அக்­க­ரைப்­பற்று பள்­ளிக்­கு­டி­யி­ருப்பு பிர­தே­சத்தில் மாம­ரத்தில் ஏறி மாங்காய் பறிக்­க­முற்­பட்ட போது தவறிக் கீழே வீழ்ந்த 10 வயதுச் சிறுவன் ஒருவன் உயி­ரி­ழந்­துள்­ள­தாக அக்­க­ரைப்­பற்று பொலிஸார் தெரி­வித்­தனர்.

அக்­க­ரைப்­பற்று பள்ளிக் குடி­யி­ருப்பு பிர­தே­சத்தை சேர்ந்த இந்தச் சிறுவன், வீட்­டுக்கு அண்­மையில் உள்ள தனியார் காணிக்குள் உள்ள மாம­ரத்தில் மாங்காய் பறிப்­ப­தற்­காக ஏறிய போது கீழே தவறி வீழ்ந்து பலத்த காய­ம­டைந்­துள்ளார்.

அமெரிக்க ஜனாதிபதி டொனால்ட் ட்ரம்ப் எடுத்துவரும் முடிவுகளால் இந்தியாவில் உள்ள தொழில் நுட்பக்கம்பனிகளின் பங்கு கடும் வீழ்ச்சியை சந்தித்துள்ளதாக இந்தியச் செய்திகள் தெரிவிக்கின்றன. இது குறித்து தெரியவருவதாவது,

அமெரிக்க ஜனாதிபதி டொனால்ட் ட்ரம்ப் கொண்டுவந்துள்ள விசா கொள்கைகளின்படி, H1B விசாவில் வேலைக்கு வருபவர்களின் குறைந்தபட்ச சம்பளம் 1,30,000 டொலராக உயர்த்தப்பட்டுள்ளது.

இது, முன் இருந்ததை விட 2 மடங்கு அதிகம். இன்று, அமெரிக்க நாடாளுமன்றத்தில் H1B விசாவில் திருத்தம் செய்யப்பட்ட மனுத் தாக்கல் செய்யப்பட்ட ஒரு மணி நேரத்தில் இந்தியாவின் முன்னணி தொழில் நுட்ப நிறுவனங்களான டிசிஎஸ், இன்போசிஸ், விப்ரோ மற்றும் எச்சிஎல் நிறுவனங்களின் பங்குகள் சுமார் ரூ.48,000 கோடி வீழ்ச்சியடைந்துள்ளன.

இது முன்னர் எப்பொழுதும் இருந்ததை விட அதிகம் என தெரிவிக்கப்படுகின்றது.

அமெரிக்க ஜனாதிபதியாக கடந்த 20ம் திகதி பொறுப்பேற்றுக் கொண்ட டொனால்ட் ட்ரம்ப் லிபியா, துருக்கி உட்பட்ட ஏழு நாட்டவர்களுக்கான விசா வழங்கப்படமாட்டாது என்றும். இது அமெரிக்காவின் பாதுகாப்பைக் கருத்தில் கொண்டு எடுக்கப்பட்டது என்றும் குறிப்பிட்டிருந்தார்.

இந்நிலையில், அமெரிக்காவில் குடியேறியிருப்பவர்கள் குறித்தும் நடவடிக்கை எடுக்கப்படும் என்றும் அவர் குறிப்பிட்டடிருந்தார்.

எனினும், உடனடியாக கூகுள் நிறுவனத்தின் தலைமை அதிகாரி சுந்தர்ப்பிச்சை கடும் எதிர்ப்பை வெளியிட்டதுடன், பொருளாதாரத்தில் இது பாரிய தாக்கத்தை ஏற்படுத்தும் என்றும் குறிப்பிட்டிருந்தார்.

அதேபோன்று ஏனைய நாடுகளும் ட்ரம்பின் இந்த முடிவிற்கு கடும் எதிர்ப்புக் தெரிவித்திருந்தார்கள். இந்நிலையில் தான் இந்தியாவில் உள்ள தொழில் நுட்பக்கம்பனிகளின் பங்குகளில் வீழ்ச்சி ஏற்பட்டிருக்கிறது.

டொனால்ட் ட்ரம்பின் இந்த முடிவுகளானது, ஆசியாவின் ஏனைய வளர்ந்துவரும் இலங்கை போன்ற நாடுகளுக்கு பாரிய தாக்கத்தை ஏற்படுத்தும் என்கிறார்கள் பொருளாதார நிபுணர்கள்.

இது இவ்வாறு இருக்க, அமெரிக்காவில் ஏற்படும் மாற்றத்தினால் சர்வதேச பொருளாதாரத்தில் பெரும் சிக்கலைச் சந்திக்கும் என்கிறார்கள் அவதானிகள்.

இந்நிலையில், இது குறித்து அமெரிக்காவின் முக்கிய ஆய்வாளர்கள் ஆலோசனை நடத்திவருவதாக சர்வதேச ஊடகங்கள் செய்தி வெளியிட்டுள்ளன.

பெண்களினால் முடியாத வேலை என கூறிய விடயத்தை மூன்று இளம் பெண்கள் வெற்றிகரமாக நிறைவு செய்துள்ளனர்.

காலி, நெழும் பிரதேசத்தில் வாழும் தில்கி, சந்துனி மற்றும் நிழுக்ஷி என்ற மூவரும் தந்தையின் பாதுகாப்பில் வாழ்ந்த மகள்களாகும். இந்த மூன்று பிள்ளைகளுக்கும் யாரும் எதிர்பார்க்காத சந்தர்ப்பத்தில் தந்தையின் அன்பு இழக்கப்பட்டது.

ஆயிரம் கணக்கிலான மக்கள் பயணித்த பாலம் குறித்த மூன்று மகள்களின் தந்தையின் உயிரை பறித்துக் கொண்டுள்ளது. அதன் பின்னர் இந்த பிள்ளைகள் ஒரு விடயத்தை மிகவும் தீவிரமாக மனத்திற்குள் எடுத்துக் கொண்டனர்.

பாலம் உயிரைப் பறித்தது. இடிந்து விழுந்ததனால் தந்தையின் உயிர் பறிபோனது. எனினும் தாங்கள் தந்தையின் பாசத்தை இழந்து வாடுவதைப் போல வேறு யாரும் இழக்கக்கூடாது. அதற்காக குறித்த பாலத்தை அமைக்க வேண்டும் என குறித்த மூவரும் திட்டமிட்டுள்ளனர்.

பெண் பிள்ளைகள் என்ற போதிலும் மனதில் வலுவுடன் மேலும் சில இளைஞர்களுடன் இந்த வேலையில் இவர்கள் இறங்கியுள்ளனர்.

முயற்சியை கைவிடாமல் இந்த மூவரும் அண்மையில் குறித்த பாலத்தை வெற்றிகரமாக அமைக்கும் பணிகளை நிறைவு செய்துள்ளனர்.

மோட்டார் சைக்கிள் ஓட்டுனர்களுக்கான பாதுகாப்பு தலைக்கவசம் அணியும் சட்டம் ஏப்ரல் 01ஆம் திகதி தொடக்கம் நடைமுறைக்கு வரவுள்ளது.

தற்போதைய நிலையில் மோட்டார் சைக்கிள் ஓட்டுனர்கள் தரமற்ற, பாதுகாப்பில்லாத விலைகுறைந்த தலைக்கவசங்களை அணிந்து பயணிக்கும் போது விபத்துக்குள்ளாகும் நிலையில் படுகாயம் அல்லது மரணம் சம்பவிக்கும் நிகழ்வுகள் அதிகரித்துள்ளன.

இதனை கருத்திற் கொண்டு மோட்டார் சைக்கிள் ஓட்டுனர்கள் பாதுகாப்பானதும், தரக்கட்டுப்பாட்டைக் கொண்டதுமான தலைக்கவசங்கள் அணிவதை கட்டாயமாக்கும் சட்டமூலம் ஒன்று அண்மையில் அறிமுகப்படுத்தப்பட்டது.

இச்சட்டமூலத்தை எதிர்வரும் ஏப்ரல் மாதம் 01ஆம் திகதி தொடக்கம் நடைமுறைப்படுத்தவுள்ளதாக பொதுப் போக்குவரத்து மற்றும் சிவில் விமான சேவைகள் அமைச்சர் நிமல் சிறிபால டி சில்வா அறிவித்துள்ளார்.

நுகர்வோர் விவகார அதிகார சபை மற்றும் இலங்கை தரக்கட்டுப்பாட்டுச் சபை என்பனவும் இந்த விடயத்தில் போக்குவரத்து அமைச்சுடன் இணைந்து செயற்பட சம்மதம் தெரிவித்துள்ளன.

யாழ்ப்பாணத்தில் பல இடங்களில் இடம்பெற்ற வாள்வெட்டு சம்பவங்களுடன் தொடர்புபட்டதாக கூறி சந்தேகத்தின் பேரில் கைது செய்யப்பட்ட 8 இளைஞர்களுக்கு பிணை வழங்கப்பட்டுள்ளது.

இவர்களுக்கு கடும் எச்சரிக்கையின் பின்னர் பிணை வழங்கி யாழ். மேல் நீதிமன்ற நீதிபதி இளஞ்செழியன் இன்று உத்தரவிட்டுள்ளார். இது குறித்து மேலும் தெரியவருவதாவது,

யாழில் இடம்பெற்ற பல்வேறு வாள்வெட்டுச் சம்பவங்களுடன் தொடர்புடைய “றோக் ரீம்” என்ற குழுவை யாழ் பொலிஸார் தீவிர தேடுதலில் பின் கைது செய்தனர்.

இந்தக் குழுவின் தலைவராக பிரபல பாடசாலை ஒன்றின் மாணவத்தலைவனும், அவுஸ்திரேலிய மினி ஒலிம்பிக் தடகள போட்டியில் சம்பியன் பட்டம் வென்ற செந்தூரன் என்பவர் இனம் காணப்பட்டார்.

குறித்த நபர்களிடம் இருந்து வாள்கள், கைக்கோடரிகள், மற்றம் கைக்குண்டுகள் போன்றன மீட்கப்பட்டதாக யாழ் பொலிஸார் வழக்கு தாக்கல் செய்தனர்.

கைது செய்யப்பட்ட நபர்கள் யாழ் நீதவான் நீதிமன்றால் கடந்த 7 மாதங்களாக விளக்கமறியலில் வைக்கப்பட்டனர்.

இந்நிலையில் குறித்த 8 சந்தேகநபர்களின் பிணை மனு யாழ்.மேல் நீதிமன்றத்தில் இன்று நீதிபதி இளஞ்செழியன் முன்னிலையில் எடுத்துக்கொள்ளப்பட்டது.

வழக்கை விசாரித்த நீதிபதி குறித்த நபர்களை கடுமையாக எச்சரித்ததுடன் ஒவ்வொருவருக்கும் தலா 50 ஆயிரம் ருபாய் தண்டம் விதித்ததுடன், 2 இலட்சம் பெறுமதியான சரீர பிணையில் செல்ல அனுமதித்துள்ளார்.

மேலும். எதிர்வரும் நான்கு மாதங்களுக்கு ஒவ்வொரு ஞாயிற்றுக்கிழமையும் யாழ் பொலிஸ் நிலையத்தில் கையொப்பமிடவும் உத்தரவிட்டுள்ளார்.

எனினும் பிணை வழங்கப்படும் காலப்பகுதிகளில் வேறு குற்றச்செயல்களில் ஈடுபட்டால் பிணை நிராகரிக்கப்படும் எனவும் நீதிபதி எச்சரித்தார்.

ஜனாதிபதியை அவமதிக்கும் வகையில் ஜோதிட கணிப்புக்களை வெளியிட்ட பிரபல ஜோதிடரான விஜித் ரோஹன விஜயமுனி குற்றபுலனாய்வு திணைக்களத்தால் இன்று கைது செய்யப்பட்டுள்ளார்.

ஜனாதிபதி மைத்திரிபால சிறிசேன ஜனவரி 26 இல் மரணிப்பார், மஹிந்த ராஜபக்ஷ பிரதமராவார் மற்றும் கோதாபய ராஜபக்ஷ ஜனாதிபதியாவார் என்று ஆருடம் கூறிய காணொளி ஒன்றை சமூகவலைத்தளத்தில் பதிவேற்றியிருந்தமை குறிப்பிடத்தக்கது.