கட்டுநாயக்க அதிவேக நெடுஞ்சாலையில் 11 மணி நேரத்தில் மூன்று மில்லியன் வருமானம்!!

kattuகொழும்பு – கட்டுநாயக்க அதிவேக நெடுஞ்சாலையின் மூலமாக 11 மணித்தியாலங்களில் அரசாங்கம் மூன்று மில்லியன் ரூபாவை வருமானமாக சம்பாதித்துள்ளது.

நேற்று ஞாயிற்றுக்கிழமை மாலை 6 .00 மணியிலிருந்து இன்று காலை 7.00 வரையான காலப்பகுதியில் இந்தத் தொகை வருமானமாக கிடைத்துள்ளதாக அதிகாரிகள் தெரிவித்துள்ளனர்.

குறித்த காலப்பகுதியில் இந்தப் பாதையால் 11,000 வாகனங்கள் பயணித்துள்ளதாக வீதி அபிவிருத்தி அதிகாரசபை தெரிவித்துள்ளது.

கொழும்பு – கட்டுநாயக்கா அதிவேக நெடுஞ்சாலை ஜனாதிபதி மஹிந்த ராஜபக்‌சவினால் நேற்று மக்கள் பாவனைக்காக திறந்து வைக்கப்பட்டது.

25.8 கிலோ மீற்றர் நீளமுள்ள இந்த அதிவேகப் பாதை சீன அரசின் அனுசரணையோடு அமைக்கப்பட்டுள்ளது.

நாடு தழுவிய ரீதியில் பணி பகிஸ்கரிப்பு: அரச வைத்திர்கள் அறிவிப்பு!!

strikeஅரச வைத்தியர்கள் எதிர்வரும் நவம்பர் மாதம் 4ம் திகதி தொடக்கம் நாடு தழுவிய ரீதியில் பணி பகிஸ்கரிப்பை மேற்கொள்ளவுள்ளதாக அரச வைத்திய அதிகாரிகள் சங்கம் அறிவித்துள்ளது.

பல்வேறு கோரிக்கைகளை முன்வைத்து இவ் பணி பகிஸ்கரிப்பை முன்னெடுக்கவுள்ளதாக அச்சங்கம் குறிப்பிட்டுள்ளது.

மாகாண சபையின் செயற்பாடுகளுக்கு ஆளுநர் முட்டுக்கட்டை : விக்னேஸ்வரன்!!

vig13வது திருத்தச் சட்டம் மற்றும் மாகாணசபைகளுக்கான அதிகாரங்களை உள்ளவாறே மாகாணசபையில் நடைமுறைப்படுத்துவதற்கு சட்டத்தில் இடமில்லை என வட மாகாண முதலமைச்சர் சி.வி. விக்னேஸ்வரன் தெரிவித்தார்.

நல்லூர் பிரதேச சபையில் நேற்று இடம்பெற்ற மாகாண சபை உறுப்பினர்களை கௌரவிக்கும் நிகழ்வில் பிரதம அதிதியாக கலந்துகொண்டு உரையாற்றும் போதே அவர் இவ்வாறு தெரிவித்தார். இந்நிகழ்வில் மேலும் கருத்து தெரிவித்த வட மாகாண முதலமைச்சர்..

ஆளுநருக்கு அளித்திருக்கும் சலுகைகள் மாகாணசபையை சிறப்பாக வழிநடத்துவதற்கு முட்டுக்கட்டையாக அமைந்துள்ளது.
ஜனாதிபதியின் தற்துணிவின் பேரில் ஆளுநர் நியமிக்கப்படுவதால் ஆளுநரின் தீர்மானங்கள் அரசியல் சார்பானதாக அமைகின்றது.

எனவே மாகாணசபையின் நிர்வாகத்தை ஆளுநனரின் தற்துணிவு அதிகாரம் முடங்கச் செய்கின்றது. மக்களால் தெரிவு செய்யப்படும் மக்கள் பிரதிநிதிகளின் தீர்மானங்களை ஆளுநர் உதாசீனம் செய்யக் கூடியதாக நடைமுறை அமைந்துள்ளன.

ஜனாதிபதியே பிரதான செயலாளரை நியமிப்பதால், ஜனாதிபதியை விமர்சிக்க அல்லது உதாசீனம் செய்ய எந்த பிரதான செயலாளருக்கும் மனம் வராது. ஆகவே ஜனாதிபதியின் அரசியல் ரீதியான எதிர்பார்ப்பு எந்த நிலையிலும் மறுப்புக்கு உட்படாத நிலையே தொடர்கிறது.

மாகாண பகிரங்க சேவை அலுவலர்கள் சம்பந்தமாக ஆளுநருக்கு அளிக்கப்பட்டிருக்கும் அதிகாரங்கள் மாகாணசபையின் அதிகாரங்களை வெகுவாக குறைக்கின்றன. இவ்வாறான 13 வது திருத்தச்சட்டம் ஆளுநருக்கு கூடியளவு சலுகைகளையும் மக்களுக்கு குறைந்தளவு நன்மைகளையும் வழங்கியிருக்கிறது என்பது புலப்படும்.

அரசியல் யாப்பின் உறுப்புரிமை 154 LR இன் கீழ் ஆளுநரால் விடுக்கப்படும் பறைசாற்றல்கள் எந்த நீதிமன்றத்தாலும் கேள்விக்கிடமாக்கப்பட முடியாது என்று கூறப்பட்டுள்ளது.
அங்கும் அவருக்கு சில சலுகைகள் வழங்கப்பட்டுள்ளன.

மாகாணசபைகள் தமக்கே சகல உரித்தும் உள்ளன என்று உறுதியாக கூற முடியாத நிலையே தற்போது நடைமுறையில் இருந்து வருகிறது. மாகாண சபைக்கான உரித்துக்களை ஆளுநனர் தனக்கு வழங்கப்பட்டுள்ள சலுகைகள் மூலம் தடை செய்யக் கூடியதாக சட்டம் இருக்கிறது.

யாழ். போதனா வைத்தியசாலை தொண்டர்கள் பணி பகிஸ்கரிப்பு!!

1

யாழ். போதனா வைத்தியசாலையில் தொண்டர்களாக பணிபுரிந்துவரும் சிற்றூழியர்கள் இன்று காலை பணி பகிஸ்கரிப்பில் ஈடுபட்டனர்.

சிற்றூழியர்கள் நியமனத்தின் போது தம்மை புறக்கணித்தமைக்கு எதிர்ப்புத் தெரிவித்து சிற்றூழியர்கள் பணி பகிஸ்கரிப்பில் ஈடுபட்டனர்.

யாழ். போதனா வைத்தியசாலையின் புதிய கட்டடத்திற்கு முன்னாள் இன்று காலை 11.30 மணி வரை தொண்டர்களாக பணி புரியும் 199 பேர் பணி பகிஸ்கரிப்பில் ஈடுபட்டனர். பணி பகிஸ்கரிப்பில் ஈடுபட்டவர்கள் கருத்து தெரிவிக்கையில்..

யாழ். போதனா வைத்தியசாலையில் சென்.ஜோன்ஸ் அம்புலன்ஸ் மற்றும் செஞ்சிலுவை சங்கத்தை சேர்ந்த தொண்டர்களாகிய நாம் கடந்த 3 வருடங்களுக்கு மேலாக தொண்டர்களாக மிகவும் குறைந்த சம்பளமாக நாளொன்றுக்கு 175 ரூபாயை பெற்று சேவை புரிந்து வருகின்றோம்.

ஆனால் கடந்த வாரம் வைத்தியசாலைக்கு புதிதாக சிற்றூழியர்களை உள்வாங்குவதற்கான நேர்முக தேர்வு நடைபெற்றது. அந்த நேர்முக தேர்வுக்கு எம்மை அழைக்கவில்லை. எம்மை புறக்கணித்துள்ளார்கள்.

இனி சிற்றூழியர்களுக்கு அடிப்படை கல்வித்தகமை க.பொ.த. சாதாரண தரம் என்கிறார்கள். ஆனால் எம்மை சிற்றூழியர்களாக உள்வாங்குவார்கள் என்ற நம்பிகையிலையிலேயே நாம் கடந்த 3 வருடங்களுக்கு மேலாக குறைந்த சம்பளத்திற்கு சேவை செய்தோம்.

நேர்முக தேர்வுக்கு தோற்றியவர்களுக்கு நியமன கடிதம் வழங்கப்பட்டு அவர்கள் தமது சேவையை ஆரம்பித்தால் எமக்கான இந்த வேலை பறிபோகும் என தெரிவித்தனர்.

அதேவேளை வடமாகாண சபையின் எதிர்க்கட்சி தலைவர் க.கமலேந்திரன் வைத்தியசாலைக்கு வருகை தந்து போராட்டத்தில் ஈடுபட்ட தொண்டர்களுடனும் வைத்தியசாலை நிர்வாகத்துடனும் பேச்சுக்களை நடாத்தினர்.

அமைச்சரவையில் விசேட ஏற்பாடுகள் கொண்டுவருவதன் மூலம் நேர்முக தேர்வு நடாத்தபட்டு மாவட்ட ரீதியில் முன்னுரிமை வழங்கப்பட்டு, உங்கள் சேவைகளையும் கருத்தில் கொண்டு உங்களுக்கான தீர்வுகள் பெற்று தர முயற்சிகளை செய்வதாக உறுதி வழங்கியதை அடுத்து தொண்டர்கள் தமது போராட்டத்தை கைவிட்டு பணிக்கு திரும்பினர்.

வவுனியா நீதிமன்றத்துக்கு முன்னாள் விபத்து!!

ACCIDENT_logoவவுனியா மாவட்ட நீதிமன்றத்திற்கு முன்னாள் பாரஊர்தி ஒன்றுடன் மோட்டார் சைக்கிள் மோதியதில் இருவர் காயமடைந்து வவுனியா வைத்தியசாலையில் அனுமதிக்கப்பட்டுள்ளனர்.

இது பற்றி மேலும் தெரிய வருவதாவது.. வவுனியா நீதிமன்றத்திற்கு முன்னால் வீதியில் சென்றுகொண்டிருந்த பாரஊர்தி ஒன்றை முந்திச்செல்ல மோட்டார் சைக்கிள் வேகக் கட்டுப்பாட்டை இழந்து பாரஊர்தியுடன் மோதி விபத்துக்குள்ளாகியது.

இவ் விபத்தில் காயமடைந்த இரு யுவதிகள் உடனடியாக வவுனியா வைத்தியசாலையில் அனுமதிக்கப்பட்டனர். குறித்த விபத்தில் சிக்கிய யுவதிகள் இருவரும் அதிஷ்ரவசமாக உயிர் பிழைத்ததாக சம்பவத்தை பார்த்தவர்கள் கருத்து தெரிவித்தனர்.

–

திருமண வதந்தி : காஜல்அகர்வால் விளக்கம்!!

kajal agarwal cute stills from brindaavanamநடிகை காஜல்அகர்வால் திருமணம் செய்து கொள்ள முடிவு செய்து இருப்பதாக தெலுங்கு பட உலகில் பரபரப்பு செய்தி வெளியானது. இதனால் புதுப்படங்களில் நடிப்பதை நிறுத்தி விட்டார் என்றும் கூறப்பட்டது. தெலுங்கில் காஜல் அகர்வாலுக்கு படங்கள் கைவசம் இல்லை.

தமிழில் விஜய் ஜோடியாக ஜில்லா படத்தில் நடித்து வருகிறார். இந்த படம் முடிந்ததும் திருமணம் நடக்கும் என்றும் செய்தி வெளியானது. இதற்கு பதில் அளித்து காஜல்அகர்வால் சார்பில் அவரது செய்தி தொடர்பாளர் வெளியிட்ட அறிக்கையில் கூறி இருப்பதாவது..

காஜல்அகர்வால் உடனடியாக திருமணம் செய்து கொள்ள மாட்டார். மூன்று வருடங்களுக்கு பிறகே அவர் திருமணம் நடக்கும். தற்போது தமிழில் இரண்டு படங்களில் பிசியாக நடித்து வருகிறார். திருமணம் பற்றி அவர் சிந்திக்கவே இல்லை.

காஜல்அகர்வால் தங்கை நிஷாவுக்கு திருமணம் நடக்க உள்ளது. அந்த திருமண வேலைகளில் அவர் ஈடுபட்டு இருக்கிறார். சினிமாவில் நடிப்பதை நிறுத்தி விட்டதாக சொல்வது உண்மையல்ல. தெலுங்கு, தமிழில் இரண்டு புது பட வாய்ப்புகள் வந்துள்ளன என்று அவர் கூறினார்.

இந்தி நடிகர் அக்ஷய் குமாருக்கு கொலை மிரட்டல்!!

akshyஇந்தி நடிகர் அக்ஷய் குமாருக்கு அவரது செல்போனில் மர்ம அழைப்பு வந்தது. எதிர் முனையில் பேசிய நபர் தன்னை பிரபல தாதா ரவி பூஜாரி என்று கூறி கொண்டான். உங்களது வீட்டில் பணியாற்றிய வேலைக்காரரை பணி நீக்கம் செய்தது தவறு. இதனால் உங்களை கொலை செய்ய போகிறோம் என்று மிரட்டல் விடுத்தார்.

இதைக்கேட்டு பதறிப்போன அக்ஷய் குமார் உடனடியாக பொலீசில் புகார் செய்தார். வழக்கு பதிவு செய்த பொலீசார், மர்ம நபர் பயன்படுத்திய போன் நம்பரை வைத்து விசாரணை நடத்தி வருகின்றனர்.

முதற்கட்ட விசாரணையில் ரவி பூஜாரி பெயரை கூறி யாரோ விஷமிகள் பயன்படுத்தி மிரட்டல் விடுத்ததாக தெரிகிறது. தனது வீட்டு வேலைக்காரர் ஒருவரை நடிகர் அக்ஷய் குமார் சமீபத்தில் வேலையில் இருந்து நீக்கினார். அவரது தரப்பில் இருந்து மிரட்டல் வந்ததா? என்பது பற்றி போலீசார் விசாரணை நடத்தி வருகிறார்கள்.

பாலசந்தர், கமல்ஹாசன் ஆகியோரை வியக்க வைத்த விழா இயக்குனர்!!

vilaஜெ.பி. மீடியா டிரீம்ஸ் பிலிம் புரொடக்ஷன் அதிபர்களான கே.ஜி. ஜெயவேல் – ஜெ. பாலமுருகன் இருவரின் நிர்வாக தயாரிப்பிலும அசூர் எண்டர்டெயின்ட்மெண்ட் உரிமையாளர் சுனிர் கேடர்பாலும், 126 படங்களை இயக்கி சாதனை புரிந்துள்ள இராம.நாராயணன் தனது ஸ்ரீ தேனாண்டாள் பிலிம்ஸ் சார்பில் இணைந்து தயாரித்துள்ள படம் விழா.

இப்படம் தமிழ்நாடு மக்களால் பேசப்படுகிற படமாகவும் விநியோகஸ்தர்கள், திரை அரங்க உரிமையாளர்களால் நேசிக்கின்ற படமாவும் உருவாகி உள்ளது. இப்படத்தின் இயக்குநர் பாரதி பாலகுமாரன் மனது குறும்படத்தின் மூலம் கே.பாலசந்தர், கமல்ஹாசன் மற்றும் இன்றைய முன்னணி இயக்குநர்கள். நடிகர்கள் அனைவரையும் வியக்க வைத்தவர். அவர்கள் பார்த்து வியந்த கதைதான் இன்று விழா திரைப்படமாக உருவாகியுள்ளது.

இந்த விழா திரைப்படம் தமிழ்நாட்டில் மட்டுமல்ல இந்திய முழுவதும தனது திறமை நிறைந்த வெற்றிக்கொடியை நிலை நாட்ட வருகிறது. வலிமை நிறைந்த திறமையை முழுவதும் பயன்படுத்தி ஒளிப்பதிவில் சாதனை படைத்திருக்கிறார் ஒளிப்பதிவாளர் யு.கே. செந்தில்குமார்.

சிட்டி முதல் பட்டி வரை தனது இசையின் மூலம் கட்டிப்போட இசை தர்பார் நடத்தி இருக்கிறார் ஜேம்ஸ் வசந்தன். படத்தை உயிரோட்டமாக தொகுத்து தங்களது பணியை திறம்பட செய்துள்ளனர் படத்தொகுப்பாளர்களான பிரவீன். கே.எல் / ஸ்ரீ காந்த் என்.பி. இருவரும்.

நீண்ட இடைவெளிக்கு பிறகு கலைமாமணி கொல்லங்குடி கருப்பாயி இப்படத்தில் முக்கிய கதாபாத்திரம் ஏற்று நடிக்கிறார். தனது குரலாலும் நடிப்பாலும் விழா வில் வியக்க வைத்துள்ளார். கிராமத்தில் பனை வாசிக்கும் இளைஞனாக மாஸ்டர் மகேந்திரன் இப்படத்தில் நடித்துள்ளார் என்பதைவிட வாழ்ந்துள்ளார் என்று சொல்லலாம். அழகும் திறமையும் உள்ள மாளவிகாமேனன் கதாநாயகியாக அறிமுகமாகிறார்.

திருச்சி, மதுரை, புதுக்கோட்டை, காரைக்குடி பகுதிகளில் உள்ள மக்களும் இதில் ஆர்வகமாக நடித்துள்ளார்கள். மகேந்திரன் காதல் தண்டபாணி, தேனி முருகன், காளி, கல்லூரி வினோத், கல்லூரி கோபால், ஸ்மைல் செல்வா ஆகியோருடன் பிள்ளையார் பட்டி ஜெயலட்சுமி வில்லியாக அராஜகம் புரிந்துள்ளார்.

உச்சக்கட்ட காட்சியாக வரும கிழவிகளின் அனல் பறக்கும் சண்டைக்காட்சி படத்தின் பலமாவும் வயிறு வலிக்க வைக்கும் நகைச்சுவையாகவும் இருக்கும். ஒவ்வொரு காட்சிகளிலும ஆயிரக்கணக்கான மக்கள் நடித்திருப்பதும், நடித்த நடிகர்கள் அந்தந்த கரக்டராகவே மாறியிருப்பதும் விழா விற்கு பெரிதும் ப்ளஸ்.

 

ஆண்களிடம் பழகும் பெண்கள் கவனிக்க வேண்டியவை!!

girl-in-officeஆண்கள் உங்களிடம் பேசும் போது தனது மனைவியை உங்களோடு ஒப்பிட்டு பேசுவதையோ அல்லது அவருக்கு ஒன்றுமே தெரியாது என்று மதிப்பை குறைத்துப் பேசுவதையோ அனுமதிக்காதீர்கள்.

தேவையே இல்லாமல் எதற்கெடுத்தாலும் சத்தமாக சிரிக்காதீர்கள். இது ஆண்களை உங்களை பற்றி தவறான கண்ணோட்டத்தை ஏற்படுத்த தூண்டும்.

உங்கள் வீட்டில் விழா, விசேஷம் தவிர வேறு எந்த விஷயத்திற்காகவும் உடன் வேலைப் பார்க்கும் ஆணை தேவையில்லாமல் வீட்டுக்கு அழைக்காதீர்கள். நீங்களும் எந்த காரணமும் இல்லாமல் துணையில்லாமல் அவர்கள் வீட்டிற்கு செல்லாதீர்கள்.

எதற்காகவும் எந்தப் பிரச்சினைகளுக்காகவும் ஆண்கள் முன்னால் அழாதீர்கள். அழும் பெண்களை சுலபமாக ஆண்கள் திசை திருப்பிவிடுகிறார்கள்.

ஆண் எந்த நோக்கத்திற்காக உங்களிடம் பேசுகின்றான் என்று அவன் நோக்கத்தை அவன் வார்த்தைகளிலும், கண்களிலும் இருந்து பெண்கள் புரிந்து கொள்ள வேண்டும். அதைப்பொறுத்தே ஒரு பெண் ஆணிடம் பழகும்போது அந்த உறவை எவ்வளவு தூரத்தில் வைக்கலாம் என்று வரைமுறைப்படுத்திக் கொள்ள வேண்டும்.

அலுவலகத்தில் உடன் வேலை செய்யும் ஆண்களை தொட்டு பேசாதீர்கள். அதே போல் உங்களையும் தொட்டு பேச அனுமதிக்காதீர்கள். இதை பயன்படுத்தி ஆண்கள் உங்களிடம் தவறாக நடக்கவும் வழியுள்ளது.

தமிழில் தமன்னா அலை!!

thamanaசில வருடங்களாகவே தமிழில் தமன்னா நடிக்கவில்லை. வேங்கைதான் தமிழில் தமன்னா நடித்து கடைசியாக வெளிவந்த படம்.

அதன்பிறகு டோலிவுட், பொலிவுட் படங்களில் கவனம் செலுத்தி வந்தார். தமிழ் சினிமாவில் என்னை நடிக்க விடாமல் தடுக்க சதி செய்கின்றனர் என்று கூட தமன்னா கொந்தளித்தார். இப்போது சிறிய இடைவெளிக்குப் பிறகு தமிழில் நடிக்கிறார் தமன்னா.

அஜித்துடன் வீரம் படத்தில் நடித்து வரும் தமன்னா, தெலுங்கில், மகேஷ்பாபுவுடன் இரண்டு படம், இந்தியில் அக்ஷய்குமாருடன் நடிக்கும் இட்ஸ் எண்டர்டெயின்மென்ட் உள்பட இரண்டு படம் என மறுபடியும் பரபரப்பாகி இருக்கிறார்.

சென்னை, ஐதராபாத், மும்பை என்று எப்போது எந்த ஸ்பாட்டில் இருக்கிறார் என்பதே தெரியாத அளவுக்கு அம்மணி இப்போது பிஸி. அதற்காக கோடி ரூபாய் சம்பளத்தை வெட்ட வேண்டும் என்றெல்லாம் முன்பு போல் பந்தா பண்ணாமல் பவ்யமாக பேசுகிறாராம் தமன்னா.

இதனால் தமிழில் மீண்டும் தமன்னா அலை அடிக்கும் என்கிறார்கள்.

கமல் பிறந்தநாள் சஸ்பென்ஸ்!!

visvaroopamபல தடைகளை சந்தித்த பிறகே விஸ்வரூபம் வெளியானது.
பெரும் எதிர்பார்ப்புடன் வெளிவந்த விஸ்வரூபம் ரசிகர்களின் ஏகோபித்த வரவேற்பைப் பெற்றது.

தற்போது விஸ்வரூபம்2 இரண்டாம் பாகத்தின் இறுதிக்கட்ட பணிகளில் பரபரப்பாக இயங்கிக் கொண்டு இருக்கிறார் கமல்.
ஆண்ட்ரியா, பூஜா குமார், ராகுல் போஸ் மற்றும் பலர் நடிக்கும் இப்படத்துக்கு ஜிப்ரான் இசையமைக்கிறார்.

தமிழ், இந்தி என ஒரே நேரத்தில் இரண்டு மொழிகளில் விஸ்வரூபம்2 வெளியாக இருக்கிறது.

கமல் வருகிற நவம்பர் 7ம் திகதி தனது பிறந்தநாளில் விஸ்வரூபம்2 ரெய்லரை வெளியிடத் திட்டமிட்டிருக்கிறார்.

பொலிசாரின் கண்களில் மண்ணைத் தூவிய சவுதி பெண்கள்!!

lady drivingசவுதியில் தடையை மீறி ரகசியமாக பெண்கள் கார்களை ஓட்டிச் சென்றுள்ளது பரபரப்பை ஏற்படுத்தியுள்ளது. சவுதி அரேபிய சாலைகளில் பெண்கள் கார்கள் உள்ளிட்ட இதர வாகனங்களை இயக்க தடை விதிக்கப்பட்டுள்ளது.

மீறினால் பொலிசார் மற்றும் மதத்தலைவர்களால் தண்டனை தரப்படும் என மிரட்டல் விடுத்துள்ளனர். அதாவது கார்களை ஓட்டுவதால் பெண்களின் கருப்பை பாதிக்கப்படுவதாக அவர்கள் எச்சரிக்கை விடுத்திருந்தனர்.

மேலும் அவர்களுக்கு ஓட்டுநர் உரிமமும் வழங்கப்படுவதில்லை. இந்நிலையில் பெண்களுக்கெதிரான இந்த தடையை உடைத்தெறியும் விதமாக நேற்று கடை மற்றும் அலுவலங்களுக்கு கார்களை சுமார் 60 பெண்கள் ஓட்டிச் சென்றுள்ளனர்.

இவர்களே அந்த புகைப்படங்கள் மற்றும் வீடியோக்களை வெளியிட்டுள்ளதால் பரபரப்பு அதிகமாகியுள்ளது.

53 ஆண்டுகளாக தீபாவளியைப் புறக்கணிக்கும் 12 கிராமங்கள்!!

diwali-lampsசிவகங்கை மாவட்டம் திருப்பத்தூர் தாலுகா சிங்கம்புணரி ஒன்றியத்தைச் சேர்ந்த எஸ். மாம்பட்டி ஊராட்சி கிராம மக்கள் 53 ஆண்டுகளாக தீபாவளி பண்டிகையை புறக்கணித்து வருகின்றனர்.

மயில்ராயன்கோட்டை என்று அழைக்கப்படும் எஸ்.மாம்பட்டி ஊராட்சி வானம் பார்த்த பூமியாகும். இங்கு சுமார் 3500 பேர் வசிக்கின்றனர். இந்த ஊராட்சியில் ஒப்பிலான்பட்டி, தும்பைப்பட்டி, சத்திரப்பட்டி, எம்.வலை யப்பட்டி, கிளுகிளுப்பைப் பட்டி, திருப்பதிபட்டி, கச்சப்பட்டி, தோப்புப்பட்டி, இந்திராநகர், கலிங்கு பட்டி ஆகிய ஊர்கள் அடங்கியுள்ளன.

இக்கிராம மக்களின் வாழ்வாதாரமே விவசாயமும், கால்நடை வளர்ப்பும் தான். விவசாயம் தொடங்கும் காலத்தில் தீபாவளி வருவதால் அனைவரின் பொருளாதாரத்திலும் ஏற்றத்தாழ்வு நிலவிவருகிறது. இதனை கருத்தில் கொண்டு மாம்பட்டி கிராமத்தின் அப்போதைய அம்பலக்காரர் சேவுகன் அம்பலம், முன்னாள் அம்பலக்காரர்களோடு விவாதித்தார்.

எல்லோரும் மாற்றுக் கருத்துக்கு இடம் அளிக்காமல் 1959ல் ஊர்க் கூட்டம் கூட்டி ஊராட்சிக்குள்பட்ட12 கிராமங்களிலும் தீபாவளிப் பண்டிகையை கொண்டாட வேண்டாம் என முடிவு செய்யப்பட்டது. அதன்படி இன்று வரை தீபாவளி பண்டிகையை கொண்டாடாமல் புறக்கணித்து வருகின்றனர்.

மேலும் இக்கிராமங்களில் வெள்ளாடு வளர்ப்பதும் தடைசெய்யப்பட்டுள்ளது ஏன் என்று வினவும் போது மரம், செடி, கொடிகள் காக்கப்படவே தடை செய்யப்பட்டுள்ளது என்று கூறுகின்றனர்.

திருமண படத்தை பேஸ்புக்கில் இணைத்ததால் கணவர் தற்கொலை!!

hanfபெற்றோர் வேண்டுகோளின் படி தன் காதல் மனைவி தங்களது திருமணப் புகைப்படத்தை பேஸ்புக்கில் இருந்து நீக்க மறுத்து விட்டாரே என்ற கோபத்தில் திருமணமான மூன்றே மாதத்தில் பொறியாளர் ஒருவர் தற்கொலை செய்து கொண்டுள்ளார்.

இந்தியாவின் ஜார்கண்ட் மாநிலத்தைச் சேர்ந்த சந்தன்குமார் (29) என்ற மென்பொருள் பொறியியலாளர் சென்னை மைலாப்பூர் வசித்து வந்தார்.

இவர் தன்னுடன் வேலை பார்த்த சந்தியா என்ற கேரளாவைச் சேர்ந்த பெண் பொறியியலாளரை காதலித்தார். இவர்களின் காதலுக்கு முதலில் இரு வீட்டாரும் எதிர்ப்பு தெரிவித்துள்ளனர். பின்னர் சந்தியாவின் பெற்றோர் சம்மதம் தெரிவித்து விட, சந்தன்குமார்சிங்கின் பெற்றோர் மட்டும் தொடர்ந்து எதிர்ப்பு தெரிவித்து வந்துள்ளனர்.

பெற்றோர் எதிர்ப்பை மீறி சந்தன்குமார் சிங் கடந்த 3 மாதங்களுக்கு முன்பு சந்தியாவை கிறிஸ்தவ முறைப்படி சென்னையில் வைத்து திருமணம் செய்து கொண்டார்.

ஆனால் இந்த திருமணத்தில் சந்தன்குமார்சிங்கின் பெற்றோர் கலந்து கொள்ளவில்லையாம். திருமணத்திற்குப் பிறகு சந்தன்குமார்சிங் தனது காதல் மனைவி சந்தியாவுடன் மைலாப்பூர் அப்பு தெருவில் வசித்து வந்துள்ளார்.

இந்நிலையில் தங்களது திருமண புகைப்படம் ஒன்றை பேஸ்புக்கில் வெளியிட்டுள்ளார் சந்தியா. இந்த படத்தைப் பார்த்த, சந்தன்குமார்சிங்கின் பெற்றோர் பேஸ்புக்கில் உள்ள படத்தை உடனே அகற்ற வேண்டும் என சந்தன்குமாரை வற்புறுத்தியதாகத் தெரிகிறது.

அதனைத் தொடர்ந்து சந்தன்குமாரும் பேஸ்புக் திருமண படத்தை அகற்றிவிடுமாறு மனைவி சந்தியாவிடம் வேண்டுகோள் விடுத்துள்ளார். ஆனால் சந்தியா அதற்கு மறுத்து விட்டதாக தெரிகிறது.

இதையொட்டி அவர்களுக்குள் மோதல் வெடித்ததுள்ளது. இந்நிலையில் நேற்று முந்தினம் காலை நீண்டநேரமாகியும் சந்தன்குமார்சிங் படுத்து இருந்த அறை கதவு திறக்கப்படவில்லையாம். அக்கம்பக்கத்தினர் உதவியுடன் அறைக்கதவை உடைத்ததில், சந்தன்குமார் அந்த அறையில் தூக்கில் பிணமாக தொங்கியது தெரியவந்தது.

காதல் மனைவி சந்தியாவுடன் ஏற்பட்ட பேஸ்புக் பட மோதல் பிரச்சினையில் மனம் உடைந்துபோன சந்தன்குமார் தூக்கு போட்டு தற்கொலை செய்து கொண்டதாக தெரிகிறது.

இது தொடர்பாக மைலாப்பூர் பொலிசில் புகார் கொடுக்கப்பட்டது. திருமணமான மூன்றே மாதத்தில் கணவர் தற்கொலை செய்து கொண்ட விவகாரம் குறித்து பொலிசார் தீவிர விசாரணை மேற்கொண்டு வருகின்றனர்.

கோடி கோடியாய் பணம் கொட்டும் கரப்பான் பூச்சி பண்ணைகள்!!

rochகரப்பான் பூச்சி என்றாலே முகத்தை சுளிப்பவர்கள் மத்தியில், சீனாவில் சிலர் கரப்பான் பூச்சி பண்ணை வைத்து கோடி கோடியாக சம்பாதிக்கின்றனர். சீனாவில் கரப்பான் பூச்சி, வெட்டுக்கிளி, சிலவகை கூட்டுப் புழுக்களை வறுத்து சாப்பிடுவது, அறுசுவை உணவாக கருதப்படுகிறது.

கரப்பான் பூச்சிகளை உலர வைத்து சீன மருந்துகள் மற்றும் அழகு சாதன பொருட்கள் பலவற்றிலும் பயன்படுத்துகின்றனர். இதிலுள்ள புரதச்சத்து மற்ற வகை புரதச்சத்தைவிட விலை மிகவும் குறைவு.

மேலும் இவற்றின் இறக்கையில் உள்ள செலுலோஸ் என்ற பொருளையும் பயன்படுத்தலாம். கரப்பான் பூச்சிகளுக்கு, இருட்டான இடங்கள் பிடிக்கும். பழைய கோழி பண்ணைகள், இருட்டான கட்டடங்களில் முட்டை வைக்கும் தட்டுக்கள், இரும்பு தகடுகளுக்கு நடுவே இவற்றை வளர்க்கின்றனர்.

சீனாவில் மட்டும் நூற்றுக்கும் மேற்பட்ட கரப்பான் பூச்சி பண்ணைகள் உள்ளன. வாங்க் பூமிங் என்ற கரப்பான் பூச்சி பண்ணை உரிமையாளர் மட்டும் தன்னுடைய ஆறு பண்ணைகளில் ஒரு கோடிக்கும் மேற்பட்ட கரப்பான் பூச்சியை வளர்க்கிறார்.

அவர் 2010ம் ஆண்டு பண்ணையை ஆரம்பித்தார். இந்த மூன்று ஆண்டுகளில் உலர்ந்த கரப்பான் பூச்சியின் விலை பல மடங்காக உயர்ந்து உள்ளது என்கிறார்.

அரை கிலோ உலர்ந்த கரப்பான் பூச்சியின் விலை 2 டொலரில் இருந்து 200 டொலராக உயர்ந்து உள்ளது. இதற்கு முதலீடும் மிக குறைவு. ஒரு டொலர் முதலீடு செய்தால் 110 டொலர் இலாபம் பார்க்கலாம்.

பண்ணை ஆரம்பிக்க கரப்பான பூச்சி முட்டைகள் இருந்தால் போதும். அதுவும், அமெரிக்க இன கரப்பான் பூச்சிகளை தான் வளர்க்கின்றனர். இவை நீளமாக, பெரியதாக கரும்பழுப்பு நிறத்தில் இருக்கும்.

இதற்கு இறக்கைகள் உண்டு. இவற்றை கொல்லுவதும் எளிது என்கிறார் பூமிங். அப்படியே அள்ளி அல்லது வக்யூம் செய்து, கொதிக்கும் நீரில் போட்டு, வடகம் போல் காய வைத்து எடுத்து கொள்ள வேண்டும்.

கரப்பான் பூச்சி பண்ணையில் பெரிய அளவு இலாபம் பார்க்கலாம் என்பதே சீனாவில் பலருக்கும் தெரியாமல் இருந்தது. ஒரு முறை கோடிக்கணக்கான கரப்பான்கள், ஒரு பண்ணையில் இருந்து எஸ்கேப் ஆகிய பின்பு தான் மக்களுக்கே தெரியவந்தது.

இந்த பண்ணைகளை இரகசியமாக மக்கள் வசிக்கும் பகுதிகளிலிருந்து தொலைவில் வைக்கின்றனர். இப்போது, சீன தொலைக்காட்சிகளில் கரப்பான் பண்ணை வளர்ப்பு முறை பற்றிய விளம்பரங்கள் பிரபலமாக உள்ளன.

பசி, வறுமையை எளிதாக ஒழிக்க ஐ.நா சபை பல ஆண்டுகளாகவே பூச்சிகளை உணவாக உண்ண ஊக்கமளித்து வருகிறது.

பூச்சிகளில் புரதச்சத்தும் நார்ச்சத்தும் அதிகமாக உள்ளது. இவற்றை வளர்ப்பதும் சுலபம். பன்றி, கோழி, ஆட்டுப் பண்ணைகள் போன்று, சுற்றுப்புற சூழலை மாசுபடுத்தாது. மேலும், விலங்கினங்களின் கழிவுகளில் உண்டாகும் மீத்தேன் வாயு பூமியை வெப்பமாக்குகிறது.

தென் அமெரிக்கா, ஆசியா மற்றும் ஆப்ரிக்காவிலுள்ள, 200 கோடிக்கும் மேற்பட்ட மக்கள் கம்பளிப்புழு, வண்டு, தேள், வெட்டுக்கிளி, குளவி போன்ற பூச்சி, புழுக்களை விரும்பி உண்கின்றனர்.

சீனா மற்றும் தென்கொரியா பல்கலைகழகங்கள் கரப்பான் பூச்சியை வைத்து பலவித ஆராய்ச்சிகள் செய்து வருகின்றன. அணு கதிர்வீச்சை கூட தாங்கும் சக்தி உடையது கரப்பான் பூச்சி.

இவை மூலம் எய்ட்ஸ், கேன்சர் போன்ற நோய்களுக்கு மருந்து கண்டுபிடிக்கும் ஆராய்ச்சியில் ஈடுபட்டு உள்ளனர். லீ ஷீவான் என்ற 78 வயது சீன வைத்தியர் கரப்பான் பூச்சிகளை அரைத்து தன் வழுக்கை தலையில் தினமும் தேய்த்து கொண்டதால் முடி வளர்ந்ததாக கூறுகிறார்.

மேலும், முகம் பளபளப்பாக, இவற்றை அரைத்து முகத்தில் கூட பூசலாம்.

மனைவியின் ஆசையை நிறைவேற்ற 90 வயது முதியவர் மறுமணம்!!

marriageசவுதி அரேபியாவில் 90 வயது தந்தைக்கு அவரது பிள்ளைகள் மறுமணம் செய்து வைத்துள்ளனர்.

சவுதி அரேபியாவின் மேற்கு பகுதியில் வசிப்பவர் பதிஸ் அல் தகாபி. இவருக்கு 90 வயது. நீண்ட நாட்களாக நோய் வாய்ப்பட்டிருந்த இவரது மனைவி சமீபத்தில் காலமானார்.

அவர் உயிரோடு இருந்த போதே கணவனை இரண்டாவது திருமணம் செய்து கொள்ள வற்புறுத்தினார். ஆனால் தகாபி மறுத்து விட்டார்.

தகாபிக்கு ஏழு மகன்களும், ஐந்து மகள்களும் உள்ளனர். தாயின் ஆசையை நிறைவேற்றும் பொருட்டு, தந்தைக்கு இவர்கள் இரண்டாவது திருமணம் செய்து வைக்க முடிவு செய்தனர்.

இதற்காக குழந்தை இல்லாத 53 வயது விதவையை தேர்வு செய்து, தந்தைக்கு மணம் முடித்துள்ளனர். தந்தைக்கு திருமணம் செய்து வைத்ததன் மூலம் தாயின் கனவை நிறைவேற்றி விட்டதாக, ஐந்து மகள்களும் தெரிவித்துள்ளனர். இந்த திருமணத்தில், ஏராளமான உறவினர்கள் பங்கேற்றனர்.

1...4,4914,4924,493...4,739Page 4,492 of 4,739