பேருந்துகள் தொடர்பில்..

மேல் மாகாணத்தில் பயணிகளை ஏற்றிக் கொண்டு எரிபொருள் பெற்றுக் கொள்வதற்காக எரிபொருள் நிரப்புவதற்காக செல்லும் தனியார் பேருந்து ஊழியர்களுக்கு எதிராக சட்டம் கடுமையாக்கப்படவுள்ளது.

அவ்வாறு பயணிகளை அழைத்து செல்லும் பேருந்து ஊழியர்களுக்கு தண்டனை வழங்கப்படவுள்ளதுடன் அனுமதி பத்திரத்தை இரத்து செய்வதற்கும் நடவடிக்கை மேற்கொள்வதாக மேல் மாகாண பயணிகள் போக்குவரத்து அதிகார சபை தெரிவித்துள்ளது.

எரிபொருள் நிரப்புவதற்கு பயணிகளை அழைத்து செல்வதென்பது மிகவும் ஆபத்தானதெனவும், பாதுகாப்பதற்றதெனவும் அதிகார சபையின் தலைவர் பிரச்ன சன்ஜீவ தெரிவித்துள்ளார்.

தினசரி பேருந்துகளுக்கு அவசியமான எரிபொருட்களை முன்னரே பெற்றுக் கொள்வது ஊழியர்களின் பொறுப்பாகும். பேருந்துகளுக்கு எரிபொருள் பெற்றுக் கொள்வதற்காக பயணிகளுடன் எரிபொருள் நிலையத்திற்கு செல்வதென்பது ஆபத்தான குற்றமாகும்.

அவ்வாறு செயற்படும் பேருந்து ஊழியர்கள் அவதானம் செலுத்தப்பட்டுள்ளது. அவ்வாறான செயற்பாடுகளில் ஈடுபடும் ஊழியர்களுக்கு உரிய தண்டனை வழங்கப்படும் என அவர் மேலும் தெரிவித்துள்ளார்.

கார்கள்..

அடுத்த ஆறு மாதங்களுக்கு விற்பனை செய்யும் அளவுக்கு தேவையான கார்கள் மாத்திரமே விற்பனையாளர்களிடம் கையிருப்பில் இருப்பதாக வாகன இறக்குமதியாளர்கள் சங்கத்தின் செயலாளர் பிரசாத் துலதுங்க தெரிவித்துள்ளார்.

கடந்த மார்ச் மாதம் 19ஆம் திகதியில் இருந்து நடைமுறைக்கு வரும் வகையில் கார் இறக்குமதியை நிறுத்த அரசாங்கம் தீர்மானித்த பின், பதிவு செய்யப்படாத கார் ஒன்றின் விலை சுமார் 10 லட்சம் ரூபாவால் அதிகரித்தது.

இதனடிப்படையில் பதிவு செய்த வாகனங்களின் விலையும் குறிப்பிடத்தக்களவு அதிகரித்து எனவும் துலதுங்க குறிப்பிட்டுள்ளார். சாதாரணமாக இலங்கைக்கு ஒரு மாதத்தில் சுமார் மூவாயிரம் முதல் நான்காயிரம் வாகனங்கள் இறக்குமதி செய்யப்படும்.

இலங்கையின் வாகன இறக்குமதியாளர்களிடம் கையிருப்பதாக 10 ஆயிரம் முதல் 15 ஆயிரம் கார்கள் இருந்தன. எனினும் கடந்த மார்ச் மாதம் வாகன இறக்குமதி நிறுத்தப்பட்டதன் காரணமாக,

அடுத்த ஆறு மாதங்களில் நாட்டின் வாகன சந்தையில் வாகனங்கள் இருக்காது. நாட்டுக்கு வாகனங்களை இறக்குமதி செய்வதை தற்காலிகமாக நிறுத்த எடுத்த தீர்மானத்தில் எந்த பிரச்சினையும் இல்லை.

ஒரு கட்டுப்பாட்டின் கீழ் கார்களை இறக்குமதி செய்யும் திட்டத்தை உருவாக்குவது முக்கியமானது எனவும் வாகன இறக்குமதியாளர்கள் சங்கத்தின் செயலாளர் பிரசாத் துலதுங்க மேலும் கூறியுள்ளார்.

5 குழந்தைகளை பெற்ற தாய்..

கொழும்பில் ஒரே பிரவசத்தில் தாய் ஒருவர் 5 குழந்தைகளை பிரசவித்துள்ளார். கொழும்பு டி சொய்ஸா வைத்தியசாலையில் ஐந்து குழந்தைகளும் பிறந்துள்ளன.

இந்த ஐவரும் பெண் குழந்தைகள் என வைத்தியசாலை பணிப்பாளர் வைத்தியர் சாகரிக்கா கிரிவன்தெனிய தெரிவித்துள்ளார்.

பெபிலியாவல பகுதியை சேர்ந்த 29 வயதான பெண்ணுக்கே ஐந்து குழந்தைகள் பிறந்துள்ளன. தாய் மற்றும் குழந்தைகள் ஆரோக்கியமாக இருப்பதாக அவர் மேலும் தெரிவித்துள்ளார்.

மூன்றாம் தவணைக்கான விடுமுறை..

2020ஆம் ஆண்டில் பாடசாலை மாணவர்களுக்கான மூன்றாம் தவணை விடுமுறை 11 நாட்களுக்கு மட்டுப்படுத்தப்பட்டுள்ளது. அதற்கமைய மூன்றாம் தவணை விடுமுறை டிசம்பர் மாதம் 24ஆம் திகதி முதல் 31ஆம் திகதி வரை வழங்குவதற்கு தீர்மானிக்கப்பட்டுள்ளது.

எப்படியிருப்பினும் புதிய பாடசாலை தவணை ஜனவரி மாதம் 4ஆம் திகதி ஆரம்பிக்கப்படவுள்ளதாக கல்வி அமைச்சு தெரிவித்துள்ளது. கொரோனா வைரஸ் பரவல் காரணமாக இவ்வாறு விடுமுறை தினங்களில் மாற்றம் ஏற்பட்டுள்ளதாக கல்வி அமைச்சு குறிப்பிட்டுள்ளது.

அதற்கமைய மூன்றாம் தவணை விடுமுறை டிசம்பர் மாதம் 24ஆம் திகதி முதல் 31ஆம் திகதி வரை வழங்குவதற்கு தீர்மானிக்கப்பட்டுள்ளது.

விளாத்திக்குளம் பகுதியில்..

மடு பொலிஸ் பிரிவிற்குட்பட்ட விளாத்திக்குளம் பகுதியில் காட்டிற்கு சென்ற குடும்பஸ்தர் ஒருவர் சடலமாக மீ ட்கப்பட்டுள்ளார். குறித்த நபர் கடந்த இரண்டு நாட்களுக்கு முன்பாக காட்டுப்பகுதிக்கு சென்றுள்ள போதும் இரண்டு நாட்களாக அவர் வீடு திரும்பாத நிலையில் உறவினர்கள், நண்பர்கள் காட்டுப்பகுதியில் அவரைத் தே டியுள்ளனர்.

இதன்போது அவர் காட்டுப்பகுதியில் பா ரிய கா யங்களுடன் ச டலமாக கிடந்தமை நேற்றைய தினம் கண்டுபிடிக்கப்பட்டுள்ளது. சம்பவம் தொடர்பாக மடு பொலிஸாருக்கு தகவல் தெரிவிக்கப்பட்டது.

சம்பவ இடத்திற்கு சென்ற பொலிஸார் சடலத்தினை மீட்டு மேலதிக வி சாரணைகளை மேற்கொண்டு வருகின்றனர். குறித்த சம்பவத்தில் விளாத்திக்குளம் பகுதியை சேர்ந்த சிறிரங்கன் வியேந்திரன் (வயது 36) என்ற ஒரு பிள்ளையின் தந்தையே உ யிரிழந்துள்ளார்.

இவர் தேன் எடுப்பதற்காக காட்டுப்பகுதிக்கு சென்ற நிலையில் கரடியினால் உ யிரிழந்திருக்கலாம் என கிராம மக்கள் ச ந்தேகம் வெளியிட்டுள்ளனர்.

சரணியா..

அண்மையில் நடைபெற்ற 31வது தேசிய இளைஞர் கழக விளையாட்டுப்போட்டியில் வடக்கு மாகாணத்தைச் சேர்ந்த சரணியா 1500 மீற்றர் ஓட்டப்பந்தயத்தில் வெற்றி பெற்று சாதனை படைத்துள்ளார்.

முல்லைத்தீவு – யோகபுரம் மகாவித்தியாலயத்தில் உயர்தர வணிகத்துறையில் கல்வி கற்று வரும் இம்மாணவி ஆரம்பகாலத்தில் குறுந்தூர ஓட்டப்பந்தயங்களில் கலந்துகொண்டு தனது திறனை வளர்த்துள்ளார்.

பின்னர் சரியான பயிற்சி மூலம் அவர் நெடுந்தூர ஓட்டபந்தயங்களில் கலந்துகொண்டு வெற்றிகள் பலவற்றை பெற்று வருகின்றார்.

கொரோனா..

சிலாபம் – பங்கதெனிய பகுதியில் அடையாளம் காணப்பட்ட கொரோனா தொற்றினால் பாதிக்கப்பட்ட பெண்ணுடன் தொடர்பில் இருந்தவர்களை அடையாளம் காணவும், அவர்களை தனிமைப்படுத்தவும் நடவடிக்கை எடுக்கப்பட்டுள்ளது. புத்தளம் சுகாதார சேவைகள் பணிப்பாளர் வைத்தியர் தினுஷா பெர்னாண்டோ இதனை தெரிவித்துள்ளார்.

இந்நிலையில், தொற்றினால் பாதிக்கப்பட்டுள்ள 29 வயதான கர்ப்பிணிப் பெண் முல்லேரியா வைத்தியசாலையில் மேலதிக சிகிச்சைக்காக அனுப்பப்பட்டுள்ளதாகவும் அவர் கூறியுள்ளார்.

கடந்த மாதம் துபாயில் இருந்து இலங்கைக்கு வந்த அந்தப் பெண், தனிமைப்படுத்தப்பட்ட காலத்தை முடித்த பின்னர் தனது வீட்டில் தனிமைப்படுத்தலில் இருந்துள்ளார்.

எனினும், அவருக்கு மேற்கொள்ளப்பட்ட பி.சி.ஆர் பரிசோதனையில் கொரோனா தொற்று இருப்பது உறுதி செய்யப்பட்டுள்ளது. இந்நிலையிலேயே, அவருடன் தொடர்பில் இருந்தவர்களை அடையாளம் காணும் நடவடிக்கைகள் எடுக்கப்பட்டுள்ளதாக தெரிவிக்கப்பட்டுள்ளது.

இதேவேளை, இலங்கைக்குள் கொரோனா தொற்றாளிகளின் எண்ணிக்கை இன்று இரவு வரை 2986 ஆக உயர்ந்திருந்தது. இன்று இரண்டு பேர் தொற்றாளிகளாக அடையாளம் காணப்பட்டிருந்தமை குறிப்பிடத்தக்கது.