நான் ஈ நாயகன் நானிக்கு, தன் ஆதர்ச நடிகர் கமல்ஹாஸனைச் சந்திக்க வேண்டும் என்று சிறுவனாக இருக்கும் போதிலிருந்தே ஆசையாம். ஆனால் சந்தர்ப்பம் அமையவில்லை.

நானி ஒரு நடிகராக உருவான பிறகு, தனது முன்மாதிரியாக நினைத்தது கமல்ஹாஸனைத்தான். அப்போதும் கூட கமலைச் சந்திக்கும் வாய்ப்பு நானிக்கு அமையவில்லை.

சமீபத்தில் ஹைதராபாதில் யாஷ்ராஜ் தயாரிக்கும் படத்தின் படப்பிடிப்பில் கலந்து கொண்ட நானிக்கு, பக்கத்து ப்ளோரில் கமல்ஹாஸன் தன் விஸ்வரூபம் படத்தை இயக்கிக் கொண்டிருக்கும் தகவல் தெரிந்தது.

இதுதான் கமலைச் சந்திக்க சரியான சமயம் என்று முடிவு செய்து, அனுமதி கேட்டார் நானி. உடனே வரச் சொன்ன கமல், நானியை அன்புடன் வரவேற்று உபசரித்தார்.

அதுமட்டுள்ள, தன்னுடன் நடித்துக்கொண்டிருந்த நாயகிகள் பூஜா குமார், ஆன்ட்ரியா இருவருக்கும் நானியை அறிமுகப்படுத்தியதோடு, சிறிது நேரம் நானி நடிக்கும் படங்கள் பற்றியெல்லாம் பேசிக் கொண்டிருந்தாராம்.

அவரது இந்த அன்பும் உபசரிப்பும் பேச்சும் தனக்கு வானில் பறப்பது போன்ற உணர்வைத் தந்ததாக நானி தெரிவித்தார்.

கொலிவுட்டில் அழகிய தீயே படத்தின் மூலம் அறிமுகமான நடிகை நவ்யா நாயர் தனது தம்பி கொலை செய்ய முயன்றதாக தெரிவித்துள்ளார்.
கேரளத்து நடிகையான இவர் மாயக் கண்ணாடி, ராமன் தேடிய சீதை ஆகிய படங்களில் நடித்திருக்கிறார்.

சந்தோஷ் மேனன் என்பவரை திருமணம் செய்து ஒரு குழந்தைக்கு தாயான அவர் தனது வாழ்க்கையில் நடந்த சம்பவங்கள் குறித்து ஒரு புத்தகத்தை வெளியிடவிருக்கிறார்.

நவ்யா ரசங்கள் என்று பெயரிடப்பட்டுள்ள அந்த புத்தகத்தில் அவர் அதிர்ச்சியளிக்கும் ஒரு சம்பவம் பற்றி குறிப்பிட்டுள்ளார்.

பொதுவாகவே சிறு வயதில் பெற்றோரின் அன்பை பெற பிள்ளைகள் போட்டி போடுவது சகஜம்.

அவ்வாறு தான் நவ்யாயும் தனது பெற்றோரின் அன்பை பெற தன்னுடைய தம்பியுடன் போட்டி போட்டுள்ளார்.

அந்த போட்டியால் தம்பி மீது வெறுப்பு ஏற்பட்டு அவரை கீழே தள்ளி கொலை செய்ய முயன்றுள்ளார்.

இந்த விடயம் அவரது பெற்றோருக்கே இதுவரை தெரியாமல் இருந்ததாக தகவல்கள் வெளியாகியுள்ளது.

கொலிவுட்டில் கிருஷ்ணன் ஜெயராஜ் இயக்கும் சொன்னா புரியாது நடித்துவரும் சிவா, தனக்கு போட்டி ஷாருக்கான் என்று அதிரடியாக தெரிவித்துள்ளார்.

இப்படம் குறித்து சிவா கூறுகையில், ஆங்கில படங்கள் நிறைய தமிழில் டப்பிங் செய்யப்பட்டு வெளியாகிறது.

ஜாக்கி சான், ஜெட்லி போன்றவர்கள் திடீரென்று சென்னை, நெல்லை, கோவை, மதுரை போன்ற இடங்களில் பேசுவது போல் தமிழ் பேசுகிறார்கள்.

நமது ஊரைச் சேர்ந்த டப்பிங் கலைஞர்கள் இவர்களுக்கு குரல் கொடுத்து வருகின்றனர்.

இதுபோல் ஆங்கில படங்களுக்கு தமிழ் டப்பிங் குரல் கொடுக்கும் வேடத்தில் நானும், வில்லன்களுக்கு குரல் கொடுப்பவராக பிளேடு சங்கரும் நடித்துள்ளோம்.

இப்படத்தில் இந்தி பாடல் ஒன்று வருகிறது. அதை யாரை எழுத வைப்பது என்று இயக்குனர் கேட்டபோது ‘எனக்கு இந்தி தெரியும் நானே எழுதுகிறேன்’என்றேன்.

முதலில் நம்பாத இயக்குனர், பின்பு வேறு வழியில்லாம் ஒப்புக் கொண்டார். அந்த பாடலை நானே பாடியும் இருக்கிறேன்.

திரையுலகில் உங்களுக்கு யார் போட்டி என்று கேட்கிறார்கள். சென்னை எக்ஸ்பிரஸ் என்ற இந்தி படத்தில் ஷாருக்கான் தமிழ் வசனம் பேசி, பாட்டு பாடுகிறார்.

நான் இந்தி பாடல் பாடி, வசனம் பேசி இருக்கிறேன். ஆதலால் எனக்கு ஷாருக்கான் தான் போட்டி என்று அதிரடியாக தெரிவித்துள்ளார்.

சிறந்த நடிகருக்கான தேசிய விருது பெற்ற நடிகரான தனுஷ், தற்போது தமிழிலும் இந்தியிலும் பரபரப்பாக நடித்து வருகிறார்.
சமீபத்தில் இந்தியில் வெளியான ராஞ்சனா வெற்றிகரமாக ஓடி, வசூலை வாரிக் குவித்துக் கொண்டிருக்கிறது.

மேலும் தற்போது தமிழில் வெளியான மரியான் திரையரங்கில் பரபரப்பாக ஓடிக் கொண்டிருப்பது குறிப்பிடத்தக்கது.

இந்நிலையில், மரியான் பட இயக்குநர் பரத் பாலாவும், தனுஷும் ரசிகர்களின் கேள்விக்கு சுவாரஷ்யமாக பதிலளித்துள்ளனர்.

உங்களுக்கு நடிப்பு சொல்லிக் கொடுத்தது யார் என்ற ரசிகர்களின் கேள்விக்கு, தனது அண்ணன் செல்வராகவன் தான் கற்றுக் கொடுத்தார்.

மேலும் கமெரா முன்பு பயமில்லாமல் எப்படி நடிக்க வேண்டும் என்பதையும் அவரே தான் கற்றுக் கொடுத்தார்.

அதுமட்டுமின்றி உணர்ச்சிகளையும், பாவங்களையும் எப்படி வெளிப்படுத்த வேண்டும் என்று அவரிடம் தான் கற்றுக் கொண்டேன்.

மேலும் இயக்குநர்கள் சூரஜ், சுப்ரமணிய சிவா மற்றும் பூபதி பாண்டியன் ஆகியோரால் தான், தனக்குள் இருந்த நகைச்சுவை நடிகன் உலகிற்கு தெரிந்துள்ளான்.

இதுமட்டுமின்றி சரியான நேரத்தில் இயக்குநர்களின் படங்களில் நடிக்க வைத்த கடவுளுக்கு என் நன்றிகள். எல்லாம் கடவுளின் ஆசிர்வாதம் என்று வெளிப்படையாக கூறியுள்ளார் தனுஷ்.

ரஜினிகாந்த் நடிப்பில் தயாராகி இருக்கும் கோச்சடையான் படம் குறித்து பல்வேறு செய்திகள் வெளிவந்த வண்ணம் இருந்தது. கோச்சடையான் படம் டிராப்பாகி விட்டதாகவும், கே.எஸ்.ரவிக்குமார் இயக்கத்தில் ரஜினி நடிக்க இருக்கிறார் என்றும் செய்திகள் உலவின.

சென்ற வாரத்தில் கூட ஷங்கர் ரஜினியை சந்தித்து படம் குறித்து பேசியதாகவும் செய்திகள் வெளியாகின. இச்செய்திகள் அத்தனையும் பொய்யாக்கி இருக்கிறது கோச்சடையான் படக்குழு.

கோச்சடையான் படம் குறித்து தயாரிப்பாளர்களில் ஒருவரான முரளி மனோகர் கூறியிருப்பது ஜேம்ஸ் கேமரூன் இயக்கிய அவதார், ஸ்பீல்பெர்க் இயக்கிய டின் டின் ஆகிய படவரிசையில் கோச்சடையான் படம் மிக நவீன தொழில்நுட்பத்தில் உருவாகியிருக்கிறது. அவதார், டின் டின் ஆகிய இரண்டு ஹாலிவுட் படங்களும் தலா ரூ.2 ஆயிரம் கோடி செலவில், நான்கு வருடங்களில் தயாரானவை.

கோச்சடையான் படத்தை நாங்கள் ஹாலிவுட் படங்களுக்கு இணையாக 125 கோடி செலவில் இரண்டு வருடங்களில் உருவாக்கியிருக்கிறோம். படத்தில் கிராபிக்ஸ் வேலைகளும் நவீன தொழில்நுட்பங்களும் அதிகமாக இடம்பெற்றிருப்பதால்தான் தாமதம் ஏற்பட்டுள்ளது.

கோச்சடையான் படம் தமிழ் திரை உலகில் மிகப்பெரிய முயற்சி. நிச்சயமாக இந்த படத்தை அனைத்து தரப்பு மக்களும் பார்த்து பாராட்டுவார்கள். இளமையான தோற்றத்தில் ரஜினிகாந்த் செய்திருக்கும் சாகசங்கள் பரபரப்பாக பேசப்படும்.

கோச்சடையான் படத்தை ரஜினிகாந்த் பார்த்துவிட்டு அசந்தார். இயக்குனர் கே.எஸ்.ரவிக்குமார் படமே பார்க்காதவர்கள்கூட இந்த படத்தை இரண்டு முறை பார்ப்பார்கள் என்று கூறினார். இயக்குனர் சவுந்தர்யா மிகத்திறமையாக ஒரு சவாலாக எடுத்துக்கொண்டு இந்த படத்தை இயக்கி இருக்கிறார்.

படப்பிடிப்பு, எடிட்டிங் பணிகள் முடிவடைந்தன. பின்னணி இசைக் கோர்ப்பு பணிகள் நடைபெறுகின்றன. ஸ்பெஷல் எபக்ட்ஸ் வேலைகளும் நடைபெறுகின்றன. செப்டம்பர் மாதத்துக்குள் எல்லா வேலைகளும் முடிவடைந்துவிடும்.

படம் திரைக்கு வரும் தேதி பற்றி ஒக்டோபர் மாதம் முடிவு செய்யப்படும். கோச்சடையான் படம் இந்த ஆண்டில் கண்டிப்பாக திரைக்கு வரும் என்று தெரிவித்து இருக்கிறார்.