வீடொன்றில் கண்டுபிடிக்கப்பட்ட வித்தியாசமான நுளம்பு குறித்து பரிசோதனைகளை மேற்கொள்ள வைத்திய பிரிசோதனை நிலையம் தீர்மானித்துள்ளது.

சாதாரண நுளம்புகளை விட பெரியளவான நுளம்பு ஒன்று காணப்பட்டதாக நேற்று வைத்திய பரிசோதனை நிலையத்திற்கு அறிவிக்கப்பட்டதாக அந்நிலையத்தின் வைத்திய பரிசோதகர் அனில் சமரநாயக்க தெரிவித்தார்.

இவ்வாறு கண்டுபிடிக்கப்பட்டது நுளம்பா அல்லது வேறு ஏதும் உயிரினமா என பரிசோதனைகளின் பின்னரே அறிவிக்க முடியும் என அவர் குறிப்பிட்டார்.

கலேவெல – மொரகொல்ல ரொடவெவ பிரதேச வீடொன்றிலிருந்து இந்த உயிரினம் கண்டு பிடிக்கப்பட்டுள்ளது. இந்த வீட்டின் உரிமையாளர் அந்த உயிரினத்தை கண்டதும் பிரதேச சுகாதார அதிகாரிகளுக்கு அறிவித்துள்ளார்.

வர்த்தகர் ஒருவரை கொலை செய்த குற்றச்சாட்டில் இருவருக்கு மரண தண்டை விதித்து தீரப்பளிக்கப்பட்டுள்ளது. கேகாலை மாகாண மேல் நீதிமன்ற நீதிபதி மேனகா விஜேசுந்தர இன்று இந்த மரண தண்டனை தீர்ப்பை அறிவித்தார்.

2004ம் ஆண்டு ருவான்வெல்ல – கனன்தொட்ட பிரதேச வர்த்தகர் ஒருவரிடம் பணம் கொள்ளையிட்டு அவரை துப்பாக்கியால் சுட்டுக் கொலை செய்த சம்பவம் தொடர்பில் நால்வர் மீது குற்றம் சுமத்தப்பட்டிருந்தது.

சந்தேகநபர்கள் நால்வரில் இருவர் பொலிஸ் அறிக்கையின்படி குற்றவாளிகளாக அடையாளம் காணப்பட்டுள்ளனர்.
பொலன்னறுவை மற்றும் மெதிரிகிரிய பகுதிகளைச் சேர்ந்த 42, 47 வயதுடைய நபர்களுக்கே மரண தண்டனை விதிக்கப்பட்டுள்ளது.

கிழக்கு மாகாணம் தனித்துவமாக இயங்க வேண்டும் என்பதற்காகவே கிழக்கைப் பிரிக்கக் கோரினோம் என தேசிய காங்கிரஸின் தலைவரும் உள்ளூராட்சி மாகாண சபைகள் அமைச்சருமான ஏ.எல்.எம்.அதாவுல்லா தெரிவித்தார்.

மட்டக்களப்பில் புதிதாக நிர்மாணிக்கப்பட்ட கிழக்கு மாகாண வீதி அபிவிருத்தி திணைக்களத்தின் மாகாணப் பணிப்பாளர் அலுவலக கட்டடத் தொகுதி திறப்பு விழா நேற்று திங்கட்கிழமை நடைபெற்றது.

இதில் பிரதம அதிதியாகக் கலந்து கொண்டு உரையாற்றும் போதே அமைச்சர் மேற்கண்டவாறு குறிப்பிட்டார். அங்கு அவர் தொடர்ந்து உரையாற்றும் போது குறிப்பிட்டதாவது..

கிழக்கு மாகாணத்தை யாரும் செதுக்கத் தேவையில்லை. இம்மாகாணம் இயற்கையாகவே அழகானது. அழகு நிறைந்த இந்த மாகாணம் அதற்குரிய கலை, கலாசார, பாரம்பரிய விழும்பியங்களுடன் தனித்துவமாக இயங்க வேண்டும்.

இம்மாகாணத்தில் வாழுகின்ற மக்கள் அவரவர் கலாசார விழும்பியங்களை; சுதந்திரமாக அனுபவிக்க வேண்டும். அதனாலேயே கிழக்கை பிரிக்கக் கோரினோம்.

யதார்த்தங்களை நிலை நிறுத்துவதற்காக குரல் கொடுத்த எங்களைப் பார்த்து இனவாதிகள் என்றும் துவேசிகள் என்றும் சிலர் வசைபாடினர். அத்தகையவர்கள் யதார்த்தத்தின் உண்மை நிலையைப் புரிந்து கொண்டு மௌனமாகி விட்டார்கள்.

திருகோணமலை மாவட்டம் பொருளாதார வளம் நிறைந்தது. பொருளாதார விருத்திக்கு கிழக்கின் தலைசிறந்த மாவட்டமாக திருகோணமலை உள்ளது. இருப்பினும் நிர்வாகத்துக்கான மாவட்டமாக மட்டக்களப்பும் உருவாக வேண்டும்.

கடந்த காலங்களில் கிழக்கு மாகாணத்தை அபிவிருத்தி செய்வதற்கு போதிய நிதியிருக்கவில்லை. பல்வேறு நிர்வாகச் சிக்கல்களுக்கு இம்மாகாணம் முகம்கொடுத்தது. இன்று அவ்வாறு இல்லை. ஆசிய அபிவிருத்தி வங்கி, ஜெயிக்கா, கொய்க்கா போன்ற நிதி உதவி வழங்கும் நிறுவனங்களினூடாக அபிவிருத்திக்காக நிதி கிடைக்கப் பெறுகிறது.

அதனால் இம்மாகாணத்தை இந்நாட்டின் சிறந்த மாகாணமாக கட்டியெழுப்புவதற்கு மக்கள் பிரதிநிதிகளுடன் இணைந்து நிர்வாக அதிகாரிகள் ஒத்துழைக்க வேண்டுமெனக் கேட்டுக்கொள்கின்றேன்.

அரசியல் அதிகாரமும் நிர்வாக அதிகாரமும் ஒன்றிணைந்து செயற்படும் போதுதான் இந்த மாகாணத்தினதும் மக்களினதும் இலக்குகளை அடைய முடியும்.

ஓரு நாட்டினதோ அல்லது பிரதேசத்தினதோ மக்களினது விருத்திக்கு அவசியமானது சிறந்த வீதிக் கட்டமைப்பாகும். பெருளாதாரத்தின் முதுகெழும்பான போக்குவரத்துக்காக இன்று நாட்டின் பல பாகங்களிலும் பெருந்தெருக்கள் அமைக்கப்படுகின்றன.

அந்த வைகயில் தனக்குக் கிடைத்த வீதி அபிவிருத்தி அமைச்சுப் பதவியினூடாக அமைச்சர் உதுமாலெப்பை பல வீதிகளை நிர்மாணித்துள்ளார். தான் பெற்றுக் கொண்ட பொறுப்பை எப்பாடு பட்டேனும் செய்து முடிக்க வேண்டும் என்ற சிந்தனையோடு செயற்படும் அமைச்சர் உதுமாலேப்பையின் பணிகள் பராட்டத்தக்கது என்றும் அமைச்சர் குறிப்பிட்டார்.

மாலபே பிரதேசத்தில் ஏழு மில்லியன் பெறுமதியான போலி 2000 ரூபா நாணயத்தாள்கள் கைப்பற்றப்பட்ட சம்பவம் தொடர்பில் கைது செய்யப்பட்ட சந்தேகநபர்கள் இருவர் விளக்கமறியலில் வைக்கப்பட்டுள்ளனர்.

சந்தேகநபர்கள் நேற்று கடுவெல நீதவான் நீதிமன்றில் ஆஜர்படுத்தப்பட்டபோது அடுத்த மாதம் 7ம் திகதி வரையில் விளக்கமறியலில் வைக்குமாறு நீதிமன்று உத்தரவிட்டுள்ளது.

இதேவேளை கைது செய்யப்பட்ட மூன்றாம் சந்தேகநபரிடமிருந்து 2000 ரூபா பெறுமதியான 20 போலி நாயணத்தாள்கள் கைப்பற்றப்பட்டுள்ளன. இச்சந்தேகநபர் இன்று கடுவெல நீதவான் நீதிமன்றில் ஆஜர்படுத்தப்படவுள்ளார்.

கைது செய்யப்பட்ட பிரதான சந்தேகநபரிடமிருந்து போலி நாணயத்தாள்களை பெற்றுக் கொண்ட ஏனைய நபர்களை கைது செய்வதற்கான நடவடிக்கைகளை பொலிஸார் மேற்கொண்டுள்ளனர்.

தனது இரண்டு மனைவிகளின் பிரிவை தாங்க முடியாத இலங்கை அகதி ஒருவர் இந்தியாவில் தற்கொலை செய்து கொண்டுள்ளார். இது குறித்து மேலும் தெரியவருவதாவது..

கரூர் மாவட்டம் குளித்தலை இரும்பூதிப்பட்டியில் இலங்கை அகதிகள் முகாம் உள்ளது. இங்கு யாழ்ப்பாணத்தை சேர்ந்த நாகேஸ்வரன்(33) என்பவர் வசித்தார். இவருக்கு நாகேஸ்வரி (26) என்ற மனைவியும் விஜயப்பிரியா (7), கவிப்பிரியா (6), சிநேகப்பிரியன்(5) ஆகிய 3 குழந்தைகளும் உள்ளனர்.

கடந்த ஆண்டு நாகேஸ்வரி தனது குழந்தைகளுடன் கணவரை பிரிந்து தாய் வீட்டுக்கு சென்றுவிட்டார். பின்னர் திருநெல்வேலி அகதிகள் முகாமில் தங்கியிருந்த கலைச்செல்வி என்பவரை நாகேஸ்வரன் 2வது திருமணம் செய்தார். இவர்களுக்கு பவீஸ்னா என்ற 11 மாத குழந்தை உள்ளது.

இவரும் கடந்த 25ம் திகதி பிரிந்து விட்டதாக கூறப்படுகிறது. இந்நிலையில் மிகவும் மனமுடைந்த நிலையில் காணப்பட்ட நாகேஸ்வரன் நேற்று முன்தினம் (27) வீட்டின் சாரத்தில் சேலையால் தூக்கு மாட்டி தற்கொலை செய்து கொண்டார்.

குளித்தலை பொலிஸார் வழக்கு பதிவு செய்து விசாரணைகளை மேற்கொண்டு வருகின்றனர்.

மாத்தளையில் உள்ள நிறுவனம் ஒன்றின் விடுதியில் 21 வயது இளைஞர் தூக்கிட்டு தற்கொலை செய்து கொண்டுள்ளதாக பொலிஸார் தெரிவித்தனர்.

இலுக்கும்புர பகுதியைச் சேர்ந்த கிருஷாந்த் குமாரதுங்க என்பரே நேற்று பகல் தூக்கிட்டு தற்கொலை செய்து கொண்டுள்ளார்.

மரண விசாரணை, பிரேத பரிசோதனையின் பின் சடலம் உறவினர்களிடம் ஒப்படைக்கப்பட்டுள்ளது.

காதல் தொடர்பால் ஏற்பட்ட மனக்கஷ்டத்தில் குறித்த நபர் தூக்கிட்டுக் கொண்டுள்ளதாக விசாரணையில் தெரியவந்துள்ளது.