வவுனியாவில்..

ஜனாதிபதித் தேர்தலுக்கான வாக்களிப்பு இன்றையதினம் இடம்பெற்று வாக்கு எண்ணும் பணிகள் வவுனியா மாவட்ட செயலகத்தில் இன்று (16.11.2019) மாலை 5.30 மணிமுதல் இடம்பெற்று வருகின்றது.

தேர்தல் கடமையில் 1000 க்கு மேற்பட்ட அரச ஊழியர்கள் ஈடுபடுத்தப்பட்டு வாக்கு எண்ணும் பணிகள் முன்னெடுக்கப்பட்டு வருகின்றன.

இந்நிலையில் கடமையில் ஈடுபட்டுள்ள ஊழியர்களுக்கு இரவு வழங்கப்பட்ட உணவு (கிழங்கு ரொட்டி) பழுதடைந்தமை தொடர்பில் வவுனியா மாவட்ட செயலகத்தில் கடமையில் ஈடுபட்டுள்ள நகரசபை பொது சுகாதார பரிசோதகர்களிடம் தெரிவிக்கப்பட்டது.

அதனையடுத்து ஊழியர்களுக்கு உணவிணை வழங்கும் வவுனியா பிரதேச செயலக சிற்றுண்டிச்சாலை மற்றும் வவுனியா மாவட்ட செயலக சிற்றுண்டிச்சாலை என்பவற்றினை நகரசபை பொது சுகாதார பரிசோதகர்கள் சோதனைக்குட்படுத்தினார்கள்.

குறித்த இரு சிற்றுண்டிச்சாலைகளினதும் உணவு தயாரிக்கும் இடம் சோதனைக்குட்படுத்தப்பட்டதுடன் உணவுகளின் தரம் பரிசோதிக்கப்பட்டது.

வவுனியா மாவட்ட செயலக சிற்றுண்டிச்சாலையின் உணவுகள் தரமான நிலையில் காணப்பட்டதுடன் உணவு தயாரிக்கும் இடமும் சுகாதாரமான முறையில் காணப்பட்டது.

அதன் பின்னர் வவுனியா பிரதேச செயலக சிற்றுண்டிச்சாலையினை சோதனைக்குட்படுத்திய சமயத்தில் சுகாதார சீர்கேடான முறையில் காணப்பட்டதுடன் கிழங்கு ரொட்டிக்கு வைக்கப்படும் கறியும் பழுதடைந்த நிலையில் காணப்பட்டது.

அதனையடுத்து குறித்த சிற்றுண்டிச்சாலையில் காணப்பட்ட கறி அனைத்தும் நகரசபை பொது சுகாதார பரிசோதகர்களின் கோரிக்கைக்கிணங்க குப்பையில் கொட்டப்பட்டது.

வவுனியா பிரதேச செயலக சிற்றுண்டிச்சாலையில் இன்றிரவு 841 கிழங்கு ரொட்டிகள் தயாரிக்கப்பட்டு ஊழியர்களுக்கு வழங்கப்பட்டுள்ளமை குறிப்பிடத்தக்கது.

அத்துடன் குறித்த சிற்றுண்டிச்சாலை தொடர்பில் மேலதிக விசாரணைகளை முன்னெடுக்கவுள்ளதாக நகரசபை பொது சுகாதார பரிசோதகர்கள் தெரிவித்தனர்.

இறம்பைக்குளம் மகளிர் கல்லூரி

வவுனியாவில் கடந்த 2019.11.13ம் திகதி அன்று டெங்கு அ பாயம் காரணமாக மூடப்பட்ட வவுனியா இறம்பைக்குளம் மகளிர் கல்லூரி எதிர்வரும் 18ம் திகதி மீண்டும் திறக்கப்படவுள்ளது. இவ்விடயம் தொடர்பாக மேலும் தெரியவருகையில்,

பாடசாலை வளாகத்தில் டெங்கு அ பாய நிலை காணப்படுவதனால் வவுனியா இறம்பைக்குளம் மகளிர் கல்லூரி மூடப்படுவதாக வவுனியா தெற்கு வலயகல்விப் பணிப்பாளர் முத்து இராதகிருஸ்ணன் தெரிவித்திருந்தார்.

குறித்த பாடசாலையில் சுகாதார பரிசோகத்தர்கள் மேற்கொண்ட சோ தனை நடவடிக்கையின் போது டெங்கு நுளம்புகள் கண்டுபிடிக்கப்பட்டன.

இதனையடுத்து உ டனடியாக பாடசாலையை சுத்தம் செய்யுமாறு சுகாதார பணிமனையினரால் குறித்த பாடசாலைக்கு கடிதம் அனுப்பப்பட்டு நேற்றைய தினம் பாடசாலை வளாகம் சுத்தம் செய்யப்பட்டுள்ளது.

அத்துடன் அருகில் அமைந்துள்ள பாடசாலையின் விடுதி வளாகத்தில் உள்ள அனைத்து இடங்களும் சுத்தம் செய்யப்பட்டுள்ளது.

இதனை உறுதிப்படுத்தும் விதமாக பிராந்திய சுகாதார சேவைகள் பணிமனை யினால் பாடசாலையை மீண்டும் திறப்பதற்கு பரிந்துரை செய்யப்பட்டுள்ளது. என்பது குறிப்பிடத்தக்கது.

அத்துடன் எதிர்வரும் திங்கட்கிழமை ஆசிரியர்கள் மற்றும் மாணவர்கள் பாடசாலைக்கு வருகைதருமாறு கல்லூரியின் அதிபர் அறிவித்துள்ளார்.

வாக்குப் பெட்டிகள்

வவுனியாவில் 142 வாக்களிப்பு நிலையங்களில் இன்று (16.11.2019) காலை 7.00 மணி தொடக்கம் மாலை 5.00 மணி வரை இடம்பெற்ற வாக்களிப்பின் பின் வாக்குப் பெட்டிகள் வவுனியா மாவட்ட செயலகத்திற்கு மாலை 6.00 மணி தொடக்கம் எடுத்து வரப்பட்டுக்கொண்டிருக்கின்றன.

வவுனியா மாவட்ட செயலகத்தின் பா துகாப்பு ப லப்படுத்தப்பட்டுள்ளதுடன் ஏ9 வீதி மாவட்ட செயலகத்திலிருந்து சுற்றுவட்டம் (வைத்தியசாலை முன்பாகவுள்ள) வரையான வீதியும் மூ டப்பட்டுள்ளது.

மாவட்ட செயலகத்தில் தற்போது நூறுக்கு மேற்பட்ட பொ லிஸார் பா துகாப்புப் பணியில் ஈடுபட்டுள்ளதுடன் தபால் மூல வாக்கு எண்ணும் பணி தற்போது ஆரம்பிக்கப்பட்டுள்ளது.

வாக்களிப்பு வீதம்

2019 ஆம் ஆண்டுக்கான ஜனாதிபதித் தேர்தலுக்கான வாக்களிப்பு இன்று காலை 7.00 மணிக்கு ஆரம்பமாகி 5.00 மணிவரை இடம்பெற்றது.

இலங்கையின் எட்டாவது ஜனாதிபதியை தெரிவு செய்யும் இலங்கை ஜனநாயக சோஷலிச குடியரசின் ஜனாதிபதி தேர்தலுக்கு இன்று காலை 7.00 மணி முதல் மாலை 5.00 மணி வரை வாக்களிக்க பொதுமக்களுக்கு சந்தர்ப்பம் வழங்கப்பட்டது.

இந் நிலையில் வன்னி தேர்தல் தொகுதியில் வவுனியா மாவட்டத்தில் இன்று (16.11.2019) காலை 7.00 மணி தொடக்கம் மாலை 5.00 மணி வரையிலான காலப்பகுதியில் 75.12 வீதமான வாக்குகள் பதிவு செய்யப்பட்டுள்ளதாக வவுனியா மாவட்ட அரசாங்க அதிபர் ஐ.எம்.ஹனீபா தெரிவித்துள்ளார்.

காலை 9.00 மணியளவில் 23 வீதமான வாக்குப்பதிவும், காலை 11.00 மணியளவில் 47 வீதமான வாக்குப்பதிவும், மதியம் 2.00 மணியளவில் 66 வீதமான வாக்குப்பதிவும், மாலை 3.30 மணியளவில் 70 வீதமான வாக்குப்பதிவும்,  மாலை 5.00 மணிக்கு 75.12 வீதமான வாக்குப்பதிவு பதிவாகியுள்ளது.

அத்துடன் வவுனியா மாவட்டத்தில் எவ்வித தேர்தல் வ ன்முறைகளும் இடம்பெறவில்லை என அரசாங்க அதிபர் மேலும் தெரிவித்தார். வவுனியாவில் தேர்தல் கடமைக்காக 2155 பா துகாப்புப் பிரிவினரும் 1728 அரச ஊழியர்கள் கடமையில் ஈடுபட்டுள்ளமை குறிப்பிடத்தக்கது.

வாக்களிப்பு நேரம்

இலங்கையின் எட்டாவது ஜனாதிபதியை தெரிவு செய்யும் இலங்கை ஜனநாயக சோஷலிச குடியரசின் ஜனாதிபதி தேர்தல் இன்று நடைபெற்றுவருகின்றது.

வாக்காளர்கள் இன்று (16.11.2019) காலை 7 மணி தொடக்கம் பிற்பகல் 5 மணிவரை வாக்களிக்க முடியுமென தேர்தல் திணைக்களத்தினால் தெரிவித்திருந்த போதிலும் வவுனியாவில் பிற்பகல் 4.00 மணியென அறிவித்தல் விடுக்கப்பட்டுள்ளது.

வவுனியாவில் அமைந்துள்ள பெரும்பாலான வாக்களிப்பு நிலையங்களில் வாக்கெடுப்பு நேரம் முற்பகல் 7.00 மணி முதல் பிற்பகல் 4.00 மணி வரை என அறிவித்தல் காட்சிப்படுத்தப்பட்டுள்ளது.

இதன் காரணமாக வாக்களிப்பு நேரம் குறித்து மக்கள் விசனம் தெரிவித்துள்ளனர். இவ்விடயம் தொடர்பில் வவுனியா மாவட்ட அரசாங்க அதிபர் ஐ.எம். ஹனீபாவிடம் வினவிய போது,

இவ்விடயம் தொடர்பில் தான் கவனம் செலுத்துவதாகவும் வாக்காளர்கள் மாலை 5.00 மணிவரை வாக்களிக்க முடியுமென தெரிவித்தார்.

வாக்குப்பதிவு

வன்னி தேர்தல் தொகுதியில் வவுனியா மாவட்டத்தில் இன்று (16.11.2019) காலை 7.00 மணி தொடக்கம் 12.00 மணிவரையிலான காலப்பகுதியில் 50வீதமான வாக்குகள் பதிவு செய்யப்பட்டுள்ளதாக வவுனியா மாவட்ட அரசாங்க அதிபர் ஐ.எம்.ஹனீபா தெரிவித்தார்.

வவுனியா மாவட்ட செயலகத்தில் இன்று மதியம் இடம்பெற்ற ஊடக சந்திப்பின் போது தெரிவித்தார்.

காலை 9.00 மணியளவில் 23வீதமான வாக்குப்பதிவும் , காலை 11.00 மணியளவில் 47வீதமான வாக்குப்பதிவும் மதியம் 12.00 மணியளவில் 50வீதமான வாக்கு பதிவும் வவுனியா மாவட்டத்தில் இடம்பெற்றுள்ளதாகவும்,

அத்துடன் இதுவரை எவ்வித தேர்தல் வ ன்முறைகளும் வவுனியா மாவட்டத்தில் இடம்பெறவில்லையென அரசாங்க அதிபர் மேலும் தெரிவித்தார்.

வவுனியாவில் தேர்தல் கடமைக்காக 2155 பா துகாப்புப் பிரிவினரும் 1728 அரச ஊழியர்களும் கடமையில் ஈடுபட்டுள்ளமை குறிப்பிடத்தக்கது.

வாக்களிப்பு

இலங்கையின் எட்டாவது ஜனாதிபதியை தேர்ந்தெடுக்கும் தேர்தல் இன்று (16.11.2019) நடைபெற்று வரும் நிலையில் வவுனியாவில் மக்கள் ஆர்வத்துடன் வாக்களித்து வருகின்றார்கள்.

குறிப்பாக கிராமப்புறங்களைச் சேர்ந்த மக்கள் அதிகாலையிலேயே ஆர்வத்துடன் சென்று வாக்களிப்பில் ஈடுபட்டு வருவதுடன் நகர்ப்புறங்களில் வாக்களிப்பானது மந்தகதியில் நடைபெற்று வருகின்றது.

குறிப்பாக வைரவப்புளியங்குளம், குருமன்காடு, மற்றும் வவுனியா நகர்ப்புறங்களில் அமைந்துள்ள சில வாக்களிப்பு நிலையங்கள் அதிகாலை தொடக்கம் மக்கள் மந்தகதியிலேயே வாக்களித்து வருகின்றனர்.

வவுனியாவில் 182 வாக்களிப்பு நிலையங்கள் நிறுவப்பட்டு முப்ப டையினர் உட்பட 2155 பாது காப்புப் ப டையினர் பா துகாப்பு நடவடிக்கையில் ஈடுபட்டு வருவதுடன் தேர்தல் கடமையில் 1728 அரச உத்தியோகத்தர்களும் பணியாற்றி வருகின்றனர்.

வவுனியாவில் இன்று காலை 7.00 மணிக்கு வாக்களிப்பு ஆரம்பமாகி அமைதியான முறையில் நடைபெற்று வருகின்றது.

வெளிநாட்டு மற்றும் உள்நாட்டு தேர்தல் க ண்காணிப்பாளர்களும் தேர்தல் கடமைகளில் ஈடுபட்டுள்ளனர்.

வவுனியாவில் மதியம் 12.00 மணிவரை எந்தவிதமான வ ன் முறைச் சம்பவங்களும் பதிவாகியிருக்கவில்லை என்பது குறிப்பிடத்தக்கது.

இதேவேளை வவுனியாவில் வாக்களிப்புக்கு சாதகமான காலநிலை காணப்படுகின்றமை குறிப்பிடத்தக்கது.

பிரச்சார அட்டைகள்

வவுனியா தமிழ் மத்திய மகா வித்தியாலயத்திற்கு (வாக்கு சாவடி அமைந்துள்ள பாடசாலை) அருகே வீதியில் விசப்பட்டு கிடந்த தேர்தல் பிரச்சார அட்டைகளை பொலிஸார் சுத்தம் செய்தனர்.

குறித்த வாக்கு சாவடிக்கு அருகே வீதியில் பிரதான ஜனாதிபதி வேட்பாளர் ஒருவரின் பிரச்சார அட்டைகள் (வாக்களிப்பு தொடர்பான) வீசப்பட்டு கிடந்தன.

இதனையடுத்து அவ்விடத்திற்கு விரைந்த தேர்தல் கண்காணிப்பு நடவடிக்கையில் ஈடுபட்டிருந்த பொலிஸார் விசேட அதிரடிப்படையினருடன் இணைந்து வீதியில் விசப்பட்டு கிடந்த பிரச்சார அட்டைகளை எடுத்துச் சென்றனர்.

வாக்குப்பதிவு

2019 ஆம் ஆண்டுக்கான ஜனாதிபதித் தேர்தலுக்கான வாக்களிப்பு இன்று (16.11) காலை 7.00 மணியளவில் ஆரம்பமாகியுள்ளது.

இலங்கையின் எட்டாவது ஜனாதிபதியை தெரிவு செய்யும் இலங்கை ஜனநாயக சோஷலிச குடியரசின் ஜனாதிபதி தேர்தலுக்கு இன்று காலை 7 மணி முதல் மாலை 5 மணி வரை வாக்களிக்க பொதுமக்களுக்கு சந்தர்ப்பம் வழங்கப்பட்டுள்ளது.

இந் நிலையில் வவுனியாவில் வாக்களிப்பு சாவடிகளில் காலை 7.00 மணி தொடக்கம் 8.00 மணி வரையிலான காலப்பகுதியில் மாத்திரம் அதிகளவான மக்கள் தங்களது வாக்குப்பதிவினை மேற்கொண்டிருந்தனர்.

குறிப்பாக நெளுக்குளம், இராசேந்திரகுளம், பண்டாரிகுளம், கூமாங்குளம் மற்றும் வவுனியா நகரிலுள்ள வாக்குச்சாவடிகளில் காலையில் மக்கள் அதிகளவில் வாக்களிப்பதினை அவதானிக்க முடிந்தது.

அத்துடன் பொலிஸார் வாகனங்களில் ரோந்து நடவடிக்கையில் ஈடுபட்டுள்ளதுடன் தேர்தல் கண்காணிப்பாளர்களும் கண்காணிப்பு கடமையில் ஈடுபட்டுக்கொண்டிருக்கின்றனர்.