சீனாவின் ஜியாங் ஷு மாகாணத்தில் பூச்சிகள் பண்ணை உள்ளது. இங்கு பாரம்பரிய மருந்துக்காக கரப்பான் உள்ளிட்ட பூச்சிகள் பராமரித்து வரப்படுகின்றன.

கடந்த 22ம் திகதி அங்கு பராமரித்து பாதுகாக்கப்பட்ட கரப்பான் பூச்சிகளை கூண்டுகளில் இருந்து யாரோ மர்மநபர் திறந்துவிட்டார். அங்கிருந்து 10 லட்சம் கரப்பான் பூச்சிகள் பறந்து தப்பி ஓடிவிட்டன.

அவை பூச்சி பண்ணை உள்ள டபெங் பகுதிகளில் பறந்தபடி சுற்றி திரிகின்றன. அவை பொதுமக்களுக்கு இடையூறாக உள்ளன. இதனால் பொதுமக்கள் அச்சத்திலும், பீதியிலும் உள்ளனர்.

இந்த கரப்பான் பூச்சிகள் மிக விரைவில் இனப்பெருக்கம் செய்யக்கூடியவை. எனவே, அவற்றின் முட்டைகளையும், குஞ்சுகளையும் அழிக்கும் நடவடிக்கையில் ஊழியர்கள் ஈடுபட்டுள்ளனர்.

வடகிழக்கு நைஜீரியாவில் உள்ள கிரமாத்திற்குள் புகுந்த இஸ்லாமிய தீவரிவாதிகள் அங்குள்ள 44 பேரை கழுத்தை அறுத்துக் கொலை செய்துள்ளனர்.

நைஜீரியாவில் இஸ்லாமிய சட்டத்திட்டங்கள் படி ஆட்சி நடத்தப்பட வேண்டும் என்று கூறி போகோஹரம் தீவிரவாதிகள் தொடர்ந்து வலியுறுத்தி வருகின்றனர்.

அவர்கள் அவ்வப்போது கிராமங்களில் புகுந்து மக்களை தாக்கி வருகின்றனர். அவர்கள் நேற்று அதிகாலையில் வடகிழக்கு நைஜீரியாவில் உள்ள தும்பா என்ற கிரமாத்திற்குள் புகுந்தனர்.

துப்பாக்கியால் சுட்டால் அங்குள்ள பாதுகாப்பு படையினருக்கு கேட்டுவிடும் என்பதால் அவர்கள் 44 கிராமத்தினரை கழுத்தை அறுத்துக் கொலை செய்தனர்.

இந்த தாக்குதலில் உயிர் பிழைத்தவர்களின் கண்களை அவர்கள் தோண்டி எடுத்துள்ளனர் என்று அதிகாரி ஒருவர் தெரிவித்தார். கடந்த 2010ம் ஆண்டில் இருந்து இதுவரை 1700க்கும் மேற்பட்ட மக்கள் இஸ்லாமிய தீவிரவாதிகளால் கொல்லப்பட்டுள்ளதாகக் கூறப்படுகிறது.

இந்திய குஜராத்தில் ஆண்கள் குழந்தை பெற்றுக்கொள்ள முடியாத விரக்தியில் பெண் ஒருவர் தனது 3 மகள்களுக்கு தீ வைத்துவிட்டு தானும் தீ வைத்துக் கொண்டார்.

குஜராத் மாநிலம் ஜுனாகத் மாவட்டம் கொடினார் தாலுகாவில் உள்ளது சாரா கிராமம். அந்த கிராமத்தைச் சேர்ந்தவர் வாஜு ரபாரி. அவரது மனைவி புனிபென் ரபாரி(40). அவர்களுக்கு முதன் முதலாக பிறந்த ஆண் குழந்தை பிறந்தவுடன் இறந்துவிட்டது.

இதையடுத்து அவர்களுக்கு 4 பெண் குழந்தைகள் பிறந்தன. அண்மையில் தான் நான்காவது குழந்தை பிறந்தது. பிறந்ததெல்லாம் பெண்ணாக இருந்ததால் புனிபென் வருத்தத்தில் இருந்தார்.

இந்நிலையில் வாஜு ஒரு மகளை அழைத்துக் கொண்டு ஆடு மேய்க்க சென்றுவிட்டார். அப்போது புனிபென் தனது 4 மாத குழந்தை கத்வி உள்ளிட்ட 3 மகள்கள் மீது தீ வைத்தார். பிறகு தனக்கும் தீ வைத்துக் கொண்டார்.

இதில் ஒரு மகள் தப்பியோடிவிட்டார். மீதமுள்ள காஜல்(6) மற்றும் 4 மாத குழந்தை ஆகியோர் உடல் கருகி பரிதாபமாக உயிர் இழந்தனர். புனிபென் உயிருக்கு ஆபத்தான நிலையில் ஜுனாகத் நகர் மருத்துவமனையில் அனுமதிக்கப்பட்டுள்ளார்.

இந்த சம்பவம் குறித்து தகவல் அறிந்த போலீசார் புனிபென் மீது கொலை மற்றும் தற்கொலை முயற்சி வழக்குகள் பதிவு செய்துள்ளனர்.

காஞ்சிபுரம் அருகே மாட்டின் உயிரைக் காப்பாற்றுவதற்காக குட்டையில் இறங்கிய 3 மாணவிகள் நீரில் மூழ்கி பரிதாபமாகப் பலியானார்கள்.

காஞ்சிபுரம் மாவட்டத்தில் உள்ள ஆண்டி சிறுவள்ளூர் கிராமத்தைச் சேர்ந்த மகளிர் மேல்நிலைப் பள்ளி மாணவிகள் தனலட்சுமி (14), ஷாலினி ( 14) மற்றும் அஜிதா (12).

இதில் முறையே தனலட்சுமியும், ஷாலினியும் 9ம் வகுப்பும், அஜிதா 7ம் வகுப்பும் படித்து வந்தனர். நேற்று விடுமுறை தினமாததால் மூவரும் அருகில் உள்ள பகுதிக்கு மாடு மேய்க்கச் சென்றுள்ளனர். அப்போது அவர்கள் மேய்த்து வந்த மாடு ஒன்று அருகிலிருந்த குட்டைக்குள் இறங்குவதைக் கண்டுள்ளனர்.

உடனடியாக மாடு நீரில் மூழ்கி விடாமல் வெளியே விரட்டுவதற்காக ஒருவர் பின் ஒருவராக குட்டையில் இறங்கியுள்ளனர். மூவருக்குமே நீச்சல் தெரியாத காரணாத்தால் பரிதாபமாக மூவரும் நீரில் மூழ்கிப் பலியானார்கள்.

சிறுமிகள் மூவரும் நீரில் தத்தளிப்பதைக் கண்ட அருகில் மாடு மேய்த்துக் கொண்டிருந்த மற்றொரு சிறுவன் ஊருக்குள் சென்று தகவல் கூறியுள்ளான். ஆனால், ஊர்மக்கள் வருவதற்குள் சிறுமிகள் உயிரிழந்ததால் அவர்களால் சிறுமிகளின் உயிரற்ற சடலத்தை மட்டுமே மீட்க முடிந்தது.

தற்போது அச்சிறுமிகளின் உடல்கள் பிரேத பரிசோதனைக்காக காஞ்சிபுரம் அரசு மருத்துவமனையில் வைக்கப்பட்டுள்ளது. ஒரே ஊரைச் சேர்ந்த 3 சிறுமிகள் குட்டையில் மூழ்கி பலியான சம்பவத்தால் ஆண்டி சிறுவள்ளூர் கிராம மக்கள் சோகத்தில் மூழ்கியுள்ளனர்.

கண்ணை மட்டும் பார்த்து விசாரணை நடத்த முடியாது, குற்றம் சாட்டப்பட்ட பெண்ணை அடையாளம் காண்பதற்கு, அவர் அணிந்திருக்கும் முகத்திரை கட்டாயம் அகற்றப்பட வேண்டும் என நீதிபதி தெரிவித்துள்ளார். பிரிட்டனில் குற்ற வழக்கில் தொடர்புடையதாக சந்தேகிக்கப்படும் 21 வயது முஸ்லிம் பெண்ணை பொலிசார் நீதிமன்றத்தில் விசாரணைக்காக ஆஜர்படுத்தினர்.

விசாரணைக்கு உட்படுத்தப்பட்ட பெண் அவர் சார்ந்த மத வழக்கப்படி, பர்தா அணிந்திருந்தார். விசாரணையின் போதும், பர்தாவுடன் ஆஜரானார். இதையடுத்து, வழக்கை விசாரித்த நீதிபதி பீட்டர் மர்பி “”சம்பந்தப்பட்ட பெண்ணை அடையாளம் காண, அவரது முகத்தை பார்க்க வேண்டியுள்ளது எனவே அவர் முகத்தை மூடியுள்ள துணியை விலக்க வேண்டும்” என்றார்.

எனினும் இளம் பெண் அவரின் மத வழக்கப்படி ஆண்கள் முன்னிலையில் முகத்திரையை அகற்ற முடியாது என பெண்ணின் சார்பில் ஆஜரான வழக்கறிஞர் வாதாடினார்.

இதை கேட்ட நீதிபதி நீதிமன்றம் அனைவருக்கும் பொதுவானது. கோர்ட்டுக்கு வெளியே அவரவரது மத வழக்கங்களை பின்பற்ற அனைவருக்கும் அனுமதி உண்டு. விசாரணையின் போது அவர் கண்டிப்பாக முகத்திரையை அகற்ற வேண்டும்.

கண்களை மட்டும் பார்த்து, குற்றவாளியை அடையாளம் காண முடியாது என்றார். எனினும், முகத்திரையை அகற்ற அப்பெண் சம்மதம் தெரிவிக்காததால், வழக்கு விசாரணை, அடுத்த மாதம் 12ம் திகதிக்கு ஒத்திவைக்கப்பட்டது.

பாகிஸ்தானில் ஷாகிலால் மாவட்டத்தில் உள்ள சீசா வாடன் என்ற இடத்தை சேர்ந்தவர் முகமது அலி (55). இவருக்கு ஏற்கனவே திருமணமாகி விட்டது. மனைவியும், 3 மகள்களும் உள்ளனர்.இவருக்கு ஆண் குழந்தை இல்லை. எனவே வேறு ஒரு இளம்பெண்ணை மணந்து அவர் மூலம் ஆண் குழந்தை பெற முடிவு செய்தார்.

எனவே லாகூர் அருகேயுள்ள மமூ கஞ்சன் என்ற கிராமத்தை சேர்ந்த பேகம் பீபி என்ற 20 வயது பெண்ணை 1 லட்சத்து 20 ஆயிரத்துக்கு விலைக்கு வாங்கினார். பின்னர் அப்பெண்ணை திருமணம் செய்து சீசாவாடனில் தனியாக குடிவைத்தார்.

இவர்களது திருமணம் கடந்த ஒரு மாதத்துக்கு முன்பு நடந்தது. அதை தொடர்ந்து அவர் அப்பெண்ணுக்கு கடுமையான செக்ஸ் தொந்தரவு கொடுத்து வந்தார். மேலும், அவரை அடித்து கொடுமைப்படுத்தினார்.

அதைத்தொடர்ந்து கடந்த 2 நாட்களுக்கு முன்பு இவர் அவசர பொலிஸ் உதவியை நாடினார். உடனே பொலிசார் விரைந்து வந்து இளம் பெண்ணை திருமணம் செய்த முகமது அலியை கைது செய்தனர்.

அவரிடம் பொலிசார் விசாரணை நடத்தினர். அப்போது, அவர் எனது 2வது மனைவியை நான் மிகவும் நேசிக்கிறேன். எனக்கு அவர் ஒரு ஆண் குழந்தையை பெற்று தந்தவுடன் அவரை விட்டு விடுவதாக கூறி இருக்கிறேன்.அதன்படி அவர் ஒரு ஆண் குழந்தையை பெற்றவுடன் அவரை உங்களிடம் ஒப்படைத்து விடுகிறேன் என்றார். அதை ஏற்காத பொலிசார் பேகம் பீபியை மீட்டனர்.