ஜெருசலேமினைச் சேர்ந்த ஹெய்தி லெவின், தற்போது அமெரிக்காவில் தங்கி செய்தி நிறுவனங்களுக்கு புகைப்படங்கள் எடுத்துக் கொடுக்கிறார்.

சண்டை நிகழும் இடங்களில் இவர் எடுத்துள்ள படங்கள் உலகப் புகழ் பெற்றவை. அந்த வகையில் கடந்த 2014-ஆம் ஆண்டு பாலஸ்தீனத்தின் காஸாவில், இஸ்ரேல் தாக்குதலுக்கு உள்ளான பல பகுதிகளை அவர் புகைப்படங்கள் எடுத்துள்ளார்.

அதில் அங்கு குண்டு தாக்குதலுக்கு பலியான ரவ்யா அபு ஜோம் என்ற பெண்ணின் புகைப்படமும் இருந்தது. ஏனெனில் இத்தாக்குதல் எப்படிப்பட்ட தாக்குதல் என்பதை காட்டுவதற்கு இருந்தது.
இந்நிலையில் ஐநா சபையின் பொதுக்குழு கூட்டம் நடைபெற்று வரும் நிலையில், கூட்டத்தில் கலந்து கொண்ட இந்திய வெளியுறவுத்துறை அமைச்சர் சுஷ்மா ஸ்வராஜ் பாகிஸ்தான் உலகுக்கு தீவிரவாதத்தினை ஏற்றுமதி செய்யும் நாடாக விளங்குவதாக குற்றம் சாட்டினார்

பின்னர் பேசிய ஐநாவுக்கான பாகிஸ்தானின் நிரந்தரத் தூதர் மலீஹா லோதி, காஷ்மீரில் பொதுமக்களின் மீது தாக்குதல் நடத்தும் இந்தியாவின் ஜனநாயகம் இதுதான் என்று கூறி, காஷ்மீர் தாக்குதலில் பலியான பெண் என்று ஒருவரின் புகைப்படத்தினை காட்டினார்.

மறுநாள் இதற்கு பதில் அளித்துப் பேசிய இந்தியா, மலீஹா காட்டிய படம் போலி என்றும், அது உண்மையில் ஹெய்தி லெவினால் எடுக்கப்பட்ட ரவ்யா அபு ஜோமின் புகைப்படமாகும்.
இது குறித்து லெவின் கூறுகையில், எனது புகைப்படம் தவறாக பயன்படுத்தப்பட்டிருந்தது மிகவும் அதிர்ச்சியாக இருந்தது. உண்மையில் இத்தகைய செயல்களை கண்டு மனம் வலிக்கிறது.

புகைப்படத்தில் இடம் பெற்றுள்ள ரவ்யா அபு ஜோமின் கெளரவத்தினை சீர்குலைக்கும் செயலாகவும் இது அமைந்திருப்பதால் பாகிஸ்தான் கண்டிப்பாக அவரது குடும்பத்தாரிடம் மன்னிப்புக் கோர வேண்டும் என்று தெரிவித்தார்.

டிரம்ப் அரசாங்கம் வடகொரியா மீது போர் தொடுக்கும் நிலை ஏற்பட்டால் தினசரி 20,000 அப்பாவி மக்கள் தென் கொரியாவில் கொல்லப்பட வாய்ப்பு உள்ளதாக முன்னாள் ராணுவ அதிகாரி ஒருவர் எச்சரித்துள்ளார்.

வடகொரியா மற்றும் அமெரிக்கா இடையே போர் மூளும் அபாயம் ஏற்பட்டுள்ள நிலையில் அமெரிக்காவின் முன்னாள் விமானப்படை தலைமை அதிகாரி ஒருவர் வெளியிட்டுள்ள தகவல் அதிர்ச்சியை ஏற்படுத்தியுள்ளது.

அதில் வடகொரியாவுக்கு எதிராக அமெரிக்கா போர் தொடுக்கும் எனில் தென் கொரியாவில் உள்ள 20,000 அப்பாவி மக்கள் தினசரி கொல்லப்பட வாய்ப்பு உள்ளதாகவும், இது அணுஆயுதம் பயன்படுத்தினால் பலமடங்கு அதிகரிக்கும் எனவும் கடும் எச்சரிக்கை ஒன்றை விடுத்துள்ளார்.

இதனிடையே தென் கொரியா மற்றும் சீனா ஆகிய நாடுகள் தனித்தனியே அமெரிக்காவிடம் போர் குறித்து விவாதித்ததாகவும், தற்போதைய சூழலில் போர் தீர்வல்ல எனவும் தெரிவித்துள்ளனர்.

ஆனால் கிம் ஜோங் வுன் மேற்கொண்டு வரும் ஏவுகணை சோதனை மற்றும் அச்சுறுத்தல்களை தடுத்து நிறுத்த வேண்டும் எனில், அவர் தோற்கடிக்கப்பட வேண்டும் என அமெரிக்கா எடுத்துரைத்துள்ளதாக கூறப்படுகிறது.

இதனிடையே அமெரிக்கா தங்கள் மீது போர் அறிவித்துள்ளதாக வடகொரியா தெரிவித்துள்ள கருத்துக்கு மறுப்பு தெரிவித்துள்ள வெள்ளை மாளிகை செய்தித் தொடர்பாளர் சாரா, “போரை முதலில் அறிவித்தது அமெரிக்காதான் என்று வடகொரியா கூறியுள்ளது அபத்தமானது. அமெரிக்கா அமைதியைத்தான் விரும்புகிறது. அமெரிக்காவை தூண்டும் நடவடிக்கையை வடகொரியா நிறுத்திக் கொள்ளவேண்டும்” என்றார்.

தொடர் ஏவுகணை சோதனைகளில் ஈடுபட்டு வரும் வடகொரியாவுக்கு எதிராக அமெரிக்கா பல்வேறு எதிர்ப்பு நடவடிக்கைகளில் ஈடுபட்டு வருகிறது. இதன் காரணமாக இரு நாட்டுக்கும் இடையே போர் ஏற்படும் அபாயம் இருந்து வருவதாகக் கூறப்படுகிறது. இந்த நிலையில் தங்கள் நாட்டின் மீது அமெரிக்கா போர் அறிவித்துள்ளதாக வடகொரியா கூறியுள்ளதை அபத்தம் என்று அமெரிக்கா விமர்சித்துள்ளது.

மேலும் அதிரடி பொருளாதார தடைகளை அமுல் படுத்துவதால் மட்டுமே வடகொரியா கட்டுக்குல் வரும் என்ற நிலைப்பாட்டில் சீனாவும் தற்போது களமிறங்கியுள்ளது.

முன்னதாக அமெரிக்கா மற்றும் ஐக்கிய நாடுகள் சபையின் பொருளாதார தடைகள் தங்களை எதுவும் கட்டுப்படுத்தாது என வடகொரியா பகிரங்கமாக அறிவித்தது குறிப்பிடத்தக்கது.

41 வயதில் இளமையாக தோற்றமளித்த பெண்ணை சந்தேகம் அடிப்படையில் விமானத்தில் பயணிக்க அனுமதிக்க மறுத்த சம்பவம் அதிர்ச்சியை ஏற்படுத்தியுள்ளது.

நட்டாலியா டெசன்கு என்ற பெண் துருக்கியில் இருந்து தனது வீட்டிற்கு செல்ல விமான நிலையம் சென்றுள்ளார்.

அங்கு கடவுச்சீட்டு கட்டுப்பாட்டில் இருந்த அதிகாரிகள் அவரை தடுத்துள்ளனர். அவர்கள் அந்த பெண்ணிடம் கூறிய காரணம் அவரை அதிர்ச்சி அடைய வைத்தது. அவர்கள் கூறியதாவது..

நீங்கள் கொண்டு வந்த பாஸ்போர்ட்டில் 41 வயது என்று குறிப்பிட்டப்பட்டுள்ளது. ஆனால் நீங்கள் பாஸ்போர்ட்டில் உள்ள புகைப்படத்தை விட 20 வயது இளமையாக உள்ளீர்கள். இதனால் நீங்கள் வேறொருவருடைய பாஸ்போர்ட்டில் பயணிக்க முயற்சி செய்கிறீர்கள் என்ற சந்தேகத்தினால் தடுத்தோம் என்று கூறியுள்ளனர்.

இதுகுறித்து நட்டாலியா தெரிவித்தபோது, என்னுடைய இந்த இளமை தோற்றத்தால் பலரும் என்னை புகழ்ந்துள்ளனர். ஆனால் அந்த தோற்றமே எனக்கு ஆபத்தாய் அமையும் என நான் எதிர்பார்க்கவில்லை என்றார்.

நட்டாலியா தனது இளைமை தோற்றத்தால் பல ரசிகர்களை பெற்றுள்ளார். இருந்தும் இந்த சம்பவம் அவரது வாழக்கையில் மறக்க முடியாத நிகழ்வாக அமைந்துள்ளது.

திருமணக் கோலத்தில் இருந்த மாப்பிள்ளை, திடீரென ஏரிக்குள் பாய்ந்ததில் பரபரப்பு ஏற்பட்டது.

கனடாவின் ஒன்றாரியோ மாகாணத்தில், கேம்பிரிட்ஜ் என்ற இடத்தில் உள்ள ஒரு ஏரி அருகே திருமணத் தம்பதியரின் புகைப்படப் பிடிப்பு நடைபெற்றுக்கொண்டிருந்தது.

கிளேடன் என்ற மணமகனும், ப்ரிட்னி குக் என்ற மணமகளும் புகைப்படக் கலைஞரின் கட்டளைகளுக்கு ஏற்ப இப்படியும் அப்படியுமாக மாறி மாறி புகைப்படங்களுக்கு போஸ் கொடுத்துக்கொண்டிருந்தனர்.

அப்போது, திடீரெனக் கலவரமான மணமகன் ஓடிச் சென்று ஏரியில் பாய்ந்தார், அதுவும் அவரது திருமண ஆடையுடனேயே! அப்போதுதான், அந்த ஏரியில் சிறுவன் ஒருவன் தவறி விழுந்து மூழ்கிக் கொண்டிருந்ததை மற்றவர்கள் கண்டனர்.

நீருக்குள் பாய்ந்த வேகத்தில் சிறுவனைப் பிடித்து இழுத்துக் கரைசேர்த்தார் மணமகன். பின்னர், முற்றாக நனைந்த திருமண ஆடையுடன் அவரும் கரையேறினார்.

இந்த நிகழ்வைக் கச்சிதமாகப் படம் பிடித்த புகைப்படக் கலைஞர், அதை சமூக வலைதளத்தில் பதிவேற்ற, இப்போது அந்த மணமகனுக்கு ஏகப்பட்ட வரவேற்பும், பாராட்டும்!

சீனா முழுவதும் கடந்த சில மாதங்களாக பலமுறை வட்ஸ்அப் பயன்பாடு தடைப்பட்டு வந்த நிலையில் தற்போது வட்ஸ்அப் சேவை முழுமையாக தடை செய்யப்பட்டுள்ளது.

சீனாவில் பேஸ்புக் செயலி கடந்த 2009ஆம் ஆண்டு முதல் தடை செய்யப்பட்டுள்ளது குறிப்பிடத்தக்கது. அண்மையில் பேஸ்புக் போன்றே colorful baloons என்ற பெயரில் சமூக வலைதளம் ஒன்று அறிமுகம் செய்யப்பட்டது. இந்நிலையில் தற்போது வட்ஸ்அப் செயலிக்கு சீனா முழுவதும் தடை செய்யப்பட்டுள்ளது.

கடந்த சில மாதங்களாக பலமுறை வட்ஸ்அப் பயன்பாட்டில் தடை ஏற்பட்டு வந்தது. வட்ஸ்அப் பயனர்கள் புகைப்படம் மற்றும் வீடியோக்களை அனுப்ப முடியாத சூழல் நிலவி வந்தது. இந்நிலையில் நேற்று முதல் சீனாவில் வட்ஸ்அப் சேவை முழுவதுமாக தடை செய்யப்பட்டது.

வட்ஸ்அப் போன்று பல செயலிகள் சீனாவில் பிரபலமாக உள்ளது குறிப்பிடத்தக்கது. சீனாவின் கிரேட் பயர்வால் மூலம் சைபர் துறை சார்ந்த நடவடிக்கைகளை கவனித்து வரும் சீன அதிகாரிகளுக்கு வட்ஸ்அப் இடையூறை ஏற்படுத்தியதை தொடர்ந்து முழுமையாக தடை விதிக்கப்பட்டுள்ளது.

மேலும் சர்வதேச சிம் காட்டுகளை பயன்படுத்தும் வட்ஸப் பயனர்கள் எவ்வித இடையூறும் இல்லாமல் பயன்படுத்தி வருகிறார்கள் என தெரிவிக்கப்பட்டுள்ளது.

தாக்குதல் நடத்தும் முனைப்புடன் நாட்டுக்குள் நுழையும் அமெரிக்கா விமானங்கள் சுட்டு வீழ்த்தப்படும் என்று வடகொரியா கடும் எச்சரிக்கை விடுத்துள்ளதால் கொரிய தீபகற்பத்தில் பதற்றம் அதிகரித்துள்ளது.

நியூயோர்க்கில் செய்தியாளர்களை சந்தித்த வடகொரியா வெளியுறவுத்துறை அமைச்சர் ரி யோங் ஹோ, தங்களுக்கு எதிரான போரை முதலில் அமெரிக்கா தான் அறிவித்ததாக குற்றம் சாட்டினார். எனவே அமெரிக்காவுக்கு எதிராக நடவடிக்கை எடுக்க வடகொரியா தயங்காது என்றும் அவர் எச்சரித்துள்ளார்.

வடகொரியாவின் வான் எல்லையில் மட்டுமல்ல, எல்லைக்கு வெளியே பறக்கும் போர் விமானங்களையும் சுட்டு வீழ்த்த தங்களுக்கு உரிமை உள்ளதாகவும் தெரிவித்துள்ளார்.

இதனிடையே ரி யோங் ஹோ தெரிவித்துள்ள கருத்துக்கு கண்டனம் தெரிவித்துள்ள அமெரிக்க செய்தித் தொடர்பாளர் விசானா சேன்டஸ், வடகொரியாவின் மீது போர் தொடுக்கும் அறிவிப்பு எதுவும் அமெரிக்கா வெளியிடவில்லை என்றார்.

ஒரு நாட்டின் வான் எல்லையில் இருக்கும் விமானங்களை மற்றொரு நாடு சுட்டு வீழ்த்துவோம் என்று கூறுவது சர்வதேச நடைமுறைக்கு சாத்தியமில்லாதது என்றும் சாரா கூறியுள்ளார்.

அமெரிக்காவின் இலக்கில் மாற்றமில்லை என்ற அவர், கொரிய தீபகற்பத்தில் அமைதி நிலவுவதையே அமெரிக்கா விரும்புவதாக கூறியுள்ளார்.